一盛極牛 (已結業)

平時食日式拉麵，通常八九成都會用豚骨湯做湯底，也見過用白雞湯的，甚少見有牛骨湯做湯底的。但既然越式湯河的牛骨湯底可以造得如此濃甜，斷估用牛骨湯做拉麵湯底應該不會太差。而一盛極牛就是主打牛骨湯底拉麵的，見未試過，一於試下。＊＊＊＊＊＊＊＊＊＊＊＊一盛極牛以拉麵店來說店面都算大，座位都不會太迫。每張桌上都有調味料和點菜紙。點菜紙有兩款，分別是極牛拉麵和白牛拉麵，兩者同樣是牛骨湯底，分別是後者加了白松露。白牛拉麵($158)白牛拉麵可選配火灸和牛或和牛刺身，兩款牛價錢相同，都是按份量收費，一份$118，兩份$158，三份$198，另外每款配菜都可以選擇份量。我選了兩份火灸和牛，和牛鋪滿大半碗面，份量都幾多。湯內一點點白色的就是白松露，白松露味道頗濃烈，牛骨湯底濃甜，但湯底如果再濃稠一點更好。麵質我選了普通，拉麵不會過腍，麵量亦比平時的拉麵店多，起碼食完一碗，不用再加麵都一定夠飽。糖心蛋生熟篤度剛剛好，蛋黃還呈啫哩狀。火灸和牛不會太薄，嫩滑得來帶點彈口，正！！配菜有芽菜、黑木耳絲、筍、紫洋蔥蔥和紅椒絲，除了紫洋蔥我不吃所以不選外，全部我都點了雙份。可爾必思($18)可爾必思是一種日本乳酸飲料，

係OpenRice見到呢間拉麵店有成100個笑樣，諗住都試得過啦，有日行開經過見到唔算好多人排隊，就去試吓啦！排左15分鐘到就入咗去坐啦，第一次嚟梗係試碗最正路嘅極牛拉麵啦，點知竟然換來一次失望嘅體驗。碗面嘅牛肉有一半叫咗刺身；有一半火炙，點知兩款都唔係好出色，火炙嘅尚算有些少油香，但咬落都有啲韌，刺身嘅更加咬唔開咁，好似啱啱喺雪櫃攞出黎，我唔知究竟係佢太好賣解唔切凍，定係根本諗住凍冰冰咁serve俾啲客呢？張枱寫住係用咗熊本縣嘅和王牛大腿上肉，雖然我冇諗住質疑佢係咪真係用和牛，但係會唔會諗下用大腿上肉呢個部位唔係咁適合呢？跟住到個湯底，雖然我都知佢係牛骨醬油湯，但係真係食唔到好多牛味，可能係我期望過高啦，好似平時啲豬骨醬油湯都濃過佢。至於麵質呢，更加唔係好想再提，見到枱面有張寫住南天製麵，上網搵吓發覺原來係香港製造嘅，我並唔係想歧視香港製造嘅嘢食，但係佢呢個所謂盡量模仿日本質素嘅拉麵，係一啲日本嘅水準都冇，鹼水味太重啦，我真係接受唔到。試完呢次真係冇乜意欲試第二次...希望餐廳未來會盡量改善。

今日溫完書決定食d好野慰勞下自己一於黎試下呢間幾出名既一盛極牛要左極牛 配 和牛刺身同火炙牛肉一黎先試下個湯底先係好清既牛骨湯 熬煮左二十小時但無多餘既油分 飲落完全唔會覺得油膩再黎要食左和牛刺身先牛味好濃郁 感覺入口即溶火炙牛又有另一番滋味 但牛同樣好嫩無燒得全熟拉麵係曲麵 煙韌度非常好我叫左普通軟硬度 恰到好處店介紹係用日本既原材料同埋軟水整既跟足日本 務求係香港都可以食到日本既味道溏心蛋好流心有好香既蛋味 熟度亦都岩岩好另外店都好貼心佢d配料例如木耳絲芽菜紫菜係可以自己選無/ 一份/兩份鍾意食芽菜既我梗係要兩份啦係值得推介既拉麵店

