享慢煮意 (善慶街) (裝修中)

放假約左朋友去中環食下午茶，經Openrice買coupon都幾抵下，每人$98就食到個三層架既下午茶。好在同朋友當日下晝三點鐘準時到左餐廳，遲少少就已經要等位。下午茶似乎係一早整定好哂，落完單唔洗5分鐘就已經送上。三層優閒法式下午茶餐賣相好靚，啱哂影相打卡。第一、二層既鹹點分別有北海道珍寶帶子配俄羅斯魚子醬、法國鴨肝醬、風乾火腿蕃茄烤麵包、西班牙黑毛豬腩。整體係OK但唔算好impressive，多士偏軟身，唔算特別脆。最底層既甜品分別有焦糖燉蛋、白松露芝士蛋糕、法式馬卡龍同埋鮮莓酥餅。成個架最鐘意食既就係個焦糖燉蛋，質地好滑，有蛋香而唔係得個甜字，奶味亦好濃郁。龍蝦湯流心牛角包 另加$28就可以試埋呢個signature既牛角包，一切開，龍蝦汁就流哂出嚟，同酥脆既牛角包一齊食，好有層次，唔錯唔錯。肉桂蘋果流心牛角包同樣係加$28，呢個就不過不失，勝在牛角包本身都真係幾香。Piccolo奶同啡既比例調得啱啱好，唔會互相搶左對方既味道，飲落有股餘韻，令成個下午茶更錦上添花。

龍蝦湯croissant 就係為左呢個黎食呀！切開鬆化既酥皮立即有熱辣辣既龍蝦湯流出黎，好似飲酥皮湯咁開心。Tapas 點了慢煮西班牙黑毛豬腩，慢煮後的腩肉軟嫩鬆化，肥的部分幾乎入口即融，配搭埋白酒燉蘋果蓉中和肥膩感，椰菜絲、多士亦加強左成個口感，出色真空慢煮法式焦糖燉蛋入口香滑，因為慢煮關係，比一般creme brûlée仲要滑，必點！慢煮封門牛經過慢煮更能釋放牛肉鮮味，內層呈深粉紅色，再經過煎焗，油香四散，配上煎蛋白，沒有太多的汁醬，全部都是原形的食物，吃得更有營。—————————————————享慢煮意 (善慶街) (中環)中環善慶街9號地舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #foodphotography #foodgasm #lunch #中環美食___🥇Follow @eathkgirls #eathkgirls #食港女

🥰鮮茄西班牙黑毛豬腩意粉 $138豬腩肉非常肥美🤩肥瘦均勻，煎得剛好，意粉加了鮮茄味道鮮甜開胃😚😚Dinner set$298🤗龍蝦湯特色流心牛角包很特別居然可以把湯裝到牛角包中，牛角包的外層還是香香脆脆的，但個人還是比較喜歡單吃乾身的牛角包😂😋香煎鴨肝配藍莓蓉+$48味道跟鵝肝很相似，入口很濃郁油脂香，配上藍莓蓉意想不到地很美味🥰😗經典雪梨酒燴和牛面頰這個主菜份量不多，比較適合女生份量，和牛面頰切好一片片，伴菜有炒蔬菜配菇和薯蓉，伴菜美味🤩真空慢煮芝士蛋糕這個很好吃，芝士味香濃而不膩，配上餅碎更美味💕💕環境不錯，食物都有心思設計，可以一試😎💰人均$266🌟推薦菜: 鮮茄西班牙黑毛豬腩意粉香煎鴨肝配藍莓蓉真空慢煮芝士蛋糕😍𝑭𝒐𝒍𝒍𝒐𝒘睇更多😍@Nevergetfat

