一番風味 (已結業)

88唔知大家有無喺IG見過金黃色嘅蟹粥呢? 成隻蟹蓋，好似好正咁!! 經我A姐明查暗訪下(其實都唔係好辛苦嘅)，發現原來係灣仔一番風味!! 就等我哋A姐M佬試下佢咩料先!招牌膏蟹粥一嚟到就梗係要嗌招牌膏蟹粥啦，唔係嚟做乜。 嘩!! 真係好大煲，夠4-5個人食! 一打開就見到金黃色嘅粥底，就咁睇差啲以為係南瓜粥 (誤)!!粥底好綿好滑，食得出係煲左好耐，裏面仲有勁多蟹膏，有蟹嘅鮮甜，真係OMG!!! M佬咁鐘意食蟹，見佢食到連殼都想食埋，真係服咗佢，食埋肉質好實，正!!銀稔碌鵝睇啲食評好多人都推介銀稔碌鵝，我哋就梗係要試下啦!! 知道碌鵝係順德菜，而銀稔味道甜甜酸酸，但又唔係咕嚕肉嗰隻，不過一樣咁開胃。最正係啲鵝肉非常肥美，又嫩滑!鮑汁豆腐海鮮煲呢個煲都算多料，啲蝦同魷魚都好新鮮，爽口彈牙!! 全靠嗰鮑汁夠濃，嗰豆腐同菜心入晒味，正!一個粥，兩個小菜，飽到暈，真係好滿足，食完真係覺得質素唔錯，鐘意食蟹粥嘅朋友一定要嚟試下!!

原定週末的澳門兩日一夜之旅取消了，當然有點失望。既不能跟家人好好放鬆一下，又吃不到久違的澳門美食。為了補償失落，只好試試本地薑的手勢。澳門美食就等於葡撻、豬排包？ 非也。讓我們最深刻的是蟹粥這晚就朝著蟹粥前來「一番風味」！雖然對灣仔不太熟悉，但店鋪很容易找。店內環境有點像一間小型酒家，比想像中大得多。除了有一般4人座，還有足夠坐約10人左右的大圓枱。事不宜遲，馬上點菜。除了主角蟹粥，還點了兩個小菜。首先上枱的就是咸香雞，份量選擇了（例），其實可以選擇半隻/全隻，但要留肚食蟹粥！儘管我本身就愛吃雞，但也是對雞有要求的。滑雞、「鞋」雞都可以，但最怕那種鞋到咬不爛的雞，食得非常吃力。還好這碟雞口感適中，而且味道十分香口。我比較愛吃滑的部件，媽媽就比較喜歡「鞋」的部分更有咬口。最重要是它的確是咸香而不止是純粹的咸。看起來很像雞肉，其實是十分大的炒蠔。薑蔥是主要配料，薑味非常突出。看起來像雞翼吧！炒得有點帶脆的邊，裡面蠔肉很肥味。一隻蠔分了好幾口才吃完，真的很大隻！平常我很怕蠔的腥味，但這樣的煮法卻完全不會留有蠔腥，反而帶出鮮味。主角當然要壓軸足料大大隻蟹蟹粥。鍋子一上基本上就聞到蟹糕味。除了有

今晚同屋企人食飯～佢地聽朋友介紹，黎左呢間係灣仔道好唔起眼的餐廳食～我地叫左個４人晚餐，好豐富有好多海鮮最期待的蟹粥!! 一大窩粥～d粥到金黃色勁吸引～勁多蟹膏！唔怪之d粥既色可以咁黃啦！每啖粥都好香好鮮味!! 真係無得輸蟹肉亦好多~ 夠厚又好新鮮食左好多碗粥同好多蟹呢度既飽魚好鮮甜~ 唔似有d餐廳，食唔到飽魚味~蔥花鼓油調味得唔錯~ 肉質彈牙呢個龍蠆球好滑，上面d醬汁甜甜地帶出魚的鮮味嫩滑的魚，水準不錯熱辣辣桶蠔，好惹味～蠔好鮮味，食得出係桶蠔！煮完都仲咁大隻！鵝又係好正！超入味，肉質夠晒肥美，d汁好味到我地叫左碗白飯黎送~~~ 全家都好滿意，棒住個肚，飽飽咁回家去～

