中華小館

营业中

休息中

好鍾意食釀鯪魚，但係香港已經好難搵😔！聽聞灣仔駱克道有餐廳有得食！即刻拉大隊去試下。順德煎釀土鯪魚真係好正宗，鯪魚肉好爽好滑，冇骨，有蝦米同陳皮嘅香味，鯪魚外皮煎得好脆，又脆又軟嘅口感加上惹味醬汁，所有以前嘅回憶返曬嚟😋。懷舊錦鹵脆戈巴都好多年冇食過，鮮紅色，有多種配料炮製嘅錦滷汁味道酸甜香滑，層次豐富，非常滋味👍🏼。配上脆口又有少少鹹味嘅戈巴一齊食，非常醒神。古法蝦籽燜柚皮啲蝦籽已經好香，柚子皮夠厚身，燜得好淋，有淡淡嘅柚子味道，個芡汁味道豐富，鮮香味濃，真係好味到冇朋友😜。蜜汁叉燒皇係用沙梨篤部分肉質煙韌彈牙，豬肉味好香，好多肉汁，用炭火慢烤，有少少甜少少酒香，呢種叉燒先係正宗冇得頂。呢間中菜館嘅傳統中菜絕對高質值得推薦比大家。