上海老家 (已結業)

係附近工作完，過左黎大角嘴呢邊搵下野食，大角嘴一向多美食選擇，呢間上海老家有種傳統中國裝修味道，門口掛左兩個紅燈籠，仲有好大個招牌。炸饅頭係我食上海菜必點既前菜，沾練奶食，一個人可以食晒三個饅頭。想食涼伴小菜，揀左萵筍海哲，萵筍佔既份量比較多，好重麻油香，口感都幾爽口。主食點左蔥爆牛肉同埋酸辣湯拉麵，牛肉炒到剛剛好，好嫩，同埋啲牛肉有陣牛香味，搭左大量大蔥一齊炒，好香。而個酸辣湯拉麵，份量比我想像中多，適合兩個人食。

突然想食上海菜，咁啱喺附近做完嘢見到呢間餐廳，一於入去試下先，估唔到比我搵到間好嘢，味道正宗，價錢仲唔貴，都幾抵食。上海回鍋肉 $ 88  - 用左好多青紅辣椒、椰菜去炒，豬腩肉片一啲都唔肥，炒得好夠鑊氣又入味，真係唔錯!口水雞 $88 - 雞十分嫩滑，個汁辣度啱啱好，朋友唔食得好辣都食到。奶油津白 $88 - 津白索哂奶油汁，好creamy而且入口即溶，津白份量好多，好大碟。高力豆沙 $72 – 越來越少餐廳肯做高力豆沙，鬆軟蛋白加上內層香甜豆沙，雖然size不大，但好好味，係絕佳既飯後甜品。

奧運小街有好多5同類型嘅小店，今次搵到呢間上海小館，廚房由老師傅打理，想試有鑊氣小菜就一定要過黎試吓啦！姐姐招乎周到，介紹左幾個小菜俾我地，最後2個人晚飯叫左：✅宮保雞丁（$88）- 好香好夠鑊氣，鍾意佢夠多翠肉瓜夠健康😋✅蒜蓉炒時菜（$68）- 時菜係西蘭花🥦，加小小辣椒🌶️一齊炒，送飯一流✅雪菜肉絲炒粉皮（$88）- 本來諗著叫白飯送小菜，不過姐姐話一定要試個粉皮，所以就來一個吧🙋🏻‍♀️果然無介紹錯，加小小豆板醬食都幾好味😋 不過我個人覺得想食健康啲的話，記住叫小油呢！

喺大角咀中匯街61號嘅上海老家，店內外嘅裝修都滲著中式餐館嘅味道。店職員好有人情味， 一入鋪就向我推介左各式各樣嘅店內名菜，我簡直諗都唔使諗就落得單。好似一般嘅中式餐館一樣，一坐低就有杯茶飲下，杯茶都仲幾靚㗎。今次就嗌左個花膠雲吞雞試吓，店職員話雲吞係用咗西洋菜嚟包嘅，咁啱西洋菜呢排當做， 果然冇介紹錯，雲吞皮薄餡靚。 加上用埋花膠嚟燉湯，煲湯甜到乜咁。 完全冇味精可以成部飲晒。 呢排花膠雲吞雞煲做緊promotion， $100唔使就食到。飲完個湯之後，就試埋條松鼠大黃魚。 店職員強調呢條魚係即叫即炸， 所以先可以炸到皮脆肉嫩。 加埋嗰個番茄汁，真係食過返尋味。 呢間鋪絕對可以再幫襯。

💕【正宗上海菜】 上海老家💕很久沒吃上海菜了，很懷念去上海吃喝玩樂的日子。找到這一間正宗的上海餐廳，午市叫了一下銀芽鱔糊，五香燻魚和白飯❤️兩碟餸都鑊氣十足，惹味得來不會太咸，鱔魚鮮味，燻魚甜甜嘅口感特別好下飯！平時不太會吃飯的我也成碗白飯吃掉了！餐廳環境清靜，乾淨企理，菜單選擇很多，適合兩三個朋友一起來吃，又或者是一家人飯聚。人多的話可以點一個套餐便可以一次過是很多不同的菜式了。上海老家 📍大角咀中滙街61號

