丸十寿司日本食堂 (已結業)

環境舒適。性價比高既日本料理朗豪坊高層有好多好野食，係角落位有間好有日本風情既餐廳吸引左我既眼球睇下價錢，係朗豪坊黎講又唔貴wo一入到去，樓底極高，好舒服既感覺，同三五知己吹水一定好正，睇下個menu先因爲呢間餐廳d米係重點，所以用米整漢堡非常特別，下次一定要試呀呢個玫瑰簡直不得了，色香味俱全，可以同佢瘋狂影相壽司串燒性價比高，唔算貴，都好抵食鍾意蛋既朋友一定要食玉子燒同黑松露海膽蒸蛋，真係好滑！好滑！好滑！不得了玉子燒一咬超甜又滑，蒸蛋離遠已經聞到好香既黑松露味再來一張合照，好正！壽司拼盤一百蚊鬆d就有唔同選擇非常新鮮，而且種類都係大眾喜愛之選，每舊都好鍾意食串燒盛盒都好好，鰻魚入口即融，好香好好味！蝦都夠彈牙最估唔到鯖魚燒得岩岩好，以為會有d鞋，但無wo，夠味又嫩滑，有驚喜今餐同朋友食得非常開心，食物質素有水準

lunch 想食日本野, 同一大班同事boom 好枱10 個人, 一去到就有位, 但好搞笑係坐露天, 朗豪坊商場個個位, 但都唔會話冇冷氣嘅, 叫左個角切魚生飯, 都唔錯, 算新鮮, 份量都岩岩好, 仲有埋沙律

有時愛情也一樣你不必太過接近因為太接近只會把他的壞處看得通透站遠一些吧他也許會像全貌的鐵塔般好在五月剛開幕有半價優惠的丸十寿司日本食堂，今次終於可以試到，在朗豪坊愈來愈多新店進駐，舊位置也是吃日本料理的，但新餐廳顯然更光亮及闊寬，座位也比較鬆動，有室外及店內兩種。今晚和L小姐就試一下新的日本餐廳，為的就是那壽司漢堡。店家是用築地水產市場的時令海鮮材料直接送到店、更用上「精米」即是將米糠從粗硬的玄米表面輾走，再打磨成為囗感軟熟的白米。而丸十壽司是在餐廳內施行精米工序，是全港首家「當店精米」的餐廳。壽司店米的質量當然是首先條件，但刺身不容少看，今晚就點了壽司漢堡、彩虹壽司、鐵板雞扒。炸軟殼蟹壽司漢堡$88壽司漢堡是白米混和糙米、紫菜和特製調味料，軟殼蟹色澤金黃，外層香脆，蟹肉軟腍，配上芝士、生菜、沙律醬，入囗香濃沙律香，入囗不算太膩滯，米粒煙韌有嚼勁，混入些芝士更香囗。三文魚牛油果壽司漢堡$58三文魚鮮嫩，因為是顆粒狀入囗更易嚼開，牛油果熟稔配上爽脆生菜，入囗清新又健康，在面加上些辣椒絲，囗味又再變化。彩虹壽司彩虹就是指各種不同魚生的配搭，用上吞拿魚、三文魚等，混上牛油果，更在上加上黑魚籽

