上海老家 (已結業)

收工經過大角咀，見到一間唔太起眼嘅上海小店，但望到舖頭門外嘅訪問就忍唔住入去一試！今次叫咗三樣餸菜，首先試左必食嘅上海淆肉，完全冇So味，晶瑩剔透，啱晒夏天食！另外叫咗麻辣椰菜花同埋回鍋肉炒年糕，麻辣椰菜花用熱鍋上，風味十足！另外回鍋肉炒年糕有鑊氣，食得出廚師嘅功架！但係最令人喜出望外嘅係佢嘅特別，仲要係免費㗎！老闆娘話只要like佢哋嘅fb就可以按人頭送，湯頭鮮甜，仲要真材實料，有花膠、蟲草、雞腳同排骨，仲要飲完都唔口渴！

記得訂位,周末坐滿,小店黎講好熱鬧收茶位另收加一,留意返兩個人過去食飯,試下唔同既菜式,下次應該叫多D人黎先可以試多幾款虫草花膠雞湯,滋潤清甜,入口順,味道自然,唔油膩,飲到尾都係熱既燻蛋,用鴨蛋,比起雞蛋味道更濃郁更香,質感更佳口感更豐富紅酒抄手,小辣,辣蒜蔥,雲吞大隻飽滿,餡肉鮮,餃皮薄,食得辣要加辣雪菜肉絲炒粉皮,呢款第一次食,粉皮炒得透明,因為粉皮短碎,要用匙去食,味道亦唔錯炸饅頭,當甜品結尾,小店風格,食物夠新鮮,用心製,價錢合理,有水準#上海菜 #小店 #大角咀美食 

今次黎到呢間位於大角咀嘅上海老家，其實個位置算偏得黎又唔太遠，因為佢起天橋一落再過個街口就到，呢度係旺中帶靜嘅一個區仔。入到黎都幾有信心，因為見倒裝修新淨，坐得舒服見倒都幾多特別嘅菜式，不過今次得兩個人食，所以都試唔晒咁多首先試吓個鎮江肴肉，係冷盤黎嘅。食落口覺得唔太肥，而且夠凍，肉質唔錯然後係黑醋小排骨，炸得好脆，就算沾滿汁都仲係soksok聲，個味道唔會太酸，夠甜，我鍾意然後係回鍋肉炒年糕，佢有陣類似XO醬嘅味道，整體都唔會太鹹，而個年糕就好煙韌，食落甜甜地每位10蚊嘅茶，飲落好有茉莉香味，係幾好飲嘅呢個係呢期嘅推廣，起社交平台 like同share就會送蟲草花膠雞湯。佢入面有唔少嘅料，花膠都大塊，而且都有唔少肉。飲落覺得係足料嘅，而且冇味精味。

由於朋友喺奧海城返工，同埋佢放得夜，所以今日就特別在奧海城附近搵一間餐廳枱談下心❤️我哋揀咗一間上海小菜館，裝修簡單～好有中國特色，大家叫咗幾樣餸菜一齊吃～🏮首先前菜：五香熏魚 大概有五塊左右😁每塊份量夠厚身 仲要唔係好多骨，亦唔會有魚腥味，酸酸甜甜打開食慾🥰跟住再叫咗熏蛋 🍳， 上菜嗰時仲係流心蛋黃，非常正，蛋味超級香濃又好軟滑 ，作為前菜或者作為小食都相當不錯！🤗叫咗個主食擔擔麵🍜，面質爽口彈牙，配上香濃花生湯底，再有一啲蔥花同肉碎作為配料，忍唔住一啖一啖咁食～主菜就叫咗紅燒肉🍗，非常大份！醬汁香濃，配上肥瘦分明嘅紅燒肉，再加上勁多菜底，非常好下飯!食食下嘅時候侍應介紹而家做緊推廣優惠🤩只要喺社交平台 like and share每人就可以以優惠價獲得是日燉湯🍲，今日係蟲草花花膠燉湯，我哋梗係唔會錯過！ 又熱又好飲，花膠大大塊～飲落去超級舒服😌 超級超值！呢間上海小菜館性價比高又好吃，經過附近嘅值得一試！🤗

大角咀舊區尋找上海嘅味道，大角咀有好多美食，今次搵到呢間食上海野嘅，舖頭細細間，裝修都幾古色古香，位置唔算好多，好彩walk in 都仲有位! -天氣咁熱，其實都冇乜胃口，所以就叫咗個雞絲粉皮，開開胃，雞絲撈埋青瓜絲同埋麻醬，好fresh!-燻蛋呢個出面比較難食到，真係有好濃嘅煙燻味，當中仲係流心添嘅，唔夠味仲可以自己落椒鹽，落咗椒鹽正好多!-上海回鍋肉有豆乾片，五花腩，椰菜，加上秘製嘅醬汁，都幾惹味-擔擔面麵質夠彈牙，湯底濃味而不肥膩，一碗嘅份量都夠兩個人食！-而家餐廳仲做緊promotion，喺社交平台留言就會每人送一盅蟲草花膠雞湯，好足料，好滋補嘅燉湯，入邊有雞腳花膠蟲草花，女士必食！

