何蘭正

营业中

休息中

新鋪開左一排，終於有時間黎喇😍😍不過個入口有d估佢唔到😂沿雲咸街上山，要喺商業大廈個大堂搭𨋢上，指示牌重要係落山方向先睇到😂兜左大半個圈終於搵到喇🤪🤪一上到黎已經見到打卡必影嘅落地玻璃窗位😍😍個人認為呢個打卡位靚過舊鋪，又可以望到街景，見人少少即刻把握機會影返張先！24小時慢烤伊比利亞叉燒 $178何蘭正名物一定要試😍慢烤叉燒外脆內軟，太陽蛋加埋豬油撈飯🤭🤭真係邪惡到不得之了，三扒兩撥就食到照鏡🤣香脆軟殼蟹拖鞋麵包 $108軟殼蟹比想像中大隻好多，重好厚身🤤新鮮熱辣炸得好脆，麵包入面重夾左太陽蛋、沙律菜、蕃茄同埋牛油果蓉😍😍超級豐富，牛油果蓉辣辣地，就咁搽落麵包都好好食😋跟包重有兜沙律菜，用個福字瓦缸仔裝住，好得意😂Dirty $40Expresso Tonic $58HLJ Rose Oolong Ale 玫瑰烏龍 $88貪心嘅我地叫左三杯野飲，分別係大熱嘅Dirty同夏天好岩飲嘅Expresso Tonic😄最後黎何蘭正點可以唔飲酒🤭今次試左玫瑰烏龍，就咁睇個名唔似係酒，飲落都唔太重酒味，重有少少茶味添😆係粉紅色超夢幻嘅鬼佬涼茶🤫

富有特色既一間主打Fusion菜酒吧～新舖環境寬闊，裝修以舊式香港為主題，有手繪畫既玻璃外牆及霓虹燈牌，設計別出心裁。除左環境靚，食物同樣高質素。可惜當日無駐場甜品師傅，食唔到想試好耐既泡芙。❀ 何蘭正式班尼迪克蛋同平時食開egg benedict唔同，配料有香甜又juicy既伊比利亞叉燒，酸酸甜甜既菠蘿及呈半流心狀態既溏心蛋，口感非常豐富！而且底部用上烘得香脆既開邊長棍麵包，菠蘿既清香味中和油膩感，整體味道與叉燒及溏心蛋配搭得好好，好有驚喜❀ 香煎澳洲牛面珠漢堡包依個漢堡包味道好特別，熱烘烘既漢堡包配上厚厚既牛面珠及金菇，再塗上沙嗲醬，好惹味！ 牛面珠肉質炆得好腍，沙嗲醬味道亦好突出。薯條烤得香脆可口，仲配有茄汁及沙律醬~❀ 咸梅西瓜沙冰依杯西瓜沙冰消暑一流，西瓜好清甜，每啖都有滿滿既西瓜肉，好正！最特別係沙冰上灑上咸梅碎，甜中帶咸，咸梅味唔算太突出⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸環境：⭐️⭐️⭐️⭐️🤵服務：⭐️⭐️⭐️⭐️💎CP值：⭐️⭐️⭐️💫(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆

集大排檔懷舊、冰室及香港地於一身嘅餐廳，店內裝修包括有香港舊式鐵閘、霓虹燈等等，超有香港味道！除咗裝修特別之外食物亦都非常特別，將香港人熟悉嘅菜式換上一種新嘅味道，而且能夠帶嚟一大驚喜！🌮順德風情雙籽三文魚他他配香脆雲吞皮$128😋三文魚子滿滿的，粒粒爆汁Juicy再配埋三文魚他他，三文魚子好似有啲膩嘅感覺，但係配埋香脆嘅雲吞皮就切底中和左。🍛24小時慢煮伊比利亞叉燒，配日本太陽蛋紅洋蔥漬$178😋呢個叉燒飯簡直係顛覆咗我一直對叉燒飯嘅印象，首先飯唔係普通白飯係有味嘅豬油撈飯，叉燒經過慢煮唔會好似平時食到嗰啲咁韌，叉燒表面積都經過處理有平時嘅焦香，配埋太陽蛋嘅蛋黃汁，呢個飯真係好似暗然銷魂飯咁好！好！味！呀！🍲麻辣肉碎煮紐西蘭鑽石蜆$178加$30鴨血本來諗住叫黎解一解想食辣嘅口癮，但係估唔到水平都好高，麻辣底好夠香，唔算辣對我來講啱啱好，而且佢裏面嘅材料鴨血豆卜同冬粉都吸收晒個湯嘅精華，雖然好飽但係都會慢慢一啖接一啖食晒！鹹妹西瓜沙冰$58呢個細個西瓜沙冰我真係要重點介紹一下，就是天氣咁熱真係好想飲杯清涼嘅西瓜沙冰，佢嘅沙冰特別在於會喺西瓜沙冰上面加話梅粉，對我來講西瓜同話梅粉係絕配

