一番風味 (已結業)

連續四餐包括午餐及晚飯都係西餐，今晚一定要食返中餐。身處銅鑼灣灣仔一帶，上網搜尋一下，漫無目的、點指兵兵之下就選擇了「一番風味」。始終是星期日、又沒有訂位，在餐廳內呆呆等了差不多半個小時才有位。裝修可以用簡陋來形容，但出乎意料地枱與枱之間又唔算好迫夾。原因好簡單，鋪位有點三尖八角，地方絕對唔算好用，老闆也是受制於場地限制而冇辦法擺放更多枱櫈。唯一的裝修特色可以說是四周牆壁上的黑白相片，全部充滿着1950、60年代、甚至更早時期的香港風貌。只不過睇真啲，這些相片又似是而非，好像經過電腦加工效果。很難想像香港曾經在某個時期的某一處地方，會同時出現以下幾間店舖：和興隆餅家、尖尖攝影院、恭利竹庶水；即使全部店舖名字似真若假，但幾肯定真身未試過出現在同一條街上。餐牌設計非常簡單，配合街坊小館的格局，其中又有不少時令海鮮；撇除海鮮，其他小菜價錢大部份都是 $80 左右，以灣仔區來說，都已經算是合理的街坊價了。當然，這類型街坊小店總會有一兩樣招牌菜以作招徠，「一番風味」就有招牌蟹粥（時價）。睇照片的確非常得，也見到差不多每一枱人都叫這一鍋粥；只不過相當大鍋，足有四個人份量，唯有作罷。蒜香炒龍躉球（$

朋友仔約我地食海鮮，以為係大排檔，點知都幾靚仔。店面有點懷舊風。店內乾淨企理又闊落。四人餐都幾抵又岩我地，但朋友仔好想食軟殻蟹所以決定單點。整體黎講，海鮮一般不過不失，但蟹粥就非常高質。龍躉球份量不多，但調味做得唔錯。砵酒軟殻蟹好好食，炸得好香脆。大家都好鍾意，不過我地都食唔出砵酒味。清炒時蔬份量夠，蔬菜清新岩口味。風沙鮑魚第一次食，好得意有少少似避風塘炒蟹。辣辣地好惹味。最鍾意係蟹粥，大家都讚不絕口。一鍋粥用上一整隻蟹，蟹膏非常多，一整鍋粥都係鮮黃色。入口綿綿，粥底煮得好，帶點蟹膏的甘香。蟹鉗亦好厚肉，結實又鮮甜。四人埋單一千蚊，價錢合理。舒適環境食中式海鮮，算是不錯。

朋友不吃螃蟹，感觉来这多少有点浪费，看着螃蟹觉得很有食欲老干妈炒肉，真心一般，没有老干妈的味道，就是青椒炒肉这个蒸鱼味道还好，但也不出彩，因为等朋友下班 我俩八点才吃晚饭 太饿了 又加了一道菜叫hairy cucumber 忘记中文是什么 吃不出是什么 朋友给我看图 我觉得就是北京的小黄花 但是口感不像总体一般 不觉得很好 不推荐这家店

今晚我好朋友話帶我出灣仔度食好西，雖然係有啲遠，但係抱住千里尋美食嘅心態，當然係樂於參與，看過究竟。我哋去咗一間叫做一番風味嘅小菜館，驟眼看，似乎係簡潔嘅裝修嘅樓面，俾人一種幾企理嘅感覺，又有幾張香港的懷舊照片，員工都好殷勤地招呼，整體感覺不錯。叫咗幾個小菜，亦都試咗呢度嘅招牌蟹粥招牌蟹粥，我會用滿足來形容，粥底十分之滑溜，有夠稠，真係拍得住忌廉湯咁滑，每一啖都散發着蟹肉嘅鮮甜，粥之間又食到有少少蟹膏，又濃又香，令味蕾十分之滿足！砵酒軟殼蟹軟殼蟹都炸到幾香酥，有少少豆瓣醬，辣辣地，幾惹味，軟殼蟹嘅裏面都係軟滑嘅蟹肉同蟹膏，口感幾有層次。蒜香炒龍躉球龍躉球唔錯，魚肉幾香，係近魚皮位置尤其香滑，但係我覺得魚肉如果切得厚身少少，會更加有口感！風沙鮑魚風沙鮑魚簡直係人間極品，酥脆嘅風沙掩蓋着呢幾隻鮑魚，充滿神秘感，然後在沙堆之中和尋得一隻先鮑魚，酥香嘅鮑魚外層十分之可口，咬下去先知道原來味道咁鮮美，煮到鮑魚的肉質幾淋，不錯的菜式。炒時蔬，幾爽口。

