一番風味 (已結業)

上午跟同事到灣仔上堂，就順便食埋午飯才回公司。同事說之前聖誕吃了太多西餐，想叫中菜，見一番風味的中式客飯不貴，座位都幾舒適，就入內試試。＊＊＊＊＊＊＊＊＊＊＊一番風味是一間新派中菜館，店內灰色的牆壁配上香港昔日的黑白照片，裝潢貌似懷舊實質卻乾淨整潔。午餐有十多款選擇，價錢由$52至$78不等，可加錢加配飲料、老火湯或時蔬。老火湯(跟餐加$6)老火湯是青蘿蔔粟米湯，飲得出夠味之餘亦沒有下味精。星州辣汁軟殼蟹($68)全部午餐都可配白飯或菜飯。星州辣汁軟殼蟹內有兩件軟殼蟹和四件炸南瓜，辣汁其實只有小辣水平，不過炸漿夠薄夠香脆，整體味道都不錯。菜飯很大碗，即使男士都應該夠飽。欖豉蒸龍躉頭腩($78)龍躉頭腩都幾厚肉，上面鋪滿豆豉，下面再有雲耳墊底。龍躉頭腩肉質結實不多骨，最合我怕吐骨的人。因為有大量豆豉，所以食落夠鹹香，餸飯一流。總結，午餐雖然不算特別便宜，但味道在平均以上，而且店內亦比大多茶餐廳或茶樓整潔，食得更放心，侍應亦非常親切友善。

同班friend聚會去慶祝其中個friend的生日, 在朋友的帶領下來到灣仔一間非常不起眼的街邊舖叫“一番風味”, 一入到內, 發覺間舖好細, 只有幾張細枱, 在侍應的帶領下, 我們穿過店舖中間一條狹窄的走廊, 原來走廊後面另有乾坤, 裡面有個大廳, 有好多張大大細細的枱在裡面, 而且差不多滿座, 好彩我們有訂位, 待我們大家座低睇餐牌, 原來這間有蟹粥食, 仲有很多新奇的煮法製作的海鮮, 很是吸引.待我們大家齊人後第一道上來的餸是日式鵝肝炒牛柳粒, 鵝肝我通常在酒店的自助餐中,配以香脆的多士食的, 這種用鵝肝來炒牛柳粒我都是第一次食, 青紅黃的甜椒作配料的牛柳粒炒鵝肝在視覺上很吸引, 鵝肝粒用脆漿包住炸過, 外面脆脆的, 裡面的鵝肝鬆軟, 咬開鵝肝在口中咀嚼是滿口都是鵝肝特有的香味, 就算是吞了落肚, 個口腔內仍然是齒頰留香, 然後再食了一舊牛柳, D牛柳嫩滑加上夠鍋氣, 連甜椒都覺得好好食!跟住就上來了風沙鮑魚, 這道菜都是第一次食, 這間有很多新奇的煮法, 風沙鮑魚一人一隻, 上枱時, 鮑魚上面鋪滿了金黃色的類似蒜蓉的物料, 但食落並不是蒜蓉, 非常香, 非常脆, 而且少少辣辣地

早两日去銅鑼灣採購禦寒衣物意猶未盡, 今早我們去灣仔繼續血拼。在時裝舖買完衣物見到隔隣此食肆剛清潔完畢開始營業, 我們亦都肚餓了, 所以就襯機入去吃午餐和休息。無入錯去呀! 餐廳環境寬敞、乾淨、座位鬆動、侍應招呼周到、菜牌標示的價錢都合理! 而食物的份量也豐富和味道唔錯呀! 在我們坐下後亦有很多客人和一家大细的家庭陸續入来。我們叫了:⑴ 欖豉蒸龍蠆頭腩附加菜飯、⑵ 栗子炆雞附加菜飯、(3)蝦膏海鲜炒飯、和⑷ 海鲜湯斑粒泡飯。

