上海老家 (已結業)

大角嘴美食雲集，大眾化價錢都有大把選擇，同朋友小聚，見佢屋企樓下有間上海小店，網上評價不俗，一試無妨。五香燻魚（$65）酸酸甜甜，作為頭盤係唔錯既選擇，份量很足夠，我地兩個都食唔哂，燻蛋（$15）蛋黃呈半流心，淡淡煙燻味。擔擔麵（$50）🥢有驚喜麵條彈牙掛湯，湯底夠濃厚，店主亦有細心問食唔食辣，怕我地唔岩口味😌 炸饅頭（$25）口感香脆，唔厚粉。本來已經好飽，熱情既老闆娘過黎問我地有冇社交平台 😆原來想我地like 咗，有個「花膠雲吞雞煲」$68優惠，估唔到雞肉都好嫩唔鞋，雲吞亦相當之大粒，好足料！2人埋單咁豐富都係200幾蚊，好有家常上海菜既感受。—————————————————上海老家 (大角咀)大角咀中滙街61號地下—————————————————

傳統上海菜呢間上海老家位於大角咀，裝修都好有傳統古早既感覺，而且坐得都算寬敞。油豆腐粉絲菜湯上海菜館好多都有呢個湯，油豆腐索左好多湯汁，加埋粉絲多左一種口感。而白菜中和左湯既咸味。油炸素鵝呢個素鵝都唔錯，表皮幾酥脆，內面食到一層層既腐皮，而入面就有紅蘿蔔、冬菇等等既蔬菜，外脆內軟，可以作為餐前小食。上海粗炒通常去食上海野都會點一個最傳統既粗炒，呢個炒得夠鑊氣，同埋有大塊豬排碎上，啖啖肉，都可以一試。

平時成日食開連鎖店，今次想食下一啲有特色嘅自家製私房菜餐廳，加上又好掛住上海，冇得去旅行之後，喺香港都周圍搵嘢食，比我搵到一間喺大角咀嘅上海私房菜，叫做上海老家，果然食返上海嘅味道💕😋一入到黎，餐廳嘅環境好闊落乾淨，而且老闆娘好熱情，非常之有家的感覺🤣 加上嘢食超級好味，性價比極高！前菜方面我哋叫咗一個雪菜毛豆百葉第一次食毛豆百葉，估唔到咁好食😛 係好少有嘅上海傳統美食，估唔到咁簡單嘅嘢食都可以做到咁出色👍🏻另外叫咗一個油炆荀荀非常之爽好開胃，食落去嘅感覺好清新，用咗啲秘製嘅醬汁炒，所以食落去口感好多元化，味道好有層次😊最後叫咗一個黑醋小排骨黑醋排骨酸酸甜甜，而且肉質好鮮嫩，必食推介！

今日約咗舊同事去大角咀食好嘢😁‼️因為我同事都比較鍾意食上海野，咁我哋就揀咗一間最近佢公司附近嘅上海菜，到咗餐廳之後店員好細心安排座位，我哋問吓有咩推介食物佢就介紹咗呢款五香熏魚，熏魚冷盤，好開胃，熏魚特製醬汁同魚肉非常之夾！今次佢哋餐廳仲做緊個promotion，Like 社交平台 share 仲有個花膠雞雲吞湯餸添，足夠四人份量！有好幾塊花膠，食得出花膠嘅骨膠原，另外雞髀都好滑，湯頭濃郁！呢個Promotion真係好抵呀！抵食價$ 68另外仲有一碟三個炸饅頭，饅頭非常之好食，外脆內軟！呢個有驚喜呀。。回鍋肉炒粗麵👍🏻辣到非常適中！帶點微辣‼️

太白醉雞 例牌 $68上海菜一定會叫嘅 必備，例牌份量啱啱好花雕酒味好香但係唔會好濃，雞肉切到細細仲紅油抄手 $65抄手個汁入口甜甜地，後邊先至會有少少辣味走出嚟，雲吞好飽滿，係菜肉餡。上海回鍋肉 $88炒🉐️好有鑊氣，椰菜都炒到好淋，無🦷都食到😂係濃味既 但係唔會死咸咁😋奶油津白 $88份量好足，唔同有d地方得幾條，要慳住食😅😌奶油汁唔算好杰撻撻，配津白係最夾的。老家魚頭豆腐湯 $148一定一定一定要叫，真係好好飲。佢半只魚頭已經好大，有魚雲，仲有大量豆腐，用少許黃酒同薑辟腥，所以唔會有任何腥味，真係好耐冇飲過咁正既魚湯😌👍👍👍上海粗炒 $78三個人share 都飽到上心口🤣😂 同回鍋肉個味係少少似，不過唔辣，如果唔想食飯，都係一個幾唔錯嘅主食。