🦀🍲🍜澳門以前係蟹粥始祖，今日竟然俾我發現重正過澳門既地方👻真係好驚喜。店舖光猛，有舊式香港感覺🏘而餐牌就主打中式小炒。最出名當然係《招牌羔蟹粥》勁大鍋夠曬4個人食😍熱辣辣好靚既金黃色粥底原來係用左海量蝦蟹熬海鮮湯再煮成海鮮粥，再加珍珠米同香米二種米，唔怪得口感好綿又好香，另一個焦點係足14両新鮮膏蟹，蟹蓋睇相已經見到爆膏勁甘香🤤蟹肉好新鮮鮮甜，岩曬我呢d海鮮怪💓💓《黃金海蝦》色澤金黃啖啖都係流沙鹹蛋蓉，蝦身保持彈性咬落爽甜🦐🦐《風沙鮮鮑》將鮑魚外表炸到鬆脆～食落去就好juicy，店員仲教我地將剩返脆卜卜嘅以攞嚟撈飯添🤤（我食完冇好口渴應該味精唔多😎🤣)🏃🏼下次大家行過灣仔不妨試吓真心推介，終於唔使去澳門咁遠食啦😍👍🏻船飛都慳返唔少💕

每每經過門口，都會見到招牌蟹粥的照片，很吸引，想起很久沒食蟹粥，便特意和父母一同試試。除了蟹粥，餐廳亦像酒樓有不少海鮮小菜選擇，我們另外點了兩走海鮮。首先，黃金蝦好吸引，蝦很大隻，而且均勻地沾滿了金黃色的鹹蛋黃粒,咸中帶香，充滿牛油蛋黃香。而且蝦全都啖啖肉，很彈牙爽口，邪惡卻滿足。而野菌炒貴花蚌亦不錯，貴花蚌𠝹花炒，更有口感，爽脆彈牙，煮得剛剛好，不會「鞋」。加上野菌炒香，吸收精華，但單食會較濃味，建議配飯。之後便時主打的招牌蟹粥，蟹粥用了羔蟹，蟹件也算多。粥煮得綿，亦保持米粒的質感，而蟹味也很突出，蟹肉很鮮，更有不少蟹膏，很鮮甜很吸引，亦令整個蟹粥底都充滿蟹香味，味道也很甜。餐廳的蟹粥和小菜都不錯，味道不太濃，卻保持風味。

日本朋友來香港，想帶他品嚐地道美食。港島遊了一整天，晚上我們來了一番風味食蟹粥，貪其食物有質素保證，環境也比較企理衛生，坐得舒服，方便聊天。一坐下立即點一客膏蟹粥（$348），因為約需20-30分鐘準。蟹粥以傳統砂鍋上，原煲滾上桌，熱氣騰騰。蟹粥顏色橙紅，可見蟹膏很多，非常吸引。膏蟹原隻煮，份量毫不欺場，而令我驚喜的是每口粥都非常鮮甜，吸收蟹的鮮味，煮得綿而不爛，十分對我口味。蟹的蟹膏亦多，蟹膏甘腴，蟹肉鮮嫩，好吃！小菜點了比較特色的黃金蝦($118)，大蝦用料新鮮，肉質彈牙爽口，外層炸皮顏色金黃，吃來香脆可口，帶有香濃的蛋黃香，雖然非常邪惡，但我還是忍不住一口接一口！最後來一碟較家常的金銀蛋莧菜（$68)。味道對辦，調味恰到好處，確實有住家飯的感覺。

