一生懸麵

营业中

休息中

香港閑閑哋食個沾麵拉麵，人均都要過$100，但呢間黃店真係非常抵食，人均只需70幾蚊，仲要唔使加一😱！味道仲好高質，唔怪之得勁受歡迎，成日排長龍～▪️特濃豚骨沾麵 $78▪️湯係我哋最愛嘅魚介豚骨湯😽食咁多沾麵都係覺得魚介味最正！湯入面有幾粒瘦啲嘅豚肉粒，都係正宗沾麵做法～我哋食旺角店就冇爐加熱啲湯嘅，但見餐廳啲FB post好似其他分店有，可以keep住沾麵汁嘅熱力再正啲！沾麵同拉麵表面會見到有一粒粒咁，睇返佢哋之前啲訪問先知，呢種係「全粒粉」拉麵，用全麥粉製成，比較健康～但食落其實味道完全唔怪，啲麵仲好掛汁👏🏻！配料方面有叉燒、半熟蛋、竹筍等。叉燒係厚切、肥瘦相間，表面輕輕燒過好好食🤤 半熟蛋睇圖都見到，真係好流心！食晒沾麵記得叫店員加清湯落沾麵汁到，可以飲埋啲魚介湯😏▪️辛辣拉麵 $78▪️之前食過一啲沾麵好出名嘅店舖，佢哋嘅沾麵同拉麵水準可以好參差🤣 但係呢間一生懸麵就唔會，沾麵同拉麵同樣有水準！辛辣味嘅湯唔會過辣，恰到好處😍 配料叉燒、溏心蛋同埋麵條，其實同沾麵都係一樣，愛好拉麵嘅你都值得試吓💛▪️煎餃子 $28▪️呢個價錢有5隻餃子🥟真係幾抵！個皮煎到金黃色脆脆地，咬落有啲肉汁，cp值

一大早滿懷希望黎排隊等開門，等咗一個鐘終於開門，開12點遲咗好似5分鐘左右先開門，不過唔緊要，重點係食物嘛！雪糕辣拉麵，$98，誤聽友人話雪糕溶咗個湯唔會好辣，點知辣到飛起，雪糕溶咗同未溶我都只係食到辣味，亦無其他人講話雪糕溶咗有種特別味道。雪糕未溶前咬咗啖，其實支雪糕幾好味，反而放咗落拉麵溶哂我覺得有啲可惜。另外本來以為雪糕係一支，點知係得半支😅 另外令我好困惑嘅係網上話呢支係花生味雪糕定湯底有花生味，我一啲花生味都冇食到 ，總之就係得個辣字。個麵質唔錯，叉燒亦都幾肥美，睇你鐘唔鐘意食肥，佢塊叉燒有一層都幾肥下，我個人黎講幾鐘意佢塊叉燒，燒得幾惹味。雞軟骨捧，$28，無咩特別，比較鐘意食一粒粒嘅雞軟骨。煎餃，$28，呢個煎餃反而煎得幾出色，入面嘅料就無咩特別，一般餃子，但煎得幾好。炸雞，$32，本身無叫，見其他人叫望落幾靚仔，又叫黎試下，因為費事下次試要再排隊🤣 食落有啲失望，炸雞粉好厚，炸皮偏硬，唔係脆口，雞肉唔算滑，不過32蚊可以試一次嘅，一次好了。總括黎講，唔洗排隊都可以再食，要排咁耐就不了，因為真係無咩特別。

人氣雪糕拉麵！之前日本新興雪糕加拉麵嘅食法，香港呢間拉麵店仿效推出雪糕拉麵，令顧客人龍絡繹不絕，我哋下午五點幾六點去到都要排隊等候入座，因為店舖隔離裝修緊，排隊都有啲麻煩，初頭會有少少混亂。而且拉麵即點即製，都等咗二十幾分鐘先有得食。雪糕拉麵$98- 呢個期間限定嘅拉麵其實係花生醬味雪糕加辛辣湯底。首先飲咗一啖湯，都幾重豬骨同辣味。然後重點食花生醬味雪糕，雪糕雪到硬冰冰，就算影咗相幾分鐘都未融。雪糕有濃濃嘅花生醬味道，面頭有花生碎，增加口感同花生嘅味道。為免雪糕筒浸到林晒，我都特登就咁食咗個雪糕筒先，一夾起先知道原來餐廳將雪糕橫切左一半，見到雪糕筒嘅橫切面覺得好治癒，味道都有少少花生醬味。唔覺唔覺就咁食咗好多雪糕，剩返好少撈落個湯底度，所以湯底都仲會有啲辣。另外想讚一讚呢度嘅拉麵，有少少粗度，有咬口彈牙，掛到湯。雪糕拉麵味道唔錯又適合打卡，推介！特濃豚骨沾麵$79- 朋友話沾麵同微辣嘅湯底都好夾，唔會太鹹太重口味。

