你妳 (運通洋樓) (已結業)

呢間台式既肉鬆芋泥吐司已經想試好耐適逢放假～今次的起心肝去荃灣同朋友去食下下午茶時間黎有下午茶套餐～加埋個特飲2個人去食都豐富飽肚～抵食之選呀叫左1）肉鬆芋泥吐司餐配梅甘地瓜條黎到緊係要點佢地既皇牌肉鬆芋泥吐司啦！以為鹹同甜唔會夾？唔會呀！肉鬆既鹹香同軟滑既甜芋泥夾埋一齊味道幾香架！加埋輕輕烘烤過既多士，香上加香！梅甘地瓜條，酸酸既梅粉同甜甜的地瓜都幾夾🤘🏻2）小魯肉飯餐配一口鹽酥雞拼炸酥炸甜不辣驚喜佢既小魯肉飯既魯肉唔會好肥，又唔會太鹹，份量剛好，加埋濕軟適中既珍珠米飯，口感十足😅炸物可能啲油溫唔夠熱？個樣油浸浸，唔係咁酥脆😅一口鹽酥雞無咩特別，甜不辣口感幾煙韌，唔錯特飲非常多選擇😍加配左芋泥珍珠小芋圓係芋泥奶再加埋彈牙珍珠同煙韌既小芋圓平時出街食既大大粒芋圓，變左小芋圓都不失佢既煙韌口感，成杯都好有芋香同奶香😋唔會太甜，大大杯！口感十足朋友的炭焙可可珍珠奶茶，有朱古力味囉😬有鹹點，有甜品又有特飲😬滿足整體服務普通食物質素唔錯都有其他野食想下次再試下😬

今日去左荃灣試下間新開嘅台灣小食店...肉鬆芋泥吐司 $40成間舖頭最出名 基本上每個人都會嗌 果然名不虛傳 香甜既芋泥 配上咸咸地嘅肉鬆 一流👍🏻👍🏻 而且賣相仲好靚 非常適合打卡台式滷水雞扒乾拌麵 $76首先講吓啲面，軟硬適中，配上滷肉，係台灣版嘅撈面！至於雞扒呢，炆得啱啱好，熟得黎唔會過熟，啲雞肉仲好嫩滑不過糖心蛋就有少少鹹...手作紫芋牛奶 $12杯嘢飲都係非常推薦！暖笠笠 仲食到一粒粒嘅紫芋！仙草3號 $46仙草3號材料超級豐富！有仙草，小芋圓，特大芋圓，仲有布丁tim! 雖然味道冇咩特別，但係勝在材料豐富咩都有！

今日同朋友去完南豐紗廠，就喺荃灣周圍揾野食✨見到有間食台灣野好似好吸引就入去試吓，乾花裝飾好靚💐叫咗招牌芋泥紫薯吐司🍞芋泥超級厚，好足料。出面塊多士又熱又脆，內餡凍凍地，口感超正甜度適中，食完都唔會話好溜。然後就係牛肉麵～牛肉好淋，個湯都好夠味仲有溫泉蛋添。如果個面有埋刀削麵揀就好啦，依家係普通好似上海麵咁，不過都好食嘅另外叫咗兩個小食：梅甘地瓜條、檸檬風味烤雞腿。平時食慣薯條，久唔久轉下地瓜條都幾有新鮮感，一樣咁香脆。烤雞腿好似有啲香茅味，食落都好香口最後兩杯嘢飲都好平時飲士多啤梨可能會有藥水味，但係依間完全冇，係好似喺日本飲嘅士多啤梨牛奶咁🍓抹茶紅豆都勁好飲

上星期週末同朋友去城門水塘行個大運，咁啱嚟到出名多嘢食嘅荃灣，梗係要睇吓有啲咩特色小店啦！經過見到呢間台灣舖頭，主打手作芋泥吐司，即刻衝入去試吓先！今次係我第一次試肉鬆芋泥吐司，真係好有驚喜！首先上碟賣相同餐牌上嘅圖完全一樣，已經好值得一讚。暖烘烘嘅吐司夾住多到滿瀉嘅肉鬆同芋泥，一試難忘呀！另外仲叫咗大size魯肉飯，一上枱分量大到我同朋友都嚇親🤯。魯肉調味啱啱好，珍珠米煮得粒粒分明，再配埋半隻糖心蛋😍😍下次再嚟嘅話一定會encore！不得不提嘅仲有香芋蝦餅，就算係專做台灣料理嘅舖頭都比較少見，超重芋頭味又爽口，推介推介！樣樣野都咁好味，飽到上心口！好彩之後去咗水塘散散步，唔係又變咗熱量超標的一天🤪