以前和朋友去澳門，一定會去氹仔官也街食水蟹粥炸鯪魚球，但自從澳門脫變之後水蟹粥已經不可同日而語了，就是這樣已經很久沒有再食蟹粥，最近朋友告訴我灣仔有一間叫「一番風味」他們的招牌蟹粥，做得不錯叫我去試吓，既然朋友有心推介當然要約埋一齊試清楚啦。招牌蟹粥糕蟹 $348招牌蟹粥用上新鮮糕蟹煲成，味道鮮甜蟹味濃厚而且粥底綿密，色澤金黃新鮮蟹膏混入粥內差不多每一口粥都有蟹膏實在美味。蒜香炒龍躉球 $148食海鮮新鮮就是無敵，龍躉球肉質嫩滑加上厚厚的龍躉皮，食落十分膠口配上清香的西芹粒和微微的蒜香味，味道配合得恰到好處。蒜蓉粉絲蒸扇貝 $150這碟蒜蓉粉絲蒸扇貝，雖則扇貝是主角但是粉絲吸收了扇貝的精華，和蒜蓉的香味加上幾滴醬油，鮮味提升至極點，我只想粉絲一食再食😋😋

今日同男朋友食飯，去左灣仔搵左間中式餐廳，最近食得多日本菜就去食下中菜啦。日式鵝肝炒牛柳粒。牛柳軟腍無筋，牛味濃郁有咬口，醬汁味濃唔會好咸，味道剛剛好。鵝肝油香重唔算太膩，好正我最愛既黃金蝦。咸蛋黃極是濃郁濃香，咸香蛋黃包上爽甜蝦肉，食到停唔到口。風沙鮑魚。男朋友見到鮑魚就雙眼發光。風沙鮑魚做法好惹味，卜卜脆又有咬口，鮑魚唔會好乾好鞋口，入口爽口彈牙。金榜蟹鍋。蟹鍋好過癮。蟹肉掛上香濃醬汁味道咸香豐富，蟹肉不失鮮味。叫多個麵包配醬汁食埋。

上網搵正嘢食•見到灣仔「一番風味」食海鮮好得•哈哈•今晚有食神星洲炒辣蟹～蟹肉相當鮮甜•酸酸辣辣嘅醬汁•好開胃心諗有碗飯撈汁就正啦店員送上饅頭一碟•配饅頭一樣出色•d汁真係好惹味黃金蝦～每咬一啖蝦肉•蛋黃嘅鹹香滲透口腔•我倆大讚出色椒鹽瀨尿蝦～瀨尿蝦手✋咁長咁大隻•肉甜彈牙•配上大量蒜香•味道更加昇華•蒜蓉炒莧菜～炒莧菜無乜油•加多d蒜頭炒會滋味d 整體海鮮新鮮味道唔錯建議嗌埋三五知己可以試多幾款海鮮

呢間在灣仔道的＂一番風味＂門口貼了很多介紹廣告，裏面食客爆滿，有招牌蟹粥和小炒感覺味道地道不錯一於入去試吓先😋招牌蟹粥糕蟹 $348一大煲上的蟹粥一打開蓋香噴噴，粥底是橙黃色顏色十分吸引感覺成煲都係用蟹膏煲成的粥底，食落蟹味濃郁鮮甜，啖啖蟹粥都有蟹膏，而且蟹肉非常新鮮肉質細嫩，蟹鉗已敲碎不用費牙力已能食到美味的蟹肉。食完蟹粥當然要將蟹蓋裡的膏消滅掉啦🤪蟹蓋有差不多一隻碟那麼大十分足料很誇張蒜香炒龍躉球 $148龍躉肉質嫩滑皮帶點煙韌有膠質，感覺有豐富的蛋白質，西芹爽口清甜，一脆一嫰火喉十足互相輝映避風塘炒瀨尿蝦 $176瀨尿蝦差不多有筷子那麼長，瀨尿蝦乾身用勁多的蒜蓉和蔥頭非常惹味可口👏🏻

