三川居酒屋 (已結業)

最近經常都會係銅鑼灣搵好食西貪佢多數都係有質素而今次黎呢一間就係有質素當中更加有有質素既一間啦銅鑼灣港鐵站Ｂ出口一出就係夠晒方便==============================三川雜錦魚生(並)($168)食日本野又點可以冇刺身呢呢個剌身拼盤包括左生蠔，三文魚，吞拿魚赤身，帶子，油甘魚不得不講真係每一款都好新鮮呢到我特別要推介帶子刺身帶子既口感彈牙又鮮甜一入口鮮味已經係口腔到爆發出黎仲停留左好耐優選牛柳串($45)聽講呢到除左刺身仲有燒物都係必叫果然名不虛傳佢既牛柳料靚就唔在講佢勁係勁在燒到五至七成熟之餘，保留到入面既肉汁，仲要唔會韌真係唔係咁易做到鳥手羽燒($42)呢個都唔錯我最鍾意係佢燒到雞皮有少少脆脆地而且保持到入面既肉嫩只係美中不足既係調味略淡左少少但都有好處就係食得到食材原有既鮮味大板難波牛肉石頭飯($128)幾有驚喜既一道牛肉好新鮮，入口充滿牛味而且佢既醬汁味道都好夾石頭飯既精華：飯焦！脆卜卜又吸晒牛汁同醬汁既味道夠晒香口同惹味不過要留意既係要不時攪動如果唔係Ｄ飯就會太燶更估唔到係原來入面仲有Ｄ泡菜更加惹味！P.S. 個石鍋係好熱好熱，一定要小心唔好掂到明太子燒

星期日放假約左朋友出銅記行街，血拼之前就梗係要食飽飽先啦我地落左去一間係地庫既居酒居，個道既裝修都幾和式，假日午市唔算好多人，環境都唔錯午市定食既價錢都唔貴，所以先同朋友各自揀左個set每款定食都會跟有前菜漬物、湯品同沙律估唔到個沙律份量都唔少，加埋日式麻醬一齊食，開胃開胃朋友要左個海膽三色丼$138，賣相都幾吸引啵而我就要左個燒牛舌既定食賣相同樣吸引，份量都唔少架牛舌厚切爽嫩，加上有炸面金黃既蒜片提味，配埋香軟白飯同吃就係之後為食既我地仲每人揀左款小食一齊share個日好想食三文魚既我就要左份三文魚大盛$68，質素都唔差，一份有十片，食得好滿足朋友所嗌既明太子玉子燒$85既賣相幾靚啵，而且味道都幾好，玉子燒既蛋香十足，同明太子既味道好合拍食飽飽就夠晒氣力去血拼啦喂------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）----------------------------

銅鑼灣原來有好好食嘅日本野，今日我同朋友黎到銅鑼灣廣場，附近一個商業大廈地庫，發現原來有間居酒屋，由於時間尚早，所以人客不多，好安靜，好適合談天。由於太肚餓，一開始叫咗個三文魚刺身都唔係好貴，有六片咁多！睇落去啲顏色都幾新鮮，Wasabi的顏色同其他店有少少唔同，明顯食得出係手磨的那種，厚切的口感不俗。最後亦都叫咗個三文魚壽司，有兩件，啲飯揑得都幾實，不會鬆散，點上Wasabi一口過非常美味。我哋都叫左幾款串燒試一試，分別有優選牛柳串同燒大蔥雞串。牛柳樓粒好大粒，加左2粒車厘茄，口感酸酸地，再配埋牛柳嘅結實口感，也不錯。而雞串總共有兩大串，雞粒同雞粒中間亦都有京蔥伴上，配上照燒汁，夠晒和風口味。最後叫埋過冷稻烏冬，好耐冇食過啦，呢度原來有得點，佢有少少蘿蔔碎同香蔥，配埋芥末，夠風味，麵條好幼身同滑，食到shu shu聲！飲埋杯熱茶就夠皮啦，每人$150都唔錯。

今日同爸爸去銅鑼灣撐檯腳食lunch，揀左間日式居酒屋，餐廳環境又舒服又寧靜。有好多1人前定食選擇，樣樣都想食，最後都揀左個吉列黑豚豬扒定食。定食有沙律，漬物，麵豉湯。沙律菜新鮮爽脆，感覺好fresh，最緊要有我至愛嘅麻醬撈埋一齊食，正！豬扒好大塊呀，又鬆又脆，又可以點少少汁，超好味！大阪難波牛肉石頭飯上檯熱辣辣，已經吱吱聲，面上有隻煎蛋，將蛋撈埋一齊，蛋漿mix落啲飯度一齊食，太好味啦，再加埋嫩滑嘅牛肉，拌飯一流，仲有飯焦香，少少薄脆。食完成碗，個鍋依然熱辣辣！銅鑼灣區午餐價錢都算ok，啲嘢食又大份，啱晒同家人朋友靜靜傾下計。