今日去左位於荃灣嘅你妳，店鋪以木系裝修為主，感覺尚算舒適，不過檯與檯之間嘅空間較窄，出入都需要小心。餐廳主打台灣菜同埋手工芋泥，近年除左紫薯非常受歡迎之外，芋泥都係大熱之選。鍾意食芋頭嘅人肯定無法抗拒芋泥嘅魅力，濃濃嘅芋頭味道再加上奶油一樣嘅滑順，真係非常吸引。🔸肉鬆芋泥吐司芋泥吐司應該係呢間餐廳嘅皇牌食品。芋泥口感順滑，配上肉鬆味道鹹鹹地，都幾夾。🔸仙草2號仙草芋圓有幾款可以選擇，而我揀左嘅仙草2號嘅餡料就包括三色芋圓、包餡芋圓、小丸子、紅豆，味道偏淡唔會太甜。芋圓口感煙韌，仙草份量都幾多。下午茶送飲品、小食❗️餐廳進餐時間限時一小時

呢個店平時好多人排隊今晚一於試下買外賣咁就唔洗排隊啦夜市鹽酥拼盤超級豐富有鹽酥雞甜不辣花枝丸四季豆最鍾意食甜不辣軟軟QQ既口感🤤鹽酥雞炸得鬆軟士林香腸魯肉乾拌麵好掛住台灣既士林香腸可以止下口癮鐘意麵既口感 略嫌少汁 如果多少少就perfect 重頭戲芋泥肉鬆吐司上次去到賣哂買唔到今次終於食到芋泥口感綿密 芋泥的醇香，配鹹既肉鬆好夾而且份量足 記住要share食先有胃食其他野甜品黑糖甜湯入面有包餡芋圓 三色芋圓 紅豆同珍珠黑糖甜湯唔會好甜 而且飲黑糖對女仔身體好好呢第一次食包餡芋圓 口感幾特別

一向都好中意食台灣嘢，亦都留意左呢間餐廳一段時間，咁啱見到唔使排隊， 就趁機試吓。員工服務態度很好， 好有禮貌抵讚！但食物質素講真....令人失望！ 最失望嘅就係個芋泥吐司， 畢竟係呢間餐廳其中一樣主打，但一咬落去，真係幾難食，吐司又乾又「鞋」，好鞋食， 肉鬆都好唔得，最後就算好肚餓，都食唔落！芋圓都好一般，欠彈牙，某連鑰店好食過佢好食嘅居然係一啲炸物！ 炸地瓜幾好食。 餐廳坐得好逼，食物價錢... 以咁嘅質素，唔算平

離遠見到門口堆滿曬人唔洗問呀貴都知道係你妳啦，即刻衝去拎飛 排左大概20分鐘度入到去 ，裝修都幾靚靚架粉色芒草架上行,小店位置有限所以限時60分鐘,食完3點鐘門口都仲有人排隊🌝🍀小食拼盤四季豆長又好咬，鹽酥雞大粒得黎又幾嫩炸粉唔多幾好，甜不辣夠正宗再炸耐少少就真係似台灣食個款。🍀台式滷水雞扒魯肉飯 $76份量好充足😙 雞扒都夠曬滑～ 魯肉雖然未及係台灣食咁惹味但都夠入味 少肥肉😛 飯係偏乾身 我自己偏好乾身 朋友仔就比較鍾意食濕飯🍀草莓牛奶紫薯泥小芋圓 跟餐+$18 草莓牛奶好香濃 而紫薯泥既份量...係超級多😂！！ 多到掩沒啲小芋圓啦！只係我影唔到佢咋😛 🍀肉鬆芋泥 $40點可以唔叫一份肉鬆芋泥💜💜💜 芋泥味相比之下係較淡 但勝在麵包烘得夠熱夠脆🤩配埋肉鬆一齊食 好滋味哦😍😍脆脆既口感加埋軟綿綿既芋泥一級棒唷Next time要試佢d甜品正唔正宗先

