一番風味 (已結業)

今次又來到灣仔一番風味因為上一次跟媽媽吃過覺得他們的海鮮真的很有品質保證! 今次來到～發現他們有新款菜式 我們當然要立即試一下他們的新蟹煲吧! 這個金榜醬蟹煲$298(另跟法包) 是他們推介的新菜式 當中金榜醬其實就是有一點像架央的味道甜甜的並不辣～看看蟹鉗肉質很厚！吃過蟹肉就當然要用法包把汁吸盡～法包超惹味的～我覺得一定要再加白飯 這個汁拌飯一流～另外我們又試了黃金蝦 ($118)賣相精美 而且很有咸香味 但就有點油 可以弄得更乾身～份量很足 蝦肉厚身 最後還有兩隻風沙鮑魚($96) 脆脆炸粒加上腍腍鮑魚肉 絕配如果可以再加炸蒜粒的話 這就更加惹味了!!

呢道出名食海鮮同蟹粥,早幾日就訂左檯~呢排除左系屋企,就好耐無系出面食中菜了,抱著很想食海鮮的心情來食餐飽!一進餐廳就看到一番風味的招牌~牆上都掛上舊香港的黑白照~餐牌上太多選擇了,加上菜式的照片全部都很吸引呀!本來想叫招牌蟹粥,經店長介紹下有新菜式,問我們要唔要叫呢個青胡椒芝士蟹煲$298(好吧,就試下呢個,叫碗白飯撈芝士汁仲過癮),double cheese蟹煲!蟹蓋好大,好大隻蟹,攪一攪個芝士汁,就先食蟹蓋~蟹膏好多呀夾埋少少芝士汁,撈飯食真系最佳之選,想不到芝士汁很入味,但仍食到蟹的鮮味,不誇張,真的是好鮮甜的蟹味,啖啖嫩口蟹肉,膏多肉更多~比平時食的(芝士龍蝦伊麵)的芝士汁更濃稠,味道也不太一樣~撈飯一流！蒜香炒龍躉球$148,從賣相已睇到色香味俱全,陣陣蒜香鑊氣十足~外層炒至金黃既龍躉球,肉質爽嫩多汁,一點也不柴口,切片不算很薄~最喜愛的魚皮膠質口感豐富,好美味!!蒜蓉粉絲蒸扇貝(2隻$96),這道菜不難做,但也要有心才做得好,否則粉絲不夠入味,扇貝會蒸乾～廚師把時間控制得好好,扇貝軟嫩鮮甜,粉絲既入味又唔會有部分被蒸乾,香蔥,蒜,豉油很夠味卻不過濃及鹹影響扇貝既鮮味~呢度

閒逛灣仔，發現一間位於灣仔道的餐廳叫一番風味，主打香港的小菜。星期日午餐時間人流不太多，所以同男朋友入去一試！午餐選擇都好多，男朋友叫咗一個星洲辣汁炒軟殻蟹，應我就叫咗剁椒蒸龍躉腩！可以揀白飯或者菜飯。跟套餐價錢仲可以有每日唔同嘅靚湯，都是人都係缺乏湯水，所以今日都加左碗，滋潤一下。男朋友的軟殼蟹感覺上比較少，不過除了軟殼蟹之外，在底部還有炸鮮奶。感覺驚喜。以我那份午餐，龍躉腩的份量有好多，魚肉都好畫，不過剁椒原來冇我想像中咁辣！你一點有啲失望。聽完同你一台客解釋，小店的餸菜我^_^都是即叫即做，所以都要預番啲時間等。急嘅朋友就可能要考慮下食第二啲啦。