銅鑼灣是最多食肆集中的地方，而且雲集了世界美食，最近得知sogo 附近開了一間日本料理，自然到這裡吃晚飯。我們到達時剛剛六點，食肆準備完畢，所以我們是第一枱客人。這裡位於地庫，不過空氣流通，有卡位、方枱、貴賓房。七點後，就差不多坐滿了客人。優選牛柳串，牛柳肉質腍而軟，牛味十足，配上車厘茄，可以吃多幾款不同的串燒，都不會覺得油膩。煙肉車厘茄，煙肉燒得香脆，內𥚃的車厘茄的酸味，平衡了煙肉的肥膩。三川雜錦魚生，有帶子、油甘魚、三文魚、蠔、吞拿魚，款款都鮮甜，其中以帶子，最為凸出。角切魚生丼，是雜錦魚生飯，內有多種魚生，一碗丼飯，可以滿足吃不同魚生的欲望，真抵。日式牛肉鍋，正宗壽喜燒的味道，除了半熟的牛肉外，還有蔬菜、葛絲、豆腐、雞蛋，吃完都已經飽了。肉入炒野菜，很香牛油味，吃這個野菜，有肉有菜，作為今晩日式晚餐，就算完美的結局了。

三川居酒屋位於銅鑼灣地鐵站的出口旁，十分方便！餐廳以小木屋作為裝修主題，帶有溫暖放鬆的感覺！我們8點左右到達餐廳，差不多座無虛席，非常旺場！三川雜錦魚生（並）$168雜錦魚生賣相精緻，包括有三文魚（兩片）、帶子（一粒）、油甘魚（兩片）、吞拿魚赤身（兩片）和生蠔 （一隻）！三文魚和油甘魚都濃郁肥美！帶子新鮮甜美！吞拿魚赤身是厚切，入口有質感！而生蠔就鮮甜滑嫩！厚燒牛舌 $48/串牛舌是厚切，表面燒至焦香，內裏充滿肉汁，而且牛味非常濃郁！超讚！煙肉烏賊卷 $42以煙肉包裹著烏賊一同燒，味道好夾，口感特別！而且煙肉烏賊卷一客有兩串，非常抵食！姿燒日本魷魚筒 $88魷魚鮮味彈牙，配合惹味的醬汁，不錯！京都玉子鰻魚飯 $138賣相吸引！以薄薄的蛋皮包著整個鰻魚飯！打開蛋皮後，足足有兩大條蒲燒鰻魚完全覆蓋在炒飯上，十分足料！而且蒲燒鰻魚相當肥美嫩滑，好滋味！Kirin生啤 $58

收工去左銅鑼灣宜家買下新居既野，行完既時候原來已經成9點，兜下附近有間居酒屋，1條友就落去醫肚了。間鋪喺地庫，要行條樓梯先落去。眼見鋪入面唔大，10張枱左右，裝修幾有居酒屋既感覺。先黎個吞拿魚刺身，厚切食緊嗰時好有質感，食唔到雪既味道，唔錯！鍋燒湯手打烏冬，有隻蝦天婦羅同雞肉，湯唔係好濃，烏冬亦都好彈牙。煙肉燒年糕，第一次食幾得意，外面煙肉燒到脆脆既，入面年糕就煙煙韌韌。牛柳串，厚肉得黎好淋，咬落亦都好juicy。

話說咁岩路過朋友見到呢間餐廳其實行過好多次都無為意因為門口比較細，只有一個架放住餐牌而餐廳就係樓下地底真係好易就錯過左😂。。。。。。。。。。。。。。海膽三色井(海膽，三文魚，三文魚籽)▸以$138呢個價錢黎講真係好抵食，海膽都算幾新鮮，唔腥，同埋份量都算係咁，而三文魚就薄左少少，不過呢個價錢仲想點喎😊。。。。。。。。。。。。。。極上厚燒牛舌定食▸無諗過個牛舌咁出色，燒得岩岩好，一啲都唔韌，仲好爽口添，加埋蒜片一齊食，真係好香👍🏻。。。。。。。。。。。。。。明太子燒玉子▸蛋不是滑身那種，是有點厚度，明太子好多時都會好咸，但反而呢個無過咸嘅情況出現。。。。。。。。。。。。。。整體來說，午餐係幾抵食嘅

