你妳 (運通洋樓) (已結業)

太掛住台灣想食台灣野，去開荃灣站附近話試下呢間蜂蜜綠茶少甜重點想試下大熱芋泥吐司，這個芋泥肉鬆涵都唔差～燙青菜加魯肉汁左：一口鹽酥雞拼甜不辣（下午茶跟餐）右：炸澎湖花枝丸三樣都新鮮炸熱辣辣上枱，我同朋友都覺得甜不辣同花枝丸有驚喜！炸花枝丸的確值得一試～❣️❣️台灣牛肉湯麵未算十分驚喜但算不錯～牛肉麵湯頭濃郁牛肉軟淋都有幾件下午茶餐來説好滿足了總括來説，炸物最驚喜，其他都不錯，想起台灣食品可來一試！！

因為太耐冇去台灣嘅關係好掛住台灣嘅小食，今日去開荃灣，當然就搵吓台灣嘢食啦，依間荃灣嘅台灣店絕對係近期網紅之選！本身想試下草莓吐司，不過今日無哂啦， 所以叫左肉鬆芋泥吐司同芋見紫薯吐司。佢哋嘅吐司大大件， 食一件都好夠飽！肉鬆芋泥吐司肉鬆同芋頭泥比例啱啱好，食落去香脆又好味！ 芋見紫薯吐司一打開就見到超級多嘅芋頭泥同紫薯泥，鍾意食紫薯香芋嘅朋友絕對唔可以放過！ 夜市鹽酥拼盤拼盤有鹽酥雞，甜不辣同埋炒青豆，大大份超低食，一次過食哂4 樣台灣小食～ 炭燒烏龍珍珠奶茶烏龍嘅茶底啱啱好而且佢哋嘅珍珠唔會太硬又唔會軟淋淋！ 仲要可以轉無糖， 健康D ! 高雄紅茶珍珠奶茶紅茶味十足加埋珍珠都係唔錯嘅選擇～

平時好少行轉角位 今日兜一兜先發現開咗一間台式餐廳 見到佢個招牌係有個少女拎住吐司食緊畫得超靚 於是就試吓佢啲嘢食啦六點後外賣自取有折扣優惠 好抵食Menu亦都好靚 有齊甜品 台式飲品 吐司 主食 小食我就買左外賣返屋企慢慢品嘗夜市鹽酥拼盤入面有鹽酥雞 甜不辣 花枝丸 四季豆雞炸得香脆鬆軟 無骨 一口一舊好有夜市特色最鍾意甜不辣 煙煙韌韌咁 四季豆好有驚喜 原來咁樣酥炸 唔會油 咸咸地咁 好惹味花枝丸係靚野 丸入面有墨魚粒藥饍排骨湯麵有杞子紅棗係入面 有藥味但又唔會濃到苦餐廳好細心咁分湯 外賣都唔會淋非常足料 有三舊大排骨流心蛋做得非常好 個蛋黃朗下朗下咁手工麵條有咬口又掛湯跟餐配冬瓜茶 清清甜甜 好解渴另外叫左百香果烏龍茶 茶味濃 百香果少甜 鍾意茶味既會覺得配烏龍好match魯肉飯 佢係加左豆卜 豆卜吸晒啲汁 好入味 而個汁啱啱好 唔咸亦夠惹味 佢放左好多汁 夠撈晒個飯 飯唔會過濕 最後叫左黑糖甜湯作結入面有小丸子 芋圓 紅豆 包餡芋圓初時仲擔心會好甜 但飲落又啱啱好而且暖暖地 好暖胃 有唔同質感既料咬下最鍾意佢既芋圓 地瓜芋圓真係有地瓜味咁而且size有手指公咁大 好有咬口壓軸出

又係時間要諗吓今晚外賣買乜嘢啦。你妳主打手作芋泥，夜晚未夠七點已經有唔少人嚟幫襯買外賣。入面嘅裝修都唔差，可惜今晚無緣喺呢度食。肉鬆芋泥吐司塊toast夠脆身，肉鬆香口，估唔到同微甜嘅芋泥都幾夾，同埋塊toast用紙包住，食嗰陣夠晒方便。台式滷水雞扒滷肉飯滷水雞扒夠哂入味，滷肉飯唔會太過鹹同肥膩，配埋半隻溏心蛋，成個便當唔錯。香芋蝦餅蝦餅夠香口，帶有淡淡嘅香芋味，咁樣嘅蝦餅幾特別。古早味炸雞卷雞卷嘅皮炸得夠香脆，雞肉亦唔會太乾身，啱晒我依啲鍾意食香口野嘅人。已經好耐冇去過台灣lu，耐唔耐可以食返啲好食嘅台灣菜已經幾滿足。

