三川居酒屋 (已結業)

係三川食晚餐已經係第二次，令我會返黎嘅原因係地點方便，上菜快速，當然還有食物岩胃口。聽到出咗新menu，二人套餐$398，仲可以加$250享用清酒放題，一於去又食又飲，開心返餐。首先係魚生沙律加$28升級的沙律，好多的刺身粒粒，值得我加錢嘅！柚子沙律醬好多好多，但食到底有少少鹹，記住要自己撈好先食。牛肉鍋物牛肉質素一點都不馬夫！唔係求其俾d肥牛淨係得肥膏你，牛肉香味濃郁，而且份量好多下。不過唔好好似我地咁傻仔，放太耐先食，牛肉會老咖！蛋全生的，我地拮穿了蛋，混和牛肉同湯底食，好香口好惹味！同樣係加錢項目，$38俾得值得。京燒銀鱈魚加咗$48，因為好喜歡呢個魚。魚非常肥美，如果餐廳可以燒得再長時間少少，等魚的油脂都逼曬出黎會更香更好食。秋刀魚刺身秋天又到秋刀魚漸肥嘅時間，原條刺身上，正啊蒲燒鰻魚飯原條鰻魚輕輕的切成幾段，唔算好厚身，但都算幾肥美㗎！同珍珠米同食真係好滿足啊！原來都係加錢項目，盛惠$58最後點少得甜品 — 雪糕 紅豆雪糕真係有粒粒紅豆，唔太甜，幾香滑！長期最愛的芝麻雪糕仍舊富奶香，好似加了牛奶的芝麻糊♥️好滿足的晚餐！附餐牌給大家參考。