丸十寿司日本食堂 (已結業)

星期日去旺角行街街，去到朗豪坊有間好殿堂級嘅日本食堂，好吸引，原本念住裝修咁豪華，價錢一定不菲，原黎價錢合理適合大眾，款式都很特別決定入座黑松露海膽茶碗蒸，好多黑松露，味道好濃郁，水蛋好滑，好滑，好嫩，海膽份量較多，好鮮甜，好新鮮，入口即融，仲有香菇做配料，增加了口感，整體好好味👍牛油果炸蝦卷，係我嘅至愛牛油果🥑原本就係女人恩物，切片食不太漏，炸蝦好鬆脆，炸衣好薄，咬落去就係脆，加埋蟹子做點綴，整個口感很好，味道好豐富，清甜可口，呢個下次都要再點😍👍🤟呢個係去親日本料理的都會點的蒲燒鰻魚，鰻魚燒🉐️岩岩好，外面好脆，裡面好嫩滑，不過有小小刺，但係蒲燒汁加返分提拉米蘇丸十芭菲，一共有6層，每層都有唔同味道，朱古力雪糕🍦提拉米蘇夾住棉花糖，堅果🌰豐富口感😍中間白色係Cream.真係好正，最下面有朱古力粒，提拉米蘇最低，超級好味，又唔會太苦，正到痺

環境十分優美，簡約的裝潢，木製椅桌，充滿和式氣派。初嚐綠茶梅酒，比較清淡，容易入口。雜錦壽司盛合 - 跟友人分著吃，非常新鮮肥美的刺身。帶子、甜蝦及三文魚分量很足，比外面的肥美，且三文魚油分高，齒頰留香。丸十海鮮丼 - 很豐盛，有海膽！海膽非常鮮甜，又有很多魚類刺身，十分滿足。友人最愛玉子燒，第一次吃玉子燒上桌後仍然出煙，暖暖的很暖心，不過略甜。全晚至愛，海洋之盒。燒物從來都「冇得輸」，三文魚、鰻魚、帆立貝及鯖魚燒得出色，外脆而內亦保留油分，正！鐵板燒日本南部地雞 - 雞肉肉質彈牙，媲美內地走地雞的水準，讚！

好耐冇行朗豪坊，明明記得這位置應該係吳彥祖開嘅壽司店， 原來已經被另一間餐廳取替。行去睇下佢menu， 有注明壽司米係用，頗有趣，而且好鍾意佢簡約明亮嘅裝修，好有muji嘅感覺.平日唔算多人，拎咗第三號籌，約5至10分鐘已可入， 但原來有限時，落咗柯打後90分鐘要交枱， 因為係計落order，所以可以慢慢揀，睇啱先落單。叫咗個瞬間燻製三文魚他他，因為好有特色，有個好靚的玻璃罩盛載， 頂有牛油紙蓋住，影相一流。 三文魚切粒，煙燻味濃厚，而且仲一小撮海膽，底有牛油果， 感覺健康，係沙律以外嘅一種選擇。雪花牛舌串燒，雞腿肉串燒。 牛舌惹味， 雞腿肉標明係用日本南部雞肉， 好似真係好味啲，比較有雞味燒雞泡魚乾 唔會燒到太干，煙煙韌韌， 性價比高。茶碗蒸， 味道比較普通，不是很突出。親子盛合， 性價比高， 三文魚新鮮， 壽司米口感軟綿有勁， 可能真係同佢係度即場當店精米有關。松葉蟹肉壽司漢堡， 兩邊米煎到香脆，而且混合了一點辣味，更香口。 松葉蟹肉，芝士，生菜做餡料， 充滿玩味的菜式。總括嚟講，價錢不貴，坐得舒適，可以再來。

