三家村水產 (已結業)

香港人除了喜愛打邊爐外，燒烤同樣也極受歡迎。浜燒近期大行其道，「浜」和「濱」相通，究其意思，即海濱是也。當地的漁民會將剛捕獲的海產即場在岸邊燒烤；吃最新鮮的味道，當然不用醬料等額外添加物，頂多是灑一點點鹽花便已是鮮味十足了！記得多年前到日本旅行時，無意中見到「浜燒」這兩個字，在好奇心驅使下，第一次接觸到這種方式；真是別有一番風味。捨近取遠入到鯉魚門，全因識食友人的推介，我這個為食友當然忍不住先吃為快了。店子距油塘地鐵站頗有點路程，大約要走十數分鐘，正正就在三家村碼頭隔鄰；到達鯉魚門入口，離遠已見到大大個「花牌」，非常搶眼。西灣河碼頭有定時航班來回三家村碼頭，由香港坐船過來，其實會更為直接方便，船身造型尤如一隻漁船，充滿漁村風味；黄昏時分坐在船上看日落，相信會更感浪漫。門前掛上「日本男孩節」常見的鯉魚旗，隨風飄盪，點出了地標名、更點出了它的發源地；相當貼題，甚有心思！店子說大不大，説小也不小，但山長水遠來到，食白果就非常掃興了，預先訂位一定錯不了。壁上䀡滿日式紙畫，天花板用上類似「禾桿草」顏色的木片，感覺像置身於一間小木屋中，和風味極濃；聽侍應說，這裡原本是碼頭的一部份，後和碼頭恊商成功

海鮮的煮法有好多，唔同的國家所用的方法都會唔同。就好似中式煮法，已經有幾十款，每一款都食到你停唔到口。但係無論點都好，中式的煮法可能未必可以完全滿足你，有更多的口味變化，我相信係無人會抗拒的。鯉魚門的海鮮街清一色是中式煮法，而這裡是日式的煮法，相當之大的突破。其實日式的海鮮煮法通常為浜燒，取最新鮮的海鮮即燒即食，保持最佳的質素。將海鮮的，鮮，甜充分發揮出來。今天選擇了蟹寶寶，細細隻的，剛好兩個人吃。用上了清酒去煮，喝下去整個身都暖笠笠的，酒味又不會太烈，鮮甜的蟹湯，還隱約散出酒香。最能體會最新鮮嘅食材就莫過於刺身，今天點了刺身拼盤，有6種不同的。特別喜歡的係油甘魚，脂肪分佈，厚薄度都剛好，所以食落甚是滋味。想稍為飽肚點的就不能不叫這一個鰻魚炒飯，用上日本米，一顆顆飽滿，咬落煙韌，晶瑩剔透。配上特有醬汁，真的很美味。雖然吃到尾會發現有點油在底，但它的油不是多餘的，沾一點點更覺韻味。還要推薦一下的就是這個白飯魚天婦羅，炒蛋就吃得多，想不到這樣炸是很美味，又脆又香，像吃薯片一樣。再沾一點沙津醬，更是吃不停口。這裡並不難找，在牌坊的士站向海方向望就可以見到燈光斑斕的。入面裝修都是日式設計，在邊

突然想去一轉日本但又唸唔掂d機票，又無假期，我覺得食番一餐海鮮盛宴，當自已去番轉日本，係一解心結的好選擇。今日去左位於油塘的三家村水產，喺油塘地鐵站步行十分鐘的距離，少少遠不過值得的！原來呢頭係爸爸工作多年的地方，對呢個地方都好有感情，咁啱來懷勉一下！看看夜景，感覺寫意！燒雞泡魚干燒到好似魚干咁，點下沙律醬幾特別。果然係近海得食，做下佐酒小菜不錯！山藥金槍魚又係第一次食的前菜，山藥的黏黏感覺不是每個人都會鍾意。不過只要唸到其營養價值，就不禁要食多幾啖。山藥貴為山中之藥，是中性的食材。能健脾益胃，有助消化和降血糖，容易體質攰的朋友食就啱。加埋金槍魚成件事易入口左，食飯都要講智慧，平時做嘢咁辛苦要補充下啦！季節刺身 特上選拼盤突然口痕，叫左個刺身拼盤。一共有八款時令的海產。油甘魚 呑拿魚 拖羅 海膽 馬刀貝 𩶘魚 三文魚 帆立貝，好澎湃！上碟感覺好有氣派，有哂乾冰好有仙氣。而刺身質素超越一般的餐廳。試左油甘魚同帆立貝，好新鮮，又鮮甜。餐廳佔會奉上紫菜比你包住食，無喺外面咁食過！清酒菲律賓石蟹呢個驚喜，多肉都癲左，清酒滲入晒啲蟹肉入面，特別鮮甜！同埋比我想像中大隻，鍾意食蟹的朋友們一定鍾意！