何蘭正新舖係正籣桂坊最頂 比舊鋪嚟講大咗 就腳咗 好適合weekend 嚟同朋友聚舊•香煎澳洲和牛臉•沙嗲金菇汁•櫻花蝦腸粉 HKD182和牛臉大約有3-4嚿 食落肉質都算淋但沙嗲汁搶咗啲牛肉味 最底層配嘅腸粉煎得好香脆 無諗過同沙嗲汁又幾夾•法式焦糖女兒紅獅頭鵝肝燉蛋配牛油多士HKD108睇名都覺得呢款菜式又咸又甜 好神奇嘅配撘鵝肝打成蓉mix埋蛋 食落好creamy 面頭有層薄薄嘅焦糖 調味方面好大陣花雕酒味 可能就係女兒紅? 細細地一兜已經夠哂搽多士•西班牙油炸鬼 •花生吉士醬•焦糖煉奶•黑芝麻雪糕HKD108好耐冇食過新鮮炸嘅Churros 啦外層佈滿咗糖 可能新鮮炸嘅關係比較易碎 雪糕另上 個人就麻麻地芝麻雪糕 反而個cream就幾好•另外叫咗杯berries beer 飲落酸味比較重 易入口 啱晒一路飲一路食churros🍺•食物質數比想像中好 想試fusion 菜 嘅絕對推薦•夜晚環境確實好適合打卡 但場裏面咁啱有公司搞緊gathering 嘈到不得了 同友人傾計好似要嗌過對面海咁🥲🚩何蘭正 (中環)中環雲咸街29號東方有色大廈2樓

之前一直都有留意開蘇豪區酒吧「何蘭正」🥃，搬咗鋪後地方更大更靚，裝修同樣突顯懷舊港式風格🪟尤其喺人手繪畫嘅龍鳳玻璃窗🐉超搶眼，加上霓虹燈字牌整個感覺好有Feel😍!!!打卡都手軟📸!!!⤑除咗本地釀製手工啤酒🍻，咖啡亦都好高質好多款式☕️仲主打港式Fusion菜保證有驚喜，同朋友去中環Chill吓又可以多個選擇啦！⤑🔸香煎牛面珠｜沙嗲醬｜金菇菜｜薯條｜漢堡包 $ 138*食第一啖有種似曾相識感覺！就喺早餐嘅沙嗲牛肉麵😂，因為沙嗲醬非常濃郁，牛面珠肉味香濃煎得軟腍好容易咬開😛，第一次驚見漢堡會有金菇呢個配搭再加上酸洋蔥真喺夠Fusion😆！薯條炸得香脆有味粉調配過，加上蕃茄同蒜味蛋黃醬，非常惹味！⤑🔸何蘭正式班尼迪克蛋｜伊比利亞叉燒｜菠蘿｜溏心蛋｜開邊長棍麵包 $158*經過24小時慢烤叉燒肉質極之鬆化， 再加上溏心蛋一切開秒間流心而出，蛋香超濃🐣融合晒中西元素，麵包烘得脆身加上一層菠蘿減輕肥膩感，整個配搭好有驚喜💯另外會配上沙律菜，加上柚子醋挺開胃！⤑🔸Mocha $ 50🔸Latte $ 45可以選擇因應自己口味嘅nutty/fruity咖啡豆，值得一讚對於唔太常飲咖啡嘅人店員都好細心

荷蘭正回歸啦， 之前見到ig 有唔少foodie fd 都有食， bookmark 左。🐽24小時慢煮伊比利亞叉燒飯   CharSiu Rice w seaweed $178差唔多每枱都會點 ，叉燒厚身得嚟肥瘦適中，經過慢煮，口感更為軟腍，比一般中式叉燒無咁油膩。太陽蛋流出蛋汁，配合豬油撈飯，飯粒特別香滑。不過，豬油味唔算突出，紫菜碎偏淋。 🍔龍膽石班魚柳|芫茜|醃奇異果|皮蛋他他醬|薯條|漢堡包 Giant Grouper $168 漢堡包帶少少脆身，上層鋪滿芫茜，再之後食到石斑魚柳，幾厚身同大件。醃奇異果同皮蛋醬同漢堡包幾夾，更令整體更為開胃。 薯條用咗「福」字嘅中式杯裝， 中西合璧。 薯條偏硬身，唔算脆口，不過可以點茄汁同沙律醬。☕️雲尼拿棕樹糖冰咖啡 HLJ Vanilla Palm Sugar Coffee $58咖啡係以棕樹糖調製，之後店員親自倒入雲呢拿，配合深啡色嘅冰 ，其實係用espresso製成。奶味比Mocha 更香濃，容易入口。☕️Mocha Nutty $50正常水準，個人鍾意棕樹糖咖啡嘅甜味多啲。