粉紫色的店面，你妳總是凝聚長長人龍，😍仙草及厚實的芋泥吐司最為誘人，以親民的價錢，吸引無數的饞客。🍖台式牛肉湯麵 $72手工麵條粗身、煙韌，掛汁力強，湯底深啡色， 呷一口醇厚濃郁，微微帶辣，十分提振食慾。牛肉厚身軟腍，細嫩無筋，是令人懷念的台風原味道。🐣台式滷水雞扒魯肉飯 $76滷水雞扒雞皮滑溜，帶柔和的滷水滋味。金黃色的溏心蛋流出，配上滷水雞扒，十分吸引。把米飯拌匀魯肉 ，加上香菇丁的甜味，啖啖充滿肉汁精華。🍤炸澎湖花枝丸$45花枝丸爽口彈牙，油而不膩，咬開時熱燙燙，吃到粒粒花枝肉，惹味誘人。💜肉鬆芋泥吐司$40脹卜卜的芋頭吐司，厚重爆餡，表面烘至微脆，中心填滿濕潤芋頭蓉，味道天然，加上甘香的肉鬆，過足口癮! 🍡仙草3號$46煙韌的三色芋圓，充滿嚼勁，每口純樸甜香，配上震騰騰布丁、QQ水晶，更加吸引。吃到底還有冰涼的仙草，大啖啜入口，越吃越滋味。🍹冬瓜茶 (主食+$3飲品) 消暑香甜，冰震的口感，清爽宜人⋯⋯

呢一間店鋪可以用( 利害)兩字來形容因為呢間店鋪而開OpenRice account 裝修一般，食物難食，服務極差而家生意難做都可以有咁既態度 證明好唔優做👍🏻 由門口 ， 落單，上食物 ，收銀埋單 完全感受到佢地係無服務可言，俾錢買難受裝修唔算太舊但係完全唔乾淨枱底下面有好多食物碎好似冇人掃地咁食物外觀不過不失但食落口淡而無味滷水雞扒完全唔入味，上菜頹到一個點，雞肉好梅 飲品話少冰點知半杯都係冰 糖漿極甜唔講以為飲緊糖水

路德圍多嘢食就係人都知，想食台灣嘢搵到嚟呢間小店有齊台灣主食、炸物、甜品、飲品，樣樣都好吸引台式滷水雞扒魯肉乾拌麵$76-雞扒勁大嚿，都整得幾嫩滑，切好咗方便食用，麵底軟硬適中，加埋啲魯肉好好餸口香芋蝦餅$45-鍾意芋頭嘅必試！蝦餅入面夾雜住粒粒芋頭，食落口充滿住鮮蝦味同香滑芋頭芋見紫薯吐司$45-有淺同深紫色嘅芋泥同紫薯餡，望落超夢幻！啲餡好綿密，唔會好甜，吐司好香脆仙草4號$46-有仙草、三色芋圓、包餡芋圓、珍珠、荔枝爆珠，好豐富！仙草滑嘟嘟，芋圓同珍珠好煙韌，荔枝爆珠夠曬甜，最特別係包餡芋圓，芋頭餡好香濃，正古早冬瓜茶跟餐+$3百香果綠茶$29嘢飲都唔錯，百香果酸酸地可解滯值得一提係店員服務態度超好，真係要比個like佢

疫情之下，無得去台灣，我同大家一樣對台灣夜市美食心癢癢，超懷念！上個星期，拉埋朋友一齊去香港同樣有   TW  簡稱的荃灣，食返餐台灣嘢止下癮！ 大概6點去到，餐廳門口已經唔少人等位，好彩朋友早啲到，我到咗之後唔係等咗好耐就入得喇！餐廳唔算大，食物都上得快，似乎都係行「速食」嘅節奏，速戰速決，因為我哋嚟之前已經喺網上睇過MENU同評價，所以好快就決定到叫咩食～你妳珍珠魯肉飯 $36魯肉飯係我去台食餐廳必食嘅嘢，呢個加咗珍珠，叫個陣其實有啲怯，自己已經有晒心理準備，預咗有「伏」。點知，食咗一啖，又OK喎～唔伏呢～你會發現，整碗飯都是沒有魯肉的，但是就有很多大大粒透明嘅珍珠。原來，餐廳是將魯肉飯精髓——都注入了粒粒珍珠內。吃到珍珠，就會嘗到魯肉汁的味道，很特別。除此之外，這碗飯還有其他配料，如肉鬆、炸蒜、青瓜及半隻溏心蛋，超豐富。珍珠口感彈牙滑溜，又真係魯肉汁味，同飯一齊食，完全無違和感；加埋肉鬆同炸蒜一齊食，更加惹味可口。鹽酥雞花枝丸乾拌麵 $78呢個本身係飯，不過因為點咗魯肉飯，所以就轉做乾拌麵。鹽酥雞同花枝丸都好吸引，炸花枝丸有4粒，而鹽酥雞都有一大堆，勁足料。花枝丸微甜，彈牙又爽

