上海老家 (已結業)

過開黎大角咀做嘢，放工約埋老公仔響附近食飯，俾我地搵倒呢間地道上海菜，餐廳位置都相當就腳，鄰近天橋去地鐵站。一入到餐廳已經好有以前上海館既感覺，店員都好有禮貌同親切感呢！呢度餐牌好多傳統上海菜選擇，而且價錢都好合理划算！我地就叫多幾款share食！燻蛋（$15）呢個當然係上海嘢必食，溏心既蛋黃，仲食到淡淡既煙燻味，好食！紅油抄手 ($65)餛飩皮薄餡多，味道香辣，又唔會油膩，相當開胃！四川擔擔麵 ($50)擔擔麵麵條細滑，湯底好惹味，麻辣得黎又有花生香，好好味，推介！酸辣土豆絲 ($78)土豆絲好清爽，加埋酸辣，好惹味又開胃，食多D都唔怕滯👍🏾👍🏾

朋友喺奧運返工，平時放工會去附近既小店食野，今次就跟佢去咗佢公司附近既上海菜食野。我地2個人點咗4樣野，包括燻蛋（＄15）、炸饅頭（＄25 3個）、排骨湯麵（＄60）同埋上海炒年糕（＄78）。首先講上海炒年糕先，入面有唔少肉絲同椰菜，而且年糕煙韌有咬口但又唔會痴牙。最欣賞既係成碟都唔會太鹹，食得出係冇落味精。至於上海排骨麵，嚟到見到係超大碗，份量一d都唔吝嗇，同朋友share食啱啱好。上海排骨係醃過，食落一d都唔嚡口仲好惹味tim!燻蛋每日限量製造，好彩我地第一輪叫得早，之後再追加都已經售罄。炸饅頭外層呈金黃色，咬落外脆內軟，配埋甜甜既煉奶，完全係兒時既味道！

朋友是上海人， 今日帶我去隱世的「上海老家」，食正宗有老家味道的上海菜💡油燜筍 是江南地區一道特色名菜，主要以新鮮竹筍為食材，味道鹹鮮香甜，營養豐富。朋友仔話香港唔係咗多地方有得食，夠晒地道💡酸辣湯 豐富的材料配搭，我覺得總是有這一種先酸後辣的魔力，即使喝得不停留汗，依然令人想要那酸酸香香的味覺享受，總是令人欲罷不能💡干鍋油菜花 老闆娘說用的是福花，又爽又脆，香酥鮮辣，油而不膩💡上海回鍋肉炒年糕 香濃惹味，年糕煙煙韌韌，嚼勁十足不黏牙，配搭香濃醬汁同炒，美味到停不了口另外值得一讚餐廳的裝修有特色，出品相當快，老闆娘好nice 👍🏻「上海老家」給我們多了一份親切感❤️

大角咀原來有間隱世既上海菜小店，今日就黎左呢間上海老家黎食上海菜。店面裝修係用木質既裝修為主，十分簡潔，而且座位闊落，坐得舒服。服務員態度好好，會係我地坐底後幫我地沖左壺熱茶，仲細心咁推介我地食啲咩。我地叫左個做緊優惠，而家只需要$68就食到既花膠雲吞雞湯，湯頭味道鮮甜，入面好足料，除左花膠係仲會有金華火腿。涼菜叫左個燻蛋，撒上佢地既胡椒調味料，別有一番風味。小食叫左個脆皮素鵝，外面既腐皮香脆，入面包住唔同既蔬菜，非常好食。主食叫左個豬扒擔擔麵，麵條夠軟，上面充滿肉臊。我好中意佢既湯底，係超香濃既麻醬味道。大家可以到呢間隱世既上海小店試下，價錢平民，而家仲做緊$68花膠雲吞雞湯優惠，真係好抵食！

今日同朋友過嚟大角咀行完街，順便喺度食埋夜晚，朋友話想食上海菜所以就試吓呢間。環境唔錯，幾有特色，餐廳入面牆壁掛咗好多推介菜式，如果摸不着頭腦要食咩嘅話可以參考吓。我哋揀咗套餐，$288有三款嘢食。首先係醉雞，我諗呢個算係小食！？食上海野必食嘅一樣菜式，雞幾滑同埋好夠香，整體唔錯。然後係西湖牛肉羹，比我想像中大碗，同埋好足料，好多牛肉碎同蛋花，味道比較清淡，配上胡椒粉會更好，略嫌芫荽味有點過重，未必個個都鍾意食，但係鍾意芫荽嘅就會好鍾意。最後係椒鹽肉排，好酥化，炸得好好，外皮香脆得黎夠薄，唔會皮肉分離，而且肉排都有肉汁，好味。 總括嚟講，我覺得呢度嘅價錢合理，味道都唔錯，鍾意食上海野又經過呢邊嘅話可以一試。