朋友生日一同四人去咗灣仔食蟹粥聽聞餐廳係新開嘅最出名就係佢哋嘅四人套餐入面有蟹粥做主打，淨係聽到都流晒口水一去到餐廳二話不說就叫咗四人餐，再睇下周圍嘅環境都算寬敞，整齊燈光夠猛，而且人潮不斷要食靚蟹粥就可能要早啲book位啦唔使一陣間就上菜，係你面前蟹粥嘅顏色偏黃應該係煮嘅過程中加入大量蟹膏，再重粥底步出蟹嘅鮮味，而且粥好綿，係粥底內有一隻膏蟹，d膏頂哂角，又結實，正！清蒸鮑魚鮑魚肉好結實咬落去有口感，而且係蒸鮑魚嘅途中放入陳皮吊出個嘅鮮味蒸斑腩越簡單嘅材料就越容易調出個鮮味出嚟，斑腩蒸嘅時間啱啱好好嫩口，同埋餐廳xo醬一齊食，估唔到出奇地match

之前睇到網上有人介紹,灣仔有蟹粥食,正呀唔洗去澳門都有得食!即刻約幾個朋友去食牆上都有唔少香港既舊相,真係別有一番風味呀!我地叫左個4人餐,重點都緊係個煲蟹粥啦!招牌羔蟹粥呢個四人餐其中一樣就係羔蟹粥入面用左好多蟹膏去整粥底幾綿,份量好多,都有成十幾碗但若再鮮甜啲會更好果皮蒸鮮鮑呢個鮑魚好爽口,厚身,味道好鮮甜上面仲加左少少果皮上去,應該係要黎帶起本身鮑魚既鮮味銀稔碌鵝好趣怪既名字,表面睇見到啲鵝好似好油咁初初都有啲驚驚地,點知超有驚喜鵝超腍超滑,而且佢完全吸收哂啲醬汁,好惹味!!比蟹粥更有驚喜!

今期轉涼誠意推介`~~招牌蟹粥!!!$328Wowwowwow~勁大隻蟹! 未食已經流口水!唔洗點用蟹鉗都食到~有埋濕紙巾~唔洗驚係街食到冇哂儀態啦! 蟹肉好肥美~不過對我黎講精華似終都係粥底! 超鮮甜~一D味精味都冇~綿度都岩岩好! 而且好大煲! 我都數唔清自己食左幾多碗lu…叫左一個小菜 ~ 本身想點D菜~~但選擇唔太多~所以最後揀左野菌冰桂花蚌 $58~! 比想象中惹味bor! 桂花蚌好彈牙~唔會難嚼!有隻切成超薄片既茹勁好味~重口味既你不防一試~~~~~~!成間鋪都幾大~服務都好好! 閒日都有唔少既客人! 中意食蟹弱既你記住一試! !

同事介紹我，灣仔有一間食蟹粥的食店勁好味，今天有空，就和妹妹一起去試一下。食店不是好大，但整潔雅緻。古法扣黑草羊，冬天必食的菜式，味道濃郁，羊肉炆得又林又入味，但沒有爐火滾住食，也沒有生菜，所以一上枱就要食曬先，否則凍了不好吃。菠蘿咕嚕肉，我每次食中餐必點，酸甜度適中！肉不會硬，好味😜䕊葱炒桶蠔，蠔肉肥美又大隻，是用美國桶蠔做，加上用煲仔上枱，熱騰騰上枱，好美味啊！主角出場了👏👏👏招牌蟹黃招牌粥，幾乎每圍枱都叫，蟹黃香甜，粥夠綿，真是食吾停口😋😋😋

今日做野經過灣仔 唯有喺度食埋妟仔 喺端士咖啡室同一條街 有間好似主打家常小菜既小店一入到去就覺得好free 好relax咁 店面好深 枱之間隔住一段距離 所以幾有privacy 店仲有wifi 真係好有住家feel 咕嚕肉套餐咕嚕肉夠爽口 食落口唔會好油 好好送飯 雖然喺岀面又唔係話食唔到咁既質素 但咁嘅價錢 性價比簡直no.1 食完成餐都唔會好口渴 冇味精 真係好住家feel🙈

