丸十寿司日本食堂 (已結業)

一段時間無去旺角食飯，舊同事係旺角放工，所以去左朗豪坊食飯，見呢間丸十裝飾幾有型，於是入去食返餐幾靚幾舒適睇落好開揚茶色好清原來出名食米漢堡軟殻蟹好脆，米漢堡口感好強，每粒米都感受到呢個刺身沙律正，有好多款刺身，連帶子都有，仲要勁大粒，好抵要左一份壽司，有8件魚生比較新鮮，壽司鮮甜美味彩虹卷物，好睇又好食牛肉飯，好味到不得了，牛肉又香又juicy 牛2邊剛熟，中間仲係鮮紅，好嫩滑日本雞蛋，蛋黃好濃郁，口感細滑食完口中滿滿蛋香呢度吾只裝飾靚，食物都好食

上星期一個識於微時已移民外國的好朋友回港 我當然把握時間帶他到處逛逛 行完旺角同咗佢喺朗豪坊搵嘢食 記得佢都好鍾意食日本嘢 就特登同佢去間好啲嘅食 呢間之前都嚟過一次 上次有同事升職請食飯 一個人頭大約都食三四百蚊㗎 但係記得個感覺唔錯嘅 咁難得見番面 都要食好啲呢間舖頭樓底有成三層樓高 加上日式嘅裝修 感覺好舒服我點咗一個壽司拼盤 全部都係我鍾意食嘅 海膽咬落去好creamy 完全冇腥味 帶子好新鮮同埋都好有咬口 牡丹蝦好黏口 呢個我覺得係成set裏面最好食嘅拖羅我就冇食到 兩嚿都畀我個friend食曬 佢就話好正 總括嚟講 壽司是認真不錯的之前好鍾意去日本旅行 其中一個原因就係覺得啲嘢好好食 不過而家覺得其實係香港都食到 而且價錢都係差唔多仲叫咗個牛肉飯同埋烏冬share食 飽肚啲嘛 兩個味道都唔錯 我個朋友都覺得呢餐幾好食

一開始都有點期待，食品種類少都算，以為你貴精不貴多。 點知出哂事米較硬，💰性價比低低。食日本野杯茶都係計分位，見你個茶杯咁靚靚真相係淡而冇味 卷物不過不失一般般啦本茶單寫到用咩咩咩好米？？以為個米飯堡應該都唔錯。可惜可惜 個米飯包皮冇味 好有色水 但冇味 牛肉個款都仲好 有醬汁都冇咁乾 。三文魚個款真係唔知講咩好 。。。總結 ：環境ok 性價比低低低食完冇印象點。真心唔難食！不過你比得呢個環境裝潢/味道 又要我比呢個價錢 唔會再黎食，大家食另一間店算啦

夏天最好都係食刺身，唔使咁熱！係呢個大商場有好多食物選擇，原來開咗一間日本壽司店，外面好得意，成個大木桶咁！好吸睛！一於去試吓！餐牌有好多唔同嘅set，好多都好吸引！餐具都好簡潔，簡單嘅日式風情。要左一份魚生沙律，估唔到有咁多刺身！刺身都好肥美！有三文魚，甜蝦，帶子，白魚等，份量好多！生菜好新鮮！伴以沙律醋好開胃！酸酸甜甜嘅感覺！燒帆立貝好大隻，用芝士忌廉加上面燒，好香！好厚肉。另外要左一份set, 每樣兩件啱啱好兩個人share！有中拖羅，油甘魚，帶子，赤蝦同海膽！好肥美又鮮甜！海膽好creamy 好吃 ！刺身肥嘟嘟，夠飽滿又有光澤！大滿足！

