中華小館

营业中

休息中

呀仔係灣仔上完興趣班，天氣咁熱唔想返屋企再煮飯喇😜同埋呀仔係灣仔食埋飯先返屋企✌🏻見到呢間中菜館啲野食比較小有，可以比呀仔試下古法蝦籽燜柚皮，我同呀仔都係第一次食😂 柚皮燜到好淋好淋 ，完全無想像中既苦澀味，浸係啲湯到好入味😊 大量蝦籽仲可以提升鮮味🤩好正👍🏻懷舊錦鹵脆戈巴，呢味呀仔第一次食，平時佢麻麻地啲甜酸汁🍅呢個味道唔酸呀仔又食好多喎 。唔知係咪因為啲戈巴好味😂 連帶覺得啲汁都好味😛蜜汁叉燒皇 $168，媽媽我最愛既叉燒❤️好味😋肥瘦適中 ，最緊要啲肉夠淋唔鞋，醃到夠晒味又甜甜地 ，唔太燶真係岩晒我口味呀🤩👍🏻大讚!!!見到仲有好多懷舊/小見既菜式，下次要再同呀仔黎試晒佢☺️

陪媽咪去灣仔處理文件，搞掂晒啲野就覺得好肚餓🥹 經過見到呢間中菜啲菜式都幾特別 應該幾岩媽咪口味 一於試下喇😆懷舊錦鹵脆戈巴😻估唔到有媽咪最愛既懷舊錦鹵👍🏻唔係間間酒樓都有 淨係個汁都夠食幾碟戈巴😂好好味又勁足料 有蝦有椒 味道又正😍神級甜蜜蜜叉燒 真係覺得好甜蜜好滿足🤩 叉燒大小適中，大愛半肥瘦，好香好好味😋連伴碟既青菜苗都係我最愛😍啲草青味好正黃金玉米雞蓉羹🫕我同媽咪都好鐘意飲湯😍個羹好香粟米味🌽啲雞蓉令到個羹好有咬口增加層次感🤤每人兩碗就清左佢😌媽咪好滿意😎 仲話下次要約埋啲舅父黎再食過

同事升職請食飯🥳 梗係唔同佢客氣啦😋 有大食大😂蟹肉粟米羹🌽幾夠味，唔會好似其他餐廳咁又稀又淡而無味，完全係一個好開始😍蜜汁叉燒皇💋勁好味🥹 首先佢啲肉無一陣豬騷味，然後肥瘦適中，啲肉完全唔鞋口又夠晒淋😍 燒得岩岩好 甜甜地真係好好味😋和風青芥末蝦球🦐蝦球大大隻，賣相一流😊食落去有啲芥末香味，唔會太濃搶晒啲味!!! 隻蝦炸到脆卜卜十分香口😆大愛🥰古法蝦籽燜柚皮!!! 平時比較少食既菜式🥳 啲柚皮好淋好入味，索晒啲湯汁☺️面頭仲有大量蝦子!! 好正好特別😍懷舊錦鹵脆戈巴😆個錦鹵同平時炸雲吞個錦鹵應該差唔多👍🏻酸酸甜甜好開胃☺️戈巴好香米味 好夾個錦鹵順德煎釀土鯪魚🐟煎到脆一脆 好好味😛多謝同事🥳呢餐好滿足!! 無介紹錯

Happy Friday 心情靚🥳 放工唔想返屋企對住四面牆食飯，最好即興撩啲同事一齊食飯喇😆 呢間中華小館啲食評唔錯🥰想試好耐喇和風青芥末蝦球❤️大愛呢個蝦球!! 每隻蝦都大大隻，而且數量都唔小😍個沙律醬較得岩岩好 芥末味唔會太勁又唔會太酸!! 好襯個蝦球 隻蝦脆卜卜又夠晒鮮甜!! 超級回味呀👍🏻順德煎釀土鯪魚☺️呢味完全係手工餸😍 要將土鯪魚起出整副骨架，而仍保留整條魚既頭尾，再將魚肉切薄片剁爛撻至滑身，保留左鯪魚肉既鮮味😆仲要啖啖肉無骨🤤神級甜蜜蜜叉燒🐷呢味又係無得頂👍🏻🥳 肉質淋，又夠味🥰肥瘦適中😍最鐘意有小小燶 完全係送飯之選懷舊錦鹵脆戈巴🤩戈巴好香脆，點埋個酸甜汁真係勁開胃😎會不停食完又食停唔到口😖完全係勁滿足既一餐!! 一定會再黎食😻