最近晚餐都在吃肉，想了就想起之前去澳門吃的蟹粥，但是去澳門也不能為了吃就坐船去阿，我有不是有錢人，所以就搜搜網站再配合 openrice，然後找到這家 “一番風味”， comment 感覺是不錯的，所以就去去試試看咯地方一點都不難找，同時也很方便，店面很容易就找到，到餐廳比較早所以還沒滿，環境還不錯，空間寬，桌子多 翻開中國風的 menu，很多不同海鮮類的介紹，由於我們這次目的是為了蟹粥而來，所以翻了翻了就還是叫店員來介紹介紹，其實也是因為我們人少，只有兩人所以擔心一個蟹粥就把我們 KO 掉，但是我們還是點兩道菜來試試嘛～ 先上來的是蒜香龍躉球，龍躉很脆，魚皮有膠質，味道很鮮甜，配上蒜頭，超得很香，同時也配上脆肉瓜，吃起感覺很爽口！ 吃中餐還是需要點青菜，所以我們點了最喜歡，最 standard 的椒絲腐乳通菜，味道不鹹 剛剛好恰到好處 重頭戲來了，就是 “蟹粥” 啦，把蓋一打開香薰撲鼻，蟹膏的顏色染黃了整鍋蟹粥 裡面都很足料，整隻羔蟹，連個蟹蓋都大過手掌，認真足料毫無偷工減料，很可惜我們只要兩人，所以吃剩一些蟹肉，還是建議下次三人以上才點蟹粥，才不會浪費。

灣仔道有好多嘢食，見到有間一番風味，個名似日式拉麵，原來食中餐，友人要食中餐喎午餐餐牌有好多選擇，價格由58-78， 唔貴是日例湯例湯唔簡單喺霸王花煲無花果，好香霸王花味，鮮甜，冇味精粟子炇雞分量大，粟子炇得好腍，好粉，雞肉入味，好滑，又唔駭蒸龍躉腩魚肉雪白新鮮，魚肉鮮甜龍䠢魚皮煙靱，骨膠原重，不過，有少少咸套餐白飯可以轉菜飯，不需要加銭

平時經過都唔覺眼灣仔開咗間新餐廳，上星期比朋友拉咗過黎食晚餐，話呢到嘅蟹粥真係好得。半信半疑嘅我都無抗拒，因為我真係好鍾意試新野，所以兩條友就黎撐台腳。望到呢到嘅食評一面倒都話蟹粥好正好正，咁蟹粥當然一定要叫啦！但原來蟹粥都有分兩款，而我哋今次叫咗羔蟹粥，咁其實姐係好多羔嘅蟹啦。而另外就仲有花蟹粥，盛惠＄328，唔好睇落好似好貴，其實好抵食呀！因為…真係有足足一隻蟹架！其實我哋真係叫多咗，因為個蟹粥係我哋預料之外咁大煲，非常足料，以呢個份量我哋認為係夠4－5個人食，有位係到做嘅姐姐同我哋講，其實個粥只係收咗我哋食蟹嘅錢，無計過其他料，所以先會煲到咁大煲。顏色呈深黃色，食落好香蟹味，而且粥底非常滑。貼心嘅廚師係煮蟹粥嘅時候已經將蟹輕輕地拆件，所以我哋輕輕一咬，已經可以將肉同殼分離，連蟹剪都唔洗，好方便食用。除咗有肉食之餘，最重要嘅係呢個蟹粥，真係有好多羔，多到我就咁撈底嘅粥上黎都撈到好多蟹羔，對於我呢d勁鍾意食羔嘅人黎講，我已經心滿意足，而唯一不足之處就係，真係好大份，兩個人食到超飽都食唔曬，有少少浪費，最好打包埋返屋企唔好曬。除咗粥之外，當然我哋仲叫咗兩款小菜，因為我哋事前唔知個蟹咁大

招牌羔蟹粥 ($328) 銀諗碌鵝 ($88)好耐無食過有水準既蟹粥啦 以前係澳門有間餐廳好出名但係水準每况愈下😤終於比我係香港搵到間有質素嘅蟹粥😍呢一間中菜館嘅蟹粥好綿好鮮甜 一見到個粥底就知道好足料 成窩粥都充滿金黃既蟹膏 每食一啖都食到蟹嘅味道😋蟹粥裏面有完整嘅羔蟹 羔蟹好多膏而且啲肉都好鮮甜結實😋必食😁而且份量好足 足夠三至四人分享好適合一大班人來聚會另外小菜都好有水準食咗佢嘅銀諗碌鵝 啖啖肉😋而且味道好開胃 好入味😁唔錯😍而且價錢公道 唔收加一🖖🏻好適合帶家人食 老人家一定會喜歡呢到既小菜！