今日去左旺角食串燒，呢間係朗豪坊嘅丸十壽司都吾錯，環境靚，價錢又合理，味道仲吾錯添。食左吾少串燒，食左一口日本番薯串燒，雞胸軟骨串燒同雪花牛舌串燒。先講一口日本蕃薯$25， 好甜，燒得好香脆，外脆內嫩嘅蕃薯，都幾好食。另外雞胸軟骨串燒$25，好好食，吾會燒得太乾，而且吾只係軟骨仲有少少雞胸肉，連仲幾好食，爽口得嚟又煙韌，好好食。最後嘅雪花牛舌串燒$35，同樣燒得岩岩好，而且又爽口啖啖肉，正丫。仲有點左蒲燒鰻魚$88，好正丫，大大舊，又厚肉，燒得熱辣辣上碟，醬汁岩岩好又吾會太甜，好味。另外點左個幾特別嘅，三文魚牛油果壽司漢堡$58，幾特色，又平，吾好見佢細細個，食落好飽，入面有三文魚，菜同醬料，好清新，又好味，女仔應該幾岩食，感覺好健康。整體感覺吾錯，服務都好好，幾好食又吾太貴，推介。

朗豪坊新嘅日本餐廳一早就係我嘅囊中物，今晚終於得閒過嚟試試佢，記得呢個位置以前都係開日本餐廳架，我係俾佢既飯漢堡吸引左，就好似麥當勞以前出嘅飯tastic 😋😋😋預先book定位，因為怕夜晚walk in會無位喔🤫🤫🤫不得不讚侍應好有禮貌，由打電話book枱到收線果下都超級有禮貌原來呢度地方唔係話好大，中間位置係一個正方形，客人可以圍住個正方形座，另外有三張四人枱，同埋坐吧枱既。最後我哋嗌咗丸十彩虹卷🍣，蛋卷，三文魚牛油果壽司漢堡，溫泉蛋牛肉丼飯，燒雞個彩虹卷原來係三文魚，吞拿魚鋪喺面，裏面有蟹柳青瓜既材料，味道同外型相當不錯，蛋卷就略嫌老左少少，個三文魚牛油果漢堡好得意，其實即係日本飯煎好咗做包，然後加牛油果，三文魚粒同沙律醬調味，個飯焦可以再脆多少少就再好味啲嗰溫泉蛋牛肉丼飯相當出色，我哋首先將溫泉蛋撈埋啲牛肉同啲飯到，每一粒飯都黐住蛋哲同埋牛肉汁，勁入味，而且啲牛肉燒得相當好味，火候啱啱好，牛肉唔會好老，完全係啱啱好，真心好食至於個燒雞燒得好香脆，下次要再試埋其他刺身先

朗豪坊又有新日本嘢食啦岩曬我呀😋💜佢係monster sushi 舊址好掛住monster啲海膽軍艦添😅唔緊要啦 食住丸十頂住先❤️.今次食佢既lunch set先會相對平過晚市單點的而我呢個係日本直送刺身所以會貴少少餐牌上單點5款刺身盤要HKD350 的啊‼️.介紹下先 一上枱就好美啊❤️分2個大盒子的 可疊在一起 另有日式麵豉湯除了重點刺身 還有御飯 前菜 牛舌粒等等5款刺身包括：✅日本海膽✅大粒帶子✅拖羅✅牡丹蝦✅鯛魚.海膽非常鮮甜拖羅入口溶化帶子新鮮 夠凍牡丹蝦size正常 鯛魚相對比下去 鞋口 普通.雖然略貴 但一試無妨 耐唔耐食下ok😀

食物高質，魚生新鮮好食，環境設計裝修都好令，美中不足同個人認為最重要既係服務態度，員工無禮貌，最簡單既唔好意思/多謝哂 都無聽到，再好食既都唔會想再幫襯，希望管理層正視啦

又OT呀😠，決定攜同事食歺好嘅平衡一下😅係旺角其實講真都食到厭曬，即管search一下最近有咩新餐廳,朗豪坊新開一間壽司店,想去望吓,見等兩三張枱就試吓啦!等左10分鐘到就有位,裝修簡約寬敞樓底好高，幾Relax嘅感覺第一件事梗係要試吓佢啲壽司啦，點左一份丸十壽司盛合，一睇埋相就知冇揀錯，注明係築地直送，真係無得假，大鮪魚腩壽司，細細粒飯，魚油脂肪比例剛剛好，魚香芳香，幾乎不用咀嚼海膽壽司亦係冇得輸，好creamy 好鮮味一D腥味都冇牡丹蝦亦係非常黏口，一樣咁新鮮，唯一帶子壽司薄左少少！由於太肚餓嘅關係我哋再點在一碗飯同一碗烏冬😂😂牛肉燒得剛剛好有碳燒香味，配上一個溫泉蛋，好夾，鍋燒烏冬亦有驚喜，事關有一隻大天婦羅蝦另外點左一杯清森蘋果汁，清甜大大杯，但太多冰了，下次記得佢係小冰先算係有一大發現啦