同朋友約係旺角一帶食飯，想食上海嘢就搵咗呢間鋪。晚上食飯嘅人都唔多，一到就可以安排入座。太白醉雞 (例牌) $68例牌分量都唔少，大概有十幾件雞。雞肉都幾滑，仲會有濃濃嘅酒味。雲吞擔擔麵 $65擔擔麵味道同平時食到嘅一樣，湯底有花生醬味，雲吞有三粒，而麵底分量都多。油豆腐粉絲湯 $88成個湯味道都偏清淡，裡面就有粉絲、豆卜同小棠菜。黑醋小排骨 $128小排骨炸得太耐，肉質變到好硬，黑醋味道酸酸甜甜都幾惹味。上海回鍋肉 $88成個菜味道好濃郁，係食得出好夠鑊氣。回鍋肉份量唔多，椰菜就有大量，但我比較中意食菜就可以接受。順帶一提，到埋單先知道原來餐廳係需要收茶位費，每位要$10同加一。總括嚟講，食物質數普通而且唔算好抵食，之後應該都會直接考慮食第間。

今日喺大角咀做完嘢，唔想又打嗰間邊爐咁悶，同事就介紹咗我嚟呢一間性價比極高嘅上海菜館。蟲草花膠燉雞湯，餐廳而家做緊 promotion，只要 like 佢哋嘅 社交平台 page 就會送你一盅蟲草花膠燉雞湯，餐廳並無因為係贈品就揸流灘，個燉湯相當足料，而且好重雞味，襯埋金華火腿嗰陣鹹香，非常好飲。燻蛋，廚師將燻蛋做到半流心，入口相當細滑，煙燻味道唔會話好搶，同個蛋味相輔相成。麻辣粉皮，粉皮入口滑溜，涼拌溫度美妙，揀選咗中辣， 整體味道麻中帶辣，相當開胃。宮保雞丁，廚師以翠玉瓜與宮保雞丁同炒，感覺創新，宮保醬嘅味道同翠玉瓜亦都相當配襯，碟頭份量不少，所以我哋就無嗌到白飯喇。炸饅頭，呢度嘅炸饅頭外表比坊間一般上海菜館嘅更脆更薄，上到枱嗰陣都仲係辣口，係少有嘅高質炸饅頭。

不少餐廳喜歡在社交平台以遊戲方式宣傳及提供優惠來吸引食客，其實都幾成功，因我正正參加左一間送一盅蟲草花膠雲吞雞湯（價值$128）！補身之餘而又同時讓味蕾得到滿足。仲叫左幾碟餸！餐廳位於大角咀中滙街，雖然位置吾算就腳，但反而中意佢位置旺中帶靜，吾駛同人迫！油炆荀——非常爽和清甜！做前菜一流！清炒土豆絲——這是久違的菜式！口感很好，有清脆的感覺，怎麼都吃不夠！切土豆絲也是一門技術活，不能太粗也不能太細，太粗難以炒熟，太細的土豆絲很容易被炒斷，影響美觀以及口感，所以一定要切得大小適中才是最合適的！看似簡單，原來很多學問！醬爆雞丁——太惹味！餸食就最好！

放工同朋友在大角咀聚會是日同朋友一齊食哩間上海野點左炸鏝頭，太白醉雞（例牌）乾煸四季豆，排骨擔擔麵職員同我地講，如果like佢地面書就會有個盅湯-今日湯系松草花膠湯松草花膠燉湯真係好足料，有豬肉蟲草，一大舊花膠湯底好清，唔會有味精湯的感覺，真材實料！太白醉雞哩個太白醉雞件件都充滿酒味，雞件好滑有少少酒的香味乾煸四季豆哩個餸真係好好送飯，四季豆爽口，加埋少少肉碎排骨擔擔麵哩個排骨擔擔麵真係好大份，麵的湯底有濃濃的花生味，加埋炸得香脆的排骨，真係好正甜品時間-炸鏝頭哩個真係邪惡級好食炸得剛好，加埋奶真係超正，鏝頭又唔會太油，大角咀真係一個美食天堂！

今日去開大角咀探朋友，大角咀向來多野食，今次朋友介紹咗一間上海菜一齊食。至於呢位朋友點解會食過呢間上海菜，就因為佢同屋企人食過，覺得幾好食所以推薦。今日去到間餐廳都幾旺場，仲有啲系一班班人咁黎，相當有氣氛。蟲草花膠雞湯夠曬滋補呀，架吾中都要飲吓燉湯滋補一下☺️雞湯味道非常濃郁，花膠係珍貴嘅食材，係小店都竟然可以試到👍🏼花膠向來都系女士嘅恩物，好滑同埋黏黏嘅口感。蟲草都系，雞肉夠嫩滑。鎮江肴肉系好傳統嘅上海菜，由豬手同埋凝固咗嘅魚膠粉等材料製成，菜式系凍食所以呢個天氣食尤其適合😆豬手部分嘅鹹味足夠，口感相對魚膠粉當然實在啲。魚膠粉部分好似啫喱咁，不過脂肪部分多，睇吓自己本身中吾中意質地偏淋嘅食物。素鵝就架吾中都會食吓，脆皮素鵝真系少食😳脆皮嘅表面整得十分爽脆，只系略嫌油膩。素鵝入面仲有冬菇、蘿蔔、椰菜絲、雲耳絲等材料，每次食素菜都好中意食入面呢啲材料😊欖菜肉碎炒飯，最欣賞佢炒得夠乾身，欖菜嘅份量都幾多，肉碎就吾系好feel到🙈整體味道都吾錯。