同女朋友啱啱去完北海道，仍然念念不忘當地嘅刺身同壽司。 於是上openrice搵番更靚啲，有日本feel嘅壽司店，見到朗豪坊新開咗一間:'丸十'，睇食評好似好正👍於是就去試下啦😬新裝修，畀人嘅感覺當然又新又靚啦💖餐具都富有日本feel，同埋好新淨👍當日特上刺身拼盤，一共有五款: 鮪魚腩，赤海蝦，帶子，油甘魚同鱆紅魚。蝦肉色澤鮮明，肉質腍黏，滋味無窮。油甘魚厚切，口感一流，爽甜鮮味😋😋😋鮪魚腩真係冇得輸，油脂分佈均勻，入口即溶。一食到鮪魚腩。。。就想起跟女友在小樽三角巿場一起選刺身，食鮪魚腩的情境，別有一番甜絲絲的感覺呢😍章紅魚看似有點腥，但入口原來都好鮮甜，魚味亦比較濃，新鮮即是新鮮呢👍帶子夾著檸檬，吃起來有點檸檬香味，更帶出帶子的鮮甜味串燒牛舌，係女友嘅喜好，去到邊都必食😬厚厚的牛舌燒得外香內軟，牛味香濃，肉質軟腍多汁😍😍😍在日本沒有機會食鰻魚，反而返嚟先食，所以話呢。。。身在香港多幸福，想食乜就可以食乜👍鰻魚亦是厚厚，燒得香而吾會乾身，加上鰻魚汁，更是味美🤩食串燒當然少不了來杯梅酒啦～原來這裡的壽司是用精米，做出來的壽司飯會更新鮮，下次一定再來試壽司先得😬

朗豪坊有好多食肆，但大部分都係主打歐陸式美食。好難得找到一間環境優正，裝潢簡潔，感覺優雅的日式餐廳。這間餐廳是朋友之前試過，覺得值得再食。所以建議我們去試試😚餐廳有提供下午茶套餐，有8個款式，怕唔夠食還可以加錢追加小食。👅套餐包含一個主食及一碗味噌湯。吞拿魚魚蓉是冰凍嘅 ，配合海膽 雖然枱上有 醬汁，可隨顧客口味添加，我個人建議不需要再加醬汁。 珍珠米已添加了醋和醬汁，味道已經好夠，如果再加醬汁，會蓋過主角(吞拿魚魚蓉+海膽)的味道。然海膽份量好少😦但勝在可夠鮮甜 ，加埋冰涼的吞拿魚魚蓉，配上暖暖嘅的日本壽司飯 ，口感好豐富，味道好搭😊牛肉外層燒的好香脆可口，而且保留到裡面的肉汁。最愛弄破溫泉蛋，讓溫暖的蛋汁溢出，用來撈飯，好幸福呀💞💞💞💞💞因為珍珠米已有醬汁，就算只配上蛋汁，已覺得好好味。美味しい💞💞💞雖然當天店內客人不多，但服務質素有待改變，服務員的應對不算快。有一次，他們忘了給我們匙羹，我們舉了好幾次手，他們都沒有看到。另一次，我們差不多吃完鮪魚肉蓉海膽飯，還未見燒牛肉溫泉蛋飯的出現，我們想詢問的時候，也舉了好多次手，服務員才看得見。☹☹☹

今晚去食久違嘅日本菜 可以話係滿心期待 當然有御用日本菜鐵腳咀刁v伴我左右啦「丸十壽司日本食堂」開設係人流集中地 旺角朗豪坊前排嘅新開張優惠全單半價豬小姐就無緣品嚐 今晚正價品嚐 希望係值回票價首先講下環境 第一個感覺係個樓底好高 空間感大 和諧溫馨嘅木色做主調 感覺舒服刺身拼盤款式可以自選 分三 五 七款我地兩個就揀中間嘅五款 分別揀左三文魚 劍魚腩 海膽 帆立貝同埋赤貝刺身好新鮮 食得出天然鮮味 係靚野兩款魚類刺身相當肥美 魚油脂香濃 味道回甘海膽清甜水潤不腥 質感幼滑款款都新鮮味美卷物叫左吉列蠔忌廉芝士牛油果卷炸蠔溫度夠熱夠脆口 同cream cheese 牛油果味道好夾 係好清新 有創意嘅卷物再上自家製玉子燒 每件玉子燒都夠哂厚身 食落軟綿綿熱呼呼 魚類擁有豐富蛋白質 要攝取一下西京比目魚用味醂醃過再燒 魚肉香甜嫩滑 唔需要點蛋黃醬已相當夠味鰻魚串燒微焦富燒汁嘅甜 質感軟腍而無太多碎魚骨 可以話係啖啖肉鐵板牛肉壽司漢堡係好有噱頭嘅米漢堡用醬油燒過嘅精製米粒粒分明帶嚼勁 惹味米飯夾住板燒牛肉 生菜 沙律醬 芝士 足料驚喜飽肚又好味鍋燒烏冬係豬小姐最愛嘅澱粉質用嘅係彈牙嘅讚歧烏冬