「浜燒」是來自日本漁民的傳統料理方法，漁民會把即日捕獲的活海產，臨海圍爐烤煮，對着大海，品嘗着原汁原味的海產，此情此景，生活在城市的人特別嚮往。在香港，所有浜燒店，都只能開業在鬧市中，少了臨海的元素，感覺若有所失。近日，筆者得悉《三家村水產》，是一間真·臨海日本浜燒店，便急不及待相約三位好友前來品嚐。設計裝潢牌匾是整顆大樹幹做成，相當有氣勢，掛上的「赤提燈」具濃厚日本風。甫進店內，右邊是小小的漁市場，魚缸養著各式各樣的活海產，如花竹蝦、馬刀貝、蟹、日本北寄貝、鮑魚、帆立貝、生蠔等。牆壁上的日式海產彩繪、日式海報、樹皮天花、至矮木桌和竹椅，讓人宛如置身真正日本浜燒店。餐牌選擇這裡結合了浜燒屋和居酒屋，除了提供浜燒外，也提供刺身、壽司、丼飯、串燒、天婦羅、創意卷物、日式料理和甜品等。餐響體驗京都豆腐伴芝麻汁 $70京都豆腐口感份外軟滑綿密，豆味純香，味道淡雅，伴上沙律菜和芝麻汁，清新開胃。花の舞日本刀 $488蒸米飯的氣味，口感鮮明，甜、辛、酸適中。季節是令特上選刺身八款 $888師傅選出時令的海產來做刺身是晚包括拖羅、赤身、油甘魚、鱆紅魚、海膽、帶子和貝。每款均富色澤，非常新鮮。一夜干

貴夾難食，魚生還可以，燒物無味，燒海鮮無味，仲要未熟，嘢飲（士多啤梨沙冰和蜜瓜沙冰）都可以無味，杯飲品內仲要有幾粒大冰。我們8個人（有3個係小朋友）食咗5千幾，即走人再去食雲吞麵先飽。呢間野有人請我都唔會再去。

細細個就跟家人去食海鮮，不外乎都係鯉魚門、流浮山，無論坐車或者揸車都唔算話好方便，即使而家長大左，都好少話專程入去食海鮮，一來食到海鮮嘅地方多左，二來大部分都好新鮮。本地人再入去食海鮮嘅都少左，遊客可能仲多啲，加上入親去食飯價錢不菲，好少踏足呢個地方。最近三家村碼頭旁邊開左一家主打浜燒嘅日本料理，非常有新鮮感早輪又睇過好多介紹，於是夾個時間，收工就同幾個朋友一齊過黎餐廳臨海，部分位置可以見到無敵大海景，望出去都幾靚嘅，食飯前早少少入去影下相留念都靚。比較可惜係我地收工入到去都比較夜啲，錯過左日落景色，有機會去要再入去走走，始終日日番工放工都好沉悶，假日應該搵啲地方多走，影下相。餐廳位置闊落，近門口位置可以見到擺放魚缸同冰櫃，擺放當日新鮮運到嘅海產，菲律賓石蟹、花金鼓、池魚、日本生蠔、花竹蝦、各款貝殼類等，客人可以親自去揀選，明碼實價，食得放心。裝潢方面花過唔少心思，用上木、竹等元素，具日式風味。人多嘅可以考慮預訂房間，更近海邊，不過我地就冇問及收費。餐牌供應沙律、前菜、時令海產、刺身、壽司、丼飯、烏冬、燒物、炸物、甜品等，定價中上。一行四人款款都試下，人均六百多。季節刺身特上選拼盤 $

