一番風味 (已結業)

Bookmark咗依間好耐，終於都有機會試喇唔洗諗叫咗蟹粥先，依個真係招牌菜，枱枱都有咁滯，上枱就覺得犀利，啲粥不斷有氣泡升上嚟waitress分完後急不及待試食（差啲辣親個嘴），鮮唔鮮我就唔識喇，但係甜，應該冇落味精嘅，因為成餐飯我冇乜飲過水依個粥足以令我再嚟幫襯。其實除咗主要嚟食粥之外，我哋都叫咗3個餸嘅第二碟上枱就係黃金蝦，個賣相就好得喇，啲黃金包滿個蝦，但一食落去，第一感覺係好多油，唔夠乾身，但啲蝦殼係脆嘅，另外佢冇一般黃金蝦嗰啲咬落去有啲沙沙哋嘅感覺，唔知係咪啲咸蛋黃唔夠碎，定火候問題，一啲都出唔到咸蛋黃嘅咸香味，味道偏淡好喇，之後沙羗啫啫雞到，望落去個汁好似用嚟撈飯好正咁，但原來得個色，味道淡淡的，依度嘅啫啫雞有別一般雞煲加埋啲內臟入去（我唔食內臟），雞好少但配料/香料超多，最奇怪就係個雲耳，好似唔記得落，求其上碟前放上去，一啲汁都吸收唔到最後嚟係個啫啫通菜，冇錯，又係啫啫，因為唔想就咁蒜蓉炒，所以繼續啫啫不過有啲後悔，個菜都幾油，但都係冇乜味總括嚟講，除咗蟹粥，其餘3味餸都係偏油同冇味，如果冇食個粥，我絕對唔會再幫襯，但個蟹粥實在太討我歡心，我會為咗個粥再嚟試吓其他喇

灣仔人多車多餐廳多，高檔的有，平價的都有，絕對是美食集中地之一。今次去了離灣仔站5分鐘路程的一番風味，試一試大受好評的蟹粥。這裏出名的除了蟹粥外，還有多款海鮮，據說都是很新鮮。中秋節還有海鮮宴四人餐，都是$1088，不算貴。跟朋友兩個點了一鍋粥、 一個海鮮及一個小菜。招牌糕蟹粥：蟹粥是用個大砂鍋原煲上枱，大既有4人份量，非常大鍋。蟹粥呈金黃色，裏面有很多一粒粒的蟹膏，蟹肉約有一隻，粥底是煲到爆米花但未全爛，粥底又綿又有蟹肉的鮮甜及蟹膏的甘香。果然用料十足，絕對是用新鮮膏蟹製成，因為完全不會有蟹腥味及霉味，鮮甜味美。蒜蓉粉絲蒸扇貝：扇貝很大隻，我們點了四隻，一人兩隻，價錢雖然貴，但真是非常新鮮，扇貝鮮甜肉質嫩腍，加上蒜蓉調味，除了鮮味還有蒜香，粉絲吸收了兩者的精華，又爽又煙韌。日式鵝肝炒牛柳粒：牛柳粒牛肉味比較淡，但肉質軟腍，鵝肝外脆內軟，帶有油份的甘香，不會太油膩，比牛柳粒更出色，配上有三色椒的蔬菜鮮甜味，整個菜式不會太膩。總結：海鮮新鮮美味，價錢合理，絕對值得一試，因為絕不比外面的海鮮店差。