今日再次嚟臨呢間喺朗豪坊我較為鍾意食嘅日本餐廳！上一次食已經覺得好意外地好食！好少會做到同香港人口味有唔同嘅日本料理！！所以要食多次，試吓唔同嘅嘢！第一道嚟咗碟香脆炸辣鮪魚卷，呢碟好好食呀！！塊皮係脆嘅，入面又擁有好香濃嘅鮪魚味，呢道就係一道又香又脆嘅飯卷😆下一道就嚟咗個炸軟殼蟹壽司漢堡，呢度嘅漢堡真係好好味！我會覺得好食過連鎖店食到嘅！佢個飯包真係好好味，仲會有種想叫多幾個包，可以連啲料都唔要咁食法！之後就嚟到個燒豚肉飯，因為喺呢間日本料理好少見到豬肉，所以就想試吓！點知又係好好味喎！唔會差過食雞！都係啦！超香又有飯感飽滿！個茄子好軟，清清地，但又好夠味（讚👍🏻）最後一樣係黑松露海膽茶碗蒸！呢個嚟到要放低目前所有食梗嘅嘢！因為如果唔熱食就無意思！果然係熱辣辣食係最好嘅選擇嚟！呵呵～～～～好好味呀！又多黑松露超香濃咁爆哂出嚟！點可以唔試呀！加上又有海膽食，抵食啦！

丸十壽司盛合 $298賣相吸引 材料都好新鮮 - 海膽份量好多 入口似乎每粒飯都俾海膽包住 鮪魚冇筋又唔會太多脂肪 同帶子都係入口即溶既感覺 蝦大隻厚身 每一件都好高質松葉蟹肉壽司漢堡 $88壽司飯加左醬油同芝麻煎香 夾住芝士生茶同松葉蟹肉 狠狽左一輪店員俾左刀叉我地切開 松葉蟹肉辣辣地 幾特別海洋之盒 $128有鯖魚、三文魚、鰻魚、大蝦、帶子 鯖魚同三文魚都厚肉又嫩滑唔乾 鰻魚濃味配飯一流 雞之盛宴 $98雞串就正正常常 比較特別係雞軟骨 幾爽口雜錦壽司盛合 $108忍唔住點多一份壽司 本身想點鮪魚set但賣曬 依個set有鮪魚蓉壽司就揀左佢 一客十件既壽司望落都好新鮮好吸引 最鍾意鮪魚蓉 又鮮甜又滑 下次希望食到個個鮪魚set壽司!黑松露海膽茶碗蒸 $58一開蓋聞到好重黑松露味好香 不過海膽一定要同黑松露分開食 一齊食d味俾黑松露蓋曬 茶碗蒸入面都好足料

丸十壽司店位於旺角大型商場朗豪坊裏面裝修華麗樓底高客人坐得比較舒服今次同個朋友去嘗試一下呢間壽司店😋丸十壽司盛合有大家最受歡迎嘅海膽😍同吞拿魚腩非常肥美其他都非常新鮮非常之有水準👏🏻雜錦壽司盛盒：有三文魚壽司，甜蝦壽司，油金魚壽司等等.....可以食多啲唔同款嘅壽司非常之開心壽司方便全部都好新鮮好好味😍自選刺身拼盤我選擇三文魚，油金魚同海膽都係我最心愛的刺身很鮮甜切得很厚身口感很好🙊餐具很優雅我很喜歡的感覺❤️