裝修好雅致，掛起一幅幅中國畫極有韻味，令人賞心悅目。古法蝦籽燜柚皮非常嫩滑，表面嘅一大撮蝦籽更加係畫龍點睛，令味覺同口感昇華🆙蜜汁叉燒皇質感幼嫩，肉汁豐富💦一啲都唔會輸俾專賣燒味嘅大型連鎖餐廳！蟹肉粟米羹質感滑溜，唔會太杰又唔會過稀。粟米香甜，蟹肉一瓣瓣好足料🥰順德煎釀土鯪魚好耐之前返鄉下食過，超好食，一直以嚟都好掛住嗰隻味！用人手剁成嘅鯪魚肉，入口真係特別彈牙，極富順德傳統口味。配合餐廳特別調製嘅茨汁，惹味更上一層樓！實在令我喜出望外，冇諗過呢度可以令我食得返隻味😭❤️

今日放假同媽咪去咗灣仔整新身份證，喺地鐵站C出口一出就見到呢間餐廳。裝修好有氣派，而且出面有唔少人排緊隊，相信應該幾好食。所以就同媽咪試吓😎和風青芥末蝦球呢個組合我冇諗過原來係咁夾！芥末微辣唔嗆鼻，蝦球爽口彈牙🤤古法蝦籽燜柚皮因為製作太花時間同功夫，出面買少見少！難得見到呢度竟然有得食，即刻諗都唔諗就嗌咗🤗師傅首先要將柚子青綠色嘅表皮，以及內裏嘅白色囊衣削得非常徹底，先能夠去除柚子本身嘅天然苦澀味。而剩餘嘅部份就係全白色嘅軟身柚皮，果然係有入口即溶嘅感覺👏🏻😍淋上湯汁同蝦籽，更為整道菜增添鹹鮮香氣😋👍🏻最後嗌咗碟蒜蓉炒時蔬，白菜清脆而唔韌🙌🏻

餐廳裝修十分古色古香，有唔少水墨畫同書法供食客欣賞，令我哋可以喺繁忙急速嘅節奏中放鬆片刻🤗懷舊錦鹵汁呈桔紅色，酸酸甜甜非常開胃😋鍋巴酥脆鬆香，蝦肉鮮嫩又大隻，黃椒青椒鮮嫩又爽口～仲有幾片叉燒鋪喺面頭增添鹹香🤤外面有啲係將鹵汁淋落鍋巴上，呢度嘅食法就係鍋巴隨個人喜好沾上鹵汁。食落爽脆惹味，同朋友忍唔住一件接住一件咁好快就食晒🤣🤣蜜汁叉燒皇唔會太多肥肉，所以食完都唔會話太過肥膩。入口軟嫩又juicy💦令人回味無窮！棗皇糕係比較養生嘅傳統中式甜品🍮層次分明嘅賣相已經好治癒😍入口紅棗味好突出，甜得嚟好滋潤嘅感覺👍🏻

餐廳有兩層，環境夠晒光猛同闊落，座位寬敞又舒適～仲有得開酒包廂打麻雀🀄️適合一大班人傾計食飯🥳古法蝦籽燜柚皮口感腍滑，本來都有少少擔心柚皮會苦，點知一啲苦澀味都冇！反而係鹹香鮮味🤤應該係因為喺燜嘅時候，就已經入晒由蝦米、瑤柱同豬腩肉等材料熬成嘅上湯味，再加上最後扣上由蝦子以及蠔油煮成嘅汁液～唔講真係冇人知本身係柚子皮！有驚喜😍蜜汁叉燒皇份量超多，油脂豐富啖啖肉。帶有少許醬汁唔會太過乾爭爭，非常美味😋懷舊錦鹵脆戈巴嘅鹵汁酸甜味適中，冇酸味搶過甜味嘅情況。戈巴好脆口，一咬落去咔一聲🤩點少少鹵汁食又有另一番風味🤤👍🏻

