一風堂 (新港中心) (已結業)

久仰一風堂勁多好評之名氣，所以是專程來吃。門口等了幾分鐘安排入座，眼前佈滿一牆壁之麵碗很吸引視線。點了一個"白玉"。 豬骨湯底很濃厚，但不太豬骨味。豬肉份量足夠，樣子有點奇怪。麵條是幼麵，口感很挺身。另外點了雞蛋。生熟程度剛剛好，蛋味香，又流心，顔色十分漂亮。 一風堂辣肉味噌，就是加了辣肉醬。味道分別不大。總體而言，拉麵和湯底之質素普通，都是吃裝修和名氣。

去到一風堂一定要食拉麵。有好多種拉麵，有辣有唔辣，醬油味噌咩都有。今次同朋友叫左辣肉味噌同黑蒜油拉麵，仲要左個明太子雞翼。明太子雞翼炸起就上熱辣辣脆卜卜好夠味。拉麵既豬骨湯底原汁原味，飲落味道好濃郁好足料，要左小辣幾開胃。麵質咬落有勁，有得揀硬麵軟麵或者正常。唔夠食仲有得即刻加麵餅添。未試過都建議大家可以去下！

隨著一間又一間拉麵店在香港開張, 要品嚐一碗地道日本風味的拉麵似乎不再那麼困難。是日正值三十多度, 愛麵如狂的我與男友到尖沙咀的一風堂吃午餐, 幸好人流不算多, 不然有人又會燥狂了^^"熱辣辣的煎餃子伴著仍冒白煙的鐵皮上桌, 餃子面上鋪滿了新鮮青翠的香蔥及薑蓉, 令餃子更添香味。一口咬開, 還熱騰騰的餃子皮裡是韭菜與豬肉, 味道可口而香脆, 抵讚。再來便是我的「赤丸拉麵」, 麵餅上是一團辣味噌, 為原本濃烈郁香奶白色豬骨湯增添一份辛辣刺激, 入口即融的豚肉為拉麵增添不少分數。追加的醬油半熟蛋啊!是我的摯愛。完美的凝固, 蛋面呈淺啡帶有淡淡醬油香, 蛋黃一咬下去便見澄黃蛋汁徐徐流出, 相當誘人....

一直都聽說日本的一風堂很好吃，但香港的分店卻平平無奇，可我認為總需親身感受一下當晚九時多我和朋友才到來，由於在等位時早已選好，所以一坐下我們便落單了，我點了白丸元味(普通豚骨湯)，追加了一滷蛋及一替玉，而友人則點了鰻魚飯、溫泉蛋、雲呑，等了七八分鐘，麵終於到了！碗的設計十分高身，讓人吃起來不容易，我先試一口湯，味道不錯，能喝到豬骨味。至於麵，頗為幼細，但我點的是硬麵，硬度十分不足，掛湯力也不太好。至於叉燒，比較鞋口，味道適中。蛋方面，不太流心，而且帶點苦澀味，後悔點了。當我吃完第一個麵，湯所剩無幾，並不是我過程中喝了很多，而是碗的問題，它的容量十分少，當我吃第二個麵時，就像吃'撈麵'一樣，但正因為如此，我清清楚楚吃到了麵頗重鹼水味，而且這個麵我點的是中等硬度，但吃落口跟剛才的'硬麵'根本無分別。吃到最後，我把碗底的湯都喝了，這數口湯特別濃，特別鹹，箇中原因大概大家也猜到~唯一能讚一讚的就只是環境十分涼快吧。友人點的鰻魚飯，份量出奇地少但賣相不錯，相信也挺好吃的。我認為一風堂已經是變得連鎖化，就像味千這類擁有多間分店，而不像那種自家小店的感覺，我不是說分店多不好，但請保持水準吧，否則只會

好耐冇黎呢一間了... 有段時間不在香港，去日本和台灣旅行時反而有主動找好的拉麵店...今次約了好友來食，好在味道水準還能保持... 白丸和雞湯豬骨拉麵都好食 --- 後者味道較濃，麵質亦有不同，但ANYWAY，係好食既。我個人認為，此店比大板市近心齋橋的店更好。以前試過餃子，味道一般，今次不再點了。