好難得係灣仔區有蟹粥食：今次去食呢間餐廳聽聞個蟹粥好足料，就去試吓啦。招牌招牌除咗有餐廳名之外，仲有地址同埋電話Number。招牌充滿着中國式嘅色彩。裝修裝修比較簡潔：擺滿左歷史時代嘅相片，打字機等等嘅物件；好似返返去細個嘅時間。黑色嘅沙發櫈配合淺啡色嘅木枱。令成件事簡單得來又好自然。餐牌我打開個餐牌：將最出名嘅食物放上圖片俾我哋睇。證明有圖有真相！食物：A.)招牌蟹粥招牌蟹粥用羔蟹嚟煲：面層除咗有蔥花之外，仲有啲薑絲癖腥味！每一粒米粒都煲到開哂花。食落去好綿。滿碗粥除咗綿之外，仲食到陣陣嘅蟹味，個蟹味好堅實。由於肉蟹嘅關係，所以食落蟹度啖啖肉：而且肉質好滑。一煲蟹粥可以分到六碗粥，真係好多。B.)蒜蓉粉絲蒸扇貝師傅先將隻扇貝起肉：然後放上粉絲、元貝，再放上蒜粒，食落去有好有蒜香味，粉絲都好淋。扇貝食落去好帶扇貝本身嘅鮮味。餐具餐具有一隻碟，一對筷子、碗連羹一套。服務態度：我一入到去，侍應就幫我地斟左水：然後上蟹粥嘅時間，姐姐就幫我地忽粥到碗上。佢哋真係好細心。因為我個朋友食到成地都係骨，就幫佢換碟。

嗰日放工同班同事去食晚餐，同事話帶我食好嘢，所以咪跟住佢哋去。由灣仔地鐵站行過去大約5分鐘就去到，喺門口已經見到一張好吸引嘅蟹粥相，未入去已經好期待。入到去發現環境都唔錯，環境仲好光猛。餐牌上都有好多選擇，有時令海鮮、小炒類、甜品，當然最吸引人我嘅都係招牌膏蟹粥。如果餐牌太吸引，搞到唔知點揀的話，仲可以選擇晚市套餐。黃金蝦嘅外殼炸得好脆，大大隻蝦肉爽口彈牙，外層包住一層甘香鹹蛋黃，口感一流。避風塘炒賴尿蝦，賴尿蝦好乾身，加上其他配料香氣撲鼻，而且一啲都唔油。羊腩煲啖啖肉，調味剛剛好，羊肉炆得好林而且好入味，而且材料十足。最後到主角招牌膏蟹粥，成煲粥都係金黃色，成煲上熱辣辣。再睇真啲隻蟹成個煲咁大，粥底好綿配合鮮甜嘅蟹肉，加上蟹膏味道一流，而且份量好多。餐廳食物水準一流，而且價錢合理。

香港有很多好嘢食， 呢一間食過之後， 可能搵唔到咁好食嘅蟹粥蜜汁子薑雞， 煮得相當入味，  蜜汁+薑是這樣的滋味 ，而且巧妙地用了日式的薑， 最後還把薑一起吃清光。砵酒軟殼蟹， 是豆瓣醬家+砵酒， 由於我們不吃辣的就把醬汁另上， 軟殼蟹大隻新鮮香脆鬆軟。重頭戲是招牌蟹粥， 一鍋的蟹粥大概有五六碗左右， 蛋黃色非常之鮮甜， 光是看顏色就知道火喉入味。 難得的是， 入面嘅蟹都也很鮮嫩， 裏裏外外都做得很好。還有其他四人餐， 小炒等， 特色美食， 當然要預埋至愛的屋企人來吃了。

今日同朋友喺灣仔附近搵嘢食，見到呢間餐廳賣招牌蟹粥同埋新鮮嘅海鮮於是入去試下。 我哋一來叫咗個招牌蟹粥，另外叫咗豉椒炒蟶子皇同避風塘炒瀨尿蝦，全部都係二人份量。 過咗十分鐘，招牌蟹粥首先送上，可以見到成煲粥都係橙色，而且入面有好多蟹膏碎，原隻蟹都喺度，蟹殼有差唔多成個煲咁大，蟹肉好實好鮮甜同好大嚿，碗粥好重蟹膏味。 跟住係避風塘炒瀨尿蝦，入邊有兩隻瀨尿蝦，身長有成個碟咁長，一隻蝦分為兩節，啲蝦肉好實同好彈，瀨尿蝦好香口。 最後係豉椒炒聖子皇，有兩條好長好新鮮嘅聖子，豉椒味同聖子嘅鮮甜好夾。