📍#何蘭正🇭🇰香港中環雲咸街29號東方有色大廈2樓#MFJ中環 #MFJ多國菜 人均消費: HKD160味道: 👅👅👅👅賣相: 👀👀👀👀價格: 💰💰💰環境: 🌹🌹🌹🌹🌹服務: 👨🏻👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆何蘭正@holjeng_ 未搬時去過一次，環境食物都好特別，所以印象深刻！搬後第一次，都不太易搵，但比以前方便可能飯後時間人不太多，餐廳都大，不算十分有氣氛，但好多打卡位！⭐️炸薯條｜辣茄汁｜蒜味蛋黃醬🍟$48薯條炸得幾香脆，蒜咪蛋黃醬好好味！💯法式幼滑薯蓉｜松葉蟹肉｜雞油花雕🦀$68薯蓉雖然不算超級細滑，但整個組合配搭的確特別！首先從蟹肉多，肉甜！原來花雕味十分香，但不會過濃！可能花雕湯浸着薯蓉，蒜蓉完全不膩！個人覺得幾驚喜🆗西洋菜蜜啤酒🍺$88入口清香，飲到西洋菜蜜味，但啤酒味較淡🆗玫瑰烏龍啤酒🍺$88玫瑰味和烏龍味不突出，反而甘苦味較重一心想食的蟹籽杯原來晚市才有😭😭😭雖然環境改變，但食物仍然特別，食物價錢不貴，但酒類有點少，而且都是整地手工啤希望下次可以試試晚市！#FrenchFries #beer #HKBeer #mashedpotato #mfo

十幾年前會考後鼓起勇氣去另一間學校繼續學業，幸運地喺嗰度認識咗幾個知心朋友，一路走來，順心的、揪心的都有大家相伴。少時大概無諗過長大後我哋居然會各散東西，歐美紐都將會有大家嘅足跡，每每諗起都戚戚焉。是日歡送好友，揀咗由蘇豪搬到蘭桂芳嘅何蘭正。新舖比舊時寬敞好多，有好幾幅落地玻璃添上朝氣，被安排至角落四人檯，坐得舒服自在。黃金脆炸雞 $78雞肉金黃香脆，醃得入味，保持肉汁又唔油膩，出色！24小時慢烤伊比利亞叉燒 $178嚟之前對依味最有期望，不過主角叉燒調味略鹹，肉稔但較肥羶，自己唔太鍾意；底下白飯用豬油撈過，面頭仲有煎蛋同韓國紫菜，好餸飯。烤三文魚柳 $138三文魚肉質嫩滑，以楓糖醬油烹調有日式調理感，加埋食落卜卜聲嘅蟹籽甜酸汁，口感好得意；而配上嘅炸本地薯仔亦甘香有薯味，簡單討喜。焗金文畢芝士 $148第一次食焗芝士做甜品，Camembert表面淋上薑汁黑糖，甜甜地中和芝士鹹香；而炸蕃薯仔同薑味雪糕一齊食會變到似食中式糖水，成個甜品都好有心思，驚喜好食。兩點傾到五點，時間飛一般的過去，心入裡帶著萬般不捨道別。在此祝願好友事事順利、開開心心。「約定 未知那遠路裡 同看著時代飛舞」，未

一年的一日嘅生日假當然要去揾好嘢食黃店，友人一早book定位，當日下午6時到達只有2檯客，個場少人影到好多室內相！2年前還在Peel Street的時候曾經去過一次，這次的encoore是因為他們搬到新位置，也有點念念不忘他們煮的fusion菜特色和店內氣氛!新店位於雲咸街，一如以往以舊式香港為設計的主題加入西方元素（可唔可以稱之為: 現代香港風格）中西文化交融的地段，呼應店內的裝潢。玻璃上的Graphic是人手畫上去，超級有溫度！Well, 唔少得signature neon-sign “鬼佬涼茶”不過.__. 話說我去之前食咗蛋糕，作戰力大減...脆炸蟹肉飯波配黑醋蛋黃醬 Crispy crab rice balls w Zhengjiang vinegar mayo ($88）搞碎咗既蟹肉整成波波+飯飯拎去炸，蟹肉味道很鮮，不過如果炸得鬆軟啲就好喇！24 小時慢煮伊比利亞叉燒,配煎日本太陽蛋,紅洋葱清,香噴噴香蔥豬油撈飯($178)Slow cooked 24 hours Iberico Char-siu , Pickled red onion, Sunny side up eg