因為要慶祝👦🏽考試pass🤣揀左呢間中環同上環交界超有feel嘅嘅西餐廳🍴英文名係fast但中文名係享慢😂喺荷里活道落幾級樓梯就見到喺eatigo訂位仲有半價‼️咁抵當然要試下👅以下價錢都係未半價之前～❣️招牌龍蝦湯流心牛角包($58)呢個包係餐廳嘅signature 💛牛角包好熱好脆，一切開龍蝦湯就會流出嚟🤩不過我條片切得比較衰🤣龍蝦湯龍蝦味唔太特出，但都好濃郁牛角包點龍蝦湯都真係未試過😚好特別😚而且湯都幾多，足以點哂成個包😇❣️慢煮雞胸流心蛋牛油果沙律($108)雞肉好嫩滑🥰連埋個酸酸甜甜嘅沙律汁好開胃😛牛油果有一整個好重皮❣️加埋流心蛋汁令到沙律味道更豐富👍🏻❣️慢煮鮮挪威三文魚忌廉意粉($158)呢個意粉一上枱嗰陣都冇諗過舊三文魚係一整舊🤣非常大舊🤣通常呢啲咁大舊嘅三文魚都好難整😰一來好易唔熟/過熟，二來難入味真係好考廚師功力🤔不過呢個三文魚冇呢個問題，一整舊都肉質鮮嫩☺️意粉落左大量雜菌同芝士碎，忌廉汁都好濃😊味道十分好😇❣️美國頂級牛腹扒配香煎鵝肝($268)牛扒熟度啱啱好，份量正常有啲脆片一齊食冇咁寡😊個汁有蜜桃汁同燒肉汁，蜜桃汁比較少見😂鵝肝都係好肥美🤤啖啖滿足🤤其實呢啲食材基本上都

休閒 #晚餐 分享 ~ 法國慢煮餐廳~慢煮鮮挪威三文魚忌廉意粉 158新鮮挪威三文魚2.5至3安士 拍馬臣芝士忌廉汁~慢煮雞胸忌廉意粉 128真空慢煮雞胸肉拍馬臣芝士忌廉汁有四大塊厚切的雞胸肉通常雞肉都係好嚡口的 但係慢煮嘅方法真係好食好多係出奇地好滑㗎😁😁👍牛角包或多士三文治有多款選擇~慢煮雞胸沙律 88慢煮雞胸切了粒粒配了合桃,西芹,乾蔥,火箭菜放在多士上成了豐富的Open Sandwich😋店員有問我想將食材放入多士入面或放在多士上面我要放在上面，因為靚d😁~海鹽焦糖咖啡38非常香濃嘅咖啡😋😋就像喝着咖啡中😁😁~玉桂蘋果38這個味道酸酸甜甜好開胃店員問我哋想要食牛角包先或是餐後才上我們選擇先食牛角包其實我好鍾意食這餐廳的牛角包因為日式流心牛角包是這餐廳出名主打之一流心材料都滿滿在包內每當切開時材料就澎湃地湧出來超正😋😋👍👍所以真係急不及待😆😆到意粉上桌時店員看見我哋仲未食完牛角包便提意話幫我哋拎返入去熱住先我覺得店員非常細心啊👍

位處中上環之間，這家小店主打Croissant跟慢煮，晚市套餐約$300左右，以這高格調的餐廰來說，性價比頗高服務水平相當不錯，有高級餐廳的水準，但價錢卻是7折左右頭盤龍蝦湯流心牛角包🥐把龍蝦湯灌注入爽脆的牛角包內就好像在喝濃濃的龍蝦湯的同時吃着牛角包，值得一試蟹膏流心牛角包🥐比龍蝦湯更濃郁，入口蟹膏極濃，creamy又細膩，蟹膏滿溢口腔的感覺令人感動！經典雪梨🍐酒燴和牛面頰的和牛面頰連骨膠原部份也是入口即溶，配上十分creamy的薯蓉跟法式芥末，酸中帶點酒香，口味温和，跟比較膩的牛肉最配大蝦蟹肉龍蝦汁意大利飯靈魂是龍蝦汁，把它跟意大利飯同煮，入口香濃有致，兩者混和的味道比一般用忌廉煮的意大利飯更香，加上大蝦跟蟹肉的搭配，鮮味更出更正！真空慢煮芝士蛋糕難得地結實又帶些微鹹香的cheese cake，入口相當有口感，不會像空氣一樣，非常好吃海鹽焦糖咖啡流心牛角包🥐咖啡的輕澀，加上海鹽焦糖的鹹甜搭配，釀進熱辣爽脆的牛角包內，層次感非常豐富今晚吃了足足三份牛角包，有咸有甜，實在滿足