老公轉左去灣仔返工後，兩公婆好多時都會去灣仔食晚飯後才回家，兩個人返去煮又麻煩，又要買又要整，其實同外出食飯價錢又不會差太遠。今次見openrice有幾多好評，所以試下這間一番風味。離灣仔站5分鐘路程，不算太遠，餐廳地方都幾大，乾淨企理。店內有多張以前香港的相片。啫啫通菜煲有蝦米、瑤柱、肉碎及薑爆香後，加上咸蝦醬一起炒通菜，通菜爽脆，有咸鮮香味，非常惹味但比較咸，送白飯就一流。黃金蝦色澤呈金黃色，外層包滿著咸蛋黃，香味十足，蝦肉新鮮爽口，蝦殻炸得香脆，口腔內充滿啖啖蝦肉及咸蛋香，而且一碟有八隻，兩個人夠食有餘。膏蟹粥蟹粥非常大煲，一鍋約有四人份量，共有一隻膏蟹，蟹粥呈黃色，還有少許米粒狀，每啖粥都充滿蟹膏，鮮甜無比，而且完全無落味精，食完返到屋企都唔覺口渴。總括而言，蟹粥鮮味十足，是必食之一，同老公兩個人一人食左三碗，飽到上心口。

香港的風味,秋風起,又是食蟹的季節,不一定要到避風塘,灣仔這間小店就幾有驚喜!一進店內,就見到大大的招牌,什有氣勢.店內裝潢是以港式大排檔為主題,掛有不同的黑白人文生活照.期間限定的菜餚就寫到一張貼之上.今次就試了一個蟹粥,一個黃金軟殼蟹,蒜香炒龍躉球,南乳炸雞翼.先上菜的是"蒜香炒龍躉球", 蒜香大大的散發出來, 龍躉球炒得不錯, 肉還是彈牙。南乳炸雞翼，南乳味很突出，不會過咸，因為新鮮炸好，咬落還有肉汁彈出黃金軟殼蟹被一層黃金包圍着的軟殼蟹，入口香脆再來就是今天的重點：蟹粥！一整隻膏蟹放入粥內整鍋粥都是橙黃色，食落去就是蛋黃一般，蟹殻都夾碎了，方便進食飲品價錢相宜，還有奇異果汁

餐廳的地理不近地鐵站，係灣仔地鐵站都要行一陣過去。我地食嗰陣唔洗等位，但食緊期間勁快就爆場了。餐廳十分細心，有暖水濕紙巾同鉗比你。紅酒牛尾 牛尾好大舊，炆得好淋好入味，份量好足。個汁都好香紅酒味，正🤤黃金蝦 一上枱就覺得好吸引，食落都冇令我地失望。成碟好足料，蝦大大隻，啖啖肉。蝦都炸得好透徹，咬落好脆口！仲有鹹蛋黃碎，成碟好快就比我地清晒，用來餸飯一流😎避風塘瀨尿蝦 炸蒜好香，味濃，夠鹹夠辣！瀨尿蝦新鮮彈牙大隻，一碟共有八隻，四個人來說一人分到兩隻，好滿足☺️上湯金銀蛋莧菜不算大碟，口味對比起其他餸較為清淡，佢既岀現令我地可以清下喉嚨，繼續食好西。🙈蟹粥我地都好期待個蟹粥！都冇令我地失望。蟹粥上枱時，待應會幫我地裝啲粥入碗，仲有蟹腳，十分細心！粥雖然不算煮得很綿，但啖啖都有蟹膏，成碗都係橙色，蟹蓋的蟹膏已經煮晒落個粥到，非常鮮味😜。粥到仲有薑絲，食落除左蟹味仲有薑味。粥的份量大約每人分到兩碗。順帶一提，食嗰陣大家要小心，因為真係好熱，知道大家好期待，唔好咁心急，「6親就唔好啦😂呢餐好豐盛，四個人食好夠飽！黃金蝦係蟹粥以外的另一個推薦！價錢以灣仔區食海鮮來說尚算適中。

訂了20:30，去到還要等20分鐘很熱鬧，座無虛席，人人都是為了那鍋蟹粥，那些蟹膏，好引誘吧‼️‼️‼️ 四人套餐，有魚、鮑魚、蝦、蠔，還有菜，最後一鍋蟹粥，每人都可添兩碗本來餐內是蟶子，但已沽清，用薑蔥蠔代替也很好味啊‼️‼️‼️ 黃金蝦及黃金鮑魚，很重口味，那些黃金真想包走粥內究竟有幾隻蟹呢⁉️⁉️ 好像吃不完般，不是很大隻，但很鮮味幾特別是它的果汁，好像是有鮮搾成份，我們點了奇異果汁及菠蘿汁，幫助消化啊