☕️️ Cafe for chilling — 何蘭正✨ 又係咪真係好?正？🤫#90cp黃店篇💛 #90cp中環篇 #90cpCafe篇➖➖➖➖➖放假都要返嚟中環就係為咗去影相😂 又要喺中環附近覓食 結果就嚟咗呢間bookmark咗都一段時間嘅cafe 試一試😌✨ 位置上其實有少少難搵😂 不過一入到黎見到佢嘅裝修 配搭埋霓虹燈牌🏮 又真係幾有feel😎美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ 24小時慢烤伊比利亞叉燒 | 豬油撈飯 | 煎蛋韓式紫菜 $178作為招牌菜 佢叉燒飯真係一啲都唔失禮😛 佢嘅飯炒得粒粒分明 有少少豬油撈埋一齊 更加突顯到佢粒粒分明嘅感覺😙 慢煮叉燒肥瘦亦都適中 可能因為慢煮嘅關係 食落感覺都唔太油膩 都真係算唔錯!!🤤 而且佢嘅蛋係半流心 吉穿佢撈埋啲飯食又係另一種享受🤫 最抵死係佢仲有啲韓式紫菜 撈飯食搞到好似食緊韓式拌飯咁 感覺好似將中式日式韓式撈埋晒一齊 好新奇🤣 ✨ 香煎澳洲牛面珠 | 沙嗲醬 | 金菇菜薯條| 漢堡包 $138雖

以下哩間舖頭我地都恨左去好耐🙈舊舖一直去唔到😭而家終於可以黎到又大又靚既新舖😊日間同夜晚都會有唔同獨特既風味💛嗰名正到唔可以亂咁讀因為好容易俾人話教壞細路👦🏻😂本身以為💛小店係得酒類飲品點知原來新舖宜家仲會有埋咖啡添☕️———————————-Coffeein ☕️Bomb 🛢(Coffee Coke )咖啡☕️+可樂🥤？解渴一流👍🏻唔想成日飲cold brew 🙈試下新野有汽既咖啡但又唔係espresso tonic 🙈—————————-Affogato ☕️with 🍫 Chocolate & vanilla ice cream 🍨 咖啡☕️底夠香濃加埋朱古力🍫醬一齊食/飲感覺滑滑的☺️十分滋味😋———————————————-24小時慢烤伊比利亞叉燒配豬油撈飯🐽🍚煎蛋🍳韓式紫菜難得黎到🙈當然要試下佢地既招牌菜慢煮叉燒就當然唔會又乾又柴皮🙈半肥瘦食落就無得輸🍵豬油撈飯就大人細路都好難抗拒出奇地🆚比例落得岩岩好香口得黎唔會油淋淋配埋煎蛋🍳既蛋黃汁😋正‼️——————————————-烤三文魚柳🐟配楓糖醬油炸本地薯仔🥔配蟹籽甜酸汁三文魚柳算幾嫩🐟味道正常最有驚喜🤩反而係炸薯仔🥔薯仔皮食落真係夠乾又

話說何蘭正係白熊小編數一數二既愛店 去左至少4次🤣之前年初既時候聽到佢地光榮結業既消息萬分不捨 估唔到佢地竟然係蘭桂坊開左間更大更美既店 （鬼佬涼茶霓虹燈超吸睛👀）仲比係蘇豪區既舊舖更加方便 起碼唔洗行咁多斜路（是有多懶🤣）當日白熊小編平日放工之後去（少有的搭正6點衝出office🤫）好在同行友人已經早左少少攞位 如果唔係walk-in可能真係有排等 入座既時候waiter哥哥本身話限時1.5小時 但係最後我地傾傾下計食得超慢 佢地都好好人咁比我地坐耐D 好貼心～一坐低既時候侍應們有問下我地有無黎過 然後好細心咁介紹佢地既menu 最特別既係佢地會有一張手寫的daily special 所以我去過咁多次都一D都唔悶 超加分！因為友人請客 白熊小編毫不客氣地瘋狂點餐 吃到捧著肚子走🤰（好啦大家有一起食的好嗎🤪）-🌟-五香枝豆 $48就枝豆啊 普普的 但份量一點都不吝嗇！順德風情雙籽三文魚他他配香脆雲吞皮 $128雲吞皮炸得酥脆酥脆 三文魚他他配以三文魚籽同蟹籽 雖然我們不知道順德風情是什麼風情🤣 但整體來講非常惹味！但是雲吞皮只有6塊 最後我們還剩下不少他他 單吃有一點鹹 如果多兩塊雲吞