上海老家 地址: 大角咀中滙街61號地下電話: 91623308=====================一日之間就降左十多度，拿出大衣穿免著涼。冬天日短夜長，放工時天已全黑，在冬天人也更易覺得肚餓。join 埋朋就去左食上海菜皮蛋豆腐竟然咁大碟？！撈埋個汁開胃，簡單架美味。擔擔麵個湯好濃,有花生香微辣，仲落了豬肉碎，湯掛在陽春麵上，而塊酥炸豬扒配麵也是神來之筆。社交平台 like and share 就可用$68 食到花膠雲吞雞啦！湯非常濃厚，雲吞加埋個花膠湯同雞，是3-4人份量，我地2人被優惠吸引，最後也乖乖吃光。炒五花肉,濃油醬的一道小炒，椰菜爽口，若非食了雲吞雞超飽，真的想點上白飯配著吃呢。成餐飯份量十足，兩個人大均只係$150 ，真係拖麵個大人來食都卓卓有餘呀！

大角嘴美食之旅行繼續為大家刮吓呢區既晏晝好去處，今日行吓又行吓，兜左去中匯街尾既《上海老家》；店比彼鄰富多來小店大一倍，八人大圓枱六人長枱有，四人枱亦有數張，中午算是坐得闊落。午市主打客飯，點了《黃金豬扒》，跟紅蘿蔔豬骨湯，加十蚊有豆漿。等了十分鐘連菜飯熱上；豬扒香脆可口，有骨有厚度，菜飯侍應姐姐説即叫即撈，小店冇電視但不停播八九十年代老歌，總算舒舒服服既午餐。下次試吓《上海粗炒》先 😌總結：遠離地鐵站，貴過 《老掌櫃》；但坐得舒服。食物正常。

位於大角嘴的上海老家位置近奧運站 可以係奧運站行8-10分鐘就到鎮江肴肉這個是凍盤前菜來的，配上黑醋食另人開胃，肉質結實，口感一流肉末炒炒絲這是小編推薦首選類似螞蟻上樹的做法，但會比較濕身，小小辣配上醬汁令到成個粉絲變得零舍不同花膠雲吞雞呢個係小店近日推出的優惠菜式$68 好抵而且份量十足 雞肉嫩身之餘又不會太肥，雲吞都有8隻，夠晒4個人食炸饅頭最後，點了一份炸饅頭以前舊式酒樓飲茶必點的點心之一隨着舊式酒樓消失，好耐冇食過了懷舊的味道特別好食

一早跟老闆去開會，離開回公司時，老闆說要帶我去位於大角嘴中滙街的‘上海老家’食上海粗炒🤪他說‘上海老家’地道又正宗😄他已經食過幾次，今次專車帶我來食😝😂薰蛋，蛋色澤都光亮，煙香味都濃郁。素鵝，外皮脆卜卜但不會太乾身 ，餡料適中！雞絲粉皮，粉皮份量足，口感爽彈，麻醬好濃郁！老闆必點的上海粗炒，粗麵有咬感夠煙韌，調味適中不會過鹹，餡料夠豐富！油豆腐粉絲湯，湯底清甜帶麻油香，材料豐富除了已經吸曬底湯味道的豆卜，爽口粉絲爽外，還有白菜仔，炸菜肉絲，香菇片和荀絲等。老闆果然識食😝😂

餐前小食油燜筍保留了筍子本身的清甜還多了一個濃郁的醬香味口感爽脆 很適合下酒#松鼠大黃魚 即叫即炸糖醋汁是靈魂甜酸度適中 非常開胃魚肉骨不多 而且非常入味#花膠雲吞雞湯份量很多 足夠3-4人分享真材實料 湯底很濃郁 但不油膩雞肉嫩滑 雲吞 皮薄餡靚飲完頓時覺得好滋補 #水煮牛肉麻辣的味道再配上紅油鋪面的視覺效果令人食指大動牛肉滑入口不韌肉質口感極佳 紅薯粉盡吸辣湯精華 煙韌惹味整體黎講食物選擇多 即叫即製有質素 性價比高 會再黎光顧

又去大角咀搵食，食吓上海菜先大角咀真係好多高CP值嘅餐廳呢間 <上海老家> 就係其中之一...燻蛋 ($15) : 個溏心好正～ 加埋淮鹽食一流..太白醉雞 ($68 例牌) : 好夠酒味之餘係偏甜，雞肉嫩滑，有水準..肉末炒粉絲 ($78) : 老闆娘話即係上海式煮法嘅螞蟻上樹，炒得好，乾濕度適中，我覺得係唔辣嘅。粉絲吸哂啲汁，唔會太油，食完唔會太口渴..鄰近奧運地鐵站，門口都可以泊車..上海老家 IG@shanghailaojia