This small restaurant mainly focuses on the traditional Chinese food, we usually come here for the lunch set.  It only $4X-$6X for each set. We have the pumpkin with pork today, it just likes what my mum will cook. The pumpkin is quite fresh and they have many pieces. A little bit sweet and the pork is juicy enough to mix with the rice.  However, the soup they offer is too salty and not very yum. 

賴生既媽咪亦即係屈小姐既未來奶奶最近投訴話好耐冇見到未來心抱仔喎，有見及此，屈小姐就同賴生安排左個Dinner見一見佢啦！係灣仔地鐵站A3出口向左行大約5分鐘就到嫁啦，不過要小心唔好跟左電車路行呀。咁重要既日子，賴生當然一早安排好，Book定位啦，點知⋯準時8點去到都要等成4個字⋯原因係佢地個Booking係7點同7點30都有一堆人，試問人地點會1個鐘交到枱比你呢？食快餐咩⋯⋯，賴生同屈小姐唯有等，都好彩佢地安排左幾張櫈比我地入去坐住等等左4個字之後，終於有位比我地坐啦，由於賴生同屈小姐都隆重其事，事前已經研究左一D菜色嫁啦，循例偽民主地問下屋企人就叫lu1）招牌糕蟹粥：3⭐️煲蟹粥一到，超大煲，而店員亦事先拎D新碗、蟹夾同濕紙巾出黎，準備比大家拆蟹同食粥一打開煲粥，最最最最爲搶眼既，一定係個顏色，成煲都勁橙同勁多糕嫁，D粥仲煲到粒粒都綿晒不過呢⋯，食開水蟹粥既話呢，呢個蟹粥就真係差左D啦，仲要成$348咁貴⋯成煲粥都冇乜蟹味，蟹既鮮味仲保留係蟹肉度，未逼出個粥度，浪費左隻蟹，唯有自己拆下蟹肉食啦，不過就⋯唔值得吹棒得咁好食囉2）原條烤茄子：4⭐️估唔到呢個有驚喜喎！條茄子上碟既仲係勁熱，

收工同老婆行完玩具街之後，又肚餓又累，突然好掛住蟹粥，所以突登去食蟹粥先,因為我地知道灣仔有間食蟹粥好出名。玩具街過去又不算太遠，所以我地過左去食。到步之後當然第一時間點左個【招牌蟹粥】先，因為蟹粥係用膏蟹煮的同會好快賣哂，之後店員仲推介我地食【風沙飽魚】，咩叫風沙??店員慢慢解釋比我地聽風沙即係避風塘炒法差唔多，仲帶少許微辣，我地叫住咁多先。蟹粥終於黎喇，個蟹粥都算大煲可以兩至三個人食，一打開超香蟹味成煲粥變成蟹皇色，每一啖都食到蟹膏，勁香濃。風沙鮑魚，原來都煮得非常出色,風沙炒法同鮑魚非常配合，鮑魚炒得岩岩好又不會過老鮮嫩得黎又爽口，除了蟹粥連炒野都值得一讚。