呢間餐廳呢,要6點後先開, 仲會好多人,入面主要係選湯底, 白牛拉麵,主要係牛骨湯+白松露我選晒濃既, 但係白松露過濃我反而覺得有小小阻住左個湯既味道建議一開始試既時候唔好選濃我選既麵係硬, 因為我中意偏硬既麵, 但呢到選擇其實唔係硬係超硬, 所以我選既時候都有小小懷疑 , 但黎到之後D麵的確比普通硬更硬,連我中意食硬既人都覺得有小小過硬, 所以麵身到第一次食我推薦選普通先會好D湯底有好濃既牛骨味, 我覺得淡淡甜甜咁既, 幾好飲, 和牛D肉十分彈牙, 基本上係主打既位,麵既份量為正常, 基本上都夠食, 可以唔加底都得.野飲我選左乳酸飲品, 份量比較大杯, 抵飲既!環境其實佈置都相當不錯, 坐位舒服夠大張.

今晚收工後趕住過海去演藝睇表演，就喺尖沙咀揾間就腳既拉麵店食下，以和牛主打既拉麵店喺香港還是第一次見，一直吸引我去，今晚終於有機會去！6 點幾去到，都已經坐滿了大半坐位，坐位大約有30左右，佈置滿有日本特色，其實入到餐廳既第一印像係一陣強烈既牛味，比一般賣清湯牛腩既麵店還要濃郁！呢陣味已令人食指大動！餐廳賣既拉麵只能用 '精' 嚟形容，因為全餐廳只有兩款麵選擇，分別係原味既極牛拉麵同加入白松露既白牛拉麵！我被安排坐在近廚師檯既位置，可以睇到，聞到師傅燒和牛既過程，也聞到陣陣燒和牛散出來的牛肉香味製作需時，我order既極牛拉麵等左一陣就嚟到！ 色香味俱全既作品！ 賣相吸引，牛味濃郁，味道稍後再詳述！我order 左刺身同火炙牛，店員非常細心，提我先食和牛刺身，因為其他味道會蓋過刺身既鮮甜味，刺身嫩，牛味香，也十分鮮甜，可以徹底品嚐到牛肉原始既鮮味！至於火炙牛就完全是另一種味道！ 有陣陣焦香，陣陣牛油脂肪既香味，呢陣香味同黏黏既口感，成晚都停留在口中！薄切和牛做到入口即溶既效果，肉汁豐富，同刺身比起上嚟相對重口味！麵都幾煙韌彈牙，份量都足夠！因為牛骨湯太甜美，就算食飽既我，都忍唔住要加個

My wife had dinner appointment with her friends tonight, thus i decided to have dinner after my soccer session. After it had ended, i walked to 一盛極牛 to have ramen. I have heard of this ramen shop before and long wanted to try it. It was located at Kimberley Road, along that stretch of Korean stalls. Their menu is simple and clear, offering 2 types of soup base and two types of beef. Besides that, we can top up and have drinks as well. Soft drink - It was gassy and refreshing, sweet as well. This

門面可以看到餐廳主打牛骨湯拉麵，更配以熊本縣「和王」品種的日本和牛，連拉麵亦用上「南天製麵」的真空雞卵麵。一入門已經有熱情店員安排入座，還介紹餐廳今日有三款拉麵，分別白牛拉麵、極牛拉麵及拌麵。 我揀左白牛拉麵，特別在加入了白松露，而和牛可選刺身或火炙，前者食其鮮味，後者可嚐到牛的香味。最後我揀火炙和牛，加杯可爾必思。等待拉麵時，留意到餐廳都有大量日式海報，幾有日本feel，再睇埋介紹，原來拉麵用到的和牛及麵都係特別搜尋優質食材，可見廚師用心製作。白牛拉麵$118，一份和牛約有四片，顏色粉紅閃閃發光，好吸引，而且有陣陣白松露香，與牛骨湯的香及溶化牛脂的香味融合，非常香，係牛腩麵檔香味既昇華版。往常我都先飲啖湯，但今日見到牛肉明顯的纖維同質感，忍唔住先食塊和牛，超級有口感，原來餐廳用牛上腿肉，未用牙咬，放到唇邊已感受到其彈性同粉嫩感，輕輕咬下，牛肉鮮味同甜味都爆發，加上牛肉味濃郁，真係好好食。再飲啖牛骨湯，濃厚的牛骨味，而且味道好深層，重點是微微店味，只有少少咸味來特顯牛骨湯真正原味，加上無油脂，所以飲落好舒服。由南天製麵的日本材料製成，連水也講究到用軟水，令麵條更加爽彈好咬。拉麵仲掛滿湯

