一番風味 (已結業)

琴日喺灣仔行過呢一間一番風味， 望入去見到佢懷舊嘅裝修 都幾有特色 ，正諗緊呢間餐廳係主打食乜嘢嘅呢， 望望佢門口個餐牌。 原來佢哋 大熱 係食 膏蟹粥 諗諗下好似之前喺網到有見過呢幅圖 ， 於是幾個朋友仔商量一下之後決定入去試下。檯面有呢一個$988，海鮮4人餐推介， 咁啱我哋又係一行四個人， 咁直頭唔使煩啦諗食嘢都好痛苦，呢個餐啱曬我哋 胃口， 魚蝦蟹乜都有，又有鮑魚扇貝同小食，very good !計落每位300蚊有找， 都幾抵食下。前菜有兩款 ，首先係呢一個涼拌雲耳， 味道聞落去 都頗為酸下 ，其實食落去 味道剛好仲好醒胃添 ，爽爽脆脆口感不錯麻辣手撕雞拌青瓜味道微微的辣， 不會太辣 ，係一個 比較嘢味嘅涼拌黃金海蝦每一隻 都幾大隻下 而且 佢嘅學炸到超脆 ，基本上可以唔使剝殼 ，由蝦頭食到落蝦尾， 而且用鹹蛋黃製作嘅黃金蝦， 超級金香， 頂呱呱。欖豉蒸龍躉球龍躉嘅肉身 好幼滑， 而且大大件啖啖肉 ，配埋佢哋嘅 自家調配既 豆豉汁，的確好味道風沙鮑魚第一次 食炸鮑魚 外脆內嫩口感不錯， 平時食親都係蒸鮑魚， 原來炸起上嚟係另一番風味。招牌膏蟹粥都幾大窩口我哋四個人一人都瞓到兩碗

自從澳門誠昌變得不知所謂之後，一直都搵好味嘅水蟹粥，但都係失望嘅多！其實覺得水蟹粥一直改錯名，正確名應該叫膏蟹粥！好多時點水蟹粥，一上枱，成碗粥都係白色，賣相已經唔吸引，心諗又係煲一煲粥求其放兩隻蟹入去，失望至極！但一番風味嘅水蟹粥，成碗粥都係金黃色，賣相已經夠吸晴！再撈吓碗粥睇吓有咩料先，真係好多蟹膏！份量都唔少！正呀！講色香味，色絕對超滿分，味道方面，由於蟹膏份量不少，每一啖都有蟹膏味，哩點都滿分！由於店內有薰衣草香味，影響咗味覺，所以蟹香味總係唔多覺。如果再將蟹膏打碎d分佈係碗粥內更理想。再點咗隻黃金蝦同黃金軟殼蟹，黃金蛋黃醬著實唔少，近期食軟殼蟹，蟹身都好細隻，今次蟹身好大隻，而且炸得夠香脆。聽個名以為一番風味係日本菜，再了解先知原來食中菜海鮮，不過，單單賣水蟹粥已經夠吸引。

假日閒著，本來打算去糖廠街美食市集逛逛，不過見天色昏暗，怕雨會越下越大，還是改去圖書館打躉更佳。上兩星期已經去咗「香港中央圖書館」，所以今次就決定走遠一點，去「駱克道公共圖書館」好好消磨一個下午。由於想先去灣仔道國泰88商場買麵餅，所以下車後，決定先去附近開餐，才繼續行程。選了來這間《一番風味》，因在門外見午市套餐，項目非常豐富，共有15 款選擇，而且價錢頗經濟，由 $52-$78 不等，仲要全日免收加一。不過如果要另點熱飲，就要加 $4，凍飲或汽水加 $6，足料老火湯加 $6，鮮搾果汁加 $12，白灼時菜加 $12。就簡簡單單，一人一個餐，再加客老火湯。已很久沒喝合掌瓜湯，湯水味道很清甜，配合有疏肝理氣功效的合掌瓜，溫和潤燥。平日較少機會可以品嘗到蝦醬這個魔法調味料，所以見餐牌有蝦醬鮮魷炒飯 ($68)，便立即點來一試。沒想到原來這裡的蝦醬鮮魷炒飯，咁大碟，分量十足，而且實而不華，水準亦不俗。飯炒得粒粒分明，爽而不乾，香而不太鹹，毫不油膩，加上鮮魷亦夠曬鮮甜爽脆，既彈牙又唔韌，好吃。至於另一客欖豉蒸龍躉頭腩 ($78)，龍躉切件後，配上欖角和豆豉同蒸，面頭再灑上蔥花，上桌時伴有一碗菜

