丸十寿司日本食堂 (已結業)

今日送男友反工，所以揀左食飯係方便佢反工地點，旺角朗豪坊丸十壽司日本食堂！lunch時間都幾多人排隊壽司拼盤呢個價格經濟實惠得來又食，件件都好新鮮，而且d壽司飯掌握得好，所以夾上去不會散開玉子燒我男友最愛食呢個香甜得來又有豐富口感的玉子，一下子食左三件溫泉蛋伴燒牛肉飯中午要食碗飯先飽肚，所以叫呢碗溫泉蛋飯，可以兩個人share,個牛肉外皮燒到脆，外裡嫩滑，加上溫泉蛋好似豆腐甘香Q嫩滑，十分好拌飯！丸十彩虹卷$78精緻的外形，魚生上面鋪上金薄黑松露立即顯得高貴，延伸裡面有牛油果蟹肉，不沾上芥末也食到鮮味總結：男友埋單只有三百幾左右，以這個質素來講，價錢合理，服務態度好

好耐無行旺角，成日落雨不如行下大商場，見到呢間日本野又幾精緻咁，排左一陣隊就有得入，坐位都幾闊落。叫左1個398嘅廚師發辦壽司拼盤，集合店中最新鮮最矜貴嘅食材，有我最愛嘅toro 海膽同金目鯛，仲有大大隻赤貝，海膽都好鮮甜，高水準之作！中Toro 入口即溶，充滿油脂香同魚肉鮮味，個人覺得中toro比油脂更重嘅大toro 更加好食。刺身劍魚腩海膽非常鮮甜，一d 都唔腥，絕對要叫！三文魚牛油果飯burger，d 飯充滿醬油味道再煎香，愈食愈有味，材料十足，好特別嘅配搭。鐵板燒雞腿肉，用日本嘅雞肉整，好嫩好多汁，正。海膽黑松露茶碗蒸，三樣野都係我勁鍾意食，又點可以錯過，先食海膽嘅鮮甜，再嚐蒸得好滑嘅蒸蛋，滿口黑松露香味，連淨底嘅湯汁都唔可以放過！仲有個炸物摩天輪未試到，下次黎旺角唔怕無好野食了。

放工後相約老公到了旺角朗豪坊食晚飯，是日想食日本菜，之前經過都發現新開左呢間名叫丸十壽司的餐廳，見入面嘅日式裝修好吸引，已經心思思想食！𥚃面裝修雅緻，樓底高，空間感好好！丸十壽司盛二人前$298 全部都好新鮮，而海膽，拖羅最力突出，必食之選！近鏡一張拖羅，你睇下，面頭仲有少許金鉑作裝飾，增添貴氣！另外自選三款刺身，encore海膽，劍魚腩（入口即溶，油脂豐富，好好味！）仲有帆立貝大大粒！$138西京比目魚$88 魚油香，皮脆，肉嫩！燒雪花牛舌（$35) 好有牛香，燒雞翼$35/2，好味！再叫杯啤酒$68嘆烤雞泡魚干$68，簡直人生一大享受！一啖啤酒，一口魚干！你懂的！

7月25日(星期三)很久沒跟閨蜜逛街了，跟她約了兩點半先到朗豪坊走走，三點半就可以看她指名要看的“蟻俠🐜”！大家都知對方是遲到大王，所以都不會準時出門，最終兩點九才齊人😶急急腳買完戲飛後，驚覺大家都有點肚餓，但只剩下四十分鐘便開場了，都有點擔心趕不及吃東西。商討了兩句後，朋友說起朗豪坊有間叫丸十的日本菜，想試試，加上如果不是吃熱湯的東西應該比較快吃完呢！我們中學時可是訓練有素的，每天只需要用五分鐘，便能把便當K.O.！接待員帶我們到達餐廳正中間，一個像bar枱的位置，我和朋友是並排而坐，餐廳內裝修很有和風的味道。當時正值下午茶時段，但客人人數都頗為多，不過他們都會為你與其他客人隔開一個空位，好讓位置闊落一些，而枱底亦有空間放置個人物品，完全考慮到客人需要。看了看餐牌，我們都同時選了同一個餐“角切雜錦魚生飯”，套餐包括主食魚生飯跟麵豉湯一碗！等了五分鐘左右，魚生飯跟麵豉湯同時送到，麵豉湯味道鮮，不像開粉的那種，而且味道不會過咸，裏面有數片油豆皮，非常match！角切魚生飯內有數款的刺身粒，三文魚、吞拿魚、八爪魚、鯛魚(我猜^ω^*不太肯定)，另外還有解籽跟玉子粒，而飯是温温的壽司飯，本身