曾經係香港人最愛嘅台灣，因為一個疫情，大家好耐都冇得再去。鍾意台灣除左因為機程近，最重要嘅係多嘢食😛佢嘅滷肉飯、香腸、鹽酥雞... 每次去都必點 ，好彩香港都係一個國際化城市，唔同菜式都可以搵得到，就算係一個小社區，都同時存在唔同國家嘅美食。星期五嘅放工，去咗路德圍附近買外賣返屋企，揀咗呢間台式食店，見到個門口個牌寫住抗疫便當$65仲有兩款，經濟又抵食！另外，麵包控當然會試下佢哋嘅紫薯肉鬆多士，再買咗一個炸物拼盤。最欣賞佢嘅多士紫薯有味道得黎唔會好甜，甜配鹹嘅肉鬆，唔會覺得好突兀👍佢嘅抗疫便當雖然只係$65，但係望落好精美，兩個便當都夠三個人食，用紙盒裝溫度夠熱，同時亦都唔會焗到炸物淋曬。鹽酥拼盤啱曬心大心細嘅我四款炸物組成，甜不辣係我最鍾意嘅一樣，口感煙韌，味道又好似魚餅。炸物粉漿唔會好厚，調味適中。雖然晚市禁堂食，但係外賣嘅時候都感受到店員嘅親切熱情同埋禮貌。夜晚好多人都喺度買芋圓做甜品，下次一定會再試❤️

Always craving for Taiwanese food😍無啦啦講英文咁浮誇當然唔係我嘅作風係朋友suggest黎既～果然帶令我disappointed ar ha台灣菜當然唔少得炸物鹽酥雞拼炸甜不辣～呢個係跟牛肉麵既所有炸物既炸漿都好薄身完全冇淨係食緊炸粉嘅感覺牛肉炆到好淋好入味仲有半隻滷水蛋真係啱晒我心意鹽酥花枝丸拼炸蝦卷肉燥飯鹽酥花枝丸好彈牙，炸蝦卷應該有少少馬蹄好爽口最正係呢個勁igable既芋見紫薯吐司外層好酥脆～裏面睇見都知爆餡啦

之前看到朋友有份三文治好吸睛，細問之下原來是在荃灣的一間小店，今日就和喜歡吃芋頭的朋友一起買外賣回家吃。門口已寫下今日有邊款吐司十分清楚，我們叫了一個咸和一個甜的吐司一起吃，一開袋見到勁多料，肉鬆芋泥吐司的肉鬆味好香又濃，芋泥好滑身，麵包都有烤過少脆口，而芋見紫薯吐司，可以吃到濃濃又滑的芋頭和紫薯味不錯。喜歡吃芋頭的我們看到飲品有芋頭牛奶當然試啦，手作紫芋牛奶原來可以跟餐，只需$12就可以叫一杯好抵飲，不太甜，牛奶味保持到之餘紫芋味都幾特出。 台式滷水雞扒可選飯或麵，我就要了乾拌麵，醬汁微辣，麵份量真的不少十分飽肚，雞厚身，剛整好十分新鮮。小吃涼拌青瓜絲，夠新鮮帶微辣幾開胃。甜品我和朋友叫了一個，仙草3號入面有不少料，三色芋圓，包餡芋圓，布丁，水晶，價錢$46咁有份量十足，2人吃剛剛好。

黎開荃灣做完野，特登行過黎買埋夜晚果餐番屋企食，有一段時間冇食都想食了。原來外賣做緊滿$200 8折優惠。台灣牛肉湯麵 $72手工製麵條彈牙，湯分開裝，都有4-5舊牛腩，煮到好入味，半隻流心蛋都好正。大魯肉飯 $39魯肉份量多，都有半隻蛋，開胃到好快KO一碗。夜市鹽酥拼盤 $86拎番屋企有d林左，不過冇可避免，拼盤有4款特色台灣小食，真係夜市既代表物。最中意既係花枝丸同甜不辣。紫薯泥肉鬆吐司 $45今次終於試到，上次夜晚黎食賣晒，有d心掛掛。賣相吸引，芋泥同肉鬆都係我至愛，咪睇少，相當飽肚。仙草3號 $46飯後甜品第二個肚係無講錯，女人最常掛起口邊既一句。有三色芋圓、布丁、包心芋圓、仙草等配料，不過黑糖水略甜，整體唔錯。仙草2號 $462號哩款主打丸子同紅豆，大大碗我覺得係二人份量咁多。