來一番風味必點招牌蟹粥，大大的一煲，加上橙澄澄的顏色，十分誘人。餐廳用上膏蟹，蟹膏很多，而蟹粥盡吸蟹的鮮味，煮得軟綿入味，難怪如此鮮甜！我足足吃了三大碗呢！除了蟹粥，原來小菜的水準也不錯。燒汁野菌炒貴花蚌風味十足，野菌用燒汁炒乾身，鑊氣十足。貴花蚌也滑溜多肉，鮮味洋溢，份量也足料！這小菜最適合配飯，很下飯呢。銀諗碌鵝啖啖肉，炆得軟腍入味，調味剛好不會太鹹。可惜我不能吃太多鵝，都給友人全清了。食物雖然有大排擋的鑊氣，但環境沒有大排擋般隨意，這兒乾淨企理，坐得舒服，十分滿意。

夜晚到灣仔上course，完結時決定同朋友到附近來食個蟹粥，便到一番風味。我們先點了招牌羔蟹粥，再來兩個小炒。大約10多分鐘，蟹粥變呈上了。蟹粥是黃澄澄，很吸引的蟹黃顏色，𥚃面的蟹份量也很多，約半斤十兩。職員先幫我們分三碗，蟹粥十分清甜，淡淡滲出的蟹鮮和甜味，連蟹鉗肉亦很完整！味道很好，我們每日也吃了三四碗。接著，便是銀諗碌鵝，鵝不像一般碌鵝燒乾，反是像燒過後燜煮，而且炆得很香，鵝肉更是十分諗，很軟身，加上醬汁很惹味，卻不會太濃，沾起來食味道特別好。雖然鵝的份量不算多，但食畢蟹粥後，我們已覺很飽了。最後來了一道菜清清胃口，我們選擇金銀蛋莧菜，莧菜煮得很好， 不太油亦不會太鹹，剛剛好。金銀蛋上湯浸著莧菜亦令菜更加甜。整體來說，餐廳裝修新，感覺乾淨，而且服務很好，比大排檔是另一種風味。蟹粥足料惹味，真是宵夜的好選擇！

今日又食生日飯喇，食足成個8月。呢位好朋友，知我鐘意食海鮮，就安排咗呢間係灣仔嘅一番風味。餐廳雖然唔算太大。而且好爆。我地走嘅時候8:30左右。仲有機枱客等位。餐廳有好多款時令海鮮選擇。我呢位好朋友叫咗我最鐘意嘅三款海鮮。避風港塘炒肉蟹$288~ 雖然肉蟹都好大隻，肉質比較淋，如果肉質彈牙就更好。但避風塘的配料(炸蒜蓉/辣椒/蒜頭)就非吸引我。非常野味，我用嚟攞飯食可以食晒一碗飯黃金蝦$118 - 即是用咸蛋黃煮成的一款菜式。非常香口。蝦夠大隻，肉質好爽。蒜蓉炒龍躉球$148-龍躉球大大件，好有魚嘅鮮味。魚皮煙靱。肉質爽滑。配上絕配嘅西芹。三個餸，碟碟都好大碟。兩個人夠晒。如果叫多碟菜，三人都夠食。成餐海鮮餐都只係$609(已計加一)真係幾抵食。多謝朋友的好介紹。

見到最近很多雜誌都介紹灣仔這一間食蟹的餐廳～所以今次就連同灣仔上班族朋友特意來到灣仔潮一潮聖！餐廳位置很方便 很快就可以找到 餐廳好大而且很光猛 適合一家人也可以跟三五知已來吃～看一看餐牌餐廳 它是主打中式菜 各種傳統港式小炒也可在這裡找得到其中以海鮮種類較多 當中必試蟹粥 是餐廳的招牌菜吧 最好我們點了一窩招牌蟹羔粥 ($348)  紅酒牛尾 ($88) 野菌蘆筍炒蝦球 ($118) 這個蟹粥整碗也是金黃色賣相相當吸引 餐廳選用一整隻羔蟹來烹調 當中蟹膏份量很多而且粥煮得很軟綿 也就是太令人欲罷不能 一口接一口很快吃掉整盤粥第二款主菜上場 牛尾鍋份量很多 而且很大一塊 肉身炆得軟腍 而且醬汁亦很惹味 洋蔥煮得軟身 配來伴飯一流最後炒蝦球也是不容錯過的另一款主菜 蝦球份量都很多起碼有六七件再配合野菌露筍等等蔬菜炒成 很有鑊氣 十分開胃的一道菜總括來說各款小菜水平之上而且餐廳的海鮮菜式亦都見做得出色

