中華小館

营业中

休息中

已經唔記得嚟咗駱克道嘅中華小館幾多次，自從我試過佢哋嘅古法燜柚皮，我成日掛住嗰種味道，所以我經常都會過嚟食！😁。今次過嚟再食古法蝦籽燜柚皮，個柚皮依然係香甜軟滑😇，仲有淡淡嘅柚子香味，清新怡人，加上用好多材料淆製嘅上湯同蝦籽嘅鹹香味，真係一絕❤️！黃金玉米雞蓉羹有粟米同雞肉🌽🐔，湯羹非常幼細，質地幼滑，粟米好香甜，雞蓉有雞嘅香味。加上薄薄嘅蛋花同小小蔥花，堅係好得!蜜汁叉燒皇係我食過最傳統，最正宗嘅港式叉燒。有新鮮梅頭肉嘅香味，燶邊脆口，蜜糖味唔重仲有淡淡嘅酒香。加個白飯真係連汁都食埋😎。食飯之餘都飲咗啲紅酒，佢地提供嘅酒類都多，中式，西式，紅酒，白酒甚至香檳都有🍷🍾。堅多元化。我真係冇辦法忘記呢度嘅古法燜柚皮同傳統小菜，我真心推薦中華小館😁。

經朋友介紹試吓灣仔呢一間中華小館，佢哋嘅懷舊小菜絕對有驚喜😁。見到好多人都叫個粟米羹，就先嗌個蟹肉粟米羹試試，嚟到見到個粟米羹都好大碗😳，粟米好香，粟米粒粒飽滿，蟹肉都好豐富，個羮食落去好綿，好滑。蟹嘅鮮味冇搶過粟米嘅甜味，feel到係落足心機去煮呢個羮。冇得輸。😆懷舊錦鹵脆戈巴應該係呢度必食嘅懷舊菜。錦鹵汁酸中帶甜，好醒胃。個汁嘅餡料都好豐富，我眼見已經有叉燒，魷魚，青紅椒，菠蘿同洋蔥，其實只係食個汁都好飽🤣。各種配料都有自己獨特嘅味道，撈埋個醬汁又有另一種嘅滋味。再用勁爽勁脆嘅戈巴點落去一齊食，嗰種爽脆酸甜嘅感覺非常出眾😘。真心要試吓。明白點解呢個係必食嘅錦鹵戈巴。稱得上係神級甜蜜蜜叉燒，呢個叉燒應該唔簡單！叉燒嘅口感好嫩滑但係又不失豬肉嘅煙韌口感，蜜糖味好重但係甜而不膩，加上有微微嘅炭香味，真係食一碟都唔夠，我哋叫咗兩碟😅。呢間餐廳嘅傳統菜非常出色，絕對值得一試再試。下次會同朋友一齊再嚟食過😁。

成日行過駱克道都見到中華小館門口好多人等位，好似好受歡迎，結果今晚同幾個朋友一齊去試下🤔。經夥記介紹食咗個古法蝦籽燜柚皮，真係冇介紹錯，我第一次食柚皮覺得質感幼滑，帶有微微嘅柚香同甜味，感覺好清新🥰。加埋少少嘅蝦子令到柚皮更加香！上湯都淆得好好味，啲柚皮入曬上湯嘅味！好正好正。之後嚟咗個懷舊錦鹵脆戈巴，我第一次食戈巴點錦鹵汁，個錦鹵汁材料超豐富，我欣賞裏面嘅魷魚，爽口彈牙，個汁好杰，味道酸甜適中，加埋個戈巴一齊食，惦呀！夥記介紹呢個叫神級甜蜜蜜叉燒，佢啲叉燒肉質嫩滑，軟硬適中，有好多嘅肉汁又有好香嘅炭火燒烤味，蜜汁味香甜，真係可以稱得上係神級叉燒🤤。之後上咗個和風青芥末蝦球，我本身唔係好鍾意食wasabi，不過試過呢個日本芥辣蝦球我覺得真心得，啲蝦炸到啱啱好🍤，上碟嘅時候仲係熱辣辣脆卜卜，上面有小小嘅wasabi加埋蛋黃醬，味道好和諧，亦提升到蝦本身嘅鮮味，而wasabi又冇搶過蝦嘅味道，真係perfect，好好食。埋單真係唔貴🤑呢個價錢可以食到呢個級數嘅粵菜絕對值得介紹畀大家，明白點解咁多人等都要去食。

