一風堂 (新港中心) (已結業)

今天跟朋友出尖沙咀，辦完私事，是時候要醫一醫肚，朋友帶我來到一風堂吃拉麵。這是我頭一次去一風堂，連鎖店式的拉麵店，我不敢寄予厚望，只求質素平均就好。今天胃口不是太好，所以只點了龍蝦豚骨拉麵。大約等了十分鐘左右，拉麵到了。賣相不錯，湯底亦很香濃。先試一下龍蝦肉，彈牙有鮮味。配料有玉子半隻，豚肉片亦不錯，再試一口拉麵，真的有點失望，拉麵太硬身，彈牙更加不用想，再吃多兩淡已經不想再繼續了。其實如果拉麵做得好一點，這碗拉麵加上這個價錢，絕對是抵食之選，可惜出名做拉麵的麵店卻在最需要講究的拉麵上失手，未免有點可惜。環境及服務其實都很不錯，位與位之間是有一點偏窄，但亦完全沒有影響活動，店裡店外亦非常乾淨。希望有機會再來的話，會吃到較好質素的拉麵，不要只專注在餐牌上的新菜式。

特別拉麵版本，配料沒有叉燒，有龍蝦尾，大小和龍蝦殼相若。半只半熟蛋一般，其他配料有菠菜、蔥，少量櫻花蝦乾調味，加兩件炸鮮蝦雲吞，雖然浸左小小湯，但皮仲脆，湯是黃色的，帶有少許蝦香，但不算強烈。蝦肉肉質一般，未至於太梅，爽口亦未滿。大致上份量都ok，夠吃。

週六嘅中午接近兩點都比較多人，仍然要等位，好彩係兩個人，等咗10分鐘左右就入得，點咗一個鰻魚石鍋飯，6只一口餃子，一份牛油果鮮蝦山葵沙律，同限定嘅龍蝦拉麵。石鍋飯味道偏淡之外，鰻魚都算唔錯，一口餃子都可以，但表面同其他煎餃唔同，唔係好脆，食落口餡料汁都有鎖住，沙律味道唔錯，但山葵味道較重，拉麵湯頭味道唔錯，龍蝦肉都鮮甜，整體尚算過得去。

創立於1985年的一風堂，原本在日本只一家有10多個吧檯座位的小店，如今卻是享譽國際，多年來雄據人氣拉麵店榜首，成為全日本最受歡迎的拉麵店之一。記得曾在日本九州博多旅遊時，以朝聖心態誤打誤撞品嚐過其九州豚骨拉麵，沒想到就再也忘不了它的好味道。幸好，一風堂分店滿天下，趁今天中午有空，小弟便與大學同學一起回味這種感覺。雖然我們倆於十二時半前已經到達一風堂，可是店子真的魅力非凡，除了本地食客外，還有大量操普通話的旅客已再店外排隊。好不容易才輪侯到一張桌子，由於工作的午餐時間有限，我們亦匆匆點菜了。先來了一客特製黑：拉麵的賣相很好，有大片的海苔、份量頗多的蔥、木耳和荀，當然還有最讓人期待的叉燒片和豚角吧！光是賣相便令人唾唌欲滴。首先在拉麵裡灑下店子提供的日本芝麻，為拉麵加多一層搶口的香味。接著到渴湯了，未喝前已可聞到其香濃的鮮味，想必用上大量豬骨及配料精華熬成啊！淺嚐熱騰騰的湯頭，非常鮮甜，濃醇香美，每一口皆是豬骨的精華，喝起來鹹度也適宜。黑蒜和黑芝麻醬大大減低了湯頭一般予人的油膩感，令氣味豐富許多，更帶給味蕾不同的層次感受。拉麵的麵身不差於日本的熱店，食客亦可以選擇不同的軟硬度。麵身除了無鹼