行開朗豪坊，見到呢間都開左幾個月既壽司舖，見裝都幾靚下就想入去試下食唔食得返日本既味道。餐廳樓底好高，空間感十足。炸雞軟骨 - 呢個炸雞軟骨可以話係試過最好味既雞軟骨。本身雞軟骨既肉感比一般既多肉，而師傳炸得好蘇脆。成粒雞軟骨變得比出面都軟身，而且好香。香葱鮪魚蓉海膽丼 - 海膽鮮甜，creamy，好新鮮。而鮪魚蓉好足料，因為師傳舖得好厚身，做到每一口都有大量既鮪魚，而且好鮮甜，好滿足。炸軟殻蟹壽司漢堡 - 呢味係比較有驚喜既一味。炸軟殻蟹炸得好香脆，食到中間仲啖啖肉好滿足。而個飯就好軟熟。口感又軟熟又有脆口。而且唔好睇佢好似幾細咁，其實一個巳經八成飽。雞皮串燒 - 呢個都燒得唔錯，表層幾脆口。但係掛住傾計，等耐左就無咁好脆。所以叫左既朋友記得盡快食左佢啦。

今日Pay day 當然是約好姊妹一齊食飯兼shopping 啦！做得好姊妹當然和我目標一致，鍾意食日本嘢、食嘢快手同埋食完立刻去shopping😻👻揀依間餐廳貪佢位置喺朗豪坊，方便食完跟著可去shopping😻好好彩被安排到坐窗邊位置，可看到朗豪坊的藍色天幕，好浪漫😻可惜，身邊是好姊妹🙈👻餐牌有手繪日本風圖案，有特色👍🏻我和好姊妹都喜歡吃吞拿魚和海膽，大家意見一致，點了吞拿魚和海膽的美食😋香葱鮪魚蓉海膽丼： 魚生新鮮好味😻👍🏻鮪魚盛合：食物擺放有心思👍🏻

黎到朗豪坊, 搵野食都幾艱難架, 間間好食既都大排長龍, 就好似12樓呢間丸十壽司日本食堂咁到左晚飯時間一定大把人排隊, 搵食姐, 犯法呀😂?力盡艱辛排左差唔多成粒鐘先入到黎, 不過望到個環境咁優美就乜都抵番晒😍Sapporo 生啤 - $68排左咁耐隊有d 口乾緊係叫杯生啤飲下啦, 透心涼呀😝炸雞軟骨 - $48有啤酒飲, 當然要叫d 香口小食送下酒啦, 炸雞軟骨正合我心意, 香脆得黎又有咬口, 即叫即炸架👍原條築地直送鮮魚刺身 - $180日日都不同, 要問問職員先知有邊款魚食, 今次食既係深海池魚薄切, 要切到每一塊都厚薄均勻, 好考驗師傳既刀功, 每一塊都夠薄先可以完全感受鮮魚既香味🤤雜錦壽司盛盒 - $108盛盒普遍會較單件平, 而且對選擇困難既人係好事黎, 唔洗左諗右諗ma😂當然如果有d 款式唔鍾意食既, 都係叫番單點好d😂魚生都好大件好鮮甜, 飯團唔會握得太大舊, 一口就食到👍海洋之盒 - $128講到明海洋, 當然係海鮮既串燒啦😋有好濃厚魚香味既燒鯖魚, 大大隻虎蝦, 汁燒鰻魚, 帆立貝同埋港人至愛既三文魚啦🤤雪花牛舌串燒 - $35生熟度燒得剛剛好, 裡面仲係少少鮮紅