上網見人拍片介紹，主要比個蟹粥吸引咗就黎試試。一早訂定位7點半左右都已經見入面台都幾full，我地叫咗個$988套餐，首先比咗兩碟餐前小食（鴨舌）（萵筍？）上菜速度好快5-10分鐘內已經黎齊晒。主角蟹粥金黃色既粥底加上個蟹殻真係好！多！膏！我地嘗試將鮑魚上面既果d炸碎放落碗粥面一齊食，炸碎有小小椒鹽味撈埋個粥脆脆地幾正👍🏻👍🏻反而最麻麻既係個扇貝，加埋d菇菌類一齊實際粒貝肉好細粒，味道一般整體黎講，味道係唔錯，可以一試👌🏻

幾個月前已來過一番風味，那時是吃晚餐，蟹粥當然是主菜，今天就特意試試午餐吧。午餐價錢不貴，至少能讓你坐得舒適，二人也可安排坐卡位，不用跟人背對背鬥迫。加了$6的老火湯，好足料的霸王花無花果煲唐排，清潤又有霸王花可以食得到。鮑汁海鮮炒飯 $68這碟炒飯認真夠鑊氣，炒飯都是一粒一粒的，乾身之餘亦蛋香十足，材料有蝦及魷魚等，不過鮑汁有點重手，少少過鹹。梨山醬汁骨 $68一上檯已聞到十足香氣，排骨肥瘦得宜，吸收了梨山醬的味道顯得份外惹味，醬汁夠杰身用來送飯一流。菜飯中的菜不會過於腍身，食夠有咬口。男友最後特別order了火龍果汁，即叫即榨，對一些平日少吃生果的男士來說，用來排毒很不錯吧。這裡不論午餐或是晚餐都很有水準，我聽到旁邊有位客人一入門口便叫了蒸肉餅，說是每次都要食蒸肉餅，我想下次也可以試試吧。

偶然間帶外地朋友來試食，叫咗招牌蟹粥、薑蔥桶蠔、咸魚蒸肉餅同薑汁芥蘭。起初只係貪佢好坐，價錢唔平，冇寄望啲嘢有幾特別第一樣上嘅係薑蔥桶蠔，好似有4隻，隻隻都肥美肉厚仲好鮮味，個汁都特別跟住係膏蟹粥，真係成隻蟹，多膏夠肉有份量，成煲粥都橙黃色，個蓋仲有好多膏，夠哂真材實料。粥底都非常綿，口感好好！之後係咸魚肉餅，特別在佢唔會過鹹，好香口，肉餅內仲好似夾有啲魷魚粒嘅嘢？總之係有咬口嘅嘢，但唔係我最怕嘅馬蹄。總括嚟講，呢間嘢真係有一番風味。幾個餸嘅食材好新鮮，啲嘢唔會過鹹，鹹香適中，口感都恰到好處。食得出係心思之作，絕對唔係行貨。值得一試唯一美中不足，就係飄住陣臭渠味🙊

以前去澳門其中一個主要項目係食蟹粥，不過自從大陸遊客湧入加上食店水準每況愈下後就好耐冇食過，果時成日諗如果唔使過大海都有得食就好喇，終於等到呢日，灣仔一番風味主打食蟹粥，睇食評都講得唔錯，一定要同比我更喜歡食蟹粥嘅老公一齊食!招牌蟹粥用上一隻羔蟹煮，比澳門的水蟹粥多一層金黃色，賣相十分吸引，蟹粥味道有蟹肉的清甜味同蟹膏的甘香味，簡直就係魔鬼天使的化身!蟹肉的味道亦沒有比下去，蟹蚶已輕輕扑裂，無須工具都好容易食到蟹肉。咁當然蟹粥比蟹肉更加吸引，老公三扒兩撥已食咗三大碗，我食得比較慢，仲係食緊第一碗，不過見到老公咁欣賞蟹粥都好開心。蟹粥以外，另叫蒜蓉粉絲蒸扇貝同黃金軟殼蟹。粉絲吸收咗扇貝精華，加上蒜蓉豉油熟油，既香口又鮮甜，比扇貝更吸引。黃金軟殼蟹加上鹹蛋黃同炸，軟殼蟹比一般的大隻肉厚，入口甘香邪惡。今晚兩個人好似食咗海鮮餐般的滿足!

