一番風味 (已結業)

日前在灣仔呢間「一番風味」晚膳。門面看似有點細，但原來內有乾坤，入到去都坐得舒服乾淨。朋友對食蟹麻麻地，所以沒叫這裏的招牌菜蟹粥，但叫幾個小菜都合格，價錢在灣仔區來說也不算貴。這次叫的菜中，最貴是呢味古法蒸龍䠢球，肉幾鮮，加點雲耳，勝在啖啖肉也，啱晒我那位吃魚不懂吐骨的朋友。跟著來過銀稔碌鵝，沒有想像中咁好，但勝在個汁幾下飯。 海鮮豆腐煲，不算特別，但四平八穩、合格有餘既。最後叫兩件孜然羊架同薑汁炒芥蘭，一般，但也吃晒。始終還是隔離枱的蟹粥吸引，看來下次還是同吃蟹的朋友才再來吧。只計小菜，還只是OK但未到好好味的程度。

肚餓極了，終於等到食晏時段，極速地找間飯店醫肚。公司附近有間食小菜的飯店不錯。雖然不是連鎖大集團，品質不遜於大酒樓噢！由於太肚餓，今日要有飯氣落肚先安心。點了豆豉涼瓜排骨配菜飯，即叫即炒鑊氣夠，熱辣辣基乎熨嘴。一片片涼瓜好爽甜，炒得不會過腍，有嚼口。排骨沒太多肥膏，滲入了豆豉的香，可惜芡汁略為鹹了點。菜飯中規中矩，沒有那份油香，反而覺得健康一點。以數十元價錢作為標準，水準和品質都達到要求，可入我的午餐排行榜上了。

第一次去一番風味，是行過灣仔道抱著試一試的心態，卻有意外驚喜。 餐廳的裝潢很普通，太灰暗，但侍應非常友善，好好笑容。進食心情都會好啲。食物更是非常不錯。豬扒 番茄湯米線係我食過最好味的。 番茄湯鮮甜，真材實料，明不是罐頭湯。豬扒煎得啱啱好，鮮美多汁。咸雞很美味， 大家都喜歡。避風塘炒蟹也好味，但太熱氣油膩，不能經常食。 見到隔里檯有人吃蟹粥好似好好味， 下次可以試一下。其他的炒河粉，麵，飯，都有八十分以上水準，而且分量十足。我們昨天又想去一番風味，但排長隊（觀眾的眼睛是雪亮的）。  唯有去試對面的餐廳-“原汁原味”，但就遇上俾搵笨的激氣經歷，嘗試總有風險吧。總之係我近年揾到的抵食又好食餐廳之一。

周圍食既我,終於肯開反過openrice account 同大家分享下!!!今次要介紹既係灣仔既一間蟹粥🦀作為彭氏家族既團年飯👨‍👩‍👧‍👦之於點解揀依間係因為我家💃🏻彭太最愛食蟹,果然都冇令我地失望既....我地一共4人,叫左一盅湯+蟶子+扇貝+炸牛腩+麻辣手撕雞+蟹粥!!! 當日我最欣賞係湯,作為湯王既我,無論中式西式既湯我都五會錯過!!而當日例湯係更是我最愛既粉葛湯零味精 超足料 讚丫之於蟹粥就不過不失,料足 不過味道就差咁d,五係好鮮甜不過總好過加味精由於當日彭生彭太同露哥不斷催促我 所以影五到好多相

我們倆口子有時假日不想煮飯便落街食。以中菜來說，「一番風味」都算是區內不錯的中菜館。肥妹最愛吃蟹粥，每次到澳門都會點吃水蟹粥。所以每次來到「一番風味」，蟹粥都是我們的必點菜。除了蟹粥，我們還會叫一兩碟小炒呢！蟹粥可選膏蟹或花蟹，因為我們喜歡吃蟹膏，所以就挑選了膏蟹粥。🦀膏蟹粥（$328）蟹粥原個砂窩上，很有份量！我倆口子每人吃了3、4碗都吃不完，肚子都要撐破。🙊🙈粥被橙黃色的蟹膏染成金黃色，口感軟綿，可惜今次略嫌蟹的鮮味不足。😕從蟹蓋看得出蟹膏豐腴，是名符其實的膏蟹啊！都算加返d分數。原隻膏蟹斬件蟹肉也不少，軟嫩有彈性。薑蔥炒桶蠔（$128）一客炒桶蠔有5，6隻，份量都算合理。桶蠔大大隻，肥美多汁，煎炸炆煮完都不太乾身，又能保持其鮮味，用薑蔥炒又有鑊氣，入口惹味呢！👍🏻日式鵝肝炒牛柳粒（$88）脆炸鵝肝粒表面香脆，裡面保留了鵝肝細嫩軟滑的口感，😋牛柳粒牛味突出，肉質彈牙有嚼勁，和香甜爽脆的彩椒一起炒，令菜式色彩繽紛，賞心悦目之餘，更添口感呢！☺️整體來說，「一番風味」食物水準確實不錯，蟹粥足料，小炒有鑊氣，價格都算合理。如果要用膏蟹粥和澳門的水蟹粥相比，確實不比澳門的鮮甜，但「一番風味」

