上海老家 (已結業)

過開黎大角咀做嘢，放工約埋老公仔響附近食飯，俾我地搵倒呢間地道上海菜，餐廳位置都相當就腳，鄰近天橋去地鐵站。一入到餐廳已經好有以前上海館既感覺，店員都好有禮貌同親切感呢！呢度餐牌好多傳統上海菜選擇，而且價錢都好合理划算！我地就叫多幾款share食！燻蛋（$15）呢個當然係上海嘢必食，溏心既蛋黃，仲食到淡淡既煙燻味，好食！紅油抄手 ($65)餛飩皮薄餡多，味道香辣，又唔會油膩，相當開胃！四川擔擔麵 ($50)擔擔麵麵條細滑，湯底好惹味，麻辣得黎又有花生香，好好味，推介！酸辣土豆絲 ($78)土豆絲好清爽，加埋酸辣，好惹味又開胃，食多D都唔怕滯👍🏾👍🏾