夜晚同朋友相約在旺角食飯，嚟到朗豪坊搵食行行吓見到呢間新開食日本餐嘅丸十壽司，大家都好有興趣想試吓先來個刺身先！我哋叫咗任點三款刺身，分別係劍魚腩、間八同埋原隻赤貝，劍魚腩十分肥美茶碗蒸不過不失。雞肉串燒盛-分別有炸雞皮、雞翼、雞軟骨及雞肉等等，款款香脆可口，不錯！燒豚肉飯-豚肉香嫩可口，配上特製醬汁，撈飯一流丸十壽司盛合-分別有牡丹蝦、鮮帶子、油甘魚、吞拿魚腩及海膽等，十分鮮甜味美，推薦炸牛蒡香脆可口

尋日同friend行開旺角，就醒起要食呢間係朗豪坊嘅人氣餐廳，平日夜晚都要大排長龍，好彩我哋預早左去攞位唔駛等好耐！餐廳環境舒適，幾有日本味道，連餐具裝飾都好別緻想食日本野主要原因係好想食壽司，所以一嚟就嗌咗個雜錦壽司盛。呢個雜錦壽司盛有三文魚、帆立貝、蟹肉、甜蝦、吞拿魚腩等等，壽司味道新鮮，而且飯有陣陣香味，配上新鮮嘅山葵，配搭得恰到好處，唔錯！丸十彩虹卷彩虹卷係由三文魚同埋吞拿魚壽司整成，每件壽司上面都有金箔同埋黑魚子點綴，上枱嘅時候已經覺得好靚，食落亦都係新鮮好味，推介！炸軟殼蟹壽司漢堡呢個壽司漢堡幾特別，以煎好嘅米飯做「包」，夾住即炸嘅軟殼蟹，雖然係即炸，但唔會好油！新鮮香脆嘅軟殻蟹配上軟林林嘅壽司漢堡，又估唔到幾夾幾好食！燒地雞飯呢個飯份量唔少，雞肉香口，配上特別嘅醬汁，都幾好味！呢一餐整體來講都幾唔錯 ，唔怪得人氣咁高啦！

朗豪坊新開的日本菜，主打用精米而做的壽司飯。精米為精磨后的大米，去掉了糠皮和糊粉層，面頭更滑更煙韌。店入面的精米機更是我第一次見！而且店舖用上簡單柔和嘅木紋裝修，入去食飯給人一種更加舒服的感覺。壽司飯是壽司的靈魂，用上精米更加不馬虎。二人份的丸十壽司盛合($298)對於我來講就最有代表性。首先由築地直送嘅新鮮魚類，配上中拖羅、帶子、牡丹蝦、海膽等，放得上枱的都係高級嘅食材，果然係一分錢一分貨，不能同年㗎壽司店相比。壽司飯嘅溫度，和體溫一樣，食落口煙韌無比，米香十足。丸十海鮮丼 ($250)這一個都幾有睇頭的丼真係無叫錯！一邊有齊好多款魚生，仲有埋海膽！海膽都好鮮甜，而且冇腥味，而且壽司飯一如以往煙韌。鍾意食魚生嘅你就唔可以錯過！雜錦魚生壽司漢堡 ($68)這一個有小小似以前連鎖快餐店嘅漢堡，加入粒粒嘅雜錦魚生，加入奇妙辣醬，辣辣地地都幾開胃。不過我比較鍾意食凍嘅壽司飯。上網睇到呢一間餐廳嘅評價都係好壞參半，試過之後，的確冇其他人講到咁差。不過定價的確有少少過高，始終一分錢一分貨，如果抱住求其食的心態有可能被殺到一頸血，不過如果當係獎勵自已就係一個非常好嘅選擇。

