丸十寿司日本食堂 (已結業)

經過朗豪坊成日都見到呢間分店大排長龍，今次我專登6點就黎到以為有得即刻入去，點知都係要等位。以我所知呢個鋪位前身都係一間日本料理餐廳，唔知係咪因爲呢到樓底好高，所以即使裝潢唔算豪華但係比人感覺高級貴氣。今次我地嗌左2個壽司漢堡同埋卷物，去到最尾都忍唔住加多左個串物拼盤真係好食到不得了。我地大約40分落單，不過啲野食差唔到7點左右物黎到，講真上菜速度有少少慢，但係呢個環境同氣氛我地都好滿意架啦雜錦魚生壽司漢堡同三文魚牛油果壽司漢堡 2個都係岩岩整好就上台，所以飯面仲係熱辣辣，本身以為佢呢個配合會好怪，但原來比想像中夾，魚生好新鮮亦無比漢堡既醬汁搶左佢既鮮味。最令人感動既最後order既串燒，鯖魚同三文魚燒得岩岩好，唔會太熟仍然保持到魚既滑度同入口即溶既口感，而佢既燒帆立貝亦都好新鮮，無沙同內臟係入面，清洗得好乾淨。如果下次再有得簡我都會推薦我既朋友黎呢間中價既日本餐廳試試佢！

約了今晚同朋友食飯慶祝，但又唔想食要餐，即刻openrice 搵下有咩新野試，就俾我地搵到間好味又就腳的日本餐廳！鋪頭唔算話好多位，但有outdoor，樓底就超級高，坐得幾舒服。我地兩個食左3-4人份量的野食，叫到成枱都係！朋友叫左個三文魚壽司set，我就叫左個吞拿魚set。吞拿魚同三文魚非常鮮味，一個拼盤有哂唔同食法，性價比高，好有幸福的感覺～手握嘅飯口感好好，又唔會太鬆，又唔會太實～呢間串燒都好出名，所以驚死唔夠食，仲叫左個海洋之盒，海鮮串燒share。每個串燒都非常有水準，有鯖魚、三文魚、海蝦、鰻魚，魚夠鮮味同滑，質素非常高！因為menu 實在太吸引，就算好飽都好想叫，一路傾一路食，一食就食左3個鐘。每串都可以同人開心share，正啊！海蝦大大隻，串燒拼盤當中鰻魚係我的最愛，唔乾又入口即溶，好想食多串啊！食到大滿足，超級飽，但女人有兩個胃，一定要用甜品作完美句號。我地最後叫左個士多啤梨芭菲，好味到要大叫～一齊share 最開心！呢間野非常full，7點已經好多人～～

我約咗個朋友仔食下飯傾下計，兩個女仔最好就食刺身加舊飯🍣，即係日本菜🥢。我哋約咗旺角朗豪坊，行行下發現有間看似新嘅日本菜，二話不說就入去醫肚，可能六點幾仲算早，人唔太多，唔駛等位。入到去覺得餐廳樓底高環境好開揚，以木色為主色調，感覺很舒服。餐牌裡面有好多新潮的Fusion 食物，好似壽司漢堡，刺身沙律，都好吸引，我哋叫咗個海鮮刺身沙律做前菜。個沙律🥗入面都有好多刺身三文魚、鮪魚、甜蝦🦐、帆立貝等等，用料豐富，食落好清新開胃。食日本料理一定要食壽司，而我好鐘意食鮪魚，所以我揀咗個鮪魚盛盒，即係吞拿魚全部都係吞拿魚！D吞拿魚全部都很新鮮，我覺得佢嘅赤身🍣都唔錯，但我最鐘意都係個鮪魚腩蓉軍，紫菜好脆，鮪魚腩蓉好鮮味！我剛放工，淨係食幾件鮪魚壽司更係唔夠飽，所以我叫咗個好靚嘅卷物一丸十彩虹卷🌈。卷物上有色彩鮮明嘅刺身，刺身上有牛油果🥑，令視覺同味覺都有清新嘅感覺。佢上面仲加咗金薄同小花瓣點點綴一下，令成件事好靚。我哋仲食咗個🐔雞之饗宴，可品嚐佢全個雞串燒系列，佢哋選用日本南部雞雞，比健康同味美。我覺得overall D串燒都唔錯，最好食係雞胸軟骨串。仲有佢哋杯茶🍵都幾好飲。