今次試咗呢間好出名嘅拉麵～～-雪糕拉麵湯底係辛辣湯底，店員話係譚仔5小辣嘅程度，食開辣嘅我覺得還可以～～因為雪糕融化之後其實辣度就會相對減少。雪糕係花生醬口味，旁邊撒滿花生粉，花生味香濃而且口感很順滑綿密。兩者融合有啲似擔擔面。雪糕嘅甜中和了湯底嘅辣，湯底嘅辣也化解了冰淇淋嘅膩，幾match，有啲驚喜😂😂其他配料係常規拉麵裡有嘅：日式厚叉燒、溏心蛋、筍片、芽菜，青蔥。麵可以自己選擇軟硬度，真材實料，係水準之上👍🏻👍🏻

💡第一時間想提醒大家，如果想成功食到雪糕拉麵，除咗早啲到舖頭排隊，仲可以留意下佢哋Instagram，佢哋會不斷更新供應情況，咁就唔洗撲空喇😉-🌟花生醬雪糕辛辣拉麵 $98呢款拉麵我有幸食到2次，第一次因為上菜時雪糕已經半溶狀態，加上連甜筒都裂開了❤️‍🩹其實當下未察覺有大問題🫣-追求岀品高質嘅老闆睇唔過眼🤣覺得雪糕狀態未如理想，決心再邀請我哋再去食過，為我哋送上一碗完美拉麵🤤果然再去食過，先知道效果差很遠呢，然後最近佢哋仲喺拉麵加上花生碎🥜令花生香氣再度提升🆙 花生雪糕口感紮實，溶化之後融入新辣湯底，令湯底嘅質感更加濃厚有奶油感，亦都令到辛辣嘅味道變得柔和😋有種上海擔擔麵嘅感覺，加上配料有平時少見嘅椰菜絲，原來同拉麵一齊食會有少少清甜同爽脆，冇咁膩口😛-而佢哋嘅叉燒都好香好肥美，加上用火槍燒過會多咗一陣焦香味，叉燒入口即溶，非常滋味🍖-🍗雞軟骨棒 $28-🍜一生懸麵 ——旺角店🏡地址: 旺角通菜街73號地下☎️電話: 27481001🕙營業時間: 12:00-22:00 (Mon-Sun)-🍜一生懸麵——九龍灣店🏡地址: 牛頭角牛頭角道3號得寶商場地下121號舖☎️電話:37058766🕚

出發之前已經有排隊等位嘅準備，由於而家嘅女人街檔口同人流都少咗好多，所以排隊嘅位置都尚算鬆動，都唔知咁樣係叫好彩定唔好彩，店員不時有過嚟提醒大家盡量唔好擋到其他店舖門口，雖然態度確實不太友善。當排到開始接近目標時，店員會派點餐紙，一心打算去食沾麵嘅我，拎起點餐紙就比一個名吸引咗，花生醬雪糕拉麵！！！仲係限定的。雖然呢個組合望落有啲邪惡，但係唔洗思考2秒就成功揀咗 XD 碗麵上枱真係要第一時間比相機食先，成個雪糕放喺熱辣辣嘅辛辣湯麵嘅中心，未食入口已經喺嗅覺同感官中感受佢嘅多層次，先食一啖純辛辣湯麵，再黎係雪糕+辛辣湯麵，然後係花生醬加辛辣湯麵，最後全部混埋一齊湯麵。後3個組合都係開心仔嘅味道，就算而家望返相都想再回味呢。據說呢個限定拉麵每日每間分店都係數量限定，真心覺得自己太好彩了。

近排睇YouTube留意到一種日本依家好興嘅拉麵新奇食法，就係將一個凍冰冰嘅雪糕加入一碗熱辣辣嘅拉麵到😳 一開頭聽都覺得應該伏伏哋，但竟然見到唔少人話好食，最緊要係香港有拉麵店都出咗呢個新食法，所以前排趁住週末即刻去試吓🤪🍦 雪糕拉麵 $98因為雪糕拉麵係限量發售嘅，喺佢未開門之前就已經去咗排隊，未開門營業就已經排咗長長嘅人龍🤣 準時入到，即刻嗌左兩碗雪糕拉麵！不得不提一下佢嘅雪糕係由另一間黃店想甜嚐甜出嘅花生醬雪糕😳 個麵嘅湯底係一個偏辣嘅湯底，加埋個雪糕，應該係想做到擔擔面嘅效果🤪 原來加埋一齊又唔係好奇怪，雪糕嘅奶香味融入咗偏辣嘅湯底，中和咗個辣味之餘，仲有少少牛奶香味，不過花生味就因為撈埋一齊而少咗，其實就咁食個雪糕都好好食，我會prefer食一住麵，咬一啖雪糕多啲🤣而佢嘅麵係粗身麵質地，非常彈牙煙靭，係我都幾鍾意食嘅口感☺️ 兩塊叉燒係厚切，微微燒過嚟，仲有啲啲油香🤤 煮得非常軟腍，鍾意食半肥叉嘅你就啱晒！而最鍾意嘅係佢隻溏心蛋，煮得剛剛好，超流心，好滿意！🍢 雞軟骨棒 $28另外我哋亦都嗌咗呢款小食，因為掛住食唔記得咗影相🤣 佢嘅雞軟骨棒都幾唔錯，雖然食得出係出邊買返嚟嘅雞軟