位於人來人往的灣仔道，地理上佔盡優勢。聽講呢到有令人好回味既蟹粥食，雖然我不是蟹控，但搵左海鮮控既兩老陪我。  平時經過望到裡面一眼見晒，原來經過小廳後直路進入大廳。大廳內裝潢同茶餐廳差不多，分別有卡位和長枱。牆上掛畫以黑白照，以舊香港為藍本。服務員反應好快，一坐低即有熱水供應，又不會硬SELL海鮮，但蟹粥是必點的，還點了、 兩份，因為我皮膚過敏，要忍下口, 睇左當食左。先講下煲呢煲 巨形 ，相信可以供四至六人份量。 打開沙窩煲蓋，熱騰騰的煙撲出來，粥底相當棉密，老豆話隻黃油蟹應該有一斤。蟹膏多到不得了，有些還黏著在蟹蓋內。一隻蟹未必可以將粥底煲成全橙黃色，相信大廚為令鮮味加倍，特意放入額外的蟹膏，所以個粥係極度鮮甜，質感亦夠稠，原來食粥不以食飽人架。唔好以為膏多肉小，蟹肉亦相當豐富，真材實料，兩老慢慢咁將一隻巨蟹鯨吞。另外兩款海鮮、，根據老爸口述如下: 前者扇頁唔算好大隻，不過味道調得恰好，有咸香，鮮味不會被蒜蓉搶去。是先蒸至肉稔後再上粉炸，外脆內軟的鮑魚，咬落唔算太油膩，有水準。風沙則以麵包糠取代蒜蓉，麵包糠雖然炸得金香，但味道當然比蒜蓉次一級。 即是雲耳蒸雞，用上肥美鮮雞烹調

年紀大了，想多與好朋友或舊同學見面，始終人生沒有幾多個十年！問富貴同學想吃些什麼？回應我自助餐，放題已有多年不敢去， 因為「士啤軚」愈來愈大，對於飲食，較偏向貴精不貴多， 也許去這間食肆會適合她。選了灣仔區以方便她下班後很快便可到來，店子不大，但菜式很有特色，如風沙鮑魚，避風塘炒瀨尿蝦，脆皮牛腩等，見到個菜名都想食。臨近晚市黃金時間，座位幾乎坐滿。與同學討教後，最終還是堅持貴精不貴多，每人點了一隻風沙鮑魚，上面以炸香麥皮蓋天覆地藏著鮮鮑魚，麥皮很香脆，伴鮑魚之Q韌效果特別可口，鮑魚鮮味亦經慢慢嘴嚼、飽歷風沙而真情流露，相當不錯的製法。一鼓作氣，滋味二重奏，點了砵酒炸桶蠔，身型巨大的桶蠔，上了脆漿炸，先以砵酒略煨，後佐以豆辦醬，偌大的蠔肉很鮮美，蠔汁勁多，微辣惹味，大滿足。吃完兩道菜，同學飽了一半，但也必定要試試這裡的招牌蟹粥，以一整隻羔蟹熬製一鍋粥，蟹膏已將粥變成橙調，同學嗜吃蟹，讓她嘗螯的滋味，巨大的鉗，多肉，鮮甜，而我愛藏在蟹蓋內結實的蟹膏，甘香沉實，粥底綿綿，薑蔥辟腥，每人連下兩碗不在話下。菜式確是別有一番風味，同學想再約來試其他。

老公今日帶我去食好野，店舖裝修美觀,本來以為食中菜不感興趣。 原來老公一早已經計劃食海鮮。餐牌有個四人餐很吸引，但我們最後決定散叫先來每人一件砵酒炸桶蠔，脆粉脆卜卜，裏面很滑，完全無腥味。再黎每人一隻風沙鮑魚，上面舖上炸蒜。鮑魚鮮味也未被炸蒜掩蓋，爽囗彈牙兩種炸物也是新鮮炸的，熱辣辣要特別介紹的是蟹粥，粥係用砂碢放的。服務員細心打開蓋，我急不及待拍了一張照片，看看那隻蟹多麼大，灑上蔥花增添香氣吸引我嘅味蕾。粥底呈淡黃色，因為加入蟹膏，米煲得很綿，十分鮮甜。蟹蓋有很多膏，老公至愛裏面仲有好多蟹肉，食蟹有點麻煩，店員很貼心提供鉗和濕紙巾，也會幫忙換了剩滿蟹殼的碟，完全可以開懷大吃。我們用餐時間是晚上八點，聽見隔離枱嘅客人想點蟹粥但已沽清。多得細心老公一早己打電話預留，否則失望而回。回家後也不覺得囗喝，與老公一致認為沒有味精，值得一試

