三川居酒屋 (已結業)

之前來這家日本居酒屋吃過午餐，一百開頭就有一個套餐，還有毛蟹，覺得味道和價錢都不錯。所以，這次見他們 出了二人套餐就果斷來嚐嚐看。店在永光商業大廈的樓梯往下走。店裡有不少這類的小包廂，有氣氛極了。桌面的餐具和裝調料的容器都很有日本特色。後面還有長桌，裡面也有一個比較隱密的大包廂，適合多人聚餐。我們點的是一個兩人套餐（$398），可以從A-F裡各選一項菜品，F是雪糕，可以選兩款口味。原板海膽刺身我本是不吃刺身的，因為怕腥。這款海膽入口還不錯，不會腥，也很creamy，配上海苔和wasabi更有層次。蟹籽沙律裡面有蟹柳、青瓜和蟹籽，混合上沙律醬，清清爽爽。清酒煮蜆清酒的味道經過加熱以後揮發了，所以酒味並不濃郁。蜆有兩種，各有三隻，個頭都挺大的，吸了湯汁都圓鼓鼓的。姿燒日本魷魚筒一整隻魷魚，份量還真不少，魷魚吃起來口感很爽脆，一圈圈切好。高菜蟹膏蟹肉炒飯炒飯放在鐵板上，保溫很好，米飯粒粒分明，乾身。裡面除了有蟹膏蟹肉的鹹香外，還有酸菜的脆酸，正好解膩和增加口感。芝麻雪糕芝麻味濃郁，雪糕滑。紅豆雪糕裡面有原粒紅豆，味道不太甜，不錯。走的時候看見他們晚上還有日本酒放題，$258，120分鐘，能喝

近日看得日本旅遊節目多，最令人懷念就是曰本美食。看過人氣食家的食評，令人立即想試試這間位於銅鑼灣軒尼斯道的居酒屋。到訪的時候，正正九時許，啱啱收工，正正是宵夜時段。他們有自選二人套餐供應，二人餐都只是$398！仲有$250 -120分鐘即兩小時任飲放題, 有八款日本酒選擇，認真抵食，fit 哂我放工時間。加完班，可以同honey吃餐勁的賞勵一下自己。這個套餐自選六式餐點，有沙律、鍋物、燒物、食事、刺身和甜品。本家薯仔沙律這個沙律十分破格，就是整個薯仔上。配以蟹柳、生菜和胡麻醬，就是樸實清爽的味道。日式牛肉鍋+$38這牛肉鍋味道唔錯，有牛肉片、椰菜、金茹、豆腐等。牛肉片上枱仍然保持半熟，肉質嫩滑。而湯汁的調味恰到好處，味道甜甜的醬油風味，沒有過份的甜。配上椰菜、金茹等，口感豐富。汁燒銀鱈魚+$48這銀鱈魚烤得唔錯，外層焦香，魚肉十分嫩滑，脂香豐盈。加上甜香的照燒汁，和微酸的沙拉醬，實在不錯！原板海膽刺身這板海膽雖然小巧，但質量唔錯。紫菜脆口，包著軟滑creamy 的海膽，加上一點芥末，真係幾正！是完完全全的海膽體驗，鮮甜軟滑，沒有半點苦味或腥味，也沒有壽司飯把海膽味淡化，滿口都是100%

8pm 入座等到8.45先上第一碟菜. 炸蠔又乾又硬! 刺身飯9pm 先上...我只係order 咗5碟野但等極都等唔到上齊! Waiter 很勤力加茶但飲茶是不會飽的!之前睇食評講到好好, 但親身試過唔好食又等太耐! 不會再幫趁!!

其實之前都食過呢間餐廳，上次既印象都幾好。咁岩行過見到最近多左個晚市套餐, $396有6樣野食，覺得都幾吸引，所以又再次幫襯喇，哈哈。入到黎先見到原來仲有個120分鐘任飲放題，$250其實都都抵飲，淨係一支出羽櫻都已經唔止呢個價啦，奈何同行朋友唔飲酒，所以今次就無緣一試。晚市套餐係係各類別選擇一樣食物，一共7個類別，各類別選擇都唔算少，相信大家都可以揀到岩心水的。A - 前菜蟹籽沙律上係勁多蟹籽，每咬一啖都食到粒粒既蟹籽。B - 鍋物我地揀左泡菜豚肉鍋，黎到既時候係冒晒煙、面頭係見到沸騰既泡泡。湯底比我想象中辣，而且放入口時只係覺得微辣，但個後勁都幾勁，feel到個口腔越來越辣，真係好似係韓國食咁。個鍋既料都唔少，豆腐、金菇、冬菇呢d容易吸水既食物完全吸收晒個湯底，連豚肉都食到微微既辣味。C - 燒物呢個姿燒日本魷魚筒都算係我食過既魷魚筒入面數一數二既好食，都唔知係咪好難整，好多地方都整到好韌，一係舊魷魚就無味，但係呢舊完全無呢個問題。D - 食事大阪難波牛肉石頭飯，牛肉份量十足，而且都keep都水準。E - 刺身作爲一個海膽迷，見到原版海膽刺身當然係毫不猶疑就叫左。原本諗住3百幾蚊既