🍜魚介豚骨凍沾麵 -$78魚介湯雖為清湯底，但味道清新，帶有淡淡魚鮮味。不過如味道更濃就好啦😆豚肉厚切卻煮得軟稔易入口；連平時不好荀嘅我都all kill晒啲荀，整體味道不過不失～🍜海老凍沾麵 -$83濃郁櫻花蝦湯底，加上青檸汁，令蝦鮮味更為突出。建議重口味人士選擇海老>魚介🤣

晚巿可以堂食，行完街就走去食一生懸麵勁多人，等左大半個鐘先入到去白湯豚骨拉麵加半熟蛋豚骨湯好濃郁，灸燒叉燒半肥瘦，肉質細嫩半熟蛋流心，一口食滿滿幸福感配埋木耳絲，荀同紫菜，好足料。魚介豚骨沾麵加半熟蛋沾麵湯滿滿魚的鮮香，麵質軟硬適中，唯獨掛湯力就麻麻地半熟蛋真係必加，食隻半蛋無問題只係$12一隻蛋稍為貴左少少，唔係太親民。灸燒叉燒好厚，食落好香，好好食其實我仲叫有餃子，不過掛住食唔記得左相機食先餃子味道一如以往，餡料普通。

第二次過嚟食，公眾假期午餐嗰條龍比起平日嘅晚飯仲要長多一倍，等咗差唔多有一個鐘，終於輪到我食。大約1:30 p.m.左右已經冇晒限定嘅雪糕拉麵。知我哋等咗好耐出面又熱，所以一上枱唔洗1秒就已經放定好凍冰冰嘅飲品比客人，值得加分。我叫咗一碗白湯豚骨拉麵。飲咗一啖湯先，有非常濃郁嘅豬骨湯味，麵相對係幼身少少，叉燒半肥瘦偏肥，所以好多人鍾意食。另外有木耳、荀、紫菜兩塊、流心蛋半隻。撈埋一齊，食落去非常好食。另外亦叫咗一碗魚介豚骨沾麵。我係加咗$15叉燒，所以你見叉燒嘅份量比平時多。同樣都係有流心蛋半隻、荀，不過就冇紫菜。沾麵的湯底比起啱先我覺得係比較鮮甜，冇咁濃郁但係甜味重啲，兩款口味都好好食，各有千秋。而且睇得出佢份量都唔細，食完真係好飽。埋單HKD 183，如果路過見到唔駛等咁耐，一定會再嚟食。

旺角有好大個招牌掛咗喺舖頭門口。未入到門口首先要排隊。6:30去到，跟住排隊大概20分鐘左右，就有得入去食。舖頭為咗令等待嘅客人比較涼爽，所以就喺出面擺咗個風扇。舖頭入面環境比較擠迫，只有一條狹窄嘅走廊俾人行入去。排緊隊嗰陣時就會俾你喺餐單上面揀定你想食啲乜嘢先。我見到呢個綠茶可樂好似好特別，喺其他地方都冇，所以我就揀咗呢個。一入到門口佢就會擺定一支綠茶可樂俾你跟住呢個可樂仲要係好貼心同你開埋，隔離擺咗支飲管。呢個綠茶可樂飲落去有少少茶味，茶味唔算係好重。更加重嘅係可樂嗰陣味。主角就係上面嘅雪糕拉麵‼️辣嘅湯底，配上鹹香嘅花生醬雪糕，我竟然覺得都幾夾。碗入面嘅叉燒非常肥美，可以見到佢係脂肪比較多。食落去呢覺得口感有少少奇怪。食到落去脂肪係非常之嫩滑，但係如果冇咗脂肪嘅陪襯，淨係食瘦肉嘅話，又會覺得煮得唔夠冧。配菜係拉麵都有嘅芽菜，溏心蛋同埋好特別嘅雪糕仲有花生碎。食拉麵之前我咬咗幾啖花生醬雪糕，我覺得花生醬嘅嗰個味係好濃，跟住佢用嘅嗰個奶又係好綿滑，奶味來講就唔算濃郁。湯底偏鹹辣，雪糕溶落去湯底嘅嗰下，湯底嘅溫度冇因為雪糕而改變到。反而多咗少少奶，令到嗰個辣味有少少降低咗。但係其他嘅鹹味