朋友說這間的蟹粥好吃, 便特意來試!招牌膏蟹粥 $328一鍋膏蟹粥足夠四人的份量，我們兩人吃光，飽到不得了！蟹肉份量不少，金黃色的蟹粥綿滑，蟹味不算濃郁，但味道剛好(相信已加調味) ，值得一讚是蟹肉非常鮮甜！鍋的耐暖度使粥保持熱騰騰，邊吃蟹邊吃粥也不會放涼，而且提供蟹鉗，方便食客吃盡每一處的蟹肉，每枱亦準備了濕紙巾，非常貼心。小炒約 $60-$80，選擇不少，這次點了小瓜野菌炒爽肉，雖偏油但味道不錯，在灣仔區有如此的店，讓人有再試的衝動。✏美味指數 7.5/10✏ 推薦度 7.5/10

招牌蟹粥🦀 $328 呢個招牌蟹粥果然名副其實😎入面真係有原隻蟹 蟹蓋都有好多蟹膏😍而個蟹腳蟹鉗都都幾多肉🤗個粥嘅味道好重蟹味 好惹味😆佢又唔會煲到啲粥爛哂 保持到個口感😝食完無口渴 證明無咩味精啦👍🏼😚呢到仲有其他唔同款式嘅海鮮🐟🦀舖面都坐得幾寬鬆 又有好多部電視😂而且仲有圓枱 岩哂成班朋友黎聚下😇叫番幾碟海鮮同小菜😘

估唔到灣仔都有"隱世"(曲)餐廳，就係蟹粥！d人成日話要去澳門食先夠正，我就無專登去咁遠食啦，比我發現灣仔都有間食囉！格局一d都唔老土，係少少懷舊feel鮑魚！唔知係咪九孔呢，數到好似唔止九個孔囉個shell.果皮味無乜，食落唔腥。果皮蒸鮮鮑打橫切開，幾厚！係鮮飽，咬落彈牙又有鮮味！蒜蓉炒時蔬唐生菜，油水足，出街食飯通常都好少有菜食~4人食，份量啱啱好銀稔碌鵝,肉質幾滑，少少酥，醬汁幾濃味但唔會搶咗肉嘅味道。小菜全部都份量適中，等陣仲有主角:蟹粥！！！不得了！成隻蟹開好，放入粥度煲！成煲都黃晒！~蟹黃煲晒出黎!~蟹蓋仲痴住好多蟹膏！！！一大煲粥，洋溢住蟹嘅鮮味，啖啖都係蟹嘅精華！蟹肉都好多你睇下幾大隻蟹！XD

約左移民外國的舊同事食飯，她說今次回港很想食廣東菜，所以我帶她到酒店附近的一番風味，之前我和家人食過，味道吾錯！薑蔥炒桶蠔是用美國的桶蠔，蠔很大隻，用薑、蔥炒，再同煲仔上枱，味道鮮美古法扣黑草羊廚師用自家製醬料煑，羊肉炆得又林又入味，加入枝竹和冬菇一起炆，更惹味銀稔碌鵝呢味菜式而家好少食店有，廚師用銀稔及特製的醬料煑，鵝肉又滑又吾會靱，味道超正招牌羔蟹粥用羔蟹煑粥都食過唔少，但呢間話明係招牌菜，一定要叫返煲試下，睇到d蟹粥是黃色已知裏面不少蟹羔，而且重有成隻蟹在粥裏，聞到好香，食落鮮甜，真的色香味俱全！這是我必食推介

招牌蟹粥 ($328)凍凍地食個粥簡真係一流，暖笠笠。蟹粥成煲金黃色，睇落好吸引。入面真係成隻蟹，蟹肉都唔少；橙黃色蟹黃仲成個粥底都係。粥底好綿滑，蟹既鮮味好香口。大大鍋，份量夠四人share架。