今日係旺角朗豪坊行街，好想食日本野，幾經周折同朋友落腳於丸十壽司。見唔少人排隊，應該好正。😋餐牌睇到眼花撩亂，樣樣想食，尤其個日式「漢堡」，好新奇有趣，即刻拍板決定要叫黎試下。先黎小食黑松露海膽茶碗蒸，蒸蛋嫩滑，海膽黑松露份量好足，同蛋一齊入口夠鮮味。接下來有自選刺身拼盤，有海膽、油甘魚、劍魚腩，昆布伴碟，鮮甜滋味。值得一提既係「廚師發辦盛盒」，全部係當日最新鮮既海鮮刺身，$388有12件，由玉子、甜蝦到海膽、吞拿魚腩都有，一見到大拖羅就雙眼發光！實在太抵啦！當然唔少得一早拍板嘅漢堡啦。三文魚牛油果壽司漢堡，一啲都唔細件，用料豐富，照燒壽司飯配上三文魚，配合得天衣無縫，滋味十足。最後係鐵板燒日本南部地雞，上菜時熱辣辣，難得黎個熱菜暖胃，於舌尖回味無窮，為今晚劃下完美句點。總括一下，丸十壽司位置方便，性價比又高，下次會同朋友返call！👍

七月廿二日 和式精米料理週末晚上想食壽司，於是揀左開業不久的丸十壽司，平時行過一直很多人排隊，所以我倆六時多就進去了，免得排長龍。特高的樓底加上原木色調感覺雅致舒服，而燈籠造型的吊燈亦很討喜。我們獲安排坐於窗旁，柔和的自然光跟井然有序的佈置都令人眼前一亮。而食物方面亦選擇繁多，壽司、刺身、卷物跟燒物等一應俱全，上菜的速度亦很快，服務到位。香蔥鮪魚腩蓉卷(HKD 88)油潤的鮪魚腩，鋪以清新的白蔥和蔥花；而飯底是當店用精米機磨的精米(即磨去米糠的部分)故特別綿滑可口。丸十壽司盛合(HKD 298)同樣以精米製作的手握壽司捏得剛好，米粒剛好靠在一起形成飯團，沒有過份鬆散或黏稠。大鮪魚腩：油潤鮮甜，魚香十足。海膽：濃郁，鮮味回甘。牡丹蝦：肉質軟滑鮮甜。帆立貝：顏色粉嫩，肉質富彈性，香甜肥美。池魚：薄切的池魚肉質透明，入口有嚼勁。原條築地直送鮮魚刺身(池魚)(HKD 180)薄切的池魚清晰透明，十分考驗刀功；再鋪成扇形連同魚頭及魚尾一起上桌，氣勢十足。味道方面鮮嫩清甜，配以少量日本醋一同入口，絕配。海洋之盒(HKD 128)(燒物五款)大蝦香口惹味；鰻魚鮮嫩軟熟；帆立貝肉質香細膩；鮭魚濃郁鮮甜

今晚心情特別好想吃日本料理慶祝下～兩個人選擇左在旺角朗豪坊丸十日本料理試試～先點左雞泡魚乾做前菜，勁香勁好咬口，份量都算多！黎日本料理當然唔少得刺身啦😋叫左個刺身任選三點～揀左帆立貝、海膽同劍魚腩！超正超新鮮！全部都好大份！$138選三款俾到咁新鮮同算大份量我覺得幾抵！壽司是另一樣必備😎兩個人點左丸十壽司盛合～有大鮪魚腩，海膽，牡丹蝦，帆立貝同築地直送鮮魚，每款兩件😆 因為太鍾意食帆立貝同海膽，加上呢度真係好鮮味～所以食完刺身再Encore壽司都唔怕～食完壽司刺身，叫返d熟野中和下～西京比目魚！超香！燒得剛剛好～～ 入口即溶！鍾意燒魚的朋友必試！燒物另外叫左牛舌同雞翼～燒得勁香！份量適中😋當然以上食物要叫返杯Sapporo啤啤佢，正！又好食又方便，價錢又合理，鍾意食日本料理的朋友絕對要試下丸十！😎😎