星期日中午12點經過旺角，事頭婆話想食拉麵🍜 於是就去呢間成日排長龍嘅拉麵店碰碰運氣，好好彩今次排第二，等咗唔夠10分鐘，望望後面已經多咗十幾人🤣 最後等咗大約15分鐘就可以入去食嘢😋見差不多枱枱都叫期間限定嘅「雪糕🍦拉麵」，我哋都叫咗一碗，再加多碗「海老🦐沾麵」⋯⋯ 雪糕拉麵個湯底係辣嘅，上面有舊花生味嘅雪糕🍦仲有兩片叉燒、半隻蛋、椰菜同筍😋 我自己就鍾意❤️海老沾麵多啲，上面鋪滿樱花🌸蝦🦐，個湯底好好味😋⋯⋯ 另外仲加咗個餃子🥟同雞🐔軟骨🦴棒，味道都係very👍🏼👍🏼👍🏼

星期六係黃店泰然按摩完已經4點，每次按完都食漁場台風有d悶。上網搵到另一間黃店 樸一拉麵，點知中場休息，6點先再營業😢唯有再轉場到人氣極高既一生懸麵💛完全冇諗過4點幾都要排隊，前面有5-6個人，好好彩等左5分鐘已經有位😄近排有期間限定雪糕拉麵😂花生醬雪糕配辛辣湯底，之前睇creamy youtube話好正，大家可以試下🤣海老沾麵 $85 🦐 麵底冇得揀幾多gram，我食完仲係肚餓☹️😂半熟蛋崩左一細忽，蛋味唔算好重。叉燒半肥瘦，微微炙燒過。沾麵湯底好咸，食到中途開始口渴。湯底冇咩特別，唔係蝦湯底，只係面頭加左好多櫻花蝦。撈埋櫻花蝦食口感更豐富👍整體黎講質素唔會令我想黎第二次☹️暫時仲係漁場台風三間分店世一。下次再試埋樸一拉麵先

一生懸麵的沾麵出色早有所聞，是日剛好去旺角處理事情，就想先來這裡吃午餐。第五波疫情剛爆發，見排隊的人龍不長，就決定光顧啊！等位約10分鐘左右便獲安排入座～沾麵及拉麵各有4款，我選了魚介豚骨沾麵，老公則選海老拉麵，加$12配一隻半熟蛋，以及點了一份章魚燒。魚介豚骨沾麵，本身已有半隻半熟蛋，加配一隻半熟蛋後就可以每人一隻了！還配有灸燒叉燒及筍片，配料充足～～～此款沾麵是清湯底，因為本身怕太濃味太膩而選了這款。雖是清湯底，但味道夠濃郁，帶魚的香氣，擠些青檸汁，味道清新不膩！麵條軟硬度適中，煙韌有咬口之餘，還帶點麥香。惟沾麵湯汁較稀，麵條掛湯力稍遜。半熟蛋的溏沁恰好，叉燒肥瘦均勻，燒得甘香，質感軟稔，散發出油脂香，好味～～～海老拉麵，面層灑上大量櫻花蝦，賣相吸睛。嚐了點湯底，味道香濃，並帶有蝦的鹹鮮香。拉麵較為幼身，吸盡湯底精華！章魚燒，一客只得4粒，餡料的章魚粒不多，但燒得外脆內軟嫩，幾好食！若然喜愛極濃厚的沾麵湯底，魚介豚骨沾麵就未必對味～～於我而言，卻是合適的口味！

好耐好耐無落嚟旺角 ，旺角真係旺，當然仲有唔少良心小店啦！彌敦道往尖沙咀方向，喺亞皆老街左轉！然後右轉去到通菜街！去食好食嘅拉麵呀！今次用餐係紅日，想食好嘢就要等一等！好快就入到座！今次小編叫咗個白湯豚骨拉麵！個麵嚟到喇，小編就唔鍾意食竹筍，咁就叫咗走筍既！首先個麵嘅質地咬落去都唔錯嘅！唔會太硬，亦都唔會太軟，剛剛好！而且都幾彈牙，而且個湯底都幾濃郁，又有啲鮮甜，但係又唔會話太鹹，直頭係very good! 最後嗰兩塊豚肉，好似火炙咁，個味道更加好食，而且都算林，個口感都幾好！配左兩塊紫菜比我，浸落去湯到都好好食，個口感都唔錯！服務態度非常友善，食物質素優質，絕對有下次！