Seems yum when i saw it on magazines and Facebook, decided to find a weekday to go(it only open from 6pm to 2am).I was expected to waste some time on queuing ,but there is no queue when i arrived, only half-full. Then I directly entered into the store and order a ramen with wagyu sashimi.The egg and wagyu were nice, but the latter one is way too thin. Not really full after eating whole ramen(as a normal girl). The soup is too light(i chose “medium”). A bit expensive for me coz $148 have much mor

位於尖沙咀的一盛極牛，地理位置不算太偏僻，但都仍需要走一段小路先到黎到一盛極牛門口，唔洗周圍望已經見到好大既舖頭名，由於我地6點半左右就到左，所以唔洗排隊，但食完之後已經有好多人係門口排隊啦～不過之前食過牛肉拉麵，果次既經驗唔算太好，所以原本好喜愛食拉麵既我對於呢次好期待但又有Ｄ驚中伏餐廳整體用80s、90s年代既Poster掛住牆身做佈置用實木色同綠色做枱凳，整體感覺好親切同懷舊餐牌我嗌左個火炙和牛極牛拉麵（兩份牛）$148牛骨湯底最大唔同係湯底比豬骨/魚介濃味，而牛骨味都十分濃郁牛肉用既係A4以上頂級和牛，原本牛肉已十分嫩滑，經火炙後，有油脂既配搭，有種入口極溶既感覺，拉麵用日本製造彈牙麵條，彈身而且有咬口，個人十分喜歡硬身既麵麵條係曲狀既，比較易勾起牛骨湯，所以麵條都好有味道最特別既係，呢間拉麵既配料仲有唔常見既紫洋蔥同紅椒絲添！整體黎講十分驚喜，特別係和牛既口感同湯底，令到我我唔記我左牛肉拉麵既伏啦～

近排聽好多朋友介紹一間位於尖沙咀嘅特色拉麵，聽聞係主打牛骨湯嘅和牛拉麵！今日終於有機會去食😍。鋪頭嘅裝修風格很有特色，牆上掛滿很多不同日本文化的海報，亦有提供吧枱適合一個人食的朋友。我叫嘅係白牛拉麵，佢嘅湯底係白松露湯底，一送上來嘅時候已經聞到超級濃嘅松露味。另外，和牛亦都有得選擇刺身或者灸燒～我就揀咗灸燒嘅和牛，和牛熟嘅程度控制得啱啱好，燒得非常之香，有入口即溶嘅感覺！！拉麵用嘅麵亦食得出係貴價貨，一定唔會有平價拉麵嗰種鹼水味道，而且麵嘅軟硬度適中，岩哂我口味😋。一碗拉麵嘅主角一定係湯底，而佢哋呢度主打嘅白松露牛骨湯就真係一流，個湯濃得來唔會太膩，食完都忍唔住飲晒成碗湯。整體來講，個人覺得依間餐廳性價比非常之高，質素絕對對得住佢嘅價位。希望下次有機會可以試埋佢嘅其他小食，期待下次再去！

傳統拉麵既湯頭多數都系以豬骨、雞骨、鰹魚精心熬製，以牛為主角真系聞所未聞，開系公司附近，一放工迫不急待去食，大大個招牌竟然睇吾到。裡面既裝潢有別於傳統日式拉麵店，舒適時尚，牆上掛著日劇既海報。和牛刺身二分一盛拉麵 $148牛肉可以選擇刺身或者火炙，今次叫左刺身牛肉，粉紅嫩肉，口感柔和，牛味突出。新鮮牛骨同牛脂熬湯，味道有天然的牛香，湯感不薄不晞，恰到好處，牛味香濃。普通醬油程度既湯底先品嚐到牛骨湯清純既味道。真空雞卵麵屬於幼身細麵，口感亦更爽滑彈牙有嚼勁。自己系屋企試過整溏心蛋，控制煮蛋既時間長度同火候真系吾容易，所以系最考驗拉麵師傅手藝。溏心蛋半生熟剛好，蛋清全熟，蛋黃呈琥珀蜜蠟狀，而且入味！配菜多元化又可以選擇份量，有芽菜、黑木耳、紫洋蔥、蔥、紫菜同埋紅椒絲，食落脆嫩清甜。紅椒絲最新穎，食落微微地麻辣，好過癮！

