倫哥火鍋私房菜 (已結業)

媽媽好耐之前就聽人講元朗嘅雞煲好出名，唔止香味濃，連d雞炒出黎都好滑。原本已經一直想帶媽媽試下元朗嘅雞煲，但係又唔知邊間好食，直到有一日朋友send左張宣傳單張黎，上面寫住「倫哥私房菜－任食海鮮火鍋」，任食仲包埋一個雞煲，刺身拼盤，老火湯同埋甜品等等。一個價錢就食到甘多野，朋友又話自己食過都覺得幾好食，推介俾我，於是我就早左成四、五日book枱（一定要早幾日預訂左先可以食架，平日都好多人食！）個日去到果然名不虛傳，未到7點已經差唔多滿座，侍應態度好好，一黎到就幫我地落好哂order，又好貼心問我地有咩需要～一開始就食左個刺身拼盤（有三文魚，帶子，甜蝦等等），唔會因為係主推雞煲／邊爐就令刺身嘅質素差左。反而，刺身嘅味道其實比起一般日式放題更加厚肉同鮮甜，令人有驚喜～之後就到等左期待左好耐個雞煲啦（因為好少食雞煲，唔知要煮幾耐），服務員都好主動黎幫我地炒雞同埋校番煲嘅溫度。一打開蓋，雞煲嘅味就衝哂入鼻度，連阿媽聞到都話夠火候～雞煲嘅配料十足，香料都入哂雞肉入面，令d雞食落又香又滑！加埋少少魷魚落去炒黎食原來都別有一番風味。（雞煲真係足料到未食其他野都飽飽xd）食完雞煲之後店家好貼心甘送上左

本身買咗團購諗住慶祝生日，九時半入座，但九點十分到達時並沒有地方可以等待，只可以在門口站立。九時半坐下後，立即嚟咗碟刺身，算新鮮，但之後就等到2200 都未嚟下道菜，要我自己問侍應，侍應先問我：「食咗啲咩？」，呢個時候佢先醒起要上下道菜，即係雞煲。2205 終於有雞煲食，然而仍然係要等佢熱先食得。2210 侍應嚟炒咗一次之後，佢拎起個蓋話：｢食得喇。｣點知一擺落後，凍嘅，係熟嘅雞但係凍嘅，呢個時候先知佢哋係煲熟再喺檯面炒。都唔緊要，再等一陣，自己再炒啦，反正見佢哋好明顯人手不足，樓面得4~5 個，有一個仲兼任收銀，而廚房仲得1 個人。。。。。喺我炒緊啲雞嘅時候，其中一個侍應就走埋嚟，語帶怪責：「你唔好咁心急啦！你要聽我指示！你心急就無得食呀？？？」然後心裡十萬個黑人問號，我2130 嚟到，而家2220 都仲未食得，見你唔夠人，咪自己嚟囉，點知仲要畀你話？況且你由頭到尾都無講過個食法同流程，問你攞隻杯都要問 4 次，其實想點呢？好喇，食完雞煲，最後就問我哋食唔食甜品，我哋就話食啦，點知連甜品都等20.分鐘先到，期間催過一次就得知廚房得一個人！甜品嚟到又唔係熱，只係微暖又唔好食！都算啦，埋

和媽媽星期日晚吃晚飯，早一星期前就預約了這間倫哥私房菜，齊齊吃到飽。先來兩份前菜接著是刺身併盤，刺身都很鮮味。飲品是汽水及韓式飲料海底椰燉雞湯用料新鮮，不含味精，非常鮮甜。BB辣雞煲辣度剛剛好，雞肉嫩滑很惹味，雞肉可以無限添加，喜愛雞煲的絕不能錯過。吃完雞煲開始打邊爐，湯底是時令水果鍋，清熱解暑，促進食慾。火鍋料有很多款式，最吸睛的是牛里脊和海鮮併盤。前者有牛肉味濃，肉質鬆化。後者款式多元化，有蟹，鮑魚及蟶子。最後甜品是燕窩燉奶，我和媽媽都吃得很滿足。

朋友介紹倫哥私房菜 剛巧今晚男友在元朗打波無理由咁近都唔去食卦 立即gogogo好快就有位 一坐落店員就先送上兩碟前菜麻辣雲耳同四季豆 微微嘅辣好醒胃食完前菜 店員就送上火候十足嘅燉湯重有新鮮嘅刺身 厚切嘅三文魚 個人黎講十分欣賞帶子同埋北寄貝都好鮮甜之後雞煲上場 味道十足 雞肉都算嫩滑最後主角上場 生果火鍋湯底 少不了期待以久嘅海鮮拼盤 有蝦 蟹 帶子 象拔蚌 蟶子同埋石班塊 十分新鮮重有大大碟牛頸脊 牛味十足 入口嫩滑最尾重有甜品-360牛乳燉鮮奶 完全大滿足