我與瓊姐去sogo行街，經過軒尼詩道發現一間隱藏於地庫的“三川居酒屋”，見到又幾神秘，而且時間又剛好lunch time, 不防落去試一試。我哋落去居酒屋看到布置好精緻，是在模仿古代茅舍，天花掛了很多彩色旗幟全是魚的圖案， 餐具茶杯就有花嘅圖案，設計得很好心思啊～午餐餐牌都勁多選擇，有烏冬、定食、丼、鍋物、石頭飯、 壽司及蕎麥麵等。午餐仲連前菜、漬物、沙律及味噌湯, CP值高，相當超值。我叫了季節壽司配蕎麥麵($98)，裏面有三文魚刺身，壽司有三文魚、鱆紅、油甘魚同八爪魚， 仲有蕎麥冷麵。魚生壽司非常新鮮， 整個套餐都非常健康， 啱曬我呢一個想keep fit人士呀～而瓊姐就叫了毛蟹泡菜豚肉鍋($98)， 材料相當豐富，毛蟹都有一大隻，味道方面泡菜味濃郁， 配上白飯一起食，配搭十分夾～

環境舒服，卡位好啱幾個人傾計，店內播啲J-POP都算新可以估下歌仔咁店員服務都好好，個哥哥仔成日想幫我地加茶啲綠茶都係熱嘅，飲落幾舒服兩個人嗌左市場四色丼、日式牛肉鍋同明太子燒玉子。食到勁飽！！！四色丼嘅劍魚特別出色，厚切好肥美甜蝦、帶子、三文魚都夠新鮮。日式牛肉鍋，sukiyaki 甜鼓油湯底十分濃味同好飲，飲左半碗都唔覺咸最後係明太子燒玉子，明太子份量夠足，但玉子有點兒過熟，個蛋味唔夠嫩滑，同壓得唔夠實整體感覺唔錯，閒日夜晚8點幾去無預約都唔洗等位

三川居酒屋位於銅鑼灣的中心點，雖然正正就在地鐵站的出口旁，但門面卻不怎起眼。穿過窄長的樓梯，内裡卻是另一個世界。木結構的小屋座無虛席，非常熱鬧！以木板造封面的餐牌很有質感，予人溫暖的感覺。Kirin生啤 $58先來一杯生啤warm up一下個胃。三川雜錦魚生（並）$168雜錦魚生賣相精緻。有三文魚、帶子、油甘魚、吞拿魚赤身和生蠔。三文魚濃郁味美，帶子鮮甜。油甘魚和吞拿魚赤身都是厚切，入口有質感，而生蠔就很滑嫩。厚燒牛舌 $48/eachOrder咗兩串，牛舌表面焦香，調味適中而且非常香口！而牛舌內裡亦鎖住了很多肉汁，燒得很不錯！煙肉烏賊卷 $42以煙肉裹著烏賊一同燒，煙肉的煙燻味道與烏賊的鮮味非常配合，口感仲好特別添！而最重要嘅係煙肉烏賊卷一客有兩串，真係超級抵食。姿燒日本魷魚筒 $88色澤光潤，賣相吸引！醬汁亦很惹味，好快就俾我哋清晒。京都玉子鰻魚飯 $138很工整的蛋包飯，擺盤富有藝術感。本以為蛋內的只是鰻魚碎炒飯，沒想過竟然係兩大條蒲燒鰻魚完全覆蓋住啲飯！而蛋皮係全方位包著鰻魚同飯，師傅的手勢確係勁！

經過sogo，成日都覺得隔離既地庫餐廳好神秘，望到餐牌又肚餓，今次就等我深入虎穴。間餐廳唔知係咪因為藏左響地底，門口唔算顯眼，所以人流暫時不算多。天口太熱，居然有我鐘情的支裝汽水(個人偏好支裝多過罐裝)，二話不說來個支裝忌廉先～好耐無食魚生飯，見到海膽就發光。豪一豪食個最貴既海膽三式丼。(其實都唔算好貴)定食包左個湯同埋前菜，可以打打底，個帶子裙邊幾好食，其他前菜雖然我不肯定是甚麼東西，但甜甜酸酸的”簡啫”令本少爺更加開胃、更加肚餓。期待已久既魚生飯，三文魚籽勁大粒飽滿脹卜卜，就咁逐粒逐粒食特別好食、寧捨咸鮮，記住要逐粒用條脷頂爆佢，男人至愛，好爽的。每次食海膽我都唔會放過佢，一定係一野大大啖放晒落口，軟滑得黎易入口，冇腥味，鮮味慢慢滲出黎。三文魚則正正常常，冇乜特別。一碗飯當然唔夠我食，如果你地同我一樣係超級大食的話，相信亦未必夠飽。所以邊食飯邊整多客炸餃子。金黃色既餃子，食落脆卜卜，d 饀都算足料，食埋佢就剛剛好。話時話，要行條長樓梯落去間餐廳，其實我有點怕，因為越行越寧靜，倍添神秘，有點似我上次去大阪食果間日式餐廳一樣的感覺。幸好，久違的日式食物填補了我心靈上的空虛寂寞…….