上網睇食評發現灣仔呢一間中菜館，好有興趣試下，今日嚟嗌咗順德煎釀土鯪魚、清炒時蔬同懷舊錦鹵脆戈巴🙂。順德煎釀土鯪魚: 一啲都唔腥又冇泥味，魚肉好新鮮，好爽脆，煎得啱啱好，冇骨又香口😋。點埋個汁好惹味！清炒時蔬: 蔬菜好新鮮🥬，炒出嚟一啲都唔油膩，有爽脆嘅口感，份量都幾大碟。懷舊錦鹵脆戈巴: 個甜酸汁處理得好好，厚厚嘅錦鹵汁酸甜度好平衡，好開胃🍅。裏面嘅配料好多好豐富，口感一流。加埋鬆脆嘅戈巴一齊食，真係停唔到口！試過呢一間菜館真係覺得佢哋水準好高，值得推薦✌️。

放工同同事一齊去食飯，同事話灣仔呢一間中華小館嘅傳統粵菜好出名，所以就一齊去試下🙂。 順德煎釀土鯪魚同古法燜柚皮都好出名，鯪魚肉有少少陳皮嘅香味，好香好彈，外脆內軟，仲有好多肉汁，堅好食😻。柚皮燜得好淋，柚香味好濃，冇任何苦澀味，再加上蝦籽嘅鹹香味同埋上湯嘅鮮味，真係好食到不得了！😯蟹肉粟米羹好多蟹肉，好新鮮，而且好多粟米，真材實料，個羹粟米味好濃好滑，蟹味好鮮甜，加少少胡椒粉味道非常得🥳。最後有個棗皇糕做甜品，個棗皇糕非常之煙韌，棗味好香好重，小小甜唔會漏，可以為呢一餐做一個完美嘅句號。喺香港仲有做懷舊粤菜嘅菜館真係難能可貴，值得支持💪。

為咗試吓古法功夫菜，一家三口出去灣仔中華小館食晚飯。😇蟹肉粟米羹好鮮甜，用新鮮蟹肉🦀加上粟米🌽而冇用罐頭湯，值得一讚👍。蒜蓉炒時蔬嘅蒜香味好香但又唔會搶咗菜嘅味道☺️，好平行。啲菜好新鮮，顏色夠清綠而且炒得爽脆，又夠鑊氣🔥 。蜜汁叉燒皇肥瘦均勻，口感軟滑。🤩，有少少蜜糖嘅甜味又有炭火燒嘅焦香🍖。係我試過最好食嘅叉燒。最後梗係要試下將近失傳嘅古法柚皮，呢個功夫菜唔易整，而家已經好難搵🤷。柚皮夠厚，夠咁香。火喉十足但依然保留柚皮本身嘅質感同香味。再索曬上湯嘅味道，真係超級好味🤤。絕對係一試難忘。依家喺香港仲可以食到古法功夫菜，而且價錢合理，真心推薦♥️♥️。

阿媽最鍾意食燜柚皮，佢生日梗係同佢去灣仔嘅中華小館嗰度食飯🥰。古法蝦籽燜柚皮係呢間餐廳嘅招牌菜之一，啲柚皮燜得好香好淋好入味🤩，加埋本身啲柚皮好靚，燜完之後仲可以保持完身嘅香味，真心得🤗。阿媽話佢好正宗，保留到傳統嘅口感同味道，加埋個芡汁，非常出色。懷舊錦鹵脆戈巴都係我阿媽後生時嘅最愛，個錦鹵汁酸酸甜甜，加埋啲蝦肉粒、叉燒、洋蔥、青紅椒，味道好出，好好味💖，用脆卜卜嘅戈巴去點！嘩！正到飛天！而家喺香港真係好難搵到咁正嘅錦鹵戈巴。順德煎釀土鯪魚睇電視都知道呢味菜好難整，好多功夫，香港已經冇乜師傅肯做😭。呢度竟然有得食而且整得好好。新鮮嘅鯪魚肉剁碎加豬肉、蔥同蝦米再讓返入鯪魚入面，之後攞去煎，魚皮超爽脆，魚肉冇骨好彈牙，好滑好有咬口😍。加埋個秘製醬汁令條魚層次昇高，超正🐟！超好食。喺香港，傳統粵菜嘅餐廳真係買小見小啦！極力推薦灣仔呢間中華小館👍🏼。