上次去完九龍食完蟹粥念念不忘，於是我地決定喺港島搵間好味既蟹粥嚟一解我地既單思之苦！左問右問之下朋友介紹左呢間新開無耐既「一番風味」比我，舊址我以前仲成日去食晏架，多左份親切感。入到去裝修得好簡潔乾淨，感覺唔迫夾，仲放有大枱比一班人嚟食都得！亦有自成一角既大枱角落，有埋電視睇。我地3個人決定叫個《4人晚市套餐 $828》！（不收加一）「套餐包2款前菜及6款菜式。」前菜我地揀左陳醋雲耳&海蜇～《陳醋雲耳》- 雲耳大塊，陳醋調味過後更是爽爽酸酸十分開胃！《海蜇》- 份量多，同樣根根爽口彈牙，我至愛！表面灑上白芝麻更加香口～呢兩款前菜質素唔錯，令人更加期待之後既蟹粥同餸菜！登登登登！蟹粥終於送到！1）最最最期待既《招牌羔蟹粥》果然煲到呈橙色，蟹膏勁多，蟹大隻，蟹肉亦唔鬆散，拆蟹殼後每口都可以食到啖啖鮮甜既蟹肉，而粥底亦蟹味十足～老闆娘話係用秘製配方長時間餚製，絕無味精，所以唔會愈食愈渴～早前報道都有提及呢個：「招牌蟹粥，選用約12至14両的菲賓律膏蟹，每日新鮮送抵，師傅預先以大量蝦仔、蟹仔熬煮一個味道極盡鮮甜的海鮮高湯，配以1：2的珍珠米與泰國香米比例熬煮成綿滑白粥底，放入爆膏膏蟹煮製而成，

老人家生日一向都中意食中菜, 酒樓既另一選擇可以食炒幾味, 今晚就去灣仔呢間新裝修既【一番風味】食左餐DINNER, 呢度全日都唔洗加一, 4個人order左個4人餐同一個小炒~ 當中我幾中意呢幾道菜, 一定要同大家分享, 呢D菜式亦可以散叫........... 【招牌羔蟹粥】 金黃色羔蟹粥賣相已經非常吸引, 原隻羔蟹, 果然足料, 呢煲羔蟹粥都有8-10個飯碗份量, 而且蟹羔都幾多, 個粥煲得幾棉~ 連羔蟹既蟹肉都好鮮味, 正!! 【果皮蒸鮮鮑】 鮑魚幾爽甜, 不過就唔太食得到果皮味, 但食到鮑魚本身既原汁原味 【XO醬白玉蒸龍躉球】 龍躉起左骨, 味道清清地, 仲有雲耳墊底, 幾岩老人家食 【菠蘿咕嚕肉】HK$68 呢個汁整得好甜, 咕嚕肉帶點脆, 肉質幾滑, 呢款送飯一流!!

天氣凍最啱就食d暖胃嘅野，聽朋友講一番風味嘅蟹粥足料又好味，所以搵左3個朋友陪我食。餐廳地方闊落，設有卡位同圓枱，一大班人去都無問題！4個人剛剛好可以點海鮮套餐，價錢以灣仔區來說相當合理，仲要唔收加一。先來餐前小食，當晚係醬香鴨舌同爽脆海哲，特別喜歡鴨舌，滷得入味！第一次食銀稔碌鵝，好多順德人都愛吃碌鵝，大廚將鵝肉以銀稔醬燜煮，銀稔味道甘酸，開胃非常而且鵝肉肥美嫩滑，鮮味十足，濃甜醬汁很好下飯呢！成日覺得屋企炒菜做唔到餐廳水準，呢碟蒜蓉炒通菜色澤亮麗翠綠，咬落爽脆無渣，啖啖滿載蒜香~我自己一個可以食晒成碟菜！薑蔥炒桶蠔新鮮肥美，蠔肉鮮嫩，味道濃郁，用瓦煲上更能保持熱度。蒸鮑魚來對較普通，鮮味一般，幸好口感唔會太韌。原來XO醬同龍躉又幾夾喎！龍躉球入口滑溜，膠質豐富，加上香濃XO醬更惹味。好戲在後頭，招牌羔蟹粥要開動了，原個砂窩上真係好大煲！！分到10碗架！粥底呈橙黃色有點像南瓜粥😂其實係以大量蝦仔、蟹仔熬煮成海鮮湯，再加入整隻膏蟹。粥煮得綿滑，啖啖充滿蟹嘅鮮甜蟹肉肉質結實爽彈，仲要超多膏！食完蟹粥已經好飽......整體來說價錢實惠，海鮮小炒夠鑊氣，鍾意食蟹粥嘅朋友千祈唔好錯過！