早前睇過唔少雜誌介紹過呢間鯉魚門嘅水產店，我地深感興趣同埋都好想去試下，因為見到景色好靚，而且覺得應該好新鮮，所以專登約左幾個朋友一齊入去試下餐廳位於鯉魚門三家村碼頭，之前住喺藍田，有時夜晚落來跑步都會經過，所以都好熟悉。喺油塘站落車，行路過黎都係十分鐘左右，都好方便。餐廳裝修驟眼睇落好似去左日本咁，竹枱櫈，配合埋石牆，仲有大玻璃可以望到海景，難怪話呢度嘅裝修都好揼本。地方都唔洗大，枱與枱間都完全唔覺得逼狹。今晚都食左幾款刺身、壽司同多款浜燒，整體水準都十分高刺身拼盤：一共八款刺身，有拖羅、赤貝、海膽、鯛魚等等，刺身當然同一般日本料理高好多班，平時食放題冇得比一來切得比較厚身，食到刺身嘅口感味道，二來食材新鮮，特別係海膽，完全冇腥味，而且好鮮甜，可以包紫菜食，我都食左幾口。吞拿魚唔係太肥太油，新鮮度十足；金槍魚一樣咁鮮味，一改我過往對金槍魚好削嘅印象，口感飽滿。至於帶子，食落好爽口，又有帶子嘅鮮味，朋友們都大讚好正其實講真食刺身，我就唔係點太多豉油芥茉，呢度嘅刺身質素上乘，樣樣鮮甜，令人回味壽司：吞拿魚蓉、黃金魷魚、蟹籽、海膽size都幾大件，吞拿魚蓉好滑，又軟熟另外海膽壽司都好正，同

前排係網上介紹三家村水產...仲要新開無耐..😎😎一收工就飛過去試食去到全場差唔多爆滿雖然我係walk in😂😂但佢地都好快搵到個位置比我感恩😋😋地方大 櫈個d都坐得舒服👍👍👍仲可以望到海景 感覺非常好我同朋友點左d刺身同埋海鮮自己燒雖然話就話自己燒 但個到d員工好好人 差唔多幫曬手👏👏👏海膽好甜👍👍👍特別推介生蠔 好肥美 好鮮甜食佢地ge時候 好滿足😋😋😋帶子好大粒😎😎我去到ge時候其實都好夜最後係屬於最後走個臺😂😂雖然佢地收1點但我怕阻人收工 食完打算埋單走佬點知佢地d同事仲問我食唔食甜品好啦 甘我就阻佢地收工😂😂😂點左個蜜桃雪芭好重蜜桃味 而且唔算太甜食緊途中老闆仲問我食唔食芝士餅整兩件比我試雖然口講唔好ge 但身體很誠實因為真係好餵食😂😂我本人覺得 係食之前飲啖熱茶 等個口腔無其他食物影響下食你會食到 好濃香芝士味 而且餅底唔軟又唔硬 岩岩好 咧個真係好食最後我地埋單1500內但如果你要食新鮮 環境同服務 咧個價錢 你絕對覺得食得過希望你地keep住 我會再黎食的