 咁啱今日難得出嚟灣仔，見到上網推介有間喺駱克道嘅中菜「中華小館」， 就立即過嚟試吓😉。 首先讚下環境擺設，古色古香，以木為主調， 感覺好高雅舒適😍。經理推介餐廳名菜順德煎釀土鯪魚，鯪魚肉非常之爽口又彈牙🤩，再配上甜酸醬，味道好夾仲帶出鯪魚鮮味。再讚一下表皮煎得又甘香可口～又脆卜卜～好好味呀～😋經理仲推介左古法蝦籽燜柚皮配懷舊錦鹵脆戈巴，蝦籽肉質飽滿😚，好有鮮味，再加上微酸醬汁，令到整個菜式非常開胃。 再加上懷舊錦鹵脆戈巴脆卜卜，放埋蝦籽同柚皮上去，酸甜又爽脆味道好夾🥰和風青芥末蝦球，蝦球鮮甜美味，肉質厚實彈牙，點埋和風青芥末，少少微辣， 帶出蝦球嘅鮮味，真係無得彈呀！🥴總括來講餐廳食物高質，食材新鮮，環境高雅舒適，店員又友善，值得回頭！💯

同男朋友紀念日見網上推介灣仔既中華小館，所以就叫男朋友book定位去食。 環境真係好優美😍，中式古式裝修，好有中華特色，而且位置寬敞，坐得好舒適👍🏻。見到Menu推介古法蝦籽燜柚皮🦐 懷舊錦鹵脆戈巴就試下啦！開胃之選！古法蝦籽燜柚皮酸甜又清新，真開胃！ 懷舊錦鹵脆戈巴亦好正，脆卜卜再加上酸甜汁，立即消退左炎夏既暑氣😋。Menu亦推介順德煎釀土鯪魚，釀鯪魚肉啖啖都彈牙爽口😚，而且表皮煎到金黃鬆脆，又香噴噴～點埋甜酸醬，帶出魚既鮮甜，極之好味😛！然後再嗌左既古法柚皮，喜歡試新野既我地覺得好驚喜🤩，原來柚皮可以入口即溶又軟滑，回味無窮。我地好喜愛既蜜汁叉燒皇，厚切得黎又能一啖一舊😋，叉燒肉汁燒到表皮乾身但肉汁鎖住，一咬落去d肉汁仲係口腔入面吱出嚟🤭，真係超級正呀！至於蒜蓉炒時蔬，適合時宜既白菜仔，清清甜甜，咬落爽口，菜汁好甜呀👍🏻！好滿意今次既週年紀念之選，環境又優雅，食物又高質～💖已經介紹左俾好多鐘意食中菜既朋友～😋

外國同事第一次食粵港菜，因為之前食過覺得CP值高又易搵，特別帶佢黎送個美好回憶俾佢。 一去到餐廳， 同事已經大讚好有中華特色，木係裝修非常高雅🪵。極力推薦蜜汁叉燒皇，同事食到停唔到口，大讚肉汁豐富，超級好味。叉燒被甜甜既蜜汁帶出肉質既鮮味🥩，自己都停唔到口。傳統古法柚皮，上次食過，今次要encore！ 入口融化，酸甜開胃，同事清哂成牒🤣。非常欣賞蟹肉粟米羹🦀，蟹肉每條都好分明，非常新鮮。粟米羹口感嫩滑🌽，配上甜甜飽滿既粟米，每一啖都充滿住嫩滑同爽口既感覺😋！同事好開心覺得無介紹錯，佢話今晚帶埋老公黎食多次😆。

今日去咗朋友介紹喺灣仔地鐵站C出口轉左向前行5分鐘內到嘅中華小館食farewell飯🤩。 一入餐廳就有古色古香嘅裝修感覺，陳設都以木為主，好有傳統中華風味🐉🪵介紹一下店員推薦既神級甜蜜蜜叉燒， 果然名不虛傳，叉燒被濃濃蜜汁包住😋，加上叉燒外脆內軟， 肉質鮮嫩， 好適合送飯。🍚蒜蓉炒時蔬，當造既白菜仔爽口好味，加埋爆香左蒜🧄，非常香口惹味！店員推介黃金玉米雞蓉羹🐥，色澤金金黃黃， 粟米粒粒爽脆香甜，雞蓉既味道都好濃，成個配搭非常好味～💯最後，古法蝦籽燜柚皮配懷舊錦鹵脆戈巴，有我最喜歡既蕃茄同大蔥，正呀！👍🏻清新得黎帶有酸甜味道，超級開胃。 而且蝦、柚皮都好香同鮮甜，朋友都大讚！👍🏻試埋懷舊錦鹵脆戈巴，好似米通咁脆卜卜，點埋酸甜汁，開胃又好味！💖總結今日呢一餐好滿意，性價比高，環境又舒適，服務又好，下次帶埋爸媽黎食先！👨‍👩‍👧