睇個名以為日本菜，望真d原來係中式新潮、傳統都有既好餸!芝士白汁焗扇貝? 未試過喎，芝士、白汁我都勁鍾意，梗要order啦！ 更喜愛就係焗到個面噥噥哋，輕輕脆脆哋，然後個扇貝爽爽哋，得哂!😚南乳粗齋煲，咁凍既天氣，見到呢味餸真係唔叫唔得，實在冬天最啱!  各種菇類夠爽又香，南乳唔重手，剛剛夠味，滋味到暈，令我食多几啖飯。另外，同時我又好想食多款菜，咁就揀個又清又香既蒜蓉炒菠菜啦！因呢排去到邊到食d菠菜都唔錯，佢都炒得好青翠。最後再係揀咗個保暖必食👉臘味糯米飯。唔鍾意煲仔飯飯焦既人就食呢個好。佢將所有臘味、冬菇切到細細粒，令到個飯好入味，因為d油份好均咁走哂入d飯到，香氣撲鼻，老實講，而家仲回味緊呀😍我相信我一定會再去!

好耐之前上網睇過招牌大肉蟹粥覺得非常吸引 而且有好多評語都大讚 今日突登到灣仔食大肉蟹！餐廳環境寬敞 幾有住家feel 無花巧設計 俾人樸素既感覺～先黎清蒸鮑魚兩隻！雖然唔係大鮑 但勝在夠乾淨 而且非常細心地先去內臟鮑魚一咬即開 食鮑魚完全唔洗食到牙骹較～加上陳皮調味 簡單得黎又食到鮮味黃金蝦未食已經先聞到蛋黃香同我以往食開既黃金蝦略有唔同 呢到既皮較酥脆同乾身 而且炸皮同蝦不分離！味道非常濃郁 而皮炸得爽脆但肉質仍保持肉汁雖然知道黃金蝦膽固醇高 但係色香味俱全既美食下實在難忍口 所以清曬🙈金榜蟹煲最終係店員既推介下嘗試另一款蟹煲 — 金榜蟹煲！打開煲蓋 見到一個大蟹蓋係到 目測應該都至少有一磅重伴隨既法包係蘸醬食醬汁完全充滿蟹香味 用黎跟飯食一流！令人眼前一亮既大蟹鉗非常足秤

“一番”招牌蟹粥，整煲都是橙黃色的，嗯~吃得出有好多蟹膏混和粥內，亦有一隻原隻大膏蟹，蟹拑算大隻，啖啖先肉，yummy ~ 味道亦不會過份濃味，吃得出蟹膏蟹肉的鮮味。唔錯!

臨近年尾，工作量特別多，一星期OT兩三天！記特那天氣溫突然下降，我跟同事剛好要OT趕聖誕裝飾！到公司附近的小菜館用餐後再繼續工作吧！冬天特想吃羊腩煲，暖笠笠太爽吧！這煲古法羊腩用料很足，我跟同事每人都分到三、四塊羊腩最好吃的部分是一層一層半肥瘦肉，部份還黏住骨頭，沾腐乳醬夠惹味！裡面還有入味腐竹、香菇、蓮藕！這避風塘瀨尿蝦，一開始還在掙扎要不要吃，因為怕熱氣！結果還是一人一隻，超喜歡裡面的炸蒜蔥段，超香口，來配飯吃一流聽說這裡的蟹粥也很有名的，反正距離公司那麼近，下次中午就拉大隊來吧

以前去澳門d人話一定要食蟹粥不過香港有咁多好野食又唔一定要過海嘅朋友帶路話去食蟹粥之前未食過蟹粥所以一直好期待**招牌糕蟹粥**好多糕啊！超香講明用糕蟹所以特別多糕真係貨真價實個粥口感幾綿另外仲叫左羊腩煲羊腩d皮處理得好好去曬d毛毛同去得好乾淨羊肉好腍無蘇味調味超入味食落相當惹味黃金蝦超足料炸得金香勁香口d蛋黃食落好惹味好耐冇食過賴尿蝦啦用避風塘炒法去整相當之夠風味超入味呢度個環境設計簡潔帶有懷舊風牆上面掛住舊香港嘅相片呢度野食同環境都好有香港特色我諗唔止香港人相信連遊客都會鐘意呢度因為夠曬地到