你妳 (荃灣)💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•台灣牛肉湯麵 $72•台式滷水雞扒魯肉飯 $76•凍古早味冬瓜茶(跟餐+$3)•凍蜂蜜綠茶(跟餐+$3)•肉鬆芋泥吐司 $40••••••••••••••••••••••••••••••♥️食評：整體而言可以，牛肉湯麵牛肉都有7-8舊，湯底味道正常，但未算好濃郁，但勝在唔會太油，麵唔會淋，但有比較多酸菜會加好多分。😣滷水雞扒有好香嘅酒味反而滷水味唔重，魯肉飯嘅魯肉唔太多，但整體味道ok。兩杯飲品味道都正常，唔會太甜呢點幾好。肉鬆芋泥吐司嘅芋泥味道唔重，但餡料份量都幾多～••••••••••••••••••••••••••••••♥️特色：位於荃灣嘅台灣菜，可自行用店舖提供嘅qr code填資料，食物種類唔算多，外賣有折扣，大家可以試吓。••••••••••••••••••••••••••••••

好耐無食台灣野啦 見到呢間好多好評試下果然真係唔錯之前去親d 多人d既台灣餐廳d 紫薯吐司都賣哂 今次終於試到超正個吐司夠脆 芋泥好creamy 甜甜地無咁漏 我食完個魯肉飯都可以當甜品咁食至於主食都唔錯 係貴左少少 但可以食到魯肉飯之餘又可以食到小食 仲有糖心蛋 真糖心 有d 餐廳連鹵蛋都未必有當然個魯肉汁唔係茶記既肉碎豉油茨汁係有豆卜絲同多肉碎 而唔係得傑撻達一pat汁炸物都不錯 之前元朗有一間d 鹽酥雞炸到好實又好干甜不辣外薄脆內軟 唔會油立立 會想再嚟 不過飲品就麻麻地 39蚊一杯珍奶 但比較稀

餐廳：你妳 (荃灣)地址：荃灣運通街6號運通洋樓地下K號舖終於有機會去荃灣嘅南豐紗廠，去之前梗係唔少得喺附近搵間黃店醫吓肚仔喇💛，呢間「你妳」主打手作芋泥，喺一間台式餐廳，仲推出唔少新款台灣菜式🇹🇼芋見紫薯吐司 $45將芋頭同紫薯合二為一，連埋多士一啖放入口，同時食到兩種口味，厚實嘅兩種餡料豐富大爆發😆，無論喺醫肚仔或者打卡都一樣咁得👍你妳珍珠魯肉飯 $36呢個新式嘅飯喺限量供應，裡面有青瓜絲🥒、珍珠同埋肉鬆，大家唔好比佢個名魯肉飯呃咗，其實入面係冇魯肉，反而喺用滷肉製成珍珠，真係好少見🤪，咬落煙韌得嚟又咸咸地，同個飯襯起上嚟完全冇違和感😎嚟得台灣餐廳梗係唔少得叫台式甜品同飲品啦😋，呢個仙草2號($46)有三色芋圓、包餡芋圓、小丸子同埋紅豆，如果會食甜品嘅話就唔使叫咁多主食，因為每一碗都滿滿好足料🤣；台飲就叫咗高雄紅茶牛奶珍珠($35)同埋桂圓紅棗($23)，佢哋嘅紅茶牛奶比到驚喜我🧋，所選用嘅紅茶茶葉香濃突出，茶香好吸引😍，唔錯唔錯週末中午時間去都幾多人排隊，等咗10分鐘左右先有位，而入座起計限時60分鐘，雖然地方淺窄，但勝在食物較新穎同有創意，真係好掛住台灣啊🥺