店內木系柔和風裝潢，加上高樓底給人空間感十足，環境舒適自在。坐低看到餐牌封面，以日本米為招牌賣點，咁就無論如何都要點有日本米的菜式啦前菜方面，點了有機凍蕃茄沙律澆上和風芝麻醬的沙律，生菜脆口，挺開胃的。雜錦壽司盛合8件不同的壽司，刺身新鮮美味，值得一讚壽司米的調味和份量恰到好處，一件一啖！松葉蟹肉壽司漢堡非常好味的米漢堡，必食推薦！不只用了白米，大概混合其他糙米，不會過黏，咬落有米香，口感煙韌！松葉蟹肉份量充足，啖啖都有餡！回味無窮平日晚上到訪，好彩算早食晚餐，大概7點已經好多人排隊等候入座。

約咗朋友放工係朗豪坊找美食。我同朋友都想食日本嘢，又想坐得舒舒服服，最後就選擇咗丸十。店的地方不算很多，但座位坐得舒服，不會太擠迫。我地點咗一客雞肉串燒拼盤 （$98）。雞是選用咗日本南部雞，油分唔會過多，健康又美味！ 秘製雞肉棒棒是咁多樣最好味的！如果有得加埋啲蛋漿，口感會更佳。雞翼都好食，燒得好香又脆，極級推介！因為太鍾意食大拖羅既關係，我地點咗份丸十壽司拼盤 （$298）。有大拖羅，牡丹蝦，海膽，帶子，同埋一款日本直送鮮魚。大中拖羅是最驚喜最出色之作，入口甘香肥美，魚肉厚切入口口感極是豐富，魚香濃郁過人。丸十彩虹卷（$78）排得好靚靚！呢一餐晚餐最後埋單加一大概400蚊。總括而言，餐廳氣氛好之餘，食物質素亦唔錯。我諗係喜歡食壽司朋友既天堂。

由於我同另一伴都係日本怪🧟‍♀️好鍾意食日本野🤤之前都見到朗豪坊新開左間日本壽司店料理店，今日五點幾收工準時，六點鐘就黎到唔使排隊！呢間日本料理有壽司，刺身，串燒之外，佢有特別嘅日本飯漢堡😨原本好想試，因為始終唔多地方可以食！但係另一半都係堅持想食壽司，所以最終都係嗌咗三個壽司拼盤同埋一個刺身🤭1. 自選刺身拼盤三款$138海膽好鮮甜，份量還好油甘魚新鮮夠厚三文魚正常2.雜錦壽司有築地直送鮮魚壽司！好爽口！好味3. 鮪魚盛合四種不同吞拿魚壽司4. 丸十壽司盛 （二人前）呢碟好正拖羅壽司有金箔點綴，脂肪分佈比例好好，入口魚油好香，好回味築地鮮魚壽司，魚皮好爽👍🏼海膽好鮮甜👍🏼最後講一講係未食野見到d餐具都好興奮，好靚！好有心思🤩

好一段日子沒逛「朗豪坊」，原來商場內不少食肆已換了新顏，曾在這人氣商場內開業多年的 Monster Sushi，現時已被這間「丸十壽司 日本食堂」取代，這一天，我就在這間日本餐廳與老婆仔吃了一頓美味的午餐。 始終是新店，店內的陳設十分簇新，以木作為重心的設計流露著日系的感覺，食具亦整潔美觀，加上超高的樓底，讓人感到甚為舒服。 這天因是周末，沒有午市套餐供應，那便散叫，隨心所欲地點一些兩夫妻都有興趣的東西吃吧！「黑松露海膽茶碗蒸」（$58）下了海膽與黑松露，既添色，也添香，顯得比一般的茶碗蒸名貴，也比一般的茶碗蒸美麗。這高級版的茶碗蒸雖缺少了銀杏，但添加了海膽與黑松露兩種貴價材料，食材名貴了，感覺上比一般的更好，蛋雖還可更滑，味道則頗不錯，愛吃茶碗蒸的話，不妨一試。 「瞬間燻製三文魚他他」（$68）以特別的賣相示人。被白紗紙覆蓋著上面的這道特別的菜式，玻璃小杯內藏著的除了早已切成丁方大小的三文魚粒外，還加入了少許牛油果粒、海膽和黑松露，與之前的「黑松露海膽茶碗蒸」有異曲同工之妙。帶有煙燻香味的三文魚十分滑溜，與同樣滑溜的牛油果粒和海膽非常匹配，也好味道。 「西京比目魚」（$88