古法蝦籽燜柚皮聽都未聽過，咁大個人都真係第一次食🤣口感綿糯，入口唔需要任何咀嚼，好出色👏🏻順德煎釀土鯪魚煎至金黃😍味道鮮美，肉質嫩滑。內裡嘅魚滑加入咗臘肉、冬菇以及蝦米等材料，口感層次豐富👍🏻懷舊錦鹵汁就好似中式雜菜湯咁，反而仲多咗一份清新同鮮甜🥰叉燒浸淫鹵汁入晒味，口感更為鬆軟～脆戈巴新鮮即炸，感覺唔油膩較健康。沾上鹵汁後口感更豐腴，衝擊味蕾食得好過癮😋蜜汁叉燒皇嘅蜜汁十分香濃，醬汁調味比例適中，唔會搶過肉嘅鮮味👏🏻肉質肥美，濃油厚醬，食完齒頰留香🤤蒜蓉炒時蔬非常新鮮又爽脆。

黃金玉米雞蓉羹飲落質地好滑糯，鹹鮮微甜。粟米大粒且飽滿，味道甘甜又有益。原汁原味營養豐富，啖啖都係雞嘅精華，老少咸宜🤗和風青芥末蝦球賣相精緻😍炸漿夠薄，粒粒都炸得酥香而金黃👍🏻入口外脆內彈😋青芥末唔會過辣，適合香港人口味。底下仲墊有青瓜薄片，增強口感之餘仲多一層清爽🍃一口一件好滿足🙆🏻‍♀️食完唔會好大負擔～蜜汁叉燒皇外皮焦脆，肉質扎實且唔柴，食落唔會嚡口👏🏻厚薄適中，脂香誘人且肥而不膩。配上香濃嘅蜜汁，送多幾碗飯都得😍仲要淋上濃郁嘅醬汁再灑上一粒粒嘅紅椒，能夠減卻油膩感同時帶出叉燒本身嘅鮮味，我哋食到停唔到口🤤🙌🏻

蝦籽燜柚皮賣相吸引，色澤金黃😍層次分明，口感豐富🙌🏻懷舊錦鹵汁百味交集，先酸後甜。脆戈巴米香獨特，香脆可口😋順德煎釀土鯪魚看似普通，其實做法極其繁瑣！去骨方面，要頭尾相連，唔可以破壞纖嫩嘅魚皮，非常考驗刀工🔪釀魚方面，要將魚肉重新釀返入魚身裡面，且要睇起上嚟與普通鯪魚無異，非常考驗耐性同細心❤️煎魚方面，釀好嘅鯪魚肉身會變得厚重，魚皮要保持完好嘅形態，非常考究把握火候嘅功底🔥呢度嘅師傅火喉控制得好好，釀餡冇破皮非常完整。食落爽口嫩滑，唔沾醬食到鯪魚嘅鮮。蘸點蜆蚧醬滿口都係滋味🥰蟹肉粟米羹蛋香四溢💦粟米清香，蟹肉鮮美。蜜汁叉燒皇肥瘦均勻，比例完美，蜜汁香濃到不得了😍👏🏻

