上海老家 (已結業)

朋友喺奧運返工，平時放工會去附近既小店食野，今次就跟佢去咗佢公司附近既上海菜食野。我地2個人點咗4樣野，包括燻蛋（＄15）、炸饅頭（＄25 3個）、排骨湯麵（＄60）同埋上海炒年糕（＄78）。首先講上海炒年糕先，入面有唔少肉絲同椰菜，而且年糕煙韌有咬口但又唔會痴牙。最欣賞既係成碟都唔會太鹹，食得出係冇落味精。至於上海排骨麵，嚟到見到係超大碗，份量一d都唔吝嗇，同朋友share食啱啱好。上海排骨係醃過，食落一d都唔嚡口仲好惹味tim!燻蛋每日限量製造，好彩我地第一輪叫得早，之後再追加都已經售罄。炸饅頭外層呈金黃色，咬落外脆內軟，配埋甜甜既煉奶，完全係兒時既味道！