得知一風堂推出全新龍蝦豚骨拉麵，便很想跟蝦子餅去試試看。此次推廣以幪面超人為主題，菜牌和店內裝飾都可以找到幪面超人的蹤影，喜歡幪面超人的朋友不要錯過。蝦子餅很愛吃這裡的芽菜，我因為怕辣所以只能吃少許。我很愛喝一風堂的茶，記得上次來的時候問過那是甚麼茶，但卻忘了答案。這晚的配角餃子。主角龍蝦豚骨拉麵來了，賣相不錯，原隻龍蝦彈牙味鮮，配料還有鮮蝦雲吞和半熟蛋，湯底香濃，叫人忍不住多喝幾口。隨龍蝦豚骨拉麵附上幪面超人筷子套，可以依照指示摺一隻龍蝦，可惜我一點摺紙天份都沒有，摺不到呢。龍蝦豚骨拉麵的供應期至9月30日，可能會再吃！

在尖沙咀參加講座, 順道在這邊吃午餐。夏日炎炎, 選擇了坐得比較舒適的一風堂。特製白丸元味拉麵$88, 湯底順滑不算太濃, 麵條爽口維持水準。紫菜、木耳、义燒、荀、味蛋得配料甚多; 其中以日本醬油涵得入味的豚角最為出色, 肥瘦相間, 入口即溶, 雖則極盡邪惡之能事, 也令人禁不住一口一口地送進肚子裡!這碗拉麵有一般拉麵少見的餸料: 雲吞是也。店員說是日式雲吞, 但這兩顆雲吞不論外觀、食味、口感均與一般的廣東雲吞無異, 雲吞不是難吃, 不過覺得不怎麼有特色而已。加$18的和風沙律正好為炎炎夏日帶來一股清新。油醋汁酸甜度調校恰到好處, 清香醒胃, 直接提升沙律菜的鮮爽度, 更能大大減低拉麵的油膩感!是日紫菜炸墨魚售罄, 小人改吃迷你餃子$40。餃子一客六只, 的的骰骰, 正好一口一個; 惟其上的薑茸太辣了, 小人需撥開所有薑才能入口。碟子的設計亦頗有心思, 倒餃子汁的位置每次剛好夠位放入一隻餃子蘸汁, 很是別緻。跟餐還有飲品, 總計$160.6。此外, 這兒的服務很好, 店員有問必答, 而且很有禮貌, 值得一讚。

以前啲人話一風堂好食, 我都未食過, 而家多咗人話佢冇以前咁好, 我反而唻試吓~ 點了個黑油麵, 一層黑蒜油, 睇落去好似有點濟, 但聞落去就好香, 湯底偏濃但我喜歡 豬片只得兩塊, 唔係圓碌碌一層脂肪一層肉嗰啲, 但都唔會有鞋口的感覺 麵質就有啲漿口, 呢樣唔係咁好食 ! 餃子用鐵板上, 保持住餃子既熱力, 來貨可能係現成的, 味道都好大路

收工後同朋友嚟到尖沙咀，大家一心想食拉麵，就嚟到一風堂。安排左去一字型長枱座位，雖然偏窄，但椅下有個籃可以放袋。點咗個特製一風堂辣肉味噌，麵底揀咗硬身，所以咬落有D硬硬地，最值得讚係完成無鹼水味，最鐘意係隻糖心蛋，簡直可以話係精華，中間個心半生熟，好好味。湯底選咗小辣，辣度都OK辣，好惹味，而入面舊豬腩肉就肥咗D，食完好膩。枱上亦有幾款配料，其中芽菜幾好食，帶點辣辣地，又爽口。

一風堂拉麵就一向都中意食, 久不久就會想試返次~ 星期日既晚上, 咁啱又行開尖咀, 所以就決定食個拉麵.其實好多中詫食拉麵既朋友都知, 其實拉麵最主要係分兩種. 而直又幼細既拉麵, 並吾係間間有. 而本人卻中情於這款~所以一風堂就更加係不二之算~ 我最中次食佢地既特製赤丸拉麵. 多料果款! 麵身我會擇硬身, 不想食到中途會變林~ 因這個拉麵本身係有些辛辣醬, 所以我千叮萬足, 說我一點辣也不可以, 因會敏感. 到上菜時, 辛辣醬沒有放而,店員還很細心把, 有輕微辣味的木耳放到另一個碗裡. 個麵並沒有失水準, 蒜味充足, 豬骨湯夠濃, 最欣賞果一件肥美既豬肉. 一層一層肥膏, 真的是不得了~ 都要試下佢D新野, 做前菜開胃一下. 可惜佢同拉麵是一齊上, 所以又要趕住食拉麵, 又要趕住食沙律. 個沙律件豆腐都滑既, 不過, 蟹肉比較小. 海帶味略淡. 中意比較淡味既朋友可能會比較識合. 味道比較清~總結來說, 始終保持住手本名菜既水準. 希望下次再泥, 可以試到其他新的配菜.