出開銅鑼灣買野，度度都非常多人～～想一個人靜靜地食野，就試下sogo 隔離地庫呢間新開既居酒屋。✨臨近落場時間，人流唔多，一個人獨霸四人卡座～好爽。✨Lunch 有好多選擇，好多都好吸引～～最後㨂左牛小排定食😍✨定食包左沙律，胡麻醬夠晒多，最開心有我最鍾意既火箭菜啊～～ ✨麵豉湯ok 唔會太咸， 前菜帶子裙邊同綠色一條條果款幾爽幾入味。 ✨鐵板優選牛小排（$138): 上枱果時熱辣辣"咋咋聲", 本身以為係一件件上，點知原來係切粒。個牛雖然有點過熟，但係牛味都幾濃，點埋醬油，胡麻醬食更加美味。蒜片同洋蔥都好香口，用黎送飯一流～～✨炸甜蝦（$58): 甜蝦拎黎炸真係未試過，開頭以為係好似天婦羅咁，點知原來係原隻炸。 佢上面灑左d 鹽，感覺有d 似鹽燒蝦，個殼好薄唔知食唔食得，但𡁻左幾下又真係好香～～～✨今餐真係好飽好滿足～～～有種忙裏偷閒既感覺

喺銅鑼灣返工日日都要出街食真係諗到頭都爆，所以成日同啲同事發現一啲新嘅地方食飯，啱啱同事們都好鍾意食日本菜，有日經過見到落地庫有間好似幾好味嘅店舖就拉咗佢哋去食。日本野就當然少不了魚生飯啦，所以叫咗個三文魚海膽飯，佢個碗雖然唔係好大但係都幾足料㗎，海膽非常鮮甜，加埋三文魚食真係絕配～個飯碗幾深嘅飯就有幾多，真係幾飽。不過佢咁多飯如果可以多番啲餸就更好了～仲叫左個味噌燒銀鱈魚，我真係好鍾意食銀鱈魚所以去咗邊度就算貴啲都會叫，不過多數都係西京燒，味噌我都係第一次食。魚燒得非常好非常軟滑，面頭塗上一層味噌，一夾落去就山海證明佢真係燒得非常好。雖然佢隔離有蛋黃醬但係味噌嘅味道已經完全深入左魚入面，就算唔加蛋黃醬都已經非常夠味，配日本白飯真係一絕。前菜仲有沙律同小食。

今日上堂前就來獎勵一下自己，食下美味佳餚。今日約了媽媽來這間日式餐廳食晚餐，之前一早訂好位，6點來個早飯！在銅鑼灣軒尼詩道周生生附近，是地庫的位置。地面有餐牌，讓客人可以好好研究研究，再決定食甚麼！坐位好舒服，一枱枱的木枱木椅子（有2人及4人），讓客人可以慢慢享受美食及傾談；另外，有房間的選擇，如果多人，可以有自己的私人空間！有音樂播放著讓客人輕鬆享受用餐好多選擇，有串燒、壽司、魚生、沙律、烏冬、小食等等！我們叫了：1. 豆腐野菜沙律好大碟的沙律！顏色好靚喔材料豐富，有：水果（藍莓、士多啤梨）、脆片（紅色、黃色）、沙律菜（紫椰菜、生菜等）、番茄、豆腐等等，好多不同口感，麻醬好清新好適合夏天，好健康又美味！特別喜歡滑滑的豆腐及爽脆新鮮沙律菜2. 汁燒雞丸汁燒好香熱辣辣，一點都唔乾！雞肉口感一流，好腍好軟熟，啖啖肉哦！有6粒大大粒，抵食又超級野味！必推介3.火炙帶子壽司上面燒香配上碎碎炸蒜蓉，內面好滑好軟、入口即溶的口感，日本飯軟硬剛好，又好香又份量剛剛好！我愛帶子喔4.京都玉子鰻魚飯上碟就深深比吸引了！好靚喔！如船一樣的設計！好香蛋的氣味、顏色又靚！不得了哦切開蛋皮就見到滑滑的鰻魚在內面