同事話之前同朋友黎食過幾好食又近灣仔地鐵站，所以過咗嚟灣仔駱克道中華小館度慶功。🥳喜歡食叉燒嘅我哋🤭，食左蜜汁叉燒皇，真係好味到無力抗拒，叉燒厚切、肉質軟腍、配埋蜜汁，極度好味😚～仲有神級甜蜜蜜叉燒，表皮脆、肉質軟，加埋甜甜蜜蜜既醬汁，惹味非常🥴！黃金玉米雞蓉羹🌽🐔，粟米每粒都爽口飽滿，雞蓉既味道濃而不膩，唔錯唔錯😙～最後既蒜蓉炒時蔬，正所謂不時不食，當造既白菜仔清甜爽口又能夠消膩，無揀錯呀😋！多謝同事帶我去呢間價錢既親民，食物又超高水準既中菜館，期待下星期再

book左位同daddy慶祝生日🎂，放工就即刻坐車去灣仔駱克道中華小館。驟眼望落舖頭新淨感覺良好。👍🏻首選推介蜜汁叉燒皇，叉燒厚切，又唔會太大舊，可以一啖一舊😋 叉燒肉質軟腍，加埋甜甜既蜜汁，超級惹味，回味無窮🥳daddy好欣賞蟹肉粟米羹👍🏻，蟹肉鮮味十足🦀，條條分明， 粟米粒粒都非常飽滿，口感爽脆清甜🌽，十分讚！店員推介既古法柚皮，入口即溶🥴，非常軟滑，酸酸甜甜非常好味。😙Daddy好想試既古法蝦籽燜柚皮懷舊錦鹵脆戈巴，都十分不錯💯， 蝦同柚皮都鮮鮮甜甜🤩，再加埋懷舊錦鹵脆戈巴脆卜卜，配上酸甜醬汁，開胃又惹味！😚另一店員推介順德煎釀土鯪魚🐟， 表皮煎得金黃鬆脆， 釀鯪魚球厚實彈牙，非常滿足，再配埋甜酸醬，更加開胃，食到停不了！😎總括嚟講daddy呢餐生日飯真係好開心，一黎質素高服務好，而且環境優質，坐得非常舒服，強烈推薦俾大家！👍🏻

難得陪朋友出到去灣仔鬧市交收， 我哋就上網搵到呢一間網上推介嘅中菜館-中華小館。 入到餐廳見到好靚嘅裝修，配有木製枱櫈，又有紅白酒櫃擺設，整體好有中式傳統高雅感覺。👍🏾店員推介黃金玉米雞蓉羹🌽🐔，果然好高質👍🏾， 粟米粒粒飽滿、口感爽脆，雞蓉有濃濃既鮮雞味，色澤又靚又吸引，食到停唔到口！😆店員再推介蜜汁叉燒皇，真係大力推薦，叉燒厚切之餘肉質又軟腍，唔會太肥或太，配埋蜜汁，非常好味🥰，送飯一流😋，朋友都大讚。再試埋蒜蓉炒時蔬，白菜仔清甜爽口，配埋落鑊爆香左既蒜蓉，味道好香口！💯整體環境乾淨舒適，價錢又親民，已經book定位同屋企人星期六再黎食！🥰

同事介紹灣仔地鐵站C出口左手面有一間好好味嘅中菜館，叫做中華小館，即刻訂枱同男朋友食☺️先讚下蜜汁叉燒皇，厚切叉燒肉質軟腍😋，肥瘦適中👍🏾，加上甜甜蜜汁，非常惹味🥰，睇返相都流哂口水😋順德煎釀土鯪魚，釀鯪魚肉爽口彈牙，表皮煎得金黃鬆脆，再配上甜酸醬開胃解膩，食過返尋味😋古法柚皮呢個傳統小食，係市面上好少見及珍貴。真係要大讚呢度既古法柚皮👍🏾，入口即溶，既軟滑又入味，好食到停唔到👍🏾只留返一啖俾男朋友🫢最後，甜品棗皇糕清甜得黎又帶淡淡椰香，仲好彈牙添😍，男朋友都讚不絕口😏總括嚟講，價錢親民，食物好味，環境佈置優雅，同事真係推介得非常好！🥰