朗豪坊新開呢間日本餐廳夜晚都算多人排隊，好彩早到唔洗等。入面唔算大，但都坐得舒適提供既茶係玄米茶，幾濃味，好飲❤️呑拿魚蓉海膽飯呑拿魚蓉超級多！唔會太碎，好香味！海膽勁鮮甜，1 d腥味都冇。2者撈埋食好夾，鮮甜到爆炸！呢碗d料都幾多，唔會出現冇野撈飯既情況！❤️廚師發板壽司日日不同款式，但由於冇逐一介紹，所以都有d傻傻分不清🤣全部都好新鮮，最正係呑拿魚定唔知拖羅，勁甜又厚！d魚好易咬又甜❤️魚串燒呢個雜綿就抵食！因為就甘叫一串鰻魚已經60幾，所以呢個set堅平！最好食係鰻魚，d油脂超正又入口即融同冇骨！其次係三文魚同鯖魚，勁香魚油，又唔腥！呢個好高質！雖然係貴，但窮小子我覺得佢既食物質素係對得住佢既價錢！間唔中黎食當獎勵自己都ok，因為真係好好食！其實有d想試個個牛奶抹茶，但叫得太豪氣了，所以都係留翻下次先叫🤣🤣

朗豪坊雖然有唔少出色嘅西餐，但日本餐廳同樣值得推介。呢個日本餐廳裝修盡見日本風，以木材為主調，跟柔和燈光非常配合。而食物方面當然亦出色，先有壽司盛合，海膽軍艦、大拖羅、牡丹蝦、帆立貝壽司，淨係賣相都已經極之吸引，海膽入口有軟滑口感，絕無任何雜質，充滿鮮味; 而大拖羅亦係肥美十足，脂肪比例分佈平均，入口充滿魚油香味，上面仲加上金箔點綴就更見矜貴; 而帆立貝晶瑩剔透，亦都夠晒厚身，入口極富口感，鮮味濃郁。接著仲有呢客火灸三文魚卷，經火灸嘅三文魚，香味夠晒濃郁，加上大大粒嘅魚籽，已經極為吸引; 而入面仲加上香脆嘅炸三文魚皮，增加口感，整體感覺同出面嘅日式餐廳優勝更多，絕對值得推介。

旺角朗豪坊12樓開了新的壽司店,裝修很日本風格, 樓底很高, 有counter位也有卡位,6:15來到已有很多人入坐,點了燒珍寶海鮮扇貝盒$78,兩隻扇貝加上芝士一起燒,芝士很香,扇貝多汁大隻,十分香口.丸十壽司盛合二人前$298,甜蝦很肥美大隻,大拖羅加上金箔十分貴氣,味道入口即溶,最喜歡海膽軍艦,因為有很厚的海膽,味道鮮甜很新鮮,軍艦卷物盛合$238包括海膽軍艦,鮪魚蓉軍艦,辣汁炸魚卷,炸魚卷外皮香脆,配上辣汁沙拉醬很醒神海鮮刺身沙拉很大份,刺身不多,沙拉菜爽口新鮮

朗豪坊開左間新日本嘢，第一時間去試，好鐘意佢嘅成個風格，樓底超高之餘，仲要全部都係木製裝潢，成個感覺好舒適，就算店內都幾多人，都坐得好闊落。佢有好多款唔同嘅菜式，由沙律、串燒、刺身飯、壽司、卷物，都應有盡有。自家製玉子燒，佢唔係現成個啲，好濕潤香濃，暖暖地食完真係好治癒。雜錦壽司盛合，有八款，每件都咁精緻，蟹腳好鮮甜，炙燒左口魚彈牙甘香，好快KO哂。海洋之盒，多款海鮮串燒，簡單調味就已經好足夠，帆立貝好鮮嫩，三文魚又係 一啲都唔嚡口，擠埋檸檬汁食仲正。丸十海鮮丼，鮮味大爆發，赤蝦非常大隻，三文魚籽卜卜脆，仲有拖羅入口即溶，水準十分高。朋友飲左綠茶梅酒，話味道好特別，清爽得黎又唔會好嗆口。我就叫左烏龍茶，無糖，配日本嘢係最襯嘅。