星期日喺朗豪坊睇戲前搵食，見到12樓新開左間壽司，門面又幾靚就試下，我地黃昏六點就去到，所以唔駛等位下圖係七點我地食完出黎已經有十個人等緊樓底好高，空間感好大，所以坐得好舒服刺身淺嚐拼盤，$88三文魚，章紅魚，甜蝦刺身好新鮮又肥美雜錦壽司盛合，$108飯好細舊，更加集中食出刺身鮮味海洋之盒$128上至下：鯖魚，大蝦，鰻魚，帆立貝，三文魚串燒燒得剛剛好，唔會乾爭爭雞之盛宴，$98上至下：雞皮，雞胸軟骨，大蔥日本雞肉串，免治雞肉串，雞中翼燒雞皮平時唔敢食，但原來好正，不過好肥😝二人共點左四款食物，因為趕住睇戲唔敢點太多，我地都大食，所以未算好飽，不過食物水準唔錯，下次唔趕時間會再黎試多幾款食物

朗豪坊新開的日本菜，以精米做賣點，午餐價錢相宜。環境不錯，室內設計突顥高樓底的優勢，感覺開揚。木色主調加昏黃的燈光，和風十足。熱抹茶米奶還以為是超市買到的紙盒裝用米加水做的奶。見到表面的泡泡，像正宗的抹茶，十分吸引。飲了一口，甜得誇張。用匙羹攪拌，質地跟想像完全是兩回事。很厚，底部是一整團飯，拌勻後濃稠如粥，都幾搞笅。似吃綠茶味的粥，沒有發酵味但不知為何想起酒釀。綠茶味都幾明顥，拌勻後甜度大大降低，神奇。午餐的選擇夠多，有生有熟，有壽司有刺身有丼。刺身，壽司，迷你丼定食一人一個兩層的木盒。上層放了沙律和漬物。沙律菜新鮮，脆得帶硬，少有地沒有過量的醬汁，只以少少醋調味。中華沙律亦不太濃味，幾爽。兩件壽司高質素，魚脂香十足。蟹肉軍艦則較遜色，紫菜腍又韌。刺身新鮮，厚切，不錯。原來迷你丼跟我們另外點的丼一樣，如果店員能提醒我們一聲就更好。香蔥鮪魚蓉海膽丼定食餐牌上有兩頁介紹餐廳的米。其中最特別的，是指明精米過程在餐廳內進行，以保留米的香氣，實在特別。帶點醋酸的飯，沒有想像的飯香，勝在口感不錯，不太黏，粒粒圓潤，濕度恰到好處。呑拿魚腩份量夠多，十分滑，但欠魚油香。海膽的色澤不算討好，吃起來卻不

木嘴作為一個mk仔，少不免會黎到旺角覓食。旺角人多擠迫呢排又熱到痴曬線，為左避暑所以就衝入去朗豪坊睇下有咩好西食。見住朗豪坊D餐廳轉黎轉去，mk仔如木嘴都唔係好update得切，所以就OPENRICE下有咩新餐廳啦，咁岩就見到呢間新開幾個月既日本餐廳。位置喺12樓，取代左之前間壽司店。又熱又餓，木嘴簡直係彌留狀態，好彩等左十幾分鐘終於有得入。WOW，入面裝修又幾靚幾日本風喎（無影到相添，大家可以去隔離食評睇睇相）！仲即刻有陣壽司飯味傳入我個鼻到添。唔掂當，再唔食野我真係會死，一坐低左就拿拿霖睇menu嗌野食喇。同正常日本餐廳一樣，菜單花多眼亂，又壽司又串燒又飯又小食etc..次次都要猶豫好耐！但餓到咁既地步簡直係迫上梁山，最後就拿拿林求其散嗌左軟殼蟹壽司漢堡, 溫泉玉子牛丼同雞串燒拼盤。另外，坐低見到有會員迎新promotion，只要下載個App就會送三文魚刺身，唔執輸既木嘴又點會放過呢個機會試埋佢D刺身呢！唔係好識評價個三文魚刺身，只係知道食落去好新鮮，無平時食放題個陣雪櫃味，同埋因為係免費野，食落特別好味。炸軟殼蟹壽司漢堡－嗌佢主要就係因為好少餐廳有得食米漢堡，仲記得細細個o個時好