今次同咗位素食朋友一齊去，所以主要叫咗兩樣素菜，而我就私心叫左宮保雞丁😍🙆🏼‍♀️ 平日去食，唔洗等就可以入去晚餐！正🤩🍲油豆腐粉絲湯 $88豆卜吸晒清甜既上湯，連埋粉絲口感唔錯，碗湯熱辣辣，唔係街邊果啲味精，encore咗好幾碗！有人叫「學斗菜」，我就通常叫小白菜🥬🤣，加埋落個湯度，當湯又得或者送飯菜又可以！素食朋友大愛哩款！清甜潤喉又飽肚！🫒雪菜毛豆百葉 $88健康又清香嘅選擇之一，百葉配上雪菜，清得黎又可以由雪菜添到少少鹹味，加埋毛豆就有咬口啲！🧆宮保雞丁 $88私心之選- 宮保雞丁就香、濃、脆！腰果炒香，食落脆口，加埋大隻辣椒🌶️，十分惹味！而且大愛翠玉瓜中和咗個油膩感，又吊起個味！中式菜梗係唔少得茶，坐低時即刻俾壺茶我地，每人$10茶位，招呼周到！最緊要夠有禮貌！朋友話下次再黎，食炸饅頭！

🚶🏻位置：位置比較偏僻，搭巴士/小巴會比較方便。環境：呢度做足防疫措施，仲有C區。平時一家人去食飯都要分開兩檯，嚟呢間終於可以坐埋一齊啦！位置大約有三十個，餐廳風格偏客家，一入到去就已經好想好想食辣！簡介：間餐廳所有餸菜都係即叫即做，仲冇味精，真係等耐少少都值呀！每碟上到嚟都係熱辣辣，好夠鍋氣，食辣一定要咁食先過癮😍😍呢度都有齋食，就算你係素食者都唔洗擔心無嘢食。食物：🟠棒棒雞 $68原來棒棒雞喺上海菜係雞絲粉皮嘅意思。麻醬好香，雞又嫩滑又稔，但最surprise 我哋係佢嘅粉皮。平時食開嗰啲係稔身啲、好似河粉嘅形狀，但呢個係卷狀、食落爽口嘅粉皮。第一次試口感好得意！朋友話下次一定會再嗌呢碟。評分： 🌕🌕🌕🌕🌗回頭率：🌕🌕🌕🌕🌗🟠回鍋肉炒年糕 $98回鍋肉肥瘦相間，切得薄。為咗唔想浪費啲汁，即刻嗌咗碗白飯一齊食，啲汁咸咸甜甜咁，好下飯！年糕幾好食，佢係長方形薄片，上海菜館會見到嘅嗰種，而非韓式長條形 一如正宗上海菜！評分： 🌕🌕🌕🌕🌑回頭率：🌕🌕🌕🌕🌑🟣奶油津白 $88奶油津白係我去親上海菜都一定要嗌嘅一碟。呢碟汁偏濃稠，超級中意。評分： 🌕🌕🌕🌕🌗回頭率：🌕🌕🌕🌕🌕P.S. 茶位$

已經唔知幾耐無食過上海菜，唔係唔鐘意食，只係搵唔到正宗又好味之前同朋友提過下，佢就提意我去大角咀呢到試下，舖頭唔係最多餐廳大街，而係橫街車房中間，唔太顯眼座位闊落，入座後會有熱茶 茶錢十蚊位餐牌都有唔少野食揀上海炒年糕年糕吸滿汁，炒得幾有鑊氣，幾惹味嫩雞燴麵，清清地，雞湯質感比一般湯麵濃郁，麵條充份吸收哂雞湯，雞肉粒同菜粒都多五香燻魚肉汁鮮甜，外脆內軟，送飯一流脆皮素鵝即叫即炸，熱辣辣，脆口到不得了𥚃面包住冬菇，甘荀絲等等，口感幾好

大角咀一向雲集左不少小店, 所以每當我諗唔到食咩ge時候就會去附近揾食～見到呢間上海菜裝修充滿中國, 又好似坐得幾舒服就入左去試下。燻蛋($15@1)前菜燻蛋蛋黃軟淋淋, 中間尚有少許流心,煙熏味濃, 比平時食到ge燻蛋更特別。回鍋肉好耐都冇食過嘅小菜回鍋肉呢個菜, 一上枱已經聞到非常惹味, 有椰菜絲、肉片、青紅椒同豆乾每等配料, 每種材料都炒得入味, 但仍然保持青脆嫩綠, 豬腩片肥瘦交疊入口肥而不膩, 配上白飯真係無得輸。麻婆豆腐另外一個無敵ge送飯小菜, 醬汁味道調校剛剛好, 鮮甜中帶點辣，香氣十足，豆腐嫩滑到匙羹都差點抔唔到, 搭上肉碎添加左唔少口感。如果食得辣可以要求加辣啊!