呢間拉麵店只係適合鍾意食牛嘅朋友，因為無論佢嘅湯底以及係配料都只係用油去配搭。今日試咗佢嘅白牛，試到佢好濃嘅白松露味道，擺喺湯底裏邊，真係一粒粒嘅松露！非常濃郁。牛可以揀刺身或者火炙，我哋兩個都想食比較熟嘅牛，所以揀咗後者。見到裏面嘅廚師真係用火槍燒過先拎出黎，有好香嘅肉味！枱頭仲放咗唔同嘅配料好似蒜片、麻油同埋七味粉等。將蒜片加入去牛肉裏面一齊食，更有牛骨風味。另外我哋仲叫咗嘢飲，佢呢度嘅嘢飲種類都算多，有波子汽水同埋可爾必思，亦即是乳酸嘅意思。波子汽水好有童年風味，到今日先發現，原來唔擺粒波子入去，汽水係會變得無氣。

朋友知道嚟到呢度開咗間牛骨湯拉麵，一直未有機會去試，其實佢嘅地理位置唔錯，喺諾士佛台行落嚟一望就見到。呢度有兩款拉麵我揀咗極牛拉麵，可能就係有好多牛嘅意思，裏面嘅牛真係多不勝數！不下10塊，裏面可以落嘅配料有好多，職員提醒我配料都唔好落多過四款，如果唔係湯底就會變凍唔夠熱，真係好細心，最後我揀咗比較少食嘅紫洋蔥、黑木耳同紅椒絲。仲有個留心蛋，中間嘅蛋黃仲有起沙嘅感覺！唔使5分鐘就有得食！碗麵好大碗，麵嘅質感同平時嘅拉麵唔同，而且湯底好清，有牛肉浸出嚟嘅味道，真係好不錯。結帳嘅時候碗拉麵都唔使$120，真材實料好。

身為拉麵達人，我不會錯過任何拉麵店，今日呢間非常特別，以牛骨湯作賣點，令我非常期待！店內環境寬敞，走日式簡約格調，牆上貼左不少日本電影海報。以下就係我揀嘅嘢。店員好體貼，溫馨提示：如果揀咁多款配料，湯底嘅温度難免會冇咁熱。結果正如佢所講，拉麵上桌嘅時候湯底並唔算熱，加上相機食先，冷氣又大，湯底只算暖。所以真心建議各位，配料只揀幾款想食的就好（個人推薦荀、紫洋蔥、黑木耳絲）。整體黎講，牛骨湯底真係散發住香濃嘅牛味，好濃郁！牛肉更係上乘靚貨，一食就知，名符其實齒頰留香，回味無窮！溏心蛋好入味。飲番罐zero，我已經飽到唔識郁，下次黎試埋另一款口味先！

係ig見到唔少朋友post「一盛極牛」嘅拉麵相，正評居多，搞到我都心癢癢，今日放工後就來尖沙咀試吓！拉麵店位於天文臺道，行上斜路就係右手邊。湯底只有兩款：極牛拉麵、白牛拉麵。極牛係原味，白牛係白松露味。白松露湯底比較少有，所以就決定一試。自己寫紙，可以按個人喜好選擇湯底嘅濃度、麵質軟硬度，以及各式配料。牛肉分「和牛刺身」、「火灸和牛」兩款，怕自己食唔慣生牛肉，都係點火灸穩陣d。上桌時才發現原來湯底唔係白色的，哈哈😄淺嚐一口，滲出濃郁的松露香，好食！拉麵都令人好驚喜，影完一輪相，依然爽口彈牙，而且好重蛋味！原來佢地採用「真空雞卵麵」，麵粉、鹼水、蛋粉全部係日本貨，難怪水準咁高！和牛絕對係碗麵的精髓所在，採用日本熊本縣頂級品種「和王」的大腿上肉，肉質細緻，簡直係味蕾的一大享受！桌上有炸蒜、七味粉、芝麻、胡麻油，自由取用。飲品揀咗烏龍茶。價錢雖然唔算平，但一分錢 一分貨，偶一為之都好應該嘅😁