經過路德圍本身諗著食豆腐花，點知要排成半個鐘😞搵左附近呢間台灣餐廳買外賣，餐廳主打芋泥吐司，另外餐牌種類繁多，包括：小食、飯麵類、仙草芋圓、每日限量芋泥吐司....▪️肉鬆芋泥吐司$40吐司每日新鮮製作，鹹鹹地帶點清甜芋泥味，主要係用慢火蒸煮熟芋頭，再整成蓉，麵包皮加上牛油再烤到脆一脆😋 因為外賣拎返屋企凍左少少 我擺返入集炸鍋3分鐘就脆卜卜🙈.▪️一口鹽酥雞$45鹽酥雞好有台灣風味，本身椒鹽味好重但又唔會過咸，連埋有個微酸辣既醬料幾夾☺️ .▪️古早味炸雞卷$45 and 台南鮮蝦卷$45炸雞卷同鮮蝦卷都發揮到正常水準，主要係鮮蝦卷好有台灣feel，外皮脆脆的，蝦味好重，份量都有大約10件左右👍🏻.▪️仙草2號（三色芋圓、包餡芋圓、小丸子、紅豆）$46如果講芋泥吐司🍞係鎮店之寶，我反而更欣賞呢個芋圓🙈🙈首先個三色芋圓係有9粒，3種口味都好有地瓜 芋頭 同紫薯味道 ，唔會得堆粉咁，之後個包心芋圓好特別 平時好少食得到，加埋紅豆仙草又唔會過甜，誠意之選👍🏻.▪️ 台式滷水雞扒便當 $65最後叫左個抗疫便當好抵食，$65就有滷水雞扒乾拌麵配花枝丸、青瓜沙律、溏心蛋同凍蜂蜜綠茶，乾拌麵好食😋粗幼岩岩好有

台式美食永遠百吃不厭，依家無得去台灣旅行，就更加想「望梅止渴」；難得找到地道的你妳，雖然疫情下，繁忙時間仍要排隊入座，不過仍提供外賣折扣優惠，當然要買返屋企品嚐品嚐! 芋見紫薯吐司法 $45台灣人氣的手作芋泥吐司係你妳可以食到，厚厚的餡料，輕輕一啖，已經滿口軟軟糯糯，細膩濃稠的紫薯芋泥。特惠的抗疫外賣便當，點了台式滷水大雞扒便當A $65，套餐包括主食的台式滷水大雞扒，小食的炸花枝丸、半隻糖心蛋伴青瓜沙律，還有乾拌麵或魯肉飯可選，而且還有二選一飲品，剛好有個人喜愛的蜂蜜綠茶呢~ 便當很抵食，糖心蛋水凝的糖心入口即融，花枝丸彈牙爽滑，配合肉嫩雞扒和香辣惹味的台式乾拌麵，超豐富的外賣餐盒呢~自選午餐 $$75外賣午餐點了魯肉飯、台式蝦卷拼炸澎湖花枝丸，另加錢轉了推介的飲品—高雄紅茶牛奶珍珠 +$8混合魯肉的珍珠飯，香味撲鼻，蝦卷爽口，花枝丸彈牙；香濃紅茶牛奶，粒粒珍珠好咬感，yummy yummy!**不過台式食物相對油膩，是很邪惡的一頓午餐啊!

今日出左荃灣做嘢見呢間台式嘢都幾多人排隊等外賣咁就試吓佢啦見到佢外賣滿$100有九折$200有八折好抵呢個係肉鬆芋泥吐司 有2件超多餡入面啲肉鬆同芋泥爆曬出嚟大大碗肉燥飯 肉燥好足料味道啱啱好唔會太鹹亦都唔會太淡再加埋隻流心蛋 流心蛋我比滿分好好味藥膳排骨湯麵冇影到啲排骨有四舊大大嚿全部好淋好易咬口藥膳味亦都啱啱好唔會好重好假檸檬風味烤雞鎚 唔錯唔錯香芋蝦餅 芋頭岩岩好 食完都唔會太濟仲有啲蝦嘅香味最後就係呢個仙草3號超多配料啲芋圓勁大粒好好咬口呢個晚餐真係好豐富 兩個埋單都係二百幾蚊 抵👍🏻