旺角潮物多，食店還更多，一街之隔，想要中西日韓泰等等等等，通通沒問題。沒錯選擇多，伏物還更多，一堆堆好睇唔好食的潮物，所以為保舌頭健康，我一旦睇完戲/行完街都寧願去朗豪坊，穩陣唔會死（尤其food court,性價比高）。今日同樣是行完街，不一樣的是驚覺朗豪坊開了幾間新餐廳，揀選下就入了日本餐廳試個究竟。那時新開數天，沒太多人，木系的餐具，有味道餐牌還夠多選項，它最招牌推介的是其選用的日本米（精米），所以今次晚餐都選了一個 丼 及 飯漢堡 試試味道，當然還有其他一連串試個夠為止。先來招牌的燒地雞丼，地雞即日本國產的雞，佔全國最多1%的生產量，都咪話唔厲害，當然要試真點。別睇佢樣子平平，以為同吉野家差唔多，兩碼子的事！雞肉滑帶有肉汁，燒烤過後添香味之餘，雞油同醃汁帶落飯粒，惹味非常。飯粒有咬口，粒粒分明，飯香十足，好味！再來的是刺身丼飯，食日本野點可以唔試其海鮮呢，它選材真是不錯，有牡丹蝦、松葉蟹肉、魚籽、帆立貝、海膽、拖羅、赤身、三文魚等共十款刺身，老實款款都好新鮮，牡丹蝦同拖羅根本是完勝，唯一有少許不滿是海膽，唔夠鮮甜帶苦味。白身魚薄切，白身魚味偏淡甜，少腥味，感覺會清爽一點，作為前

前幾日係朗豪坊見到好多丸十嘅廣告，所以就諗住試吓呢間新開嘅日本菜。炸軟殼蟹壽司漢堡呢個貌似每台客人都點， 個menu幅圖勁吸引，好彩實物冇令我失望！！真係成隻軟殼蟹 兩隻蟹鉗好脆口，食到中間就覺得隻蟹幾juicy, 啖啖肉。 吉列蠔忌廉芝士牛油果卷每一舊壽司都有蠔，而且好重蠔味。cream cheese的軟滑為壽司帶來多種口感，而且好夾。不過牛油果味被蓋過了海洋之盒全都係海鮮串燒，賣相不錯最好味係元貝，好大粒，而家唔會乾鰻魚好入味，食完會再想食多串三文魚大大串， 岩晒唔敢食三文魚刺身的我呀！抹茶芭菲主要以抹茶雪糕同抹茶慕絲為主，馬卡龍都幾好食。如果層次再多d就好啦總括黎講幾推薦呢度的軟殻蟹漢堡，好抵食！

今晚黎旺角買野，上黎朗豪坊覓食，搵到依間新開無耐既日本餐廳，人流都唔少，於是試一試先。裡面都唔算細，但都好多人食呀。枱既擺設連同menu都好獨特, 侍應都馬上送上左麥茶，仲時不時添茶。開頭叫左個溫泉玉子薯仔沙律，份量唔算細。生菜仲食到新鮮爽口既感覺，拌入溫泉蛋中，配搭適宜。主菜：雜錦魚生壽司漢堡，值得推介超級好味，首先唔同既魚生粒，夾埋生菜同醬汁，味道好惹味最特別係個米漢堡，燒得香脆，唔會散開，用紙包住黎食，每一啖都食得出唔同配料既香口惹味，又唔會漏出來。雜錦壽司盛合，每件魚生都好新鮮，飯亦唔易散開抵食火炙三文魚親子卷，燒得剛剛好，好香三文魚包住紫菜卷，飯同燒過既魚皮，一口咬落去，帶出香脆既味道。鳥之頌，即係雞既串燒。每一款都燒得香脆但唔會膩，亦有唔同既配搭及口感。有雞皮，大蔥雞肉串，免治雞肉串，雞軟骨，同埋雞翼。雞軟骨好特別，平時出面食開都係一舊舊，軟骨好大件難咬，依間係一片片好爽易咬。免治雞肉串啖啖肉，好味。整體依餐日本料理高質素之餘，又唔算貴，性價高，值得推介。