很久沒吃上海菜，就在下班的路上看到這家看店名就知道賣上海佳餚的餐廳環境看起來很家庭式的感覺，茶資收費倒不便宜，衛生紙要另外收錢相當街坊風格雞絲粉皮吃起來爽口開胃，醬料偏甜，整體口感還不錯。蔥爆牛肉蔥爆牛肉口味偏鹹，份量很大，牛肉口感非常軟嫩，搭配大蔥的鮮甜清脆，十分下飯。排骨炒飯這道跟我們預期的不太一樣，排骨帶點勾芡因此炒飯有一大部分口感濕濕的原本是預期乾的炒飯，排骨味道還不錯，也是很大的份量。整體而言，食物滿不錯的，份量也很大吃完飽足感十足

呢度啲冷氣都幾大而且又夠寬敞，都幾適合一家大細過嚟食！✨雞絲粉皮雞絲粉皮用嘅麻醬都幾夠濃！配上大量嘅青瓜同埋雞絲！而且粉皮又夠晒滑，晶瑩剔透！粉皮係採用左厚身嗰種，所以都幾飽肚！✨油炆荀就算鍾意食荀嘅人都可以食，因為啲醬油已經令到筍嘅味減至最低！✨油豆腐粉絲湯份量超級大，兩個人都食唔晒！入邊有粉絲同蝦米加埋豆卜夠晒飽！而且湯底好濃郁，食完都唔口渴！✨雪菜毛豆百葉呢個菜式係我第一次食，店員介紹呢個菜式用嚟撈飯最好！百葉煮得夠晒淋！而且連埋啲雪菜毛豆一齊炒好夾！

餐廳：上海老家地區：大角咀地址：大角咀中滙街61號地下日期：14/9/2021時間：18:30人數：2人 等位： 0mins 價錢： ＄534花膠雲吞雞湯：湯嘅味道清甜，雲吞細細粒幾爽口同滋味，花膠同雞嘅分量非常之多，非常適合多人share食！小菜：我哋嗌咗咕嚕肉、魚香茄子、椒鹽排骨，小菜都係中上水準，味道唔錯。而椒鹽排骨食落有少少椒鹽味，但有重重花椒味，幾香口，但又唔辣，係幾特別嘅椒鹽排骨。欖菜肉碎炒飯：依個炒飯出面幾少食到，食落有少少似泰式肉碎炒飯，炒得幾有鍋氣，味道香濃，幾值得一試！炸饅頭：饅頭外層炸到非常香脆，內裡保持饅頭嘅鬆軟，搭配煉乳食簡直超正，完全冇油膩感👍🏻

1.門面裝飾很吸引，有格調。2.店內原來係茶餐廳。3.中價。4.食物質素是低價標準。5.店員似未受一般的訓練，態度惡劣，混亂，漏單，發脾氣。6.絕不會有下一次幫襯，希望將來有改善。

奧運一帶有好多小店。今次推介性價比超高而未係有好多人發現嘅一間上海菜：✅花膠雲吞雞湯（特價$68） - 特價餸每枱限叫一鍋，雖說是特價，但份量可以分到4-5碗，仲有足料花膠係入面。成碗湯奶白色，飲完真係覺得骨膠原多左🥰✅燻蛋（$15）- 超級流心蛋，第一次加埋准鹽食，可以調起蛋嘅味道😋估唔到咁配都幾好食嫁喎✅脆皮素鵝（$58）- 上枱真係脆卜卜但又5會太多油，好多蔬菜係中間，好有口感✅四川擔擔麵 （$50）- 花生醬+辣醬真係好惹味✅炸饅頭（$25）- 最加鍊奶，超耐冇食過！饅頭一絲絲，饅頭炸到金黃色又5會太油。甜絲絲咁為呢一餐作結✌🏻

今次咁啱去到奧運想搵晚餐食， 見好耐冇食上海嘢就入咗呢間上海老家。入到去環境企理，乾淨，開揚，現場有好多大圓枱， 每枱之間都保持一定距離，令感覺食得安心。 我哋呢啲傳統人士更係叫小菜加白飯，首先叫咗碟黑醋小排骨真係好開胃，分量亦都好夠， 加埋啲芝麻就令成碟餸嘅加香，十分送飯。 京蔥爆牛肉就好有鑊氣，新鮮即整，牛肉亦都好軟淋，無鬆肉粉味，京蔥亦都爆得好香無草青味。 之後上海炒年糕亦都炒得極之入味，個紅燒汁令本身冇味道嘅年糕變得十分可口。 最後叫咗個桂花酒釀湯圓做結尾，酒香同埋桂花尾十分之重， 令人食記憶深刻。