係銅鑼灣睇完戲都成九點幾，同朋友行返去sogo附近就見到呢間日式餐廳做緊宵夜優惠套餐，我地見嘢食選擇都幾多，又有岩心水既食物，就入咗去。我地食個二人餐，係餐牌A-E每樣揀一樣再有個雪榚做甜品。除咗呢樣嘢，餐廳仲有做任飲放題，其實酒款都幾多，不過咁啱個日朋友唔舒服飲得酒我就無飲了，唔係都好想試下唔同種類既日本酒。前菜我地就揀咗個佢地推介既薯仔沙律，同佢形容既一樣，一個字:好味！鍋物我地就叫咗個清酒煮蜆，其他鍋我地覺得會太多，蜆就唔會呢～！嚟到啲酒同湯味勁香呀～啲蜆又係隻隻都有肉係入面，唔會散開晒得個殼，啲蜆肉又沾到好多酒香味，好好食呀！燒物就揀咗個汁燒銀鱈魚，有兩條啱啱好，條魚非常之香，食落去好滑，加埋沙津醬就仲正！飽肚熟食我地就揀咗個原條鰻魚飯，嚟到俾我地想像中既仲大條，食落去燒汁連魚味勁夾呀，大大條食到好飽肚。刺身我地就揀咗個原板海膽刺身，勁大一板，本身都有啲驚海膽會唔會麻麻，但嚟到再加上食埋就知道好新鮮，而且餐廳仲有配埋紫菜，夾埋個海膽係中間食啱啱好。最後嚟既芝麻雪榚！埋單盛惠每人大約二百蚊左右，有咁多嘢食再加上真係每樣都好好味，CP值極高 ！

叫咗個宵夜時段大滿足套餐, 398蚊有六個 main course, 好邪惡! 首先食個蟹籽沙律, 嗰個青瓜切到非常之幼, 配埋蟹籽一齊食, 酸酸地, 好開胃之後就食過味噌串燒蠔, 燒得啱啱好, 個醬汁配合蠔嘅鮮味, 非常滋味之後就食過海膽刺身, 最鍾意嘅就係佢嘅紫菜非常之脆, 配搭住WASABI既辛, 在加海膽又creamy, 多重口感!之後再食過雞丸野菜豆腐鍋, 佢嘅雞丸裏面加咗雞軟骨, 咬落去口感非常豐富! 再加野菜, 湯頭鮮甜牛肉湯手打烏冬, 牛肉非常之肥美, 入口即溶, 彈牙烏冬, 非常之大滿足最後仲食咗個芝麻雪糕, 清一清味蕾, 佢嘅芝麻非常之香, 發現到原來有個放題清酒任飲, 等我下次都嚟飲先

天氣開始轉涼 又係食熱鍋係好時候又黎到銅鑼灣sogo旁的#三川居酒屋 最近新推出的秋の祭二人前的Set都只係$398 前菜鍋物燒物食事刺身甜品有齊前菜揀左刺身の盛 章魚大蝦三文魚各兩片個人覺得章魚最有水準 新鮮彈牙之後係日式すきやき牛肉鍋 湯底鮮甜 鮮牛肉嫩滑 燒物係燒原隻日本魷魚筒 彈牙好味蒲燒原條鰻魚飯 相對窄身但肉厚無骨 幾惹味所謂不時不食 秋天梗係要食時令秋刀魚刺身油分豐富得黎唔會太膩太滯最後甜品係黑芝麻雪糕 軟滑好味😌性價比幾高的鬧市日本料理 可以encore!