好多次經過見到門面用舊式招牌好有特色，加上網上評語推介主打食海鮮，就拉埋朋友決定入去試一試店舖環境主要用舊香港面貌作裝修，每張枱都有大定距離唔會太近，而且全部都用軟櫈同沙發，坐得幾舒服同朋友共4個人，可以叫幾款海鮮試多d黃金蝦上枱未食已經問到好香咸蛋黃香味，平時出面食既好易食到d炸得好油，呢個炸得脆得啱啱好，咸蛋黃個皮亦唔會太厚金榜蟹煲超過一磅重既大肉蟹 食落啖啖肉🦀。個汁好特別好好食 本身擔心嘥咗個汁 諗叫個飯送汁 點知佢免費跟左份法包 點落D汁到好夾蒜茸炒菠菜古法蒸龍躉球平時唔好食魚, 怕有骨又怕有腥味但呢個完全冇呢個問題每舊好厚既魚肉, 食得出鮮味, 連我呢個唔好食魚既人都食左3/4舊佢下面墊左D木耳索埋魚汁 朋友同我都爭住清哂呢碟壓軸就係今晚既重點﹕招牌羔蟹粥一打開鍋蓋, 一煲仲滾緊既蟹粥就係我地面前成煲金黃色, 撈落成隻蟹件齊哂係到蟹羔超多, 分落每碗完全唔洗慳住食粥底好綿好滑我地一分4個人, 一煲分到8碗有多但好食到我地每人覺得2大碗都仲好想食

之前已經一直想食呢間餐廳，因為朋友推薦話蟹粥好好味。今日終於有機會可以黎會一會個蟹粥😁 環境好乾淨好舒服，個招牌位裝修我好靚，就甘影都有好好睇。我們4個人叫了5道樣野黎食😋😋😋 蒜茸波菜：好有鑊氣，熱辣辣好入味黃金蝦：層鹹蛋黃包住隻蝦，而且隻蝦好貼心已經是去殼既，唔鐘意食蝦殼既朋友不用擔心。古法蒸龍躉球：龍躉肉同雲耳一齊蒸，蒸得岩岩好，魚肉好好味。金榜蟹煲：不送黎仲以為係蟹粥，因為好大一煲😂😂。佢個蟹肉很嫩很厚，醬汁配埋麵包食，好夾好好食。招牌蟹粥：呢個係必點既，4個人食岩好，每人可以分到2大碗。我好鐘意甘樣既粥，唔會好綿好爛，口感有顆粒感。而且粥很入味，蟹肉也很多。👍🏻👍🏻👍🏻超正 總結：甘岩冬天食蟹粥，食完暖笠笠，好滿足😁

因為慶祝同事生日, 在找餐廳的時候看到有foodie介紹這家餐廳的蟹粥, 看起來好好吃的樣子, 所以便打電話去訂座及留了一鍋蟹粥~午市時間餐廳人好多, 幸好有訂座!!! 我們點了些午市套餐, 還有一道小菜~ 可能人太多, 我們下單後等了很久都沒有上菜.....(差不多等了半小時)先來的是set lunch:軟殼蟹套餐~ 沒想到只有1隻蟹(分開一半變2件), 其他的都要炸南瓜來的~ 而且外面的粉皮炸到有點剝離了lol 味道就是一般般吧!黃金蝦球套餐: 蝦只有半在裡面, 其他都是粉漿來的....亦沒有咸蛋黃味... 回鍋肉套餐....豬肉只有4片! 對~沒數錯, 是4片!!!!!! 其他就是菜....味道也是一般, 偏油雖然灣仔租金貴, 但會否孤寒了點? 我們寧願多付10元8塊, 你就給我們多點菜好嗎? 難怪男同事說: 如果我一個人叫了這些lunch set真的要再吃下午茶呢~還好午市餐還有一個滄海遺珠! 大男人麻甩之選: 蕃茄焗豬扒飯!!這碟飯的份量可以足足分給3個人吃!!! 而且裡面是難得的足料!  難怪餐廳當時有很多人點這個!!我們都很好奇為什麼價錢跟其他套餐差不多, 但份量差那麼多