懷舊錦鹵脆戈巴大家要襯熱食呀😆蕃茄味香甜十足，加咗少許椒片夠晒fresh。而且濃凋度適中，戈巴沾滿鹵汁都唔會滴到周圍都係👍🏻蟹肉粟米羹飲落順喉，羹內混有好多清甜嘅粟米🌽蟹肉味道甘甜，肉質鮮美🦀順德煎釀土鯪魚係一道越嚟越難喺食肆度食到嘅懷舊菜式！食材睇起上嚟雖然簡單，但係精髓在於繁複嘅製作過程，以及用心煎煮所花嘅時間⏰土鯪魚用刀起晒成副骨架，而仍保留成條魚嘅頭尾同埋皮囊🐟細骨全部切碎，再將肉剁爛撻成魚滑～加入配料🧂釀返入魚囊入面，整返成一條魚嘅模樣🐟😱食落魚肉超滑身，完全食唔到魚骨，但仍保留咗鯪魚肉嘅鮮味😋淋上香濃惹味嘅醬汁，滋味十足🤤

神級甜蜜蜜叉燒賣相油亮色美，而且芳香撲鼻🥰味道甜而不膩，口感綿密扎實😋蟹肉粟米羹勾芡比例完美調配，口感一流！鮮甜又暖胃～順德煎釀土鯪魚呢度菜我第一次食，鯪魚明明超多骨但係食落啖啖肉，口感Q彈好特別😆表面酥香內裡甘香～沾上香菇醬汁食落更可口🤤古法蝦籽燜柚皮蝦味濃郁，除咗蝦籽仲落咗唔少蝦仁落去，非常足料🤩味道好特別，好似食緊肉咁，但其實係柚子皮‼️懷舊錦鹵脆戈巴炸到脆卜卜，感覺冇一般炸物咁熱氣，沾上香濃醬汁食多幾塊都冇咁大罪惡感🤣棗皇糕一上枱就聞到好香！口感彈牙煙煙韌韌，味道唔會過甜😋食得出落咗唔少紅棗，陣味唔會好假好人工，係滋補養生嘅感覺😌

蝦籽柚皮咬落軟腍爽滑，面頭佈滿蝦籽，相當惹味🤤入口即化，濃郁嘅金華火腿雞上湯炆到入晒味，鮮味十足👍🏻懷舊錦鹵配料有青椒、黃椒同叉燒等增加咬口。脆戈巴炸得鬆化，吸收晒鹵汁後🧽滋味喺口腔內爆發😋順德煎釀土鯪魚係順德菜代表名物，以新鮮鯪魚拆骨打成魚膠，再釀返入魚身煎香。呈上時魚香飄飄～每一件都十分之厚且爽口彈牙🦷煎得好酥脆，肉質鮮美冇碎骨，鯪魚肉加入咗芫荽更香更清新😋蜜汁叉燒皇色澤粉嫩，極度厚切😍口感油潤又柔軟～蒜蓉炒時蔬炒得唔過火冇苦味，仲好幼嫩👏🏻蟹肉粟米羹好大碗，撈極都仲有一絲絲蟹肉，粒粒粟米好咬口。非常足料，絕無嬉場😍

好鍾意食釀鯪魚，但係香港已經好難搵😔！聽聞灣仔駱克道有餐廳有得食！即刻拉大隊去試下。順德煎釀土鯪魚真係好正宗，鯪魚肉好爽好滑，冇骨，有蝦米同陳皮嘅香味，鯪魚外皮煎得好脆，又脆又軟嘅口感加上惹味醬汁，所有以前嘅回憶返曬嚟😋。懷舊錦鹵脆戈巴都好多年冇食過，鮮紅色，有多種配料炮製嘅錦滷汁味道酸甜香滑，層次豐富，非常滋味👍🏼。配上脆口又有少少鹹味嘅戈巴一齊食，非常醒神。古法蝦籽燜柚皮啲蝦籽已經好香，柚子皮夠厚身，燜得好淋，有淡淡嘅柚子味道，個芡汁味道豐富，鮮香味濃，真係好味到冇朋友😜。蜜汁叉燒皇係用沙梨篤部分肉質煙韌彈牙，豬肉味好香，好多肉汁，用炭火慢烤，有少少甜少少酒香，呢種叉燒先係正宗冇得頂。呢間中菜館嘅傳統中菜絕對高質值得推薦比大家。