今日同友人去到大角咀整車擺低架車之後就搵野食,竟然係街角有間上海老家二話不說就走左入去試下可能時間仲早,客人唔多,整體都幾乾淨企理我地叫左個滇江淆肉厚切,一D都唔孤寒配埋個汁食好開胃主食叫左個雲吞擔擔麵湯底好濃又唔會太辣,剛剛好雲吞都大大粒,好食!仲叫埋個脆皮素鵝份量唔少,而且係新鮮炸,所以個皮真係幾脆幾好食最後叫多個花膠雲吞雞湯非常足料花膠,雲吞,雲腿,雞,菜必食之選大角咀上海老家幾值得再去既一間餐廳

大角咀愈嚟愈多餐廳，一排無去都多咗好多新景象。今次去大角咀就係去食我好耐無食嘅上海菜，位置有少少遠但搵食就係要捐窿捐罅㗎啦！蒜泥白切肉中菜嘅冷盤好多選擇而重口味嘅我就好愛蒜泥白肉，滿滿蒜蓉鋪面，白肉薄切配上生蒜泥食落超爽，底下仲有青瓜絲可以撈埋啲蒜泥食更清爽。三鮮炒年糕上海菜無理由唔食炒年糕，呢度一碟嘅份量都夠2-3人分享。三鮮有蝦仁、雞肉粒同埋火腿片，夾埋年糕食提味好多，年糕煙韌度剛好帶點軟糯，唔會難消化。冬菇津白飲食均衡叫多咗碟菜食，津白份量超多，菜好清甜加埋個勾芡添咗點咸鮮味，冬菇片唔多但都點綴到個菜式。炸饅頭到我最愛嘅炸饅頭，炸到金黃色再點煉奶真係超無敵，饅頭仲幾軟熟而我就偏向炸到更脆口個種，食落過癮啲。

大角咀似乎唔多上海店, 咁岩行過見到一間, 即刻入去試下!前菜叫少少凍食先, 鎮江肴肉, 店主大推!原因係唔係度度都有得食架, 煮既步驟較為複雜, 豬手又要切去豬皮咁, 真係唔多見豬肉香味濃郁，肉質嫩滑! 一食就知應該係用左好多香料整!腐皮素鵝唔好睇佢個樣簡簡單單, 一咬入口外表脆, 剛炸起新鮮熱辣, 入面既蔬菜絲味道好夾, 唔會搶左腐皮既風頭雖然做法很簡單，但獨特風味真係唔係人人做到回鍋肉粗炒好多人都話上海唔係上海菜! 但我都係情有獨鐘, 因為唔係度度都煮得好食, 呢度就唔同麵質感彈牙, 而且分明, 唔會腍, 而且炒得好均勻回鍋肉醬汁香口, 椰菜又吸左D醬汁, 食完一碗又一碗店主話要加埋辣椒醬, 咁就真惹味啦! 花膠雲吞雞, 超級特惠promo $68原價$488!!! 真係超級抵啊而家湯有陣陣奶香, 因為花膠既膠質都溶化左入去, 白白的花膠又幾爽口, 正! 養顏之選~雞都好嫩滑, 雲吞皮好薄透, 超好味我地雖然得兩個人, 得清曬所有湯原來佢地仲有好多野食都好出味, 真係下次要再try try!!

朋友嘅媽媽係寧波人，所以每次搞飯局，大多數都會提議食京川滬菜。最近邀約我一聚，就選了大角咀呢間「上海老家」。聽朋友講，餐廳喺大角咀開業數年，菜式做得地道又正宗，所以好受附近街坊歡迎。細閱餐牌，菜式選擇好豐富，有冷盤、特色菜、海鮮類、肉類、年糕、鍋巴、蔬豆類、炒粉麵飯、湯羹、湯麵、包點、甜品，另外亦有套餐等供應。先嚟一窩店員推介嘅花膠雲吞雞，店舖而家做緊 promotion，只要 like 餐廳專頁同 share 入面個 post，再 Tag 一個朋友，就可以以 $68 優惠價，品嚐到呢個美味嘅雲吞雞。睇下幾大窩，絕對足夠四個人飲用。湯水甜美無比，一點也不膩，入口芳香清澈。花膠有益兼有嚼頭，充滿膠質。雞肉仍然保持滑嫩，加上人手包製的菜肉雲吞，真係正到無朋友！接著是一客脆皮素鵝 ($58)，素鵝主要用腐皮來製作，入面的餡料好豐富，有冬菇、木耳、甘筍等，食落酥香又不油膩。另外呢客上海回鍋肉 ($88)  亦做得很出色，炒得香口又夠鑊氣，油份控制得宜，加入大量蔬菜，吃起來較清爽，用料亦算十足，少許辣味，十分醒胃惹味，也不會過鹹。壓尾再嚟一客四川擔擔麵 ($50)，先嘗一口湯頭，味道非常鮮美，有