【人氣台灣小店😋】呢排經開荃灣條食街，都會見到呢間台灣小店排曬長龍，搞到我好想試，終於今次食到！之前睇過網上食評，見到炸物好吸引，所以叫咗個夜市鹽酥拼盤($86)。拼盤包含鹽酥雞、甜不辣、花枝丸同四季豆。最最最好食係個炸花枝丸，香口彈牙又夠熱辣辣，份量亦很足，無令我失望！另外叫咗個套餐，台灣牛肉湯麵($72)，係手工麵條嚟，牛肉似係牛腩好大舊好淋。如果d湯再熱d濃d就更好～套餐餐飲+$8可以升級台式特飲，我揀咗碳焙烏龍珍珠奶茶，少甜少冰，好味！🤤最後見隔離枱個芋泥吐司脹卜卜好正，忍唔住再加咗個芋見紫薯吐司($45)，吐司微熱加上爆饀芋泥紫薯蓉，超級滿足，又唔會好甜🥴🥴埋單發現原來唔洗加一，職員態度親切有禮，食物質素不錯，下次會再食🥳🍴

荃灣呢間小店開咗無耐網上略有人氣黑洞上星期去開荃灣一戰餐牌食物款式都多 鹹甜主食小食全部有齊-肉鬆芋泥吐司（ $40）一見到肉鬆x芋泥呢個組合即試吐司即整好脆口芋泥軟綿 甜度天然完全唔怕會甜膩不過貪心仔黑洞想肉鬆再多啲就perfect池-台灣牛肉湯麵（$72 ）湯底濃郁 麵條吸收晒湯汁精華牛肉大大嚿 肉質嫩冧-士林香腸滷肉飯（$74 ）估唔到足足有兩份香腸 好豐富滷肉飯唔係平時微甜個種反而鹹味為主 而且冇咩肥肉幾啱怕肥嘅朋友仔-梅甘地瓜條（$45）地瓜條係黑洞最愛嘅台灣小食之一新鮮熱辣 加上厚切特別正黑洞覺得可以再落多啲梅子粉酸d仲好食-仙草三號（$46）一次過食齊三色芋圓 包饀芋圓 布丁 水晶呢碟cp值好高 份量足料款式又多芋圓煙煙韌韌估唔到mix焦糖布丁又幾夾-P.s黑洞當日叫外賣包裝整齊妥當拎到返去食都完好無缺 加分

🌟你妳🌟嘅台式便當🍱、小食及甜品🍡, 抵食又好味，性價比好高！紫薯泥肉鬆吐司 $45紫薯泥口感柔綿幼滑，入口充滿紫薯香！肉鬆紫薯泥吐司配搭新穎，肉鬆加上紫薯泥，口感豐富！便當B $65便當包括有台灣士林香腸、台南鮮蝦卷、酥炸甜不辣、半隻糖心蛋半青瓜沙律、滷肉飯，非常豐富！仲附送飲品！便當內所有材料都香口惹味, 食完一粒又一粒, 好正呀! 性價比非常高! 蜂蜜綠茶（跟餐）夜市鹽酥拼盤$86鹽酥拼盤好豐富，包括有鹽酥雞、花枝丸、甜不辣、四季豆！每款都炸至金黃香脆，好有台灣夜市感覺！大滷肉飯$39鹹香味剛好，白飯上淋上燉煮碎豬肉及醬油滷汁，肥肉及瘦肉比例恰到好處，有入口融化之感！仙草3號$46有三色芋圓、包餡芋圓、布甸及水晶! 芋圓煙煙韌韌, 非常有咬口, 加上可愛嘅迷你布甸，正呀！糖心蛋$13蛋白軟滑 ，半熟嘅蛋黃味道濃郁又香！高雄紅茶牛奶珍珠$35茶底香濃順滑，珍珠口感煙韌有嚼勁，唔錯呀！

疫情之下,無得去旅行,但又好掛住台灣食物,呢排成日係instagram見到荃灣你妳有台灣野食,又有好吸引既芋泥toast,就專登weekend過去試下!3點幾去到,等左唔係好耐就有位啦~有套餐、小食、toast、甜品同埋台式飲品,都幾多選擇。我同朋友叫左個肉鬆芋泥toast、台灣香腸肉燥乾拌麵、台南蝦捲；飲品就跟餐叫左冬瓜茶同apple cider~肉鬆芋泥toast既多士鬆脆,芋泥好滑同芋頭味唔算太突出台南蝦捲好惹味,外面炸到脆卜卜,蝦肉好彈牙,好食~台灣香腸肉燥乾拌麵正正常常,肉燥都好味再有少少,不過份量再多D會更好!雖然無得去旅行,但食完台灣野就當去左轉台灣啦~食物質素幾好,但份量多D就仲好啦!