第一次食倫哥係同一大班朋友慶生，印象唔錯，今晚帶媽媽黎到元朗分店豐盛一下肚腩仔。首先上前菜，有涼拌雲耳、蒜蓉炒豆角，十分開胃。設有飲品雪櫃任飲，我地簡左最健康既五花茶。然後到主角雞煲，簡左BB辣，照餐紙上介紹兩分鐘攪一攪，攪夠四次就食得，雞肉熟度剛好十分嫩滑，秘製醬非常入味，最後加埋啲豬皮、魷魚、牛柏葉吸哂D味，正。 食完雞煲就送上自家制冰粉，晶瑩剔透、甜度適中，仲可以解辣。刺身應有盡有，尚算新鮮。我地簡左時令水果鍋，內有哈蜜瓜、西瓜、木瓜、粟米等，甜中帶鹹，竟然幾夾仲好鮮甜，第一次食熟左哈蜜瓜、西瓜，好特別，口感似冬瓜。海鮮盤有蟹、蟶子、蝦、帶子、蚌、蜆、龍躉片、脆肉鯇、魷魚等，整體新鮮，鮮甜十足。當中最愛吃食蝦，又大隻又無比鮮甜。手切牛頸脊，牛味唔算重，但勝在有咬口又新鮮。手打墨魚滑、蝦滑，都好彈牙，又有大量魚肉蝦肉，兩者都好味，不相伯仲。然後仲有好多配料，貢丸、沙拉醬丸、魚蛋、麻薯丸、水餃、雲吞、韭菜餃、響鈴同炸魚皮。蔬菜籃有唐生菜、油麥菜、娃娃菜、海鮮菇等，翠綠新鮮。 最後仲有3.6牛乳的燕窩燉奶，微甜、暖笠笠，好味。今餐真係好豐富，雖然仲有得任叫，但因為本身份量已太多，所以無

一早久仰大名左倫哥好耐🙈適逢生日，男朋友就帶左我嚟試試佢😋建議嚟之前一定要book位！因為真係好full，walk-in可能就要等下啦🤭嚟度記得睇一睇倫哥教落既4步曲先😂先嚟一碗足料椰子雞湯 睇落好似好油但證明係足料😂真係雞油嚟 有住家老火湯味道 重點無味精因為得2個人所以刺身唔會好大盤 但食落係好凍好新鮮 三文魚好肥美 值得講係帶子😍好大粒好正第3部曲係食雞煲叫左小辣，要keep住攪攪佢，如果唔係就會好似我地啲雞咁燶哂😂雖然係咁，但所有雞件都入哂味，啲員工仲會不定時過嚟幫您攪！幾好服務終於到重頭戲海鮮火鍋，除左有部分海鮮唔可以加之外，其他都係任食😋唔知係咪我廢，我食完前面果d之後，已經5成飽左😂最後係食哂呢round但已經飽到加唔到單！好full好滿足👍🏻

倫哥火鍋私房菜一點也不陌生，現在發現倫哥火鍋私房菜已經加盟了元朗，所以懷着滿心歡喜嘅心情去品嚐一下。由於以前已經在其他分店嘗試過所以對於這類的點菜方式也是比較熟悉!在之前已經一早訂了位置，一早就來到這裏。餐廳面積不算很大但座位尚算坐得舒服。我們點算了$318的任食海鮮火鍋套餐。食物的種類可以算是包羅萬有，飲品櫃的飲品都是無限任飲，種類頗多！海底椰燉雞湯，熱辣辣仲送上，而且鮮甜味濃，非常足料，自己煲到無咁有火喉黑糖涼粉，甜度剛好，唔會太甜， 正好為炎炎夏日消消暑首先我們的第一道菜便是無限任食雞煲值得一讚，這裏的雞煲非常嫰滑，點了少辣雞煲，麻而不辣。之後便是刺身拼盤，刺身非常新鮮而且好足料， 大大隻牡丹蝦勁鮮， 仲有三文魚腩非常肥未食完雞煲之後立即就換上火鍋時間呢度嘅火鍋湯底感覺非常足料， 打邊爐最緊要湯底夠濃。限定嘅招牌牛頸脊， 肉質超鮮嫩， 牛肉味非常重! 食落嘅口感完全冇得挑剔海鮮拼盤包羅萬有，有貴妃蚌， 聖子皇 ，鮑魚和大蝦等等 。 尺寸超大並唔係細細隻嗰種， 真係淨係食海鮮都夠食得好飽!其他配菜如蔬菜，丸類及水餃類都係任食! 非常值得一讚呢度嘅水餃，足料好味， 真係估唔到呢度會食