🥐龍蝦湯特色流心牛角包酥脆牛角包層層鬆化，切開後鮮龍蝦湯隨即溢出，啖啖龍蝦肉，滿滿的爆漿感🥰唯龍蝦湯能更濃郁濃稠🤓🍖西班牙黑毛豬腩配南瓜蓉4安士西班牙黑毛豬腩以藜麥及麵包糠焗，外皮硬脆、肉質軟稔，味道猶似中式燒肉😂再配以鮮甜南瓜蓉、脆薄煙肉及時菜，甜味與微酸中和腩肉之膩感。🍮法式焦糖燉蛋配白松露雪糕白松露味強烈、完全衝擊味蕾，幸好加上凍乾草莓的酸甜味，才能減卻衝擊感；焦糖燉蛋正常之作，燉蛋香滑，濃濃雲呢拿味滲入口中，如可增加甜度會更好🙂

繼續係中環搵好野食，一直聽朋友介紹一間食龍蝦湯牛角包好出色，今日見好天行過黎試下。餐廳位置隱蔽得黎既方便，係中環行過黎都只係6、7分鐘。同朋友叫左set lunch，只係$148一個人，包前菜、主菜及甜品，呎個價錢食到咁多性價比好高。我地叫晒兩款牛角包，有龍蝦湯同日本蟹膏，龍蝦湯真係好出色，一切開個包，濃濃既龍蝦湯流左出黎，熱辣辣，冇諗過可以同牛角包咁搭。點知個蟹膏牛角包啲蟹膏仲多，啖啖好鮮甜嘅蟹膏，食到好滿足。主菜我自己點左魚，廚師煮到啱啱熟，啲肉質非常之滑，加咗少少檸檬汁襯托返個味道。

係網上買左優惠券，未食已經中服，book左1530，1515去到門口，入面坐滿人，但得1枱係食緊嘢， 其他枱全部都未有嘢食，（心知不秒）已經知奶嘢， 枱枱都未有嘢食，十五分鐘點可以反到枱畀我入到去呢🤔 唯有等， 一等之下…四點鐘先有得入去， 入到去話即刻幫我整， 但係啲嘢食四點半鐘先上枱， 唔計我早到， 足足等咗一個鐘（可能係我心急啫😢）book左都要等咁耐，是常識吧🤣 下次都唔敢再黎P. S 優惠券98蚊一位＋26蚊加1， 假日仲有個$18服務費

餐飲業係服務業一種，食物質素固然重要，但點可以忽視「服務」質素，搵個高高在上嘅經理來接待呢？話說兩個星期前我就網上訂咗位，亦都收到確定通知。但到咗用餐日當日，呢間餐廳嘅經理用手機號碼打俾我，話當晚我預訂嘅用餐時間，餐廳訂位已滿，要將我嘅用餐時間推遲到餐廳last order前半小時，佢係用通知嘅語氣同我講。呢個時候，我已經好奇怪，點解兩個星期都唔通知我，到用餐日先突然同我講無位，要我做最後嘅客人？好啦，我係來食嘢嘅，網上評語又咁好，為咗傳聞嘅「好味道」，我就依經理要求嘅用餐時間去啦。我喺餐廳門口挨餓等緊嘅時候，有兩個女仔無訂位去問經理，但經理一句突埋去，無訂位無台俾你喎，坐門口啦。咁人哋無回話就即轉身走啦。等到啦，我同朋友好開心去du安心出行，準備入去啦。但係…….有人安心出行唔知咩原因過唔到佢部機…..呀經理都唔幫人搞咩原因，就拒我哋於門外，「坐門外得唔得？」朋友問，「唔得」經理答。所以…我哋用咁耐時間，食唔到滿心期待嘅食物，就轉去其他地方填肚啦。呢一次嘅經歷係前所未有嘅，整個安排和服務質素非常不正常，俾人感覺佢哋大把錢唔憂做，呀經理呢，高高在上，趕得一個客走就做少一個，都係一份糧啫