朋友相約於灣仔飯局, 呢間食店佢之前食過話唔錯, 知我鐘意食海鮮所以同我黎試下! 食店面積都幾大, 坐得舒服, 牆上掛住舊香港既黑白相片, 又有懷舊擺設, 的確幾有風味!餐牌上提供海鮮類, 各類型煮法都有, 喜歡原味可以選清蒸, 惹味刺激可選避風塘或豉椒炒亦有套餐供應呢度仲提供小炒類, 食物種類夠晒多元化今晚我地以海鮮為主題, 分別點左幾款唔同煮法, 味道由淡轉濃花鵰蒸瀨尿蝦 ($136), 賣相靚仔, 橙色花鵰蛋白, 食起黎嫩滑無比及有花鵰酒味道, 用黎撈飯亦係好配搭; 瀨尿蝦已經除左殼, 食起黎相當方便, 肉質鮮甜又彈牙, 正呀!蒜香炒龍躉球 ($148), 若以炒球黎講, 再厚切多D會好D, 魚肉起骨變成啖啖肉, 肉質結實得黎亦夠滑, 魚皮夠晒膠質, 配合蒜片及西芹一齊炒, 香味倍增!避風塘炒蟹 ($288), 以大隻肉蟹為主角, 配角為大量炸蒜, 䓤, 辣椒及薑片, 送上枱時已經聞到香蒜味先食到外面香辣炸蒜味, 辣度都幾辣但可接受, 脆卜卜既炸蒜就咁食都好味, 撈白飯亦得; 蟹肉食落有鮮甜味, 亦都幾好肉, 兩者配搭出黎既味道係好味!今晚呢餐"魚蝦蟹"味道正, 價錢親民, 回

每次喺灣仔等巴士都會見到呢間食小炒嘅一番風味都座無虛席, 所有就搵機會搵埋個"區友"一齊食下.蒜香炒龍躉球最鍾意食魚肉炒球, 啖啖肉又無骨龍躉球肉質彈牙, 龍躉魚皮超厚身, 極富骨膠原最重要係夠晒鑊氣.黃金軟殼蟹黃金蝦食過無數次, 見到新奇的黃金軟殼蟹, 聽落都幾正咁, 同朋友一人一隻.黃金(鹹蛋黃)炒至起沙😍, 淋上炸好的軟殼蟹殼面, 又熱氣...又香口, 點樣抗拒呀?!.成隻軟殼蟹楂住嚟食, 幾過癮.避風塘炒肉蟹炒蟹超夠鑊氣, "風沙" - 炸蒜、薑、蔥的香味不斷撲鼻, 未開始食蟹, 就不斷食炸蒜, 因為真係超香超刺激, 之後仲叫咗碗飯嚟食.肉蟹嘅外殼大部份都敲碎, 唔洗驚咬到牙崩, 又唔洗用個鉗左夾右夾都搞唔叫掂蟹夠新鮮, 肉質夠實淨, 最重要唔係嗰種殼好大肉好少嘅蟹

✿╮❤╭✿ ✿雜感女生 好味日記✿ ˚*•✰。一番風味．港式口味。✰•*˚ ✿✿舌尖上的灣仔✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 和朋友相約灣仔，尋覓美食之間 發現一家小店名叫「一番風味」，感覺相當「謝檸檬」 一看見有蟹粥，朋友就雙眼發光拉了我入去 好吧，剛好是吃蟹的時節，就來一煲！ 我們2人行，於是點了一個招牌蟹粥 2隻避風塘瀨尿蝦和一碟野菌露筍蝦球 3款都是海鮮之物，深得我心 先說打頭陣的香噴噴招牌蟹粥 稱得上招牌，果然是金黃的蟹香 粥底綿滑香濃，啖啖蟹膏滋味 朋友即撈蟹蓋，一層厚膏就吮了入口 而我偏鍾情那甜甜的蟹肉 白白香嫩的，吮出鮮甜 糕蟹粥果然相當和味 避風塘瀨尿蝦殼上的香口惹味已不得了 內裡的肉更是甜嫩，瀨尿蝦的甜與一般的大蝦不同 就是與避風塘的另類粗獷香味很match 野菌露筍蝦球則是一道清新的滋味 因為野菌和露筍帶來清香的口感 加上爽口的蝦球，讓味覺回歸清爽 是一道港式的風情