和同事去食lunch，平日食開白丸或赤丸，見出了新的期間限定「德島拉麵」，便叫來一試。賣相十分討好，尤其中間那隻生蛋，望落已經好想食，不過這個豬骨加雞湯熬的湯底，就不太是我杯茶，主要感覺較稀，不像白丸或赤丸的豬骨湯底濃郁，味道感覺也有點怪怪的，不知是否加了甚麼醬油調味？我還是比較喜歡白丸或赤丸的湯底。不過各人口味不同，也可能有其他人喜歡這種口味的。配料足，豬肉和其他配菜夠多，值得一讚。

晏就黎一風堂依到食野，我自己都真係好耐都冇食過拉麵喇,今日黎到因為Lunch Time既關係,依到時間當然要等下位,等左太約15分鐘就有位。除左依到既卡位之外，大部份人都係一字排開咁坐，因為太多人喇，環境有少少逼逼地。原本只係想叫一個拉麵咁多，由於見到lunch set既關係,佢有拉麵,小食加埋飲品,價錢比起單點化算既,雖然都算貴，不過都係叫左，因為見佢小食D賣相都真係幾吸引，今次就叫左碗辣肉味僧拉麵要左中辣，點餐個陣，拉面就要左普通，麵底唔硬唔軟咁先係最好，食落又真係岩岩好,至於辣度就真係差少少啦，不過食落比預期中無咩辣味，不過個湯底真係超惹味，真係想飲哂去，加埋少少辣既肉碎，真係一流小食我就要左炸魷魚，魷魚炸幾香脆,又幾美味，唔會太韌，加埋少少檸檬汁，酸酸地好開胃。 

最近見一風堂有個優惠食德島拉麵，心諗反正都食過香港幾間拉麵，於是等到星期三一放工就衝去尖咀，急急腳行到試下。叫左個德島拉麵走蔥，等麵食時，四圍望見到佢地原來有小食推介，於是就叫多個燒車打芝士條，侍應都好細心講明燒芝士條只可以暖而唔會好熱，以防芝士條會溶。之後個麵到左，最吸視線就自然係中間既生蛋，日本蛋既橙紅色真係非常吸引，即時將蛋撈好，一啖食落口就發覺佢地既麵質比較硬身，同埋個湯比較淡，可能一般人會覺得夠濃味，但我曾經係日本大阪都食過德島拉麵，佢地既湯真係煮都非常之有黏性，豬骨既膠質真係溶晒入湯度，香港一風堂明顯未到呢個水平。麵身比較硬食落去可以好好感受下麵條既咬口同層次，呢方法都做到近似日本既7成。豬肉絲同竹筍亦不過不失。之後上黎既芝士條，同預期差唔多，不過真係要即刻食先好，一放左一陣就已經凍凍地，同埋呢d野食好睇火喉，如果單純想芝士條唔燶唔溶，咁樣好易搞到入面仲係好硬，不過佢地無犯到呢個錯誤，值得加分。

出名的拉麵店，總有其獨門湯底，今次吃了一風堂的期間限定 ~ 德島拉麵，香濃的豬骨湯底，配以雞骨熬製，先呷一口，真是濃郁無比，再將日本生雞蛋混入湯中，又添一層蛋香，味道層次十足 !配以幼身直麵，掛湯力極強，可以用爽口形容，值得一讚!配料也較特別，不是义燒，而是先經鹵煮的豬腩肉片，豬腩片夾着特製的醬汁，味道份外甜美!

今晚放工後約了朋友在尖沙咀，朋友告訴我希望可以食冷麵。咁我問佢有乜好介紹先？佢便介紹了"一風堂"給我。我哋之後點了一個素菜冷麵，湯麵，炸雞，豆腐，日式餃子等等！味道十分為滿分的話，我會俾它六分喇！味道不過不失，好好講唔去！好差咩又唔係！我自己比較喜歡炸雞多些！日式餃子就最差，反而我幾喜歡佢座位夠闊落！