又來到灣仔區覓食，既然最近愛吃中菜，一於來品嚐一番。餐廳裝潢簡約，有電視可送飯XD，不過中央冷氣的關係，有部分位置會較大風，可能會比較冷呢。這裡招牌是 蟹粥，當然要吃啦。在等待期間，先嚐嚐芝士白汁焗扇貝，焗至微微金黃色，芝士白汁黏稠度爭d，牛油味道幾濃，滑滑的扇貝頗大粒，但其他配料(菇類)沒太大吸引力，如下次再吃叫粉絲蒸扇貝可能更滋味。再吃吃黃金軟殼蟹，很爽脆香口，酥炸得剛剛好，能吃出蟹殼和蟹肉的部分，而且油膩程度屬一般，不會很"漏"。重頭戲招牌膏蟹粥(時令價$328)登場！一大煲滾燙的蟹粥，包含整隻膏蟹，先說蟹的部分，已經預先鉗碎蟹殼，再自行鉗幾下，即可拆開蟹肉，很鮮甜滑溜！而金黃色的粥底方面非常綿滑，一點也不稀身，充滿蟹的鮮味，蟹膏蟹黃亦佈滿在內，豐腴得很，非常美味。單是蟹粥，兩個人都可以各自食到四碗多，撐到肚皮脹脹的，下次要和多些親友來，才能吃多幾款菜式呢。

Blue Monday要搵尐好野食令自己無咁blue，一早訂定位食蟹粥，星期一果然係blue blue 地，餐廳唔太多人，兩個人坐卡位，大大張枱，食得舒服，土地問題彷佛未存在過blue blue既星期一要食邪惡少少既黃金軟殼蟹，一上枱就聞到好香既蛋黃味啦，蟹炸得香脆唔油膩，一人一隻，好滿足呀！成隻碟咁大隻避風塘瀨尿蝦，調味料一尐都唔吝嗇，香辣之餘，炒得好乾身，食完咀唇辣辣的，過足癮蟹粥出場，大大隻蟹煲出來既粥好足料，淨係食蟹都要尐時間，未試過食蟹會食唔曬尐蟹膏，今次真係俾佢KO 左啖啖肉用蟹殼飲粥，過癮無想過佢除左蟹粥，其他海鮮都咁鮮甜，同店員傾傾下先知佢地海鮮係每日新鮮攞既，唔怪得了！值得一提係雖然呢度有好幾枱都係擬似遊客，但對我地本地人都好好招呼，唔會厚此薄彼，難得架！

早早就收藏了这家餐厅先是因为名字吸引人后看风格和菜系都符合个人所好今日前来探店没有失望！午市有各种套餐提供点了咸鱼蒸肉饼配菜饭肉饼不会过咸 肉碎肥瘦刚好完全不腻 好吃招牌古法蒸龙躉球鱼肉弹滑 下面铺着针菜加入了陈皮 浇上蚝油真的是每吃一口都有不同味道赞！咸香鸡也很不错肉非常嫩 值得一试！蒜蓉炒通菜我只能说太对我胃口了这里的整体味道都便清淡非常适合我 所以真的是满意而归！

友人好喜歡食chinese food，如是者順應民意同佢去搵下有咩好食😂 值得一讚既係店員服務好好，好勤快地禁幫忙換碟，又自主幫你加水，仲提供好多濕紙巾比較你抹返乾淨雙手👏👏👏招牌蟹粥店員知道一定係好多人黎影佢，直情幫隻蟹擺好pose等我影😂😂😂今時今日禁既服務態度真.值100分👍講返個蟹粥，色澤金黃，隻蟹都幾有肉，個粥係充滿左蟹膏，味精點都有架啦，overall quite good😌

麻辣手撕雞 雖然覺得好辣，但越食越開胃。招牌羔蟹粥粥底好棉，冇乜蟹羔味。其實得一隻蟹d 羔點夠整到成煲粥黃色呢？有d 懷疑佢係落左咸旦黃？或者顏色？風沙鮮鮑比避風塘多左d 椒鹽味，又係好辣，我d fd 嗌晒救命。我食得辣就覺得好惹味。黃金海蝦蝦都幾大隻，爽口彈牙。芝士焗扇貝我寧願食蒜蓉粉絲蒸。芝士白汁好膩，九唔搭八喺薯條托底淋曬好難食。欖豉蒸龍𧄌球正，不過淨食覺得好咸。個套餐$988/4位，每位$250 ，食物質素高，用料不錯。