今日難得放假，同老婆去了鯉魚門食海鮮，先散下步到碼頭後發現一間新開的海鮮店，所以入去試試。三家村水產以前是做釣具生意，後期生意麻麻，又適逢店主在日本發掘這個浜燒概念，帶回香港轉型成現時的水產店，以上是偷聽店主跟客人的對話而節錄在此。鯉魚門裏面的餐廳主要是食海鮮，這間亦不例外。日本蕃茄伴和風沙律汁：整個日本蕃茄切成一片片舖在沙律菜面，蕃茄清甜酸味不重，沙律菜新鮮爽脆，反而沙律汁帶點酸味，非常清新開胃。季節刺身特上選拼盤：刺身拼盤共有六種，包括我至愛的三文魚、帶子、吞拿魚等，全部色澤自然，魚肉結實且有光澤，口咸方面，個人比較喜歡三文魚，油脂均勻，有魚味鮮甜亦有油份的甘香，其次是吞拿魚新鮮爽甜，咬落去爽口有彈性，其他刺身都不錯。一夜干馬友：馬友是早一晚醃定風干，食前再去煎，外面呈外黃色，肉質雪白，非常吸引，魚皮很香脆，魚肉因為醃過的關係，已經有咸味，完全不需要再加任何的調味料已經好好味，肉質既鮮且嫩，估唔到馬友除了做咸魚外還有此種食法，做法新穎有心思，出來的效果又好，真是抵讚。海老天婦羅盛：天婦羅蝦外層粉漿很薄，上枱時還熱辣辣，即叫即炸，而且完全無油在底，質感外脆內軟，蝦肉彈牙，食完都不覺得

近來在fb經常見朋友like三家村水產的飲食片段，睇過之後又覺得幾吸引，所以約了朋友去試試。位於鯉魚門碼頭的三家村水產，隔離是去西灣河的渡輪碼頭，在港島東返工的我可以乘渡輪過來，非常方便。渡輪碼頭外牆有由九龍皇帝的墨寶，有歷史價值。餐廳有古色古香的感覺，全部傢具都是木製，有身處在漁船的吃飯之感。星期四的晚上七時都有大半滿座，生意不錯，所以大家最好先訂位，免得到時有排等。餐式方面主要是刺身及浜燒海鮮為主。我們點了一份海鮮及一些小食。燒味醂河豚干河豚干有點似平時在韓國買的手信，質感比較硬身，很有咬口，味道有點BBQ醬的甜味，食少少就可以，因為都幾硬淨，咬到有點牙軟。浜燒生蠔、帆立貝、日月貝及中蝦全程由店員負素燒，無須自己動手，首先燒的是帆立貝，體積非常巨型，燒到微開口後，店員會去掉面頭的一邊殼，再加點清酒去燒，最後剪成四粒，方便易入口。帆立貝燒得剛好，肉質鮮甜嫩滑，有海水的咸味及淡淡的清酒味，是幾款海鮮中最好味，當然價錢都是最貴，要$98/隻。其次就是日月貝，味道鮮甜但肉質比較韌。中蝦非常新鮮，放上爐後還在垂死掙扎，蝦肉鮮甜爽口，非常結實。生蠔的體型巨型，燒到開口後，店員並無加上清酒，生蠔

前日同朋友在油塘行街時聞說三家村碼頭那邊開了一間浜燒日式料理，原來行過去都好快，所以幾個人就慢慢行過去，到碼頭時見到一間日式料理餐廳，門面及入面裝飾都很日式，後來了解原來老闆在日本收購了一棵原木材，用在建築鐵路上的，無論門面椅子及枱都用上，睇了海鮮那邊食物新鮮到一個點啊，在餐牌上睇到很多款料理，點了幾種試一下，一路欣賞餐廳內的裝飾一路期待食物的到來！飲品水蜜桃鮮果茶，生果鮮甜飲落口不會太甜，喜歡健康飲品既叫這個吧！季節白身魚薄切，看到他的薄切感覺在像日本食一樣，肉身薄薄透光卷埋中間的海草一起食，甜甜的魚肉真的好食，真係季節野必試啦！跟住一個雜錦大蛤麵豉湯，日本餐我成日都會叫但今次真的有大蛤在！再來四隻紅鬼蝦（刺身）這個一定介紹下，蝦肉質甜美彈牙爽口之外，請在食之前留意下雖然做了刺身但蝦腳還在動，真係好新鮮！清香的清酒花螺，放在爐上燒滾，見到出白煙後等多一會就食得，放入口清甜爽口，不需要加醬汁已經好好食！重點浜燒來了～先放上生蠔，燒了一會食得，蠔味很香入口清甜好好味再加上燒的過程在蠔內迫出的汁，真的食完連一滴水都飲埋，連我平常不食蠔的朋友都係咁比讚！之後燒沙白，燒好後肉質也是很甜美沒有沙