三個Lady 打算輕食+relax, 揀左三川，坐得舒服，環境幽靜！岩晒我地傾計啦！三川名物丼，一睇就知yummy 啦！三文魚腩肥美，甜蝦幾新鮮，吞拿魚蓉好香甜，入口即溶，三文魚籽大粒又香咸！鐵板黑松露帶子的帶子又大粒又鮮甜，煎到外脆內嫩，加埋黑松露十分夾！四色刺身好正！特別係個蠔，日本蠔出名鮮甜厚肉。油甘魚肥美，三文魚腩油脂分佈均勻，吞拿魚唔錯，新鮮係唔腥既！優選牛柳串好大粒牛柳，醃得好夠味，燒得好香脆，內里約7成熟！鐵火卷都唔錯，飯好軟熟，是日本米！

三川居酒位於銅鑼灣居酒屋都唔少，今次呢間三川居酒屋就喺地鐵站一上去行兩步就到，位置好方便。環境係跟足日本居酒屋設計，最愛日本嘅我真係好開心，好似番左家鄉咁。裝置亦好特別，一個個印左日本啤酒品牌燈籠🏮仔，配上全部木嘅坐椅，枱，配上柔和燈光，感好舒服。而且，令我有家鄉嘅感覺係播住一連串熟悉嘅日本音樂，連90年代當紅嘅小室家族嘅歌都有，我已經好耐無喺香港聽到，除左自己部電話！呢到有set 亦有散叫嘅日本料理。因為款式其在太多，樣樣都好吸引，但我地得兩個人都叫唔到咁多，我地最後都揀左set ，收窄範圍😛呢個set 都幾多野揀，有沙律🥗前菜，鍋，刺身，飯/蕎麥麵，燒物，呢五個courses 各有五款選擇。最後仲有三款雪糕🍦揀！原板海膽刺身首先出場係うに❤️❤️❤️❤️❤️海膽！我嘅至愛！份量多唔在講，最緊要夠鮮甜，又肥美，亦滲透著少少濃郁嘅海水味，金黃色又夠滑溜嘅肉身，配上紫菜一齊食，令味覺提升！不得不提付上嘅わさび，係新鮮即磨，係食到唔係我地一般食開嗰啲芥末，只有味，無質感！清酒煮蜆新鮮嘅蜆經過清酒煮過後味道更加濃郁，整個鍋香氣撲鼻。蜆肉口感彈牙，鮮嫩無比。和風魚沙律🥗沙律用左柚子醋，係個好醒胃的餐前小

去到銅鑼灣，正值食晚飯時間，煩惱緊食咩好的時候，就在銅鑼灣廣場旁見到這家居酒屋。位置很不起眼，在小小的門口行一段樓梯到地下層，就見到居酒屋的燈籠。初頭還以為價錢很貴，吃不起，原來只是錯覺，打開餐牌，會看到價錢相當合理，而且在銅鑼灣這一區來說，算是非常抵食！我和女友二人叫了一個牛肉湯烏冬，和玉子鰻魚飯，份量都是十分多，那碟玉子鰻魚飯甚至未必能一個人可以完整吃完！餐廳環境方面，真的很有日本居酒屋的感覺。可惜我們不飲酒，因為這裡有 $250 飲酒放題。下次再到銅鑼灣可以一試！

今日適逢星期日。約咗個老友出銅鑼灣做按摩💆做完之後堅肚餓梗係要搵嘢食啦。加上我同老友都鍾意食日本嘢。但係喺銅鑼灣食日本嘢無600元都未必食得飽點知俾我哋喺按摩店樓下發現一間超抵食嘅日本居洒屋直頭有個套餐398元二人前....咁鬼抵食嘅係入去試一試啦呢個398元二人前....真係有好多選擇。又有刺身有有大鰻魚飯。熱食前菜主食樣樣齊。我哋樣樣嘢都想食令我同老有突然之間有個選擇困難症。頭盤先嚟一個三文魚同三文魚腩刺身。肉質相當肥美而且好冰凍。而且厚厚嘅三文魚腩食落去好有質感。再嚟多一個刺身小拼盤。甜蝦真係好鮮味。之後我同朋友揀咗呢個辣辣地嘅泡菜豚肉鍋。不過真係堅辣。食得辣嘅朋友一定好中意。佢唔單止肉片薄得嚟香口。最緊要佢裏邊有好滑嘅豆腐。再嚟多一個姿燒日本魷魚桶。肉質相當彈牙。加上佢哋個特別醬汁。食落去堅有質感。淨係睇到佢啖啖肉都知道係堅嘢最後嚟多一個，蒲燒原條鰻魚飯。呢個直頭係整晚嘅精華。因為整條鰻魚碟上，唔單止有厚厚的肉身...而且食落去軟綿綿。直頭啱曬我呢個鰻魚精。最後嚟多兩個雪糕做個happy ending🧚‍♀️🧚‍♀️🧚‍♀️最後臨出門口，見到佢哋有個120分鐘任飲放題。突然之間諗起我