好耐沒有食過咁好食的日本料理！由其是在香港，可以食到好食的日本料理，有時唔係話有錢就能食得到的呢～今次係呢到真係品嚐到了首先一定要講的係，呢到內部的裝潢都有種令人舒適的感覺，樓底好高～全部都係用啡色同木的設計～簡簡單單～好有放鬆的感覺！我地下單了幾樣幾特別的食物～由其是呢個三文魚牛油果壽司漢堡～米堡相信大家都食過～但入面是刺生就應該唔係到到都有了～超多的三文魚，每一口也充滿了新鮮的三文魚！配埋牛油果的軟滑，真係無得頂呢個好有心機的壽司～名叫 丸十彩虹卷！一睇就流晒口水了～色彩繽紛～只係望都覺得好食呢～有d壽司的外表卷了兩種魚，有d就有牛油果配塔～內裹有的是卷著青瓜絲，有的是蟹柳條～全部食材都好新鮮好鮮甜之外，味道仲好夾！呢個係鐵板燒南部地雞，肉質嫩滑～皮好薄～有些會烤到有些少脆口唔會好多肥膏，而且調味剛剛好，雞味依然突出！醬油有略略的甜，唔會太咸～真係好好味～手掌咁大的 燒珍寶海鮮扇貝盒！OMG~超級大個，入面有兩燈扇貝同其他魚配塔～加上濃濃的芝士同沙拉～味道濃郁～最後一定要推介呢個超級正爆甜品！😋😋😋😋睇番都流口水了～士多啤梨刨冰💗💗好甜！好多士多啤梨醬～當中的士多啤梨肉都有不少啊、

最近經常見到報紙雜誌介紹呢間丸十壽司，今日經過朗豪坊見到唔洗等位即刻試下先餐廳主打即場磨米，緊係要試下！我地叫左一個「極上鮪魚丼」！吞拿魚非常新鮮！脂肪分佈好平均！有入口即溶既效果！啲飯粒粒分明、軟熟香甜！份量都足夠一位男士既食量！另外我地叫左一個自家玉子燒玉子燒非常厚，入面層次分明口感好好，食落有蛋香亦唔會太甜😋總括而言係香港主打日本食材既餐廳好多但真正做到食材優質而煮得好味既不多丸十壽司係呢個價錢水平黎講的確有驚喜值得一試！

經朗豪坊見到呢間非常光猛的日本野食店,就不自覺咁被吸引住而入左去坐低。樓底非常之高,座位寬敞,坐得舒適。裝潢好有日本風,令人感覺柔和。職員好有笑容,俾你慢慢睇下先落單。呢間餐廳著重米飯的推介,標榜每日新鮮打磨精米,感覺有點驚喜。而且價錢不算好貴好貴呢~~叫左個天婦羅手打烏冬,炸蝦好香脆,配料樣樣有D,熱湯加滑溜烏冬真係無得輸喜歡不太濃味的可以一試~!丸十彩虹卷,賣相好靚,鮮豔又奪目。有一小片乾花瓣和少量黑魚籽和金箔裝飾,感覺好GRAND。有2片唔同既魚生片配搭,分別有三款,當中牛油果配三文魚,口感豐富又清新,魚生片無腥味,好好食燒日本地雞飯,比平時食既雞肉有原味,唔似雪藏肉,最正係雞皮攤左好耐都好脆卜卜,香口惹味唔會落好多甜醬油,呢點好欣賞日本米好軟熟,絕對有誠意之作~!

呢間新開嘅日本餐廳，門口外形好似參考咗日本木飯桶入到去先知點解個設計咁有趣原來因為呢度用嘅米係大有名堂㗎啲白米係餐廳每日新鮮由糙米打磨而成仲 show 咗部精米機出嚟𠻹～而且仲有來自不同產地嘅米，有唔同嘅口感、黏度同甜度啲米仲有哂名㗎，好講究 😄裝修方面好有日本 feel，裏裏外外都掛咗好多燈籠又用咗好多木製品，仲有啲用稻米做嘅裝飾！靚得嚟個感覺好舒服～【刺身自選拼盤】有成十二款刺身可以揀 🤤每款刺身嘅件數都寫到明，非常均真我就揀咗五款，都係 $228 咋！以質素嚟講真係抵，全部都係好新鮮右邊係【帆立貝】，鮮甜厚肉基本上都係安全之選左邊係【原隻赤貝】就令我相當驚喜喇係貨真價實嘅原隻，唔係普通切片嗰啲赤貝刺身真係大大隻好爽甜！【松葉蟹肉】食蟹有咩好得過起哂啲蟹肉出嚟先？唔駛拆蟹一啖食，好疏乎～而且都裝得幾滿下【牡丹蝦】有好多蝦膏，我連蝦頭都食乾淨 😂【海膽】份量好多、勁鮮甜我連埋啲昆布一齊食，好夾成個刺身拼盤嘅滿足感都好高！另一驚喜就係呢個【瞬間燻製鮪魚腩】煙霧 last 到好耐，效果好靚最緊要係個拖羅好食到不得了，好軟滑同埋甘香個特制 sauce 帶點酸，令到拖羅層次更豐富必點！！！👍