以前喺中環返工，好多同事都鍾意食「何蘭正」，因為佢環境同食物都好高質，所以之前佢執咗真係好傷心。.作為一個念舊嘅人，難得等到佢搬大舖重開，真係急不及待即刻過嚟回味☺️。.環境闊落咗，不過依然有以前嘅影子，照舊有signature嘅LED 霓虹燈，大大隻寫住「何蘭正」三隻字。.以前就多數食夜晚，今次就揀咗個weekend 晏晝諗住當食brunch。Lunch嘅menu同晚市嗰個唔一樣，提供cafe 類嘅食物為主，冇得食我想食嘅鵝肝燉蛋多士，不過都有好多其他玩味十足嘅fusion特色菜，樣樣都好吸引。.《松葉蟹肉雞油花雕法式薯蓉》$68超鍾意呢個！😚平時我都好鍾意食醉雞，呢道菜嘅味道完全有食緊醉雞嘅感覺，但配搭就變咗係蟹肉同薯蓉，中西合璧得嚟完全零違和感！花雕嘅酒味襯托出蟹肉嘅鮮味，啖啖蟹肉配埋軟滑嘅薯蓉，真係想一路encore😍。.《香煎澳洲牛面珠沙嗲醬漢堡包》$138基本上就係一個沙嗲味好濃郁嘅沙嗲牛漢堡包，不過係用澳洲牛面珠而唔係牛肉。澳洲牛面珠好淋好嫩滑，加埋金菇同紅色嘅酸洋蔥，口感豐富，但就唔算話好特別。.《香脆軟殻蟹牛油果蓉拖鞋麵包》$108呢個包都有食burger嘅感覺，但比起

🐷 24 小時慢烤伊比利亞叉燒| 豬油撈飯 | 煎蛋 | 韓國紫菜 |太陽蛋煎得靚👍🏻豬油撈飯好香，食落不肥膩，撈埋韓國紫葉，十分惹味。主角叉燒燒得10分好，半肥瘦，咬落軟身唔會太肥👍🏻🦀 香脆軟殼蟹| 異國風情酸辣牛油果蓉 | 太陽蛋 | 拖鞋麵包 |炸軟殼蟹炸得好脆，上碟時熱辣辣，蟹肉仲好多，十分豐富。拖鞋麵包就算搽左牛油果蓉都十分脆身，牛油果蓉有少少辣，唔食得辣都可以接受的。成個包既份量比較大同立體，要分享係有難度，好在店員超細心，教我地點分享得黎又唔會跌晒啲料出黎😆☕️ Shakerato w/ Homemade Ginger咖啡味道好濃，加埋薑，雖然有點苦，但成杯野好refreshing，有幾粒咖啡豆裝飾同咬下☺️🥤 Cold Brew最緊要夠凍，加左冰，呢方面做得好好，夠哂透心涼，消暑一流。

@中環星期五難得地早放，所以我同朋友去咗蘭桂坊飲嘢⋯⋯我指飲咖啡，人老唔可以成日飲酒同埋我未打針。不過「何蘭正」呢到朝早係餐廳，夜晚就係酒吧。無論飲酒定咖啡，呢到環境好chill好舒服，裝飾好特別。Hot Doppio ($35)呢到嘅咖啡可以揀nutty/ fruity，呢個double shot我揀咗fruity，有果香同果酸。Dirty ($40)呢杯我就揀咗nutty，我個人中意深烘焙多啲。咖啡濃厚甘澀，啲奶都好滑。黃金脆炸雞 | 甜辣酸醬 ($68)炸雞香口多汁，個皮唔會太厚。加埋甜辣酸醬食好夾。24小時慢烤伊比利亞叉燒 | 豬油撈飯 | 煎蛋 | 韓式紫菜 ($178)呢個鬼佬叉燒飯啲叉燒好正！半肥瘦好重要！個飯好香口，加埋紫菜食出奇地可口，下次喺屋企食都可以加。重有流心蛋！咖啡貝殼蛋糕 | 山核桃 | 海鹽焦糖 ($68)蛋糕中間有啲海鹽焦糖醬，唔會太乾，又唔會太甜，推薦！