我鍾意食上海菜，今日約左朋友黎呢間餐廳食我鍾意既上海菜。菜式選擇好多，最後我地選擇左以下菜式。雞絲粉皮：煙煙韌韌的粉皮拌以雞絲、青瓜，開胃消暑，而且呢碟粉皮加左少少辣油，好野味。水煮牛肉：肉片嫩滑易嚼，搭配上爽口黃豆芽，仲有薯粉，好煙韌；整碗水煮牛肉辣中帶麻，麻中帶香，愈食愈過癮。炸饅頭：口感香酥脆爽，好食仲唔油膩，配練奶冇得輸。紅燒茄子：皮薄肉厚的茄子，吸收左醬汁，口感軟嫩。仲有肉片，同樣吸收左醬汁，一樣好食。

已經有好多年冇黎過大角咀今日難得黎到 叫地膽朋友帶我食野佢帶咗我黎到呢間舊式上海菜館餐廳門面唔起眼 但裝修幾有味道兩個人叫咗幾款小菜 食到好飽太白醉雞 ($68)我一向都好鍾意食醉雞 呢份分量都幾足雞肉幾嫩滑 仲有濃濃嘅酒味 浸得好入味上海回鍋肉 ($88)五花腩片 配上豆乾片 椰菜再加上秘製醬汁 重點係唔會好鹹奶油津白 ($88)津白索滿奶油 又滑又嫩 好好味上面加埋粒粒金華火腿 鮮味更提昇上海炒粗麵 ($78)炒麵配料有豬肉絲 椰菜絲 冬菇粗麵煮得唔會太淋 仲好有咬口 幾而且個調味好濃 好惹味

親民正宗川滬菜@大角咀 上海老家的裝潢平實，就是做街坊生意那種小店，但食物做得正宗美味！由奧運行過來只需數分鐘，地點不算難找。 侍應事先詢問我們吃多辣，服務很周到，因為我朋友只吃到小辣啊，哈哈～ 餛飩肉餡豐富彈牙得很，餛飩皮既薄且滑。除了淋上辣度適中的紅油外，蔥花和蒜泥也是下得豪爽，非常惹味 素鵝鹅以腐皮包裹冬菇等材料製作，是傳統的上海名菜。腐皮摺疊後炸得酥脆香口卻輕盈不油膩，而且真的有燒鵝的口感，原來素菜可以如此精緻可口呢  擔擔麵的賣相看似簡單樸實，然而入口就知道味道一流，麻醬香濃濃稠佐以肉碎，麵條細滑有咬口

大角咀有好多小店，揾一揾原來有間自成一角嘅上海菜，門口掛住紅燈籠🏮好搶眼🥸二人晚餐，叫返一人一盅燉湯唔洗爭~ 店員表示燉湯定期更換，今期係好足料嘅 蟲草花膠雞湯，原盅燉湯超級滋潤，有蟲草花、大大塊花膠、雞腳、赤肉、金華火腿，食埋燉煮到軟腍既湯渣，好有家的味道🥰太白醉雞 皮爽肉嫩，淡淡酒香滲透雞皮同雞肉，又香又夠開胃雪菜肉絲炒年糕 煙靭又軟糯嘅年糕沾上雪菜的鹹香味，切片均匀，充滿彈牙口感，味道恰到好處，特別好食😋冬菇小棠菜 好有家常小炒嘅感覺，餸飯唔錯

大角咀岀名多好西多小店，呢排成日食西餐🍽今日黎食下中菜先🍲揀佐呢間上海菜館試下🙌🏻係奧運站行7分鐘到就到！門口同餐廳裝潢古色古香🏮主要用木同樓底高，坐得幾舒服👍🏻2 3 個朋友食同一家大細食都岩🙌🏻蝦醬魷魚炒飯($88)份量超多勁足料💥3個人食都得‼️好多魷魚粒🦑口感彈牙✨蝦醬味唔會好重同好鹹搶曬炒飯既味🙌🏻炒得幾乾身一粒粒✨京蔥爆羊肉($108)呢個份量都唔野少💥好抵食‼️羊肉京蔥都好多好夠鑊氣🙌🏻羊肉無羶味又唔會炒得好un👍🏻加埋調味好惹味同開胃✨萵荀涼拌海蜇($55)萵荀同海蜇都好爽脆💥調味簡單唔花巧 (好似只係用麻油) 但食落味道唔會單調🙌🏻入口冰涼清新，作為前菜非常開胃✨奶油津白($88)份量極多，上枱時都擔心會唔會食唔曬🤣呢道菜看似簡單 其實要做得好食一啲都唔易架 味道咸淡適中💥香甜綿滑，奶油味濃，食完唔會口渴✨為食指數: 3.3/5性價比指數: 3.3/5推介指數:3.3/5

