中華小館

营业中

休息中

裝修好雅致，掛起一幅幅中國畫極有韻味，令人賞心悅目。古法蝦籽燜柚皮非常嫩滑，表面嘅一大撮蝦籽更加係畫龍點睛，令味覺同口感昇華🆙蜜汁叉燒皇質感幼嫩，肉汁豐富💦一啲都唔會輸俾專賣燒味嘅大型連鎖餐廳！蟹肉粟米羹質感滑溜，唔會太杰又唔會過稀。粟米香甜，蟹肉一瓣瓣好足料🥰順德煎釀土鯪魚好耐之前返鄉下食過，超好食，一直以嚟都好掛住嗰隻味！用人手剁成嘅鯪魚肉，入口真係特別彈牙，極富順德傳統口味。配合餐廳特別調製嘅茨汁，惹味更上一層樓！實在令我喜出望外，冇諗過呢度可以令我食得返隻味😭❤️