朋友話「一番風味」嘅蟹粥好出色。今晚一於去拜訪。女人係變幻莫測。去到咗餐廳。又唔想食蟹粥喎！！！星洲炒辣蟹～蟹肉肉質鮮甜。好惹味。廚師將鉗🔨碎咗。輕輕一咬就無問題。窩心。附上饅頭一碟。用黎（點）d醬汁食真係一流蒜蓉粉絲蒸扇貝～時間掌握得好好。扇貝無overcook 。粉絲（索）曬d汁。食到一條都無淨黃金🦐～邪惡之選每一啖蝦肉帶有濃濃嘅蛋黃味道。好滋味蒜蓉炒莧菜～清清地。無乜油。食碟菜罪惡感無咁大。

早早預訂，不用等候，找路需時，友人苦等。一共四人，要了套餐，方便快捷，不用多想。前菜：不會感到很油膩、特別過辣，每樣適中。美味，像新加坡吃過的黃金蝦，蝦肉彈牙，連蝦頭也可以吃進肚子內，熱氣上升。普通，肉質吃起來"梅梅"的，但有芝士、其他配料蓋過，大吃小，沒事沒事！普通，肉質吃起來有嫩有"鞋"，住家菜感覺。熱氣上升，肉質彈牙，脆脆美味。蟹粥沒有想像中濃味，但該有的味道均存有，但並不滿足，最後拿了少許上面的脆脆加了一起吃。

今日喺灣仔做完野 好想食小炒 又想食海鮮 甘啱朋友話食過呢間一番風味既lunch 而佢喺樓上番工 話lunch唔錯 ,.可以一齊試下dinner, 斷估 應該中菜有海鮮既入面格局正正常常 都算燈火通明 唔想諗 直接點佢個4 人餐 見有甘多海鮮好似好吸引甘<晚市海鮮套餐>988 蚊4 位 🍴餐前小食 青瓜爽口酸酸地幾開胃， 而雞絲切得好幼細 十分有口感 加上少少麻辣 都幾好食🍴招牌羔蟹粥呢味好推介， 一上枱熱辣辣 d粥仲滾緊 膏勁多 落足料 粥夠綿夠香 羔完全滲哂入去粥入面 好正！🍴風沙鮮鮑用炸蒜黎炒鮑魚 鮑魚鮮甜彈牙 炸蒜夠哂鑊氣 撈飯一流！🍴黃金海蝦咸蛋皇炒蝦 咸蛋夠味 蝦肉鮮甜新鮮 好味🍴芝士焗扇貝勁多芝士同雜菇一齊焗扇貝 芝士汁滲哂落扇貝入面 特別又好味🍴㰖豉蒸龍躉球龍躉煙靭彈牙 脂肪夠多夠厚 配上豉汁帶出魚鮮味。加d木耳點綴 唔錯！🍴蒜蓉炒時蔬 新鮮既菜 落少少蒜蓉炒就已經好好食！ yummy

今日同男朋友系灣仔附近拎完淘寶野 諗住系附近睇下有咩好野食 系灣仔好多茶餐廳 有懷舊既 有新穎既 平時都系食開懷舊既 今次就試下新穎既先我就食咗個咕嚕肉菜飯，咕嚕肉大概有12至13舊到。外面嘅炸粉唔多不過啱啱乍起好香脆，同入面嘅肉都幾嫩滑，同埋夠晒肥所以好易咬。而且每一件都佔有好多酸酸甜甜嘅汁，加上有洋蔥同埋青椒紅椒令到咕嚕肉嘅味道更加豐富。菜今椰菜就唔算好多不過都會見到而且啲菜都幾鮮甜如果可以更加多菜就更加健康更加好。第二個咸香雞菜飯。雞有大約十件，每件肉多過骨，d雞肉都幾肥美，肉的味道好新鮮唔係雪藏雞所以好滑，味道方面雞肉夠曬咸，幾入味所以唔洗薑蓉都好好食。雞皮幾好味，夠曬咸同好滑，咬開d脂肪先食會更好。整體而言 服務都吾錯 而且都坐得幾舒服 碗碗碟碟都幾乾淨 所以下次黎到灣仔都會再食！