話說見到灣仔間一番風味有蟹羔粥食，個賣相好吸引。即刻就帶埋兩老黎試一試，因為佢哋未試過，佢哋一定會好鬼開心。由於平日去嘅關係，到去都仲有幾張枱位置， 不過食食下就見到啲枱都好快畀人fill曬。 因為我哋懶諗食咩，而且我哋專誠嚟到都係為咗食蟹羔粥，所以就決定揀咗四位988蚊嘅套餐。呢個套餐相當豐富，等我逐一介紹畀大家。先嚟嘅係兩位前菜。左邊嘅係麻辣手撕雞，右邊嘅係酸醋木耳。呢兩度前菜，味道不過不失，左邊嘅麻辣係幾有麻香，但食落去就冇麻只有辣 。木耳酸酸maymay，幾開胃。跟住呢味菜 係欖豉蒸龍躉球。 我覺得好好食，龍躉球啖啖肉，肉好滑。但欖豉太多，味道偏咸，如果淡返啲就啱啱好喇。呢味風沙鮑魚真係做得好出色。出色在於鮑魚嘅炸皮 做得好薄亦都好香口，食落完全唔覺油，而且薄薄嘅一層剛好覆蓋鮑魚嘅身軀，而且夾埋食口感非常豐富，非常惹味，鮑魚新鮮彈牙。黃金海蝦。呢道菜又係大排擋必叫之選。黃金蝦外層蛋黃夠咸香惹味，海蝦新鮮肉結實，大大隻，份量夠。芝士焗扇貝。芝士味濃郁，扇貝大大隻，燒得好香。 而且帶子肉好鮮甜，再配合野菌做配料，食到咀lamlam。根住當然唔少得清炒時菜，簡單又健康。最後當然係主角

店內裝修有復古風格，灰白色的牆壁擺放左好多舊時代街道照片。一行四人，要左個四人套餐，岩哂我呢D對食物有選擇困難症既人，方便快捷。首先上左兩個冷盤。🍴涼拌木耳食落充滿醋酸味，夠哂開胃。🐔手撕雞手撕雞附有青瓜絲，辣左小小，但都幾好食。🍴風沙鮑魚同避風塘炒法差唔多，非常香脆，唔太咸微辣。鮑魚預先起肉再放回原處，所以食落方便。鮑魚大大隻，外脆內軟，肉質彈牙。🐟㰖豉蒸龍躉球龍躉肥厚啖啖肉，入口滑溜，膠質豐富。配上豉汁帶出魚鮮味，鮮而不腥。🥗蒜茸炒時蔬生菜硬度適中，咬落爽脆無渣，健康之選。🦐黃金蝦蝦肉不夠實淨，蝦殻炸得香脆，食落充滿啖啖蝦肉同咸蛋香。🧀芝士焗扇貝鋪上很多忌廉汁，勁雜菇、洋蔥連扇貝一齊焗，芝士滲哂落扇貝入面好邪惡。🦀招牌羔蟹粥蟹粥夠哂大煲，服務員首先幫我地裝左四碗粥。見到有一隻大既羔蟹，粥顏色呈金黃色，視覺效果一流。粥既味道好鮮甜，濃度亦足夠，仲有米粒狀，差唔多每啖粥都食到蟹膏。而蟹肉可能已經煲出哂味，肉質結實，無粥甘鮮味。以灣仔區黎講價錢合理，帶朋友、家人黎聚餐都係不錯之選。

Very nice crab I choose the fried crab with spicy flavor Accompanied with ginger lettuce and white rice Very good!Next time I will take the congee crab It seems to be their specialityA lot of local mégapole eat hereI warmly recommend this restaurant

在灣仔道找食肆，這間算上是有特色有風味的小店。午市有套餐也不用太貴，只是幾十元就有小菜了。今天是星期六中午飯，不是很多人，我們有多位子選擇。 平日星期一至五這裡總是堆滿了人，要等位，週未好多了。 黃金蝦，是很香很好味的。竟然有南瓜在裡面，用鹹蛋黃炸的是肥一點，久不久吃一次也沒所謂，反正自己屋企又不會煮的。 豆豉蒸龍躉這個魚味好鮮很好食，必叫的。也很好送飯。我媽媽很喜歡，我也是，啖啖肉。 蒸魚要剛剛好，太熟和不熟都不得的，真是很考工夫的，不是咁容易的。還有些果皮才是劃龍點睛啊。