呢間野 不知所謂 話說我琴晚同老公去到門口排隊諗住試下去到門口 職員叫我地企係門口排隊得架啦我問佢要唔要登記 佢話唔駛咁快登記之後有4位外國人排左係我幾張枱後突然個職員行埋去佢地度 同佢講 : 有位啦 請你地入黎啦 當時我諗 做乜野唔駛排隊即入?我當時就行埋去問帶完位出返黎果位職員 : 果4位外國人係咪訂左位? 做咩一排隊就有位? 職員 :　佢地唔係訂位架 因為有4人枱所以比佢地入 我話 : 下 咁有3張 2人枱等緊 做咩唔比佢地入? 佢話: 我地唔可以搭枱架先生唔好意思 我話 : 咁你唔搭枱 2人枱坐4人唔得? 4位外國人係隊係最後反而你叫佢入先? 佢就唔敢再講野 之後我就行返去排隊 排左一陣 差不多到我竟然果位女職員叫一張4人枱排係排隊既旁邊等佢執完枱就入得當時我同埋前面幾張都即時火起 : 有無搞錯 點解咁樣入枱架你地咩事? 之後有個應該係比較高級既職員話: 我地唔會比你地搭枱坐 之後我前面果張答佢: 我地4個識架 比我地入啦果位高級職員話: 下? 你地咁得意既 而家即刻識架? 我地話 : 而家即刻識同幾時識你又知?之後我老公提出走人唔食 真係火都黎 

上openrice 搵嘢食，見到朗豪坊有間壽司店 ，說什麼精米😮 好奇上網search一下。原來精米係喺舖頭做嘅， 呢個方法可以保持啲米夠新鮮，做出嚟嘅壽司會特別好食👍講到咁特別， 咁就要去試下😬門面夠光猛 ，好日本feel😍檯面食具同menu嘅顏色 ，調配得好夾， 畀人好舒服嘅感覺😍瞬間燻製鮪魚腩， 好特別侍應攞到上枱，叫我哋等一分鐘先好開蓋住嘅紙!一打開張紙，就聞到好香嘅煙燻味道😋😋😋鮪魚腩腍滑冇筋，有少少似煙三文魚嘅味，但味道比煙三文魚腩 淡，夠特別，值得一試👍築地特上刺身拼盤: 有油甘魚,鱆紅魚,赤海蝦, 帶子 ,仲有最靚嘅鮪魚腩!鮪魚腩肥美，脂肪分佈均勻，入口 香滑 ，魚油溶喺口中，甘香無比🤗赤海蝦size一啲都唔細 ，蝦肉新鮮黏口，彈牙😋帶子新鮮，色澤鮮明，肉厚有口感!油甘魚同章紅魚都係厚切 ，築地直送，難怪難怪， 可以鮮味無比😍嚟到丸十，緊係要試下呢度嘅 魚生壽司漢堡crossover啦😅魚生粒粒厚切，撈埋醬汁味道又別有不同 。宣傳用精米煮嘅飯，確係別有不同，漢堡嘅飯粒粒煙韌有口感，特別👍值得一提 :係呢度既侍應個個都好有禮貌 👍劉華又出嚟啦😂今時今日嘅服務態度🤩係要咁先

今日去到朗豪坊睇戲，經過見到不少人在排隊，細看之下原來是間壽司店，價錢和款式都有不同選擇，最後都和朋友等位試一試。門口有個好特別的機器，問待應原來這裡的米是用這個來打磨出來，十分特別和期待這個晚餐。丸十壽司盛合，有不同款的壽司，每款2件，岩晒我們可以一人一件，特別是這裡竟然有愛女魚，口質爽身而有魚香。當然不可不講其他質素十分高，如海膽勁新鮮一層層而且十分層次分明，鮮明又甘香。其他魚脂香濃又軟熟，而且勁窩心仲有壽司薑，食完薑可食壽司可以清一清喉嚨。串燒我們叫了二串：鰻魚串燒和帆立貝串燒，鰻魚厚身而且濃郁鰻魚香，帆立貝鮮甜配醬汁，味道剛好鮮甜而帶點咸味。在沙律和湯之間，最後選擇了海鮮土瓶湯，來到一個茶壺上面放青檸和杯好精緻，一開入面竟有蝦，魚之類，肉質仲保持到不錯，味道清之餘有海鮮香，配上青檸味道層次再升級，不錯。整體都十分滿意，而這裡選擇多，如漢煲和丼都未食過，諗住下次訂定位來就更方便。