這家日本餐廳好好味😍😋黑松露海膽茶碗蒸: 呢個一定唔可以錯過，海膽大大片且鮮味、黑松露好香(不濃)、香菇清香撲鼻，最緊要係唔會冚咗啲蛋味，簡直一流!玉子半燒牛肉飯: 這個又係冇得彈，未食過咁好味既燒牛肉，佢有著日式既獨有味道，牛肉九成熟，好林身，牛味唔係濃但足夠! 又睇吓隻蛋? 薄薄既蛋白包住豐滿既蛋黃，睇落吸引，食落滿足!點解呢到食咩既味道都夾得啱啱好既? 番薯串燒:包甜魚子好新鮮，冇腥味，小朋友都搶住食!三文魚唔好多脂肪都又香又美味!這個漢堡包嘅米係好特別嘅，喺餐牌到會有介紹什麼叫精米，佢既做米過程。口感方面係煙韌的，好過食飽

好耐都冇去過朗豪坊，難得今日放假，約左朋友去行下，先發現原來有好多新鋪進駐左，而當中係12樓仲開左間新既日本餐廳，標榜係香港首間既「當店精米」餐廳tim呢間餐廳裝修幾有品味，用左淺木色做主調，和風味濃，入面樓底高，又有室外位置，空間感好大，環境舒服。Menu呢度除左刺身、壽司之外，仲有串燒、炸雞、燒物同壽司漢堡等等，好多選擇，而最大賣點係「當店精米」，仲係門口擺左部精米機tim。精米其實係將米糠從粗硬玄米既表面輾開，再打磨至白米既工序，精米可以保留水份、香氣同埋味道，呢度每日兩次，令到d米粒可以保持新鮮。三文魚牛油果壽司漢堡$58呢個壽司漢堡喚起左我細個食既「飯tactic」，不過由於呢度用既係優質日本米，又係店鋪入面做精米，所以食落飯粒分明又煙韌，仲多左份焦香tim，而入面既三文魚粒新鮮又肥美，配埋清淡健康既牛油果，實在perfect溫泉玉子伴燒牛肉飯$138呢個燒牛肉飯好好味，除左佢既飯特別香口之外，連佢既燒牛肉都燒到arm arm好，外脆內軟，口感一流，而且牛味濃又夠juicy，加埋隻半熟溫泉蛋，好yummy

老友請我食飯！😆😆今日我的老友話請我食飯，我們到朗豪坊選了新開裝吃日本料理的餐廳九十寿司。午市餐廳有多款的料理供應，友人選了燒鰻魚飯定食$108 ，而我就選了特上刺身定食$158。我們還加追了三文魚刺身和章魚小丸子。料理用雙層的木盒盛着，極俱心思。朋友點的鰻魚肥美甘香，燒得香脆，沙律新鮮爽脆，前菜則開胃精緻。先吃了一口飯，發現飯很香，很煙韌，有別於一般的珍珠米。一問之下，原來是來自宮成縣最具代表的一見鍾情米。傳說只要吃了一口，就會唇齒流香，讓人久久不能忘懷而得名，成本真的相當高呢！而我所選的特選刺生定食也很有水準 。 全部刺身光澤，十分新鮮。我最喜歡的是帶子刺身，厚厚的，鮮甜美味。此外鯛魚薄切刺身油潤光澤，肉質鮮嫩，美味可口，沒有泥腥味  ！總括而言，食材優質新鮮，感覺乾淨衛生，價錢也合理，值得再來！

今日朋友仔同左我去旺角行街，其實行左一陣，我已經攰到唔想行，去揾食好過啦，岩唔岩先。所以我就提議去食番餐日本野。煎餃子$38餐廳既主打係米，但都有唔少野食既。前日食完拉麵餃子，今日依然想食番件餃子。餃子有五隻，外皮幾薄煙靭，口感較濕，味道都唔錯。炸薯角$38雖然冇叫酒，但叫左少少助酒小食。薯角好大件，炸得幾香口，而且唔油膩，全餐最好食就係薯角啦。鐵板燒日本南部地雞$78餐牌話用南部地雞，地雞較一般雞更好食，我地就叫左一份。不過鐵板就唔熱，地雞調味偏淡，點少少柚子胡椒，會好食啲嫁。