啲食物唔新鮮，冇咩選擇，仲要啲量奇低唔抵食，唔好食都唔會再食，5個人叫左一個刺身拼盤，可以選擇七個想食既刺身，但係除左三文魚可以叫兩份之外，其他都只可以叫一份，好似甜蝦一隻， 牡丹蝦一隻依啲五個人點食又唔係人頭計比出黎，我食個蝦頭，其他人分左個身同尾?

之前在fb見到朋友食了個米漢堡十分吸引而且細問之下價錢一點都不貴，就今日七點過去試下，去到見到已經開始排隊，幸好因為一個人關係就不用等太久就可以入面食。入到去見到裝潢都十分日本風格，來到當然食漢堡啦，再加一個蒸蛋和沙律，簡單得來又健康。大約十分鐘食物開始來了，鐵板牛肉漢堡來到見到份量不少而且牛肉勁多流晒出來，竟然中間仲有片芝士，食落去牛肉味道和日本食的十分相似，好味道。飯有豉油整成再煎十分香口又帶點脆焦口感不錯。日式茶碗蒸，一開嗅到十分香，蛋超滑身重蛋香，入面有冬菇同魚，增加不少分數，係近期食過最好味的茶碗蒸。每餐都想食點菜，就選擇清新的有機凍番茄沙律，蕃茄味道濃郁吾酸好開胃，配上新鮮菜和芝麻醬的確好味。最尾叫了杯青森蘋果汁，沒想到咁大杯而且蘋果汁吾甜仲濃濃蘋果味。

今晚去朗豪坊睇戲，喺返商場度搵嘢食，見到呢間丸十壽司好似幾新wor (定係自己太耐無系度搵食）朗豪坊食嘢預咗等，不過都算等得唔耐，十零分鐘就有位啦喺12樓睇戲就晒腳裝修走新潮風格刺身拼盤，見到有種叫做‘間八’嘅魚，好味呀，好似油甘魚咁仲有我最鍾意食嘅劍魚，唔係好多地方有赤貝都唔錯雪花牛脷串燒， 充滿油香日式蒸蛋，都有一般日本餐廳嘅水準， 味道稍為淡左燒豚肉飯，食咁多生冷野都係要有啲熱飯落肚嘅呢個‘鳥之頌’，即係用雞唔同部份既串燒壽司盛合，好正呀！有我最鍾意食嘅拖羅兩個人食咁多唔算過分啦

週末孖住兩位活寶貝去朗豪坊食好西 選擇眾多 但令貪心既香港人朝思暮想既仍然少不了日本菜星期六lunch hour都幾多人食 等左10mins先有位由於勁肚餓既關係 我地放棄刺身 選擇左壽司壽司盛合有肥美既大拖羅海膽 帶子 牡丹蝦 仲有兩件築地直送既魚勁吸引玉子伴燒牛肉飯 一整碗佈滿燒牛肉 牛味濃郁而玉子係溫泉蛋黎 將玉子拌入飯中 更美味但估唔到燒豚肉飯既豚肉更有驚喜 肉質彈牙之餘 更燒得好香而軟熟有飯味既珍珠米更係賣點之一另外仲叫左雜錦天婦羅同"鳥之頌"燒鳥係日文係解燒雞既意思 所以鳥之頌 即係雜錦雞串燒當中無得輸既一定係鹽燒雞翼 另外燒雞軟骨都唔錯 幾爽口"d米梗係好食啦 Made in Japan架喎"社如瘋上身呢間丸十標榜用日本產既珍珠米 仲要每日定時係餐廳加工 精制打磨的確呢度既珍珠真係特別香飯味同軟熟