去得倫哥，一定係掛住佢個任食雞煲...仲有佢個肥瘦均勻，肉質嫩滑，香濃牛味嘅牛頸脊～新鮮刺身當然唔少得啦...差啲都唔記得佢仲有個燉湯，超足料又窩心嘅燉湯...頭盤小食，不在話下...魚蛋、餃子、魚皮、響鈴等任添，但係未添已經好飽...服務一流，職員不停嚟為我哋服務，見到佢哋同好多枱客都有講有笑～溫泉雞煱... 咩嚟㗎？原來係椰子燉雞配冬瓜盅... 造型似浸溫泉♨睇吓啲蝦同牛肉幾嘆～️🤣仲有軟軟嘅椰子肉係湯底入邊啊～😍海鮮盤𥚃有鮑魚、蝦、蟹、象拔蚌、蜆、仲竟然俾我響嗰幾件魚堆𥚃發現有龍躉，厚厚龍躉皮好夠膠質～任飲可口可樂、各式氣水、Jolly Shandy、Lotte 氣水... 超多款～間場有清涼黑糖冰粉，完場前仲有燕窩燉奶，大大滿足～🤣

火鍋vip房外冇冷氣，熱到死死下。 食食下枱面有細曱甴仔走出嚟。 通風系統 極差，一路食一路打乞嚏。 三百幾蚊一個 要客人自己執枱 幫手收拾檯面碗筷及廚餘。 叫客人將所有垃圾倒咗食用 爐具內 衛生 環境差， 洗手間 污糟邋遢。 優點係雞煲味道唔錯蛋糕唔收切餅費。 雖然如此下次一定 不會 幫襯

同事介紹我地黎呢度食秘製特色雞煲，佢推介呢份海鮮火鍋套餐，有非常多類型既食物，逐一介紹。先黎刺身拼盤: 三文魚刺身、帆立貝刺身、特大蝦刺身等，刺身夠新鮮令我愛不釋手。跟住係人頭燉雞湯，非常入味，係老火雞湯夠足料。主角雞煲黎啦，叫左bb辣，雞仲係任食添，雞肉非常滑，味道仲好惹味，因為有花椒，食落真係夠晒色香味。店員介紹倒埋魷魚同牛柏葉落去雞煲度，味道真係非常夾，因為好快入味。將雞精華索晒入魷魚度簡直一流。打完雞煲仲可以打邊爐，海鮮拼盤包括原隻鮑魚,蟶子,蚌仔,大蝦，食材好新鮮，同時令水果鍋好夾。仲有牛頸脊，雪花平均，肉質爽滑好好食。其他任食配料有海蝦,魷魚,鯇魚,蝦滑,墨魚滑,雲吞水餃,響鈴,魚皮,蔬菜,真係多選擇到不得了。仲有手打蝦滑同墨魚滑，口感夠滑，肉質結實，味道鮮甜，感覺真係無得輸。最後甜點仲有椰汁燕窩，同白涼粉，兩份都令人滿意。其中白涼粉較特別，肉質夠爽，仲有黑糖，係好食又有益，不可多得。

有時諗唔到食咩，就搵啲自助餐，任飲任食火鍋之類，起碼唔使煩就唔用人嘅口味呀！呢間倫哥第一次黎，好少有任飲任食火鍋冇限時啊！ 啱哂一大班 Frien 傾計慢慢食！而且呢到唔同其他餐廳，唔太大烏煙瘴氣，食完唔會成身臭呀！話返野食，呢到雞煲算OK，啖啖肉，又滑口，不過就有啲咸，可能我地焗得太耐啦！而唔食得辣嘅我地，叫咗小辣，都接受到，值得一試！不過，呢到服務員好好！至於刺身，最正係三文魚刺身，新鮮、油脂比例平均，彈牙又滑口，正！另外，值得一讚就是海鮮拼盤，部分海鮮仲要任食！魚片超新鮮又爽口，係暫時食過咁多間火鍋最新鮮又有啲魚味既餐廳！唔錯，Keep it up! 埋單每位大概三百蚊，算可以接受呀！