行經朗豪坊見到呢間新開的日本餐廳門口排晒長龍，我同朋友又好有興趣想試下。等咗大約幾個字就可以入座。餐廳裝修十分富有日式風格，簡約而有格調。完熟梅酒，$68/杯，完熟的梅酒特別重梅味，十分香甜，易入口，冰凍可口，酒味香醇。送酒一流的小食，炸雞軟骨，$48, 炸得香脆咸香，新鮮即製，熱辣辣。原條築地直接鮮魚刺身，池魚，$180, 薄切，賣相好靚，師傅刀功技術好高，魚肉晶瑩剔透，入口嫩滑清甜，有魚香味，點醋汁的味道好夾。雜錦壽司盛合，$108, 有油甘魚，三文魚腩，左口魚裙邊，帶子，甜蝦壽司等，吞拿魚腩蓉軍艦等 飯粒香甜有醋味，魚肉嫩滑香甜。海洋之盒，$128, 燒三文魚肉，魚香味好香濃，燒帆立貝，大粒鮮甜，燒鰻魚，魚肉嫩滑，入口即溶，燒鯖魚，魚皮香脆，肉質香甜，魚香味重。雪花牛舌串燒，$35/串，肉質嫩滑多汁，咬落爽脆，燒得剛好熟。手羽先串燒，$35, 雞皮燒得好薄，香脆，一啲都唔肥膩，肉質嫩滑多汁，即燒熱辣辣。鹽燒⻣付鳥，$68, 成隻雞腿好大佬隻，肉質燒得超嫩滑多汁，肉質呈白色，新鮮鮮甜，雞皮都好香脆。

食米唔知米貴唔緊要，但食米唔知佢邊度嚟就大件事！之前聽聞丸十寿司每日自家磨精米，咁巴閉，梗係要試吓啦！果然離遠已經見到有人龍出現！入坐之後，發現呢度啲裝修簡約得嚟吹哂和風。即刻睇吓有乜好食先！雖然話壽司係點題美食，但見到有rice burger就忍唔住要叫一個。呢個炸軟殼蟹壽司漢堡亦無令人失望。軟殼蟹大大件，最緊要係米嗰層，軟熟得嚟又煙煙韌韌，仲有飯香，非常好味！聽聞呢度嘅海鮮係築地直送，咁就梗係要叫啲魚生刺身食吓。七點自選拼盤，揀左海膽、帆立貝、三文魚子，赤貝、間八、油甘魚同劍魚腩，鮮甜大件，無叫錯。咁開心梗係要開支酒，飲咗兩啖甜甜哋兼米味香濃嘅濁酒，就好想食番啲香口嘢。雖然話呢度以壽司聞名，但燒物都有得食架！分別叫咗個田園盒子，主要都係燒蔬菜系列。仲唔夠喉，嚟多個塩燒油甘魚鮫。鹹鹹香香啖啖肉，晚餐完美結束！

今日下午同朋友逛街逛左一個朝早..突然想起朗豪坊新開左一間日本野即刻衝過去試吓新野好豪華既門面 簡約有格調 好舒服丨設計好有空間感👏🏻👏🏻👏🏻仲有室外同室內一坐底店員已經好快奉上 🍵玄米茶 暖暖的 筷子都係選用即棄筷子 🥢 感覺好貼心點左👆🏻雖然有部份唔清楚係咩🤷🏻‍♀️ 但真係堅好味 勁新鮮 😋 海膽入口好creamy 好豐厚 拖羅😍😍 入口即溶👏🏻 入面有吞拿魚 三文魚 配埋明太子醬 有小小微辣熱熱的壽司飯 咬落好脆 喜歡微辣既朋友 不妨一試👏🏻鰻魚同 三文魚同鯖魚 😍😍個人係最喜愛 有魚香味💋 好香口 炸蝦🍤 新鮮 🥢有啲驚喜👏🏻海鮮湯 足料海鮮湯 ..有蝦 雞肉 魚肉 冬菇 蟹柳 飲第一啖 🤔略嫌有少少鹹 但加左佢上面既青檸 👏🏻可以帶出鮮味同反而平衡返個鹹味👌🏻舒服左好多總括嚟講覺得 食物好新鮮 👏🏻店員服務都不錯 👍🏻 會再返黎食❤️❤️❤️