每次與家人聚餐，例必要選中餐，因為年長的還是最喜愛中菜。還好，在灣仔的小菜有不少選擇。今次在灣仔道看見這新餐廳，應該只得幾個月，見入面很多人，餐牌也不錯，就進去坐下。還好我們找到位子了。我們一行四人，其中一個是表妹的男友，還未是家人，嘻！我還是第一次和他食飯。看看餐牌：很搶眼的像是咖哩蟹，原來是蟹粥，這個顏色真是第一次見，便叫來試試。 魚是媽媽的至愛，也點了這個龍躉球。發現原來有個4人餐的，這兩樣都有，真好，於是索性點四人餐了。有鮑魚，桶蠔，應該夠食的了。首先來的小食是手撕雞，有少許麻辣味，很香口開胃。跟著來了個花生，都很淋很入味，原來是用話梅弄的。少許甜甜酸酸的。主菜來了：卜月大大煲，又多肉，又多膏。真是很難忘的膏蟹粥，鮮甜入味，似煲了很耐。跟著的銀稔碌鵝對我來說比較新鮮，究竟什麼是銀稔？我們這一代真是不會識的。媽媽說是銀稔醬！哦！甜甜的入口即溶，肉汁鮮美，是很好吃的鵝肉。接著是果皮蒸鮮鮑，現在很少食肆會用果皮蒸，通常用蒜蓉，但用果皮蒸鮑魚才真正能將鮮味带出來，也一定要食材新鮮才能做出來。很可口！這個XO醬白玉蒸龍躉球很鮮味，可惜只得8片，可能太好味，有點不夠。接著薑蔥炒桶蠔，我最愛

灣仔有咩中等價位既中餐好食，俾我搵到呢間! $828/4位，但又有鮑魚，鵝，蟹，蠔，又有龍躉，簡直係豪華餐，呢個價真係抵!!招牌膏蟹粥成個粥都係金黃色的，滿滿既蟹膏，食落好香甜，份量都唔少，裝到10碗左右。另外仲有隻size頗大既膏蟹，蟹蓋仲有勁多鯨實既蟹膏，好甘香! 由於蟹既size都大，蟹肉份量都非常多! 肉質鮮鮮甜實淨，諗起又流口水啦。香辣鴨舌鴨舌的分量相當多，味道香香辣辣，但麻油味甚香，而鴨舌本身由滷水醃過，食落肉質爽口且帶咸香。銀稔碌鵝非常出色的一道菜，鵝肉非常嫩滑入味，個汁甜甜地好惹味，值得推介!XO醬白玉蒸龍躉球龍躉肉好鮮又嫩，加上XO醬，既簡單，又美味。果皮蒸鮮鮑果皮味好香, 配上鮮嫩鮑魚，好食。

今日同阿媽去完灣仔區買嘢，順便去附近搵食開餐，這店我知出名食蟹粥，但當天只有2人怕食唔哂，只好叫了2款小菜店員推介新出嘅黑草羊，話係用古法去整會特別惹味<古法扣黑草羊> $158平時食嘅多數是草羊，肉色是啡身，但黑草羊就比較啡黑，而羊味相對會更重，今次用上古法烹調更惹味唔會太羶而肉身炆得嫩腍，加上有各配料冬菇、馬蹄去提味，真係好食又暖身<風味小炒王> $68平時食可能多數係韭菜花，但呢到用咗我最愛嘅豆角，加上蝦乾、腰果等材料蝦乾嘅鹹香配上特別醬汁去炒，又係一碟惹味又易送白飯菜式

回想上次食蟹粥的時候，應該是去澳門官也街的那一次，最近去了一間餐廳「一番風味」位於銅鑼灣。裝潢以舊香港風貌為主，簡單的中式餐館佈置。🌇🍽見每桌食客都必有一煲蟹粥，當然我也要點選啦。最後點選了：「招牌蟹粥$328」、「脆皮牛腩$88」、「薑汁芥蘭$58」。🦀🍲🐂🍖🌱「招牌蟹粥」應該是餐廳必點的菜式啦。價錢就是以時價計算，當天的價錢是$328。份量亦不少，足夠5-6人進食。蟹粥整煲都是橙黃色的，吃得出有好多蟹膏混和粥內，亦有一隻原隻大膏蟹，蟹拑亦算大隻，可以算是啖啖肉。味道亦不會過份濃味，吃得出蟹膏蟹肉的鮮味。🦀🍲「脆皮牛腩」驚喜的一道菜，因為牛腩外皮炸至金黃色，入口鬆軟不韌，外脆內軟，味道剛剛好。🐂🍖「薑汁芥蘭」薑汁味道不算太重，但芥蘭入口爽甜，很新鮮的感覺。🌱「餐牌」我已經影左上載至openrice既「餐牌」入面啦，方便大家查閱相關菜式。📋

每日在灣仔搵食不會太頭痛，想食的菜式大致都會有，但是好食與否就真是見仁見智。我比較喜歡小炒，有鑊氣有家的感覺。最近被我發堀了一間心儀的。天寒地凍飲番碗老火湯，手腳都變得和暖。非常清甜夠火喉，相信絕無味精因喝後沒有囗乾，還有淸甜味道在囗腔徘徊。咸香雞配菜飯金黃色澤，雞皮薄薄絶無多餘脂肪，肉質嫰滑脂香，咸香味適中不會過鹹，啖啖滋味。菜飯乾爽不似坊間的上海菜館做的油膩，粒粒飽滿，夾雜菜粒非常有嚼口。其實午市套餐還有好幾款可供選擇，價錢實惠值得推介。