難得今日黎灣仔上堂，當然要填飽飽先啦。行過沿路餐廳，比一個餐牌吸引左我，就係呢間「一番風味」喇！有無諗過午市都食到黃金蝦？見到用Lunch既價錢已經食到，而且有菜飯/白飯及飲品跟，點可以走寶呀！黃金蝦球 配 菜飯酷愛黃金蝦既我，一番風味既質素係最高，金黃色，香噴噴，賣相已令人垂涎三尺，大大隻蝦球，混合海量咸蛋黃蓉中，粒粒甘香，海中沙加埋鮮蝦肉厚，口感大大提昇。伴菜係黃金炸南瓜，一甜一咸，配搭新穎，而又突出到南瓜既味道，呢味菜應該叫「黃金滿屋」就岩晒喇！最令人滿足既係，咸蛋蓉多得還可以用黎拌飯好欣賞小店既菜飯，一啲都唔油，因為食完個碗都好乾身，無乜油係度，而菜既味道好香，徹底與飯融合。不過略嫌菜太少。午市已做到呢個水準，絕對無得輸！ 川汁皮蛋蒜泥灑係皮蛋上，微辣開胃，蒜味濃郁，份量亦唔細，好似食極都仲有咁，野味得黎唔似出面咁肥膩，有別於有啲小店以重慶制法為名，一番風味呢度的確正宗!  加配凍飲都只係$6整返杯柚子蜜凍凍佢！唔知點解，出面啲柚子蜜好甜，但呢度又唔係喎，加埋冰岩岩好，又解渴，食物同飲品都有驚喜！黎開灣仔既朋友真係要試試呀！

小店既午餐都好多種類可揀，而且別有特色，一般晚市先有既，而家午餐已經可以試下！有時，出面以呢個價都只能食到質素平庸既午餐。不過入到去個感覺其實唔算太親切，服務質素都好重要，如果能提升下就會好啲星洲辣汁軟殼蟹老公非常喜歡食軟殼蟹，平日食開都係就日式烹調法，所以叫左黎試呢個小菜好得意，原來軟殼蟹都可以咁樣食! 外形似炸蕃薯，脆脆既外殼，軟軟既蟹肉，外鬆脆內軟。紅紅帶蛋花既汁淋上軟蟹殼上，酸酸辣辣既汁被軟殼蟹吸收，剛剛好，唔會蓋左蟹肉既鮮甜，相當入味，果種辣係慢慢滲透出黎，本身唔好食蟹既我，竟然連汁都撈晒黎食菜飯一啲都唔會油膩，菜同米二合為一，啖啖菜香，質素絕不亞於上海式飯店！鮮茄豬排焗飯其實諗住叫第2個餐，但見到周圍既人客都叫一碟大大碟既焗豬排飯，好吸引，叫黎試下先！大人細路都岩，因為阿仔見到已經流晒口水，焗到香噴噴既芝士蕃茄味，溶左既芝士拉晒絲，鋪滿飯上面，非一般既size~ 好大碟，鮮茄，微燶既芝士鋪滿碟上，啖啖汁，豬排有我隻手咁大，好有驚喜，一道平凡菜式，竟然可以變得不平凡加幾蚊已可以享受埋檸樂，柚子蜜，柑桔蜜等凍飲所以好值得推介!

就到蟹季，想食蟹既野就梗架啦，係fb一直見人講依間蟹粥，今日就約齊人去食🤓睇menu都好多野揀，一人嗌一個餸🐵加個靚靚蟹粥😋第一個上既係紅酒燴牛尾🐂，聞落去好香，牛尾肉係勁有彈性，個汁有小小偏甜🤔之後就係黃金蝦☺️佢黃金做得好足，香噴噴，蝦肉結實彈牙，每人兩隻好滿足🦐避風塘瀨尿蝦，偏辣，每人一隻，肉勁甜，佢重口味得黎真係惹味，勁想食多隻🤤金銀蛋莧菜，清淡唔太鹹🙂終於到期待已久既蟹粥，每人食到兩碗左右，成隻蟹可以食，粥底綿密，好香蟹膏味，熱辣辣，好食😋😋埋單每人兩百幾，又算ok喎😋