上海老家 (已結業)

大角嘴出名多嘢食，所以平日放工特意來呢邊覓食，來到位於中匯街角落位置、生果檔旁的呢一間上海老家，聽個名就知夠曬正宗。入面環境十分寬敞，特色小菜館。餐牌上寫滿琳瑯滿目的上海著名菜式。店員更特意介紹最新社交平台優惠，like & share就有得免費獲得一客蟲草花花膠雞湯，原價$128，所以定期要留意著餐廳社交平台，可能會突然出不同優惠呢。蟲草花花膠雞湯雖然係免費送，但係呢盅蟲草花花膠雞湯好正，份量不在話下的多，十分足料入味，趁優惠期間快啲去品嚐下。紅油抄手點了我最愛的上海菜之一：紅油抄手，類似微辣的小雲吞等，紅油的部分並不會過辣，但係辣味提升到小雲吞的鮮味。紅燒獅子頭小菜方面當然要一試招牌紅燒獅子頭。醬汁非常惹味，獅子頭沾滿醬汁，好腍身，配合白菜、冬菇、口感豐富。排骨擔擔麵主菜方面點了一客排骨擔擔麵，花生醬作為基底，出色。炸排骨炸到金黃色，外層外脆。擔擔麵份量大，夠2-4人食用。下次黎大角嘴食飯又多一間上海菜餐廳可以去嚕。