餐廳位比較不就腳，位於奧運與大角咀中間，不過坐低後環境都幾舒適。上海菜館有的菜式都齊備，而且價錢、份量亦都合理。最有驚喜的是蟲草花花膠燉湯。湯用原盅燉，材料味道濃郁，但不會過鹹。湯的材料亦多，原塊花膠，已經煮到腍曬,真係一啖一滿足。至於其他上海菜式，亦多有濃濃的醬油香，充滿上海特色。食慣濃味野既我當然十分喜歡~~~當中紅燒豆腐煮過仍然十分香滑惹咪。炒粿條就加入左榨菜，令成個餸更加上濃惹味，好快就食曬。

好耐無食上海菜，岩咁朋友約食飯，所以就試左留意左一排既上海老家 餐廳啲位吾逼，坐得幾舒適👍🏻店員服務幾好，同我地解釋只要like 社交平台專頁就送燉湯 仲要係好滋補既花膠雞湯 非常足料鍋巴脆卜卜好香口，蕃茄蝦仁湯熱辣辣，一淋落去出晒煙好正😂 鍋巴份量好多，食吾晒仲食左擔擔麵，好香濃既麻醬味，湯底有小小辣，啲麵又咬口，非常吾錯

今日去大角咀接朋友仔收工, 就順便起附近食下飯啦!但係發覺大角咀好似冇乜嘢食咁🥲然後好好彩地,比我地起個偏僻嘅巷仔發掘到上海老家呢間隱世嘅美食店🥺水煮魚柳(小辣)🐟 [$168]呢度嘅水煮魚都算係招牌菜之一👍🏻由於小編有d怕魚骨,所以就揀左魚柳,佢嘅魚柳係一d骨都冇㗎,啱曬想食魚又怕魚骨嘅朋友仔🥰覺得魚柳唔夠喉嘅朋友仔都唔使擔心!呢度都有成條魚食架😍仲有唔同辣度揀,真係可以滿足曬唔同人口味💕乾煸四季豆 [$88]四季豆鑊氣十足,好惹味😎食落清甜得黎仲帶有點點辣味,口感好豐富😆令人食慾大增到忍唔住想加飯🤫桂花酒釀湯碗(2粒) [$48]呢個甜品真係值得一讚!一打開桂花味扑面而黎😍食落甜甜地而且好清香🥰同湯丸好夾!

三百幾蚊一個好細嘅酸菜魚，魚肉得十塊，魚骨就大把俾你，仲加埋芽菜添，從來冇見過酸菜魚會落芽菜。師傅完全唔識煮嘢。我從來都冇寫過食評，今次都真係忍唔住要俾我嘅第一次。終於明白點解一個星期六8:00 ，咁忙嘅時段喺大角咀，全間餐廳竟然可以得我哋一台。真係好恐怖，絕對有理由懷疑所有好評都係假嘅！你講完，啲服務態度奇差，嗰兩個服務員完全好似唔想做緊，淨係聽到佢哋喺廚房有講有笑，冇見過佢喺店面度。真係一次都嫌多。利申：我並沒有享用此餐廳優惠，我只希望OpenRice的用戶不會再中伏已而。

-上海老家🍽-大角咀其實有好多地道小店係D橫街度不過因為唔太近大商場平時好少行去🤣-🥢燉蟲草花膠雞湯 $68呢個湯不得了😍小編不嬲都好鐘意飲湯尤其一D燉到好入味既中湯🤣唔好睇佢細細碗入面好足料！係真花膠唔係魚肚🤣起碼有2,3塊😋雞味濃厚應該都燉左一段時間😉-🥢紅油炒手 $65如果唔太食得辣既朋友唔好試因為佢唔同一般紅油炒手用豉油同辣油咁簡單🤣佢個辣油係算幾辣下雖然望落個樣冇乜色水😂但小編食得辣所以覺得愈食愈過癮😋-🥢椒鹽排骨 $98雖然個名就叫排骨但其實咬落啖啖肉似豬扒多d😋食肉獸就必試椒鹽加乾蒜炒到勁入味又夠火喉😉排骨件件都脆口但又唔會太咸😋-🌟評分:🏅🏅🏅🏅📍地址: 大角咀中滙街61號地下-#foodieluveat#foodisluveat_hk#foodieluveat_大角咀#foodieluveat_上海菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好