openrice買咗couponCP值高 而且唔係流 都幾oksor我影得唔靚😂先講鹹點 基本上冇得挑剔嫁啦98一個人有咁多嘢食味道又ok必須要加龍蝦湯牛角酥係又脆又流心 真心好食 要加另外個蟹醬牛角酥都ok好味不過可能冇龍蝦湯嗰個個味咁搶中間嘅鵝肝醬餅 煙火腿多士同唔記得咩嘅豬肉多士 都係好食嘅甜點就呢 太甜 好甜個焦糖布丁係食咗幾啖就頂唔緊了我地每樣甜點都食淨一半😂反而馬其龍幾好食 食哂今次都幾滿意服務都唔錯飽住開心走

復活節假期去左試新餐廳🍴招牌龍蝦湯流心牛角包🥐真係好正，上碟時睇落去明明係一份脆脆牛角包，但一切開啲龍蝦湯就流晒出嚟香煎北海道珍寶帶子配俄羅斯魚子醬帶子煎得岩岩好，唔會有韌…加埋魚子醬口感唔錯美國頂級牛腹扒牛腹扒有啲韌白松露雪糕🍦芝士蛋糕🍰啲款甜品未拎到埋枱已經聞到好香白松露味，食落口非常清甜整體成餐感覺都可以，職員亦好有禮貌有啲可惜嘅係坐位有啲迫成餐飯都唔太自在

今日嚟到位於p.m.q附近嘅享慢煮意度食午餐 餐廳裝修冇乜特別 不過勝在坐得夠舒服叫咗個日本蟹膏牛角包 外皮焗得香脆而且一層一層超鬆化 入面係流心嘅蟹膏醬布拉塔芝士沙律芝士 超級流心 加埋橄欖油黑醋同蕃茄仔一齊食勁開胃

喺中環呢條街有好多嘢食但係見到OpenRice食呢間有七五折所以就book咗黎試吓但係個套餐就冇節嘅所以我哋就喺餐牌單點左兩個主菜我哋叫咗個西班牙黑毛豬腩意大利飯同埋慢煮雞胸意粉佢個豬腩就好特別好化但係我就覺得有少少油加埋落去過意大利飯度我覺得就有啲Heavy不過就係好香嘅雖然佢份量唔多但係因為比較油 所以都夠食另外個慢煮雞胸意粉個雞胸就好淋好好食完全好似唔係雞胸咁不過間店就比較細啲位唔多需要要一早book位會好啲

今日係同母親大人嘅親子偷閒時光。我揀左位於中上環很Cozy的一家法式小餐廳來試三層下午茶set，朋友介紹在OP買coupon有38折， 非常超值。我地訂了三點， 來到已經有七成滿，比我想像中多人， 餐廳其實地方不大， 但幸好現在是二人一枱， 所以還算舒適。三層法式下午茶set食物都幾豐富， 鹹點有：北海道珍寶帶子 配 俄羅斯魚子醬、法國鴨肝醬、風乾火腿蕃茄烤麵包、西班牙黑毛豬腩。甜點有：招牌真空慢煮焦糖燉蛋、白松露芝士蛋糕、法式馬卡龍、鮮莓酥餅。還可以加錢試他們signature嘅流心牛角包，我就試左爆醬蟹膏流心牛角包 。我覺得食物質素好過好多酒店tea set。帶子好新鮮， 因為媽咪戒海鮮，我一人獨得兩大只。幾款小多士味道都唔錯。甜品我最喜歡焦糖燉蛋。至於signature嘅流心牛角包我反而覺得略為遜色，其實味道很好， 但牛角包唔夠熱，沒有好流心的感覺。吃完下午茶，順便逛逛附近巷弄，買些懷舊的食物。