好耐無去過旺角，難得今日約咗朋友去吃飯，即刻上網睇下有咩新野試下，旺角更新嘅速度真係快到冇朋友，冇嚟一排已經好多新開嘅餐廳，最後揀咗係朗豪坊今年5月才開嘅丸十寿司 日本食堂，想坐得舒服D傾下計！好彩朋友放早，一早就有位，唔冼排隊等。店內設置咗一部精米機，每天有兩個時段進行精米，店員會將日本入口的米，在店內即埸處理白米的最後一個工序～「精米」，原來精米可保留水份、香氣和味道。令料理的米飯口感更佳！餐廳亦因應季節挑選不同品種的米，現時用的是宮城縣的「一見鍾情米」，聽個名都知有幾sweet啦。Menu上除了壽司剌生之外，仲有不少特色和食，如壽司漢堡、瞬間燻製鮪魚腩及鐵板燒地雞等。我們就點了炸軟殼蟹壽司漢堡 ($88)底面兩層由白米、五分糙米、紫菜和特製醬油混合製成，燒後有少少脆飯焦嘅感覺，口感十分煙韌！再配上香脆軟殼蟹，豐富又滋味再來一個刺身自選拼盤，7點 （$298）海膽、帆立貝、三文魚籽、原隻赤貝、間八、油甘魚同劍魚腩。真係一次過滿足晒所有願望，款款也夠新鮮，尤其是海膽味道十分清甜，赤貝食落肉質爽厚，鮮味十足。唔想食沙律，大家可以試下蔬菜拼盤串燒-田園盒子（$98），素食之選！燒珍寶海鮮

位於朗豪坊高層，地點方便，鄰近全是商店，大商場內冬夏也不怕熱懼冷。坐位乾淨利落，入座送上暖茶。餐牌款式多，包含刺身、食事、壽司、卷物，燒物、燒餅、甜品等。上菜速度超快，基本上很快上齊。原條築地直送鮮魚刺身 池魚 hkd 180整條薄切完條工整，薄切池魚晶瑩剔透雪白，肉質爽脆嫩口，味道鮮甜。海洋之盒 hkd 128大蝦：蝦肉爽口彈牙鯖魚：鯖魚皮燒至微焦帶脆，魚肉肉質幼嫩柔順鰻魚：燒鰻魚入口軟熟柔軟帶魚香，油潤而香滑香蔥鮪魚腩蓉卷 hkd 88紫菜包裹鮪魚蓉再以鮪魚蓉鋪面，鮪魚蓉油潤細膩，口感絲絲綿絮，帶蔥花香。店內採用「精米」，口感軟熟米香十足，再配上適當比例的醋，握度合適，入口不鬆散卻不覺結實。丸十壽司盛合 hkd 298大鮪魚腩： 整件肥美厚身，脂肪飽滿，肉質鮮滑柔軟帶香脂香，入口即融海膽：入口柔順滑嫩，咬下甘甜而富海鮮味，在嘴間化開，融化在嘴間牡丹蝦：肉質綿絮軟滑富膠質，香濃鮮甜帆立貝：肉質柔順細嫩，咬下軟糯，入口鮮甜甘香池魚：厚身池魚口感彈牙柔軟，魚肉越咬魚味越香濃玉子伴燒牛肉飯 hkd 138精米作飯底，口感柔軟煙韌，再以燒牛肉鋪設於飯面，中間一隻流心蛋。牛肉入口牛味香濃，肉質

屋企人生日，見呢間日本料理新開，一家大小浩浩蕩蕩來到這餐廳，還未入去，眼見門口有幾班人在等位，本人打算問侍應攞位，講左三次，門口的員工無視我，只顧著招呼強國人，我想講我都已經講左三次，我地四位，你落左我兩位，我看見錯左話比你地知，你地竟然話我講野一舊舊，請問這是什麼服務態度？不歡迎香港人光顧嗎？家人本來都說去第二間吃，但已經等了半小時以上，吃飯時間實在難搵第二間，無奈地只好繼續等，本身已經覺得一開始感覺很差，但心中仍期望食物好吃就算。等了大約一小時終於有位，店內光線不夠，小朋友坐下時褲都弄髒了，因為本身椅子有食物汁液，很無奈都算，之後我完全感覺到枱面是立痴痴的，就好似之前有人倒瀉東西在枱上一樣，真的很不解，一間在朗豪坊開業的餐廳為什麼可以如此不堪？點食物時，因為兩位成人和兩位小朋友，只會叫足夠份量，食物來到了，侍應很沒禮貌地將食物大力放在枱上，你會感覺到那位侍應沒有靈魂在工作，問另一個侍應要小朋友餐具，我清清楚楚聽到果位侍應＂ｊｉｐ＂了我一聲加上不屑的眼光。說到食物，完全不值這個價錢，難吃加服務態度差，我想說，只此一次，當然也會叫朋友們不要光顧，因為這餐廳是為人民服務，之餘，我打算向朗