中午來到一風堂閒座，好耐都冇食過拉麵了! 因Lunch Time 時間去，等了15分鐘才有位。除卡位外，大部份坐位一字排開，因太多人，坐得逼逼地。原本只想點一個拉麵，大約7x元（未計加一），但最終見lunch set (拉麵+小食+飲品) 9x元，雖然有點兒貴，呢個價值晌尖沙咀可以食到唔同的野，但見小食賣相都幾吸引，諗都冇諗就點左set餐。叫了碗辣肉味僧拉麵(中辣)，點餐個陣，侍應會問拉面想要淋、普通或硬身，而我點了普通，的確麵底唔硬唔軟，岩岩好 至於辣度就差少少啦，雖然只點了中辣，但比預期無咩辣味，可能因為我好食得辣啦，不過個湯底超惹味，令人想繼續飲落去，配合辣味肉碎，一流呀! 跟餐有1個小食，則叫了炸魷魚，魷魚炸得香脆美味，又不韌，加埋旁邊的檸檬汁，酸酸地令魷魚更開胃。枱上除了提供芝麻外，亦有開胃小食，其中芽菜幾好味，既爽口，又辣辣地，用來送拉麵不錯! 

當天在尖沙咀閒逛後, 而朋友又想吃日本菜我就決定到一風堂吃個拉麵醫肚我個人比較喜歡吃辣的所以點了個辣肉味僧拉麵($78) 而朋友怕辣所以點了赤丸新味拉麵($68)拉麵都能挑拉麵的硬度就點了中間的其實感覺就偏硬 但正合口味而這拉麵和普遍的拉麵店都一樣 不會太辣而日式叉燒肉身很嫩一咬就能斷, 不會"痴牙"是做得出色的拉麵份量也很充足而面前也有一些小菜能供給食客例如芝麻, 辣芽菜和乾菜辣芽菜很入味 比拉麵更為辣但店內可能因為繁忙態度有點不奈煩但也是能理解的所以整體還好。

不太餓, 只叫了3樣小食, d 小食仲貴過成碗拉麵....麻醬青瓜, 賣相靚, 但份量好少, 味道ok, 是一道不會fail 的菜吞拿魚牛油果他他: 有幾包紫菜俾你包住食, 幾得意好玩。吞拿魚蓉唔算好肥美果d, 不過溝埋牛油果同類似salad 醬ge 野都ok la燒銀雪魚: 嫌咸左d,  不過新鮮熱辣

一兩年前我好鍾意食，成日會捧場，門口永遠超多人等位，冇食一段日子，突然諗起一風堂就去食啦，奇怪，晚餐時間竟然冇乜人，以為好彩，非常期待再品嚐，點知碗麵黎到覺得好似縮左水，食落發覺湯底唔同左，好似味精湯咁，仲有餃子，細粒到呢… 味道同賣相都離晒譜，食到咁上下開始非常口渴… 點解水準會差成咁？係咪出左名就要偷工減料？好對唔住我實在太失望，難怪少左咁多食客，我唔會再返去食啦。

和女友遊玩了一整天，晚上來到了尖沙咀晚飯，由於沒有預訂位置，只好四處走走。最後由於女友對拉麵的偏好，最終選擇了一風堂。不是第一次來到這一間有名的拉麵店，如果說香港近年出名的日式拉麵，相信頭幾位都走不甩豚王，一風堂，以及一蘭。但幾次的光臨，一風堂都未能給予我好的印象，這一次也是一樣。由於以往的經驗，今次我放棄了白丸，赤丸等招牌食物，而選擇了期間限定的番茄芝士拉麵，算是給予一個機會去改變我的印象吧。但這一次的機會，仍然未能為一風堂在我心中取回一些分數。番茄芝士拉麵由於是期間限定，因此麵的種類，硬度都是由廚師的安排，沒有選擇權利。拉麵上枱，侍應再交待了建議食法（其實以侍應的說話速度，根本沒有可能聽清楚），就開始用餐。以侍應的交待，整個麵可分為兩邊，左邊的煙肉配以番茄湯，右邊的豚肉配以辣味番茄湯。按照侍應交待，先品嘗番茄，再試豚肉，最後才混合品嚐。然而，煙肉過份的硬，豚肉口感一般，所謂的分湯味道，從上枱的一刻都已經混合了，基本上已經沒有分別。麵條硬度很差，就有如浸湯太久，沒有口感。整個麵唯一可取是炸芝士，表面乾身，中間溶化而且有連帶性，味道不錯。是日晚餐：35分