你妳 (運通洋樓) (已結業)

又係時間要諗吓今晚外賣買乜嘢啦。你妳主打手作芋泥，夜晚未夠七點已經有唔少人嚟幫襯買外賣。入面嘅裝修都唔差，可惜今晚無緣喺呢度食。肉鬆芋泥吐司塊toast夠脆身，肉鬆香口，估唔到同微甜嘅芋泥都幾夾，同埋塊toast用紙包住，食嗰陣夠晒方便。台式滷水雞扒滷肉飯滷水雞扒夠哂入味，滷肉飯唔會太過鹹同肥膩，配埋半隻溏心蛋，成個便當唔錯。香芋蝦餅蝦餅夠香口，帶有淡淡嘅香芋味，咁樣嘅蝦餅幾特別。古早味炸雞卷雞卷嘅皮炸得夠香脆，雞肉亦唔會太乾身，啱晒我依啲鍾意食香口野嘅人。已經好耐冇去過台灣lu，耐唔耐可以食返啲好食嘅台灣菜已經幾滿足。