今日去元朗 探女朋友嘅daddy媽咪 就去咗倫哥私房菜度食晚飯 入到去見到有個尚品無限時任食海鮮火鍋都幾抵 只係318蚊一位 材料有聖子 沙井蠔 鴛鴦海蝦 龍躉片 脆肉鯇魚 刀貝同鑽石蜆 材料豐富 而且食落好新鮮 鮮甜可口加埋一個牛肉拼盤同埋 任食嘅雞煲簡直係數一數二咁抵食呀 店員好貼心咁樣奉上一個雞煲 入面係一隻雞嚟嘅 而且香料好豐富非常之香口 每20秒炒一炒 炒到熟就可以食啦 食落去口感非常之正 雞肉嫩滑而且有少少辣味 我十分喜歡 總共食咗三隻雞之後就有一個刺身拼盤 有三文魚北寄貝八爪魚帶子同埋珍寶甜蝦 全部嘅材料都好新鮮 好足海鮮味 而且味道甜美再跟住就有一個清燉雞湯 雞湯竟然唔肥 但係雞味濃郁 個湯好清潤滋補 值得一讚 之後就會有一個牛肉拼盤 大家可以睇到牛肉嘅脂肪分佈均勻非常之均勻跟住就有一個墨魚滑同埋蝦滑 全部都係非常之用料十足 墨魚味道非常之正 比起蝦滑更加好食最後就有一道甜品 就係燕窩燉蛋白 真係世界級嘅享受唔過甜得嚟又清潤 正呀

倫哥私房菜係出名一直都想黎食，有雞煲有刺身有熟食又有得打邊爐又有甜品.....不知道味道如何，但聽到都覺得超值，今日帶亞媽同亞妹黎食，佢哋已經興奮無比刺身有一盤三文魚帶子，赤蝦，北寄貝，八爪魚👍🏻件件厚切又新鮮，帶子好鮮甜雞煲黎了！等一陣夠鍾就可以開蓋食！雞煲入面得一隻大雞食完之後仲有海鮮拼盤，諗到都流口水🤤雞超大又入味，不過未算香口惹味有海底椰椰子煲雞，此湯水有很清香的椰子味道，加上雞湯味道配合，湯水很滋潤，不過雞油多左右😉黑糖冰涼粉，正，天氣咁鬼熱，食個又甜又冰嘅涼粉超爽👍🏻不過食物次序不是順序😂到左打邊爐材料海鮮盤有蝦、魷魚、蛽、聖子、蟹、鮑魚、帶子....淥落個湯底度非常鮮甜，鮑魚大隻新鮮，阿妹睇到個海鮮盤即刻狂影相女人至鍾意雜菜籃，拼盤丸就冇咩特別，普通街市貨式，不過手打雙滑又黑又白彈牙鮮味又充滿新鮮感，掛住食無影相整體來講係抵食，而且坐得舒服服務姐姐態度豪爽熱情👍🏻

一大班朋友相約聚會，又要夾時間，又要夾食咩菜式，又要不限時間，十分難諗即是上網做下功課，搵到一間私房菜，可以満足大家要求-倫哥火鍋私房菜店員即時送上麻辣雲耳及四季豆，作為前菜蟲草花燉烏雞湯，湯鮮甜美味，可以滋補下魚生拼盤賣相唔錯，顏色鮮豔，有三文魚、北寄貝、魷魚、帶子及甜蝦，十分豐富各款魚生新鮮，尤其甜蝦，鮮甜爽口一打開蓋，香味飄出，雞肉滑溜多汁，配菜洋蔥吸收哂醬汁，十分惹味時令水果龍蝦鍋湯底清甜，龍蝦都幾大隻，肉質彈牙主角出場，海鮮有蟶子、貴妃蚌、越南蜆、鮑魚........等，見到都開心， 其中某部份海鮮可以添加海鮮新鮮，鮮甜美味，唔需要蘸任何醬汁,原汁原味牛頸脊，油脂分佈平均，牛味濃郁，幼嫩

倫哥抵食不用多說了，未打邊爐前先一人一盅雞湯，非常足料，飲住湯已經黎啲小吃，有涼拌木耳同青瓜全部都唔馬虎跟住再黎大大份刺身，有三文魚、有蝦、有帶子！好新鮮！之後就試雞煲，仲送一份豬皮魷魚牛柏葉，雞煲要左小辣，夠香夠麻，仲要任食8個人食左4煲最後到主角八人份量，有龍蝦、有帶子、鮑魚、帶子。。。 有啲仲要係任食，另外雲吞蝦滑墨魚滑等等都係任食，海鮮超級新鮮！不過湯底選擇比較少，今次介紹有水果湯底，係士多啤梨同西瓜，聽落好新奇，不過拾下拾下都唔覺有咩味，大家都掛住食海鮮。最後仲要有甜品！真係超級抵食