咁話說我自己都幾中意食拉麵既 不過香港地黎講真係冇乜幾間係唔伏既 一風堂個名之前聽過都幾響 咁咪去食下囉，店面睇落就幾乾淨既 但係個拉麵食一啖已經覺得: 瀨野啦!! 個湯底好濃，濃到有D咸 搞到愈食愈口乾 但係D麵既口感幾彈牙，而且服務態度都幾好 咁就加返Ｄ分比佢啦～

唔吃唔知一吃先知、一風堂真係同味千有得揮...一樣咁難吃......叉燒鹹鹹鹹鹹鹹鹹鹹鹹鹹果粒神奇噶..雞丸（？）好似紙巾濕水整成球咁....麵口感渣渣好似吃草...但服務態度、都算幾好。（但下次真係唔好再亂介紹人吃d咁噶野😓😓😓......）第一次食評獻比一風堂呢碗野😠.........最後講句.....真係好難吃啊😞。

由於就近本人工作的地方，尖沙咀一風堂是本人常到的店舖，坦白說，作為香港本舖，尖沙咀一風堂比起一蘭更不濟，當年的排長龍景況已消失得無影無踪，就算是繁忙時間，不過依然不乏支持者，全靠多變化的菜單，每兩三個月主打特色拉麵便會轉換，另外亦有多元化的副食提供，飯品間中亦有提供。今期主打是黑咖哩拉麵，咖哩，墨魚汁和豚骨湯混和，噱頭是有的，辣度亦適中，味亦是夠濃，但是由於咖哩太濃，豚骨湯變得可有可無，加上食拉麵都知道，墨汁是最令人煩厭的是太易弄污口唇及衣服，加上墨汁不會令咖哩更美味，而賣相亦不太討好，我心想墨汁是多餘的。麵條較為特別，切面呈長方形的細板麵，沾麵力不俗，麵質爽口，但配上黑咖哩汁後感覺不到麵條的優點。餐牌上建議這款麵食和迷你薯仔飯同吃，讓白飯沾上咖哩汁，創意是好，但是那小碗白飯飯量太少加上黑咖哩太霸道，兩顆薯仔粒屬點題之作，没有太大作用，純是增加一風堂利潤的玩意。一風堂若果能專注麵食會更好，提供太多炸物、串燒、沙律、甜品、飯品或副食如吞拿魚他他，那不是什麼創新改革的麵店。最後，一風堂的麥茶是好喝的。

我是台灣人，和媽媽來香港自助旅遊，逛街經過這家日本料理店"一風堂"，人很多呢！店面也感覺蠻乾淨的，服務生態度和上菜速度都還ok~就是菜色都偏鹹，尤其是我點的拉麵"一風堂辣肉味噌"🍜非常的重口味啊！嗯也或許是道地的日本拉麵就是如此😅只是我本身是感覺不太喜歡啦…😂然後比較推的是它們的"巧克力蛋糕"，有點cheese的味道在裡面，吃起來綿密有口感👍

估唔到佢而家都仲要等咁耐..但無辦法,聖誕節周圍都人多, 唯有揀間想試好耐但次次都食唔到o既地方食下拉麵坐吧位等開餐男友揀左個季節限定,味道唔錯呀!我就比較好辣,一定要揀個辣o既拉麵食,好味道再叫多個小食, 佢呢個汁超好味...如果有碗飯就perfect!等無咁多人排隊,會再黎食!

由於過咗中午時間,去到唔使等位,各自點咗個拉麵,湯底味道好濃,拉麵口感幾好,整體味道唔錯,配料嘅雞蛋半生熟,咬落口口感幾好,店鋪衛生及服務都OK,裝修都幾靚~~