朋友請食飯，點左個蟹粥，成鍋上枱都幾多WOR，成煲都係橙色，充滿住蟹糕，啖啖都食到蟹糕，味道鮮甜，個粥底又煲得好綿，又有米花，估唔到一間普普通通的餐廳都有咁既水平，可以再食。

不止是蟹粥，是膏蟹粥友人自新加坡來，經過前一晚喺蘭桂坊嘅遊歷後，嚴重宿醉，成個上午都喺度「休息」。到咗下晝四點幾又突然間話想食粥。我諗起喺電視節目睇過一間灣仔嘅食肆有賣蟹粥所以就去試吓。由於係星期六嘅下午茶時間，餐廳唔係太多人，一去到就有枱。一坐低就梗係即刻叫個招牌蟹粥先啦呢個招牌蟹粥係一鍋上嘅。一打開蓋就聞到好香嘅蟹鮮味。個粥睇落去係有啲淡橙色 - 咪就係因為啲蟹膏囉。食落口… 嘩！不得不講一句蟹有蟹味，膏有膏味！嗰種満足嘅感覺真係只有蟹迷都先明白除咗蟹粥之外我哋仲叫咗一個避風塘中蝦。蝦，食得出係新鮮蝦，炒得好乾身丶好香而且最重要嘅係一啲都唔覺得油膩。好多時避風塘菜式嘅碟底都會有一撻油，但係一番風味呢度嘅避風塘蝦就絕對冇喇 我哋仲叫咗一碟蒸肉餅。老實講個蒸肉餅又真係麻麻… 所以我會建議大家嚟到一番風味都係主打海鮮啦。順帶一提嘅係：記住訂枱。因為我食緊蟹粥嘅時候聽到有人客打電話嚟想訂當晚嘅四位枱，但係已經滿坐 lu。

店名：一番風味Crabtain Restaurant地點：灣仔灣仔道138號明豐大廈地舖G/F, Ming Fung Building, 138 Wan Chai Road, WanChai，電話：37021371(1)     砵酒煮軟殼蟹；(2) 鹹香雞； (3) 金銀蛋莧菜平均每客消費：百多元。食物的整體評價：(甲)   味道/烹調：Ø 砵酒煮軟殼蟹︰很好吃，但沒有砵酒味，只有蟹味，而蟹的做法彷彿日式天婦羅，炸得既香且軟。Ø 鹹香雞︰雞皮色澤鮮黃，像鹽焗雞一般口感和味道，及夠軟兼新鮮。Ø 金銀蛋莧菜︰多汁，莧菜青綠，鹹蛋皮蛋一片片，較易食出味道(乙)  種類方面：比較少，但以海鮮為主打，加上一些肉類如鮮炒菠蘿牛肉、南乳炸雞翼與紅酒扣牛尾等。環境：整潔舒適，以啡褐色為主題，並以雲紋圍著寶號名稱，予人中國化之感。整體來說雅致。服 務：非常好，在光顧前詢問應在哪個地鐵站，她們解釋得很詳盡，並著我如果到了灣仔後，有問題可以再致電給她們。衛生：良好。抵食：一般。

朋友在灣仔放工，說常常經過看到門口好吸引的「蟹粥」貼左門口，所以今晚決定一試！在大街上都很容易找到，入到去牆壁上都貼上昔日的香港照片，很有香港情懷。7點到步，時間尚早都很快店員就安排坐位，底下看看餐牌，我們點左以下幾道菜：1）招牌羔蟹粥2）黃金蝦3）蒜香炒龍躉球黃金蝦香脆可口，鮮味十足而且很入味，蝦身已經係除左殼先炸令味道更鮮甜更加入味👍🏻金黃色的粥底外觀非常吸引，而且香濃鮮味，蟹糕豐富蟹肉新鮮甜美😍粥的口感又綿又香💓岩晒喜歡海鮮的朋友蒜香炒龍躉球，外觀看似一般般，但食了肉質滑嫩可口，非常細滑，而且很新鮮。整體餐廳服務很好，環境舒適，是個聚會的好選擇。會選擇再光顧的餐廳。