約朋友係奧海城行街，落去大角嘴再食晚飯。朋友介紹試吓呢間上海菜館！話呢間上海小店具有特色，仲有社交平台 like and share優惠，每星期會不斷更新☺️．燉蟲草花膠雞腳湯個湯熱辣辣，材料十足，有花膠蟲草花.好似幾補身，忍唔住好快就飲晒。．鎭江肴肉這個是上海店必叫嘅菜式，我哋也試一試，口感不俗。．雪菜肉絲炒年糕雪菜同肉絲份量剛剛好，炒年糕軟硬適中，煙煙韌韌，口感唔錯。．椒鹽排骨食得出好有鑊氣，但其實唔係好辣，啖啖肉，幾脆口，原來份量都幾多，夠晒兩個人食。

蟲草花膠雞湯，而家餐廳做緊優惠，只要上社交平台 like and share post ，就會送一盅雞湯，雞湯超濃郁，好多雞肉，而且食落去一啲味精味都冇，超級正嘅老火湯❣️❣️❣️太白醉雞，好香嘅酒味，而且啲雞肉都索晒啲酒，醃咗好耐，雞肉好嫩滑，一啲都唔鞋🥳🥳🥳好正欖菜肉碎炒飯，個炒飯勁有鑊氣，米粒粒分明，而且炒到好乾身，成碟飯勁快俾我哋掃晒😛😛😛😛😛脆皮素鵝，炸得好脆，而且唔油🤪🤪點埋個醋啱啱好😘😘

大角嘴出名多嘢食，所以平日放工特意來呢邊覓食，來到位於中匯街角落位置、生果檔旁的呢一間上海老家，聽個名就知夠曬正宗。入面環境十分寬敞，特色小菜館。餐牌上寫滿琳瑯滿目的上海著名菜式。店員更特意介紹最新社交平台優惠，like & share就有得免費獲得一客蟲草花花膠雞湯，原價$128，所以定期要留意著餐廳社交平台，可能會突然出不同優惠呢。蟲草花花膠雞湯雖然係免費送，但係呢盅蟲草花花膠雞湯好正，份量不在話下的多，十分足料入味，趁優惠期間快啲去品嚐下。紅油抄手點了我最愛的上海菜之一：紅油抄手，類似微辣的小雲吞等，紅油的部分並不會過辣，但係辣味提升到小雲吞的鮮味。紅燒獅子頭小菜方面當然要一試招牌紅燒獅子頭。醬汁非常惹味，獅子頭沾滿醬汁，好腍身，配合白菜、冬菇、口感豐富。排骨擔擔麵主菜方面點了一客排骨擔擔麵，花生醬作為基底，出色。炸排骨炸到金黃色，外層外脆。擔擔麵份量大，夠2-4人食用。下次黎大角嘴食飯又多一間上海菜餐廳可以去嚕。

有次行過奧運啲橫街見到好多野食，放工捉埋🙆🏻‍♂️去醫肚先~經過間食上海菜嘅餐館聞到好香啊🤩即刻好想嘆下!.📍上海老家.🥣蟲草花膠雞湯 - 食飯都有野送🤩只要去某社交平台like上海老家專頁同share post就可以每人送一盅極足料燉湯!!盅仔細細但啲料好多，有花膠、蟲草花、赤肉、雞腳同金華火腿，燉足5個鐘!!好滋補好正🥰🥢鎮江肴肉 ($75) - 炎炎夏日食呢個涼菜感覺好爽🤣啫喱+肉嘅口感配埋酸酸嘅黑醋，開胃😋🍜雲吞擔擔麵 ($65) - 今次叫左走辣，好香濃嘅花生味~湯底味道啱啱好啊!!麵條又唔會淋爛，仲有啲掛湯效果喎😆雲吞大大粒，正~🧆黑醋小排骨 ($128) - 一上枱即刻聞到好香嘅黑醋味!!排骨酥脆配埋酸酸甜甜嘅黑醋，真係會食唔停口啊🤭

香港都有正宗上海菜，呢度由上海師傅主理，裝潢好有特色，主要係用木系風格，呢度仲有好多特色上海美食，不過要預定，如八寶鴨、蒙古羊排、烤巴蜀羊腿等🙂 雜錦鍋巴🍲熱辣辣雜菜🥦火腿鮮蝦醬汁，倒落鍋巴係香脆飯焦上，好有特色 醉雞花雕酒浸醉雞🐥，花雕香味帶有桂花香🌼，雞入面充滿花雕桂花香😋 蟲草花膠雞湯🥣花膠蟲草係雞湯夠晒火喉，又多花膠，足料雞湯👍 豬扒擔擔麵四川特色擔擔麵，充滿好濃花生香味🍜仲有好多款未試，下次要再黎過