与老友聚一聚，到湾仔食个晏，但就想揾个静静哋嘅地方方便倾偈，左揾右揾就拣嚟湾仔嘅「中华小馆」，叹吓高质素嘅中菜。踏进餐厅，环境确喺几古雅清幽，墙上挂起啲乡间油画，带出一份文化气息，加上楼底有番一定高，感觉予人舒服闲适:)。唔好以为睇落唔大，其实仲有阁楼，不过，小弟就无上去探个究竟！午市商务套餐，分2、4、6、8、12人，都几有弹性，而我哋所拣嘅2人套餐包咗滋润炖汤、烧味双拼、烧汁班头腩、翡翠带子虾仁、蒜蓉炒菜苗，敬送丝苗白饭及精美甜品，定价$468，另收茶钱$15位及加一服务费，佢哋啲服务几唔错，侍应亦好有礼貌。
滋润炖汤
初头以为都喺惯常见到一盅盅嘅炖汤，嚟到喺以紫砂功夫茶壶盛载，非常别致。打开捞一捞，有鸡肉、赤肉、海底椰、金华火腿、螺头……等等，呷一口，个汤味道浓郁，好够火喉，而且，好润喉，饮落非常舒服，此外，啲汤料都几好食，唔会无晒味。再者，个紫砂壶好保温，去到中段都仲喺好够热。烧味双拼烧味喺店家嘅招牌嘢，啲套餐自然会包咗，最好喺双拼，可以试到两款烧味嘛！先试试蜜汁厚切叉烧王，喺店家嘅得奖之作，入口果然喺超松化，8分瘦2分肥，蜜香中带少少油脂香，最正喺有少少㶶边位。脆皮烧腩仔亦都好正，外皮坚喺卜卜脆，而肉质比预期瘦，无乜肥膏，口感却非常松化，更腌得啱啱好，无过咸嘅弊病，沾上少少芥辣，极具风味。烧汁班头腩套餐包咗3款小菜，款款都做出高水准，先分享呢道班头腩，啲班腩酥炸过，所以，先入口外层颇为脆口，而肉质保持好嫩滑，极具鱼鲜味，再者，以烧汁、姜葱爆炒，甚为惹味。翡翠炒带子虾仁一道浓香嘅，跟住呢一道就清清哋，翡翠用上西芹炒得清爽，而带子、虾仁都好大只，两者都好爽口弹牙，可以讲喺鲜味十足。蒜蓉炒菜苗菜苗用上白菜仔苗，炒得恰到好处，一来炒到仲有份爽脆口感，唔会过腍，二来食落好有镬气感，加上满满蒜香味，简简单单嘅炒菜都食得出用心。精选甜品初头真喺无期望喺咩甜品，以为都喺红豆沙之类，然而，上到枱原本喺一碗雪耳红枣桂圆茶，可以讲既滋补，又清润，入口唔算好甜，但食落真喺好舒服。想食精致嘅粤菜，嚟「中华小馆」确喺唔错，食得出用心制作，用料上乘，环境又几舒服:)。…查看更多
滋润炖汤初头以为都喺惯常见到一盅盅嘅炖汤，嚟到喺以紫砂功夫茶壶盛载，非常别致。打开捞一捞，有鸡肉、赤肉、海底椰、金华火腿、螺头……等等，呷一口，个汤味道浓郁，好够火喉，而且，好润喉，饮落非常舒服，此外，啲汤料都几好食，唔会无晒味。再者，个紫砂壶好保温，去到中段都仲喺好够热。烧味双拼烧味喺店家嘅招牌嘢，啲套餐自然会包咗，最好喺双拼，可以试到两款烧味嘛！先试试蜜汁厚切叉烧王，喺店家嘅得奖之作，入口果然喺超松化，8分瘦2分肥，蜜香中带少少油脂香，最正喺有少少㶶边位。脆皮烧腩仔亦都好正，外皮坚喺卜卜脆，而肉质比预期瘦，无乜肥膏，口感却非常松化，更腌得啱啱好，无过咸嘅弊病，沾上少少芥辣，极具风味。烧汁班头腩套餐包咗3款小菜，款款都做出高水准，先分享呢道班头腩，啲班腩酥炸过，所以，先入口外层颇为脆口，而肉质保持好嫩滑，极具鱼鲜味，再者，以烧汁、姜葱爆炒，甚为惹味。翡翠炒带子虾仁一道浓香嘅，跟住呢一道就清清哋，翡翠用上西芹炒得清爽，而带子、虾仁都好大只，两者都好爽口弹牙，可以讲喺鲜味十足。蒜蓉炒菜苗菜苗用上白菜仔苗，炒得恰到好处，一来炒到仲有份爽脆口感，唔会过腍，二来食落好有镬气感，加上满满蒜香味，简简单单嘅炒菜都食得出用心。精选甜品初头真喺无期望喺咩甜品，以为都喺红豆沙之类，然而，上到枱原本喺一碗雪耳红枣桂圆茶，可以讲既滋补，又清润，入口唔算好甜，但食落真喺好舒服。想食精致嘅粤菜，嚟「中华小馆」确喺唔错，食得出用心制作，用料上乘，环境又几舒服:)。…查看更多