係三川食晚餐已經係第二次，令我會返黎嘅原因係地點方便，上菜快速，當然還有食物岩胃口。聽到出咗新menu，二人套餐$398，仲可以加$250享用清酒放題，一於去又食又飲，開心返餐。首先係魚生沙律加$28升級的沙律，好多的刺身粒粒，值得我加錢嘅！柚子沙律醬好多好多，但食到底有少少鹹，記住要自己撈好先食。牛肉鍋物牛肉質素一點都不馬夫！唔係求其俾d肥牛淨係得肥膏你，牛肉香味濃郁，而且份量好多下。不過唔好好似我地咁傻仔，放太耐先食，牛肉會老咖！蛋全生的，我地拮穿了蛋，混和牛肉同湯底食，好香口好惹味！同樣係加錢項目，$38俾得值得。京燒銀鱈魚加咗$48，因為好喜歡呢個魚。魚非常肥美，如果餐廳可以燒得再長時間少少，等魚的油脂都逼曬出黎會更香更好食。秋刀魚刺身秋天又到秋刀魚漸肥嘅時間，原條刺身上，正啊蒲燒鰻魚飯原條鰻魚輕輕的切成幾段，唔算好厚身，但都算幾肥美㗎！同珍珠米同食真係好滿足啊！原來都係加錢項目，盛惠$58最後點少得甜品 — 雪糕 紅豆雪糕真係有粒粒紅豆，唔太甜，幾香滑！長期最愛的芝麻雪糕仍舊富奶香，好似加了牛奶的芝麻糊♥️好滿足的晚餐！附餐牌給大家參考。

店員非常配合製造生日蛋糕驚喜👍🏻👍🏻👍🏻不收切餅費😻😻😻食物質素好 又新鮮🍤🍢🍡🍱🍣加上起菜速度快👍🏻👍🏻👍🏻下次一定會再來🤗🤗🤗多謝店員啊🤘🏻🤘🏻🤘🏻

一行入居酒屋，就覺得氣氛唔錯，因為餐廳內既木材裝修同背景音樂都好有日式風情😚但餐廳座位比較少，所以提醒大家要提前訂位。居酒屋晚市無套餐，客人需單點食物。通常去居酒屋都會食串燒，但今次就試左刺身、鍋物同抹茶冷麵。四色丼：刺身丼有蝦、三文魚、吞拿魚同帆立貝：蝦一般，三文魚魚味比較淡，吞拿魚新鮮（但有少少筋），帆立貝味道一般，唔夠肥美。整體唔算出色，但各種食材用料新鮮，唔會有腥味。日式牛肉鍋（左）：牛肉鍋有生雞蛋、娃娃菜同粉絲做配料，湯底就類似壽喜燒。有別於一般日式餐廳用既肥牛，呢個鍋係用牛肉片，而上菜時肉片係半生熟，所以浸係熱鍋入面耐左都唔會好韌。至於粉絲同菜都相當入味，但若果牛肉份量可以多一啲就更好。由於太餓既關係，之後既食物就無影到相，所以無得有圖有真相😭😭清酒煮蜆：清酒煮蜆可能因為湯較多，所以清酒味偏淡。而蜆就唔算肥美，食落仲有啲沙😖抹茶冷麵：冷麵夠曬凍，而且食到抹茶味。冷麵汁亦唔會太鹹，蓋過抺茶味，反而好well-balanced👍🏻最後值得一提就係侍應服務態度唔錯，會出動添水，亦有禮貌。最終評價：一試無妨👍🏻

見到咁多好評又想搵個地方同男友chill chill 談下心就黎左呢度~呢度嘅環境 氣氛確實系吾錯的主要以木為主的裝修加上黃燈 令人有種好舒適嘅感覺不過不失啦 吾差 但又吾見佢有特別比較值得提嘅系呢塊用好多魚仔炸嘅脆脆 牛舌嘅分量唔算少都幾多另外有沙律伴碟感覺好似冇咁膩不過其實我覺得碟嘢有點亂 😂至於牛舌… 都需要幾多牙力去咬 🙈🙈到都幾攰 😂其實又吾覺得佢煮得好熟/太生 可能系因為吾跟紋路亂切嘅關係啦個人比較喜歡爽口的 😊其實佢吾系燒尤魚,,其實佢系扮燒尤魚嘅白烚尤魚加燒汁 😶不過算啦… 其實好多食市都系咁 🤷🏻‍♀️見怪不怪了 😂同我想食嘅燒尤魚仲有好大好大嘅距離~