今日經過旺角，食咗呢間日本嘢，非常好食所以一定要話畀大家聽，呢間位於旺角朗豪坊高層嘅餐廳，價錢唔算太貴，但景觀同環境都非常正 食日本嘢梗係食壽司啦，佢呢個雜錦壽司拼盤，有拖羅，池魚，帶子，虎蝦同埋海膽，拖羅非常之香滑而且一啲根都冇，簡直可以媲美去日本食最靚嘅拖羅，池魚一啲都唔腥爽口彈牙，帶子新鮮鮮甜嘅味道，我係香港未搵到其他店舖同佢有得比，喺幅圖見到海膽係成一粒粒嘅形狀，新鮮無比 另外叫咗一個照燒雞丼，香滑嘅照燒雞配上蔥油嘅味道非常之香，係我食過咁多次日本丼最好食嘅果 另外叫咗一個天婦羅蝦反捲，上面鋪滿咗牛油果同埋蟹子，好味得嚟又唔會太膩 雞泡魚乾都係我嘅至愛，非常之香滑而且食落去參出龍龍嘅香味 最後叫咗一個terimisu甜品，有棉花糖，朱古力雪糕，朱古力豆，cream同埋朱古力醬混合而成嘅，非常好味，值得大家一試

朗豪坊多左唔少新餐廳，呢間丸十壽司開左無耐，但見到滿哂又經常有人等位，就同朋友黎試下～野食種類都幾多，價錢中上～我地點左燒玉子，刺身5點，吉列蠔卷，鍋燒烏冬，燒鰻魚串同西京比目魚。刺身5點可以自己配撘，中意咩刺身就揀咩，幾中意呢種叫法，海膽幾新鮮而且一d都唔腥，但就唔夠鮮甜。其他刺身都好新鮮，特別係劍魚腩同帆立貝。而吉列蠔卷賣相吸引，吉列蠔大大件，入面夾左青瓜同cream cheese, 好飽肚。而鍋燒烏冬係幾抵食，好大鍋，夠2個人share, 烏冬彈牙，仲有天婦羅蝦一隻燒鰻魚串亦係推介之一，燒得好香好淋，多汁厚肉。而西京比目魚同燒玉子就不過不失，燒玉子有d厚實，比較滯肚。整體呢度既野食質素唔錯，豐儉由人，如果唔點刺身壽司既都幾抵食！

平時行過朗豪坊，行過呢間餐廳，俾我感覺好高級，價格應該有番咁上下。呢日又行過，為了解開心裡的疑團，於是決定食一次。呢度的樓底好高，整個環境有稻草和日本地圖的佈局，非常有日式餐廳的風味。看了下餐牌的內容，多款美食都好吸引，好想統統都點。與時同時，職員奉上茶給我們慢慢點。炸牛蒡一絲絲的炸得好脆口，洒上少少調味粉感覺好惹味，但又唔會覺得好似薯條咁熱氣。松葉蟹肉壽司漢堡雖然比地平時的漢堡，體積好像小了點，不過中間有一塊芝士同埋撕開一條條的松葉蟹。松葉蟹很爽鮮和嫩滑，十分清新。最令我感動的就係飯，因為平時的 rice burger 用的係白飯，而呢度的飯係加了醬和黑芝麻製成的，所以特別香口。炸軟殼蟹松葉蟹肉壽司漢堡除了有令人感動的飯之外，軟殼蟹係原隻上，八隻腳全部露哂出來，食起上來是脆卜卜的，而且特別感覺有霸氣。海洋之盒其實就係串燒拼盤，有大蝦、鮭魚、鯖魚、鰻魚和帆立貝，款款都係我平時喜愛食的。每款都燒得外面甘香，裡面非常彈牙和 juicy，如果要我選邊款係最好，我真係唔知點選好啦~