中華小館

营业中

休息中

今日放假同媽咪去咗灣仔整新身份證，喺地鐵站C出口一出就見到呢間餐廳。裝修好有氣派，而且出面有唔少人排緊隊，相信應該幾好食。所以就同媽咪試吓😎和風青芥末蝦球呢個組合我冇諗過原來係咁夾！芥末微辣唔嗆鼻，蝦球爽口彈牙🤤古法蝦籽燜柚皮因為製作太花時間同功夫，出面買少見少！難得見到呢度竟然有得食，即刻諗都唔諗就嗌咗🤗師傅首先要將柚子青綠色嘅表皮，以及內裏嘅白色囊衣削得非常徹底，先能夠去除柚子本身嘅天然苦澀味。而剩餘嘅部份就係全白色嘅軟身柚皮，果然係有入口即溶嘅感覺👏🏻😍淋上湯汁同蝦籽，更為整道菜增添鹹鮮香氣😋👍🏻最後嗌咗碟蒜蓉炒時蔬，白菜清脆而唔韌🙌🏻