一生懸麵

营业中

休息中

偶爾想食下拉麵，路過見到排晒長龍，就抱住冒險心態去試下。結果出乎意料，超級好食。今次嗌左碗白湯豚骨湯拉麵同，章魚燒同煎餃子，真係好出色。白湯豚骨拉麵味道濃厚而唔油膩，麵質爽口彈牙，好難得食到咁出食嘅幼麵，配埋蔥筍紫菜，簡真直係一個昇華。章魚燒更加係日本嘅味道，仲以為開左關飛左去旅行，出色。煎餃子更加係色香味皆正，實屬極品。最值得讚賞係店員嘅好客之道，排緊隊就已經可以點左餐先，坐低就有得食，仲有冰水，有笑容，簡直係100分拉麵店。

經有朋友介紹黎食下日本嘅味道，又真係令人驚訝同煥然一新。今次叫左個白湯豚骨拉麵，簡直以為自己返左日本。湯底濃郁，味道厚實，層次分味，豬油嘅香味撲鼻，出面食開嘅都係好咸，over晒，要飲好都水先解到渴，但呢度嘅唔需要，真係好正。今次個麵揀左標準，煙韌得黎又唔會太實，又唔會浸到變左糊，非常之恰到好處。另外，仲叫左雞軟骨棒同煎餃子，香口得黎又唔會太油，餃子皮薄餡靚，非常之juicy，值得一食。整體而言，非常之好，一定會再食多次。

相信呢一間拉麵店好多人都有聽過，每日亦都有好多人排隊，我之前都有食過一次，都係因為出名黃店得黎，真係好食！🥰-🔥白湯豚骨拉麵 ($68): 🌕🌕🌕🌕🌗自己本身好鍾意食白湯嘅拉麵，呢間係我心目中數一數二好食嘅白湯拉麵！💕因為真係好濃郁，好好飲！而佢哋嘅拉麵我揀咗標準，硬度真係好適中( ´▽` )ﾉ 而且佢哋嘅豚肉炭燒味會重啲，但依然咁好食！所以真心推！🔥特濃豚骨沾麵 ($78): 🌕🌕🌕🌕🌗沾麵黎講，啲湯都做得好濃郁，味道好好！而呢一碗沾麵係揀咗偏硬既硬度，就變咗另一種口感，不過呢個都好睇個人嘅喜好！而拉麵同埋豚肉嘅味道都同上面形容嘅差不多，所以唔多講hehe 整體來講都係想睇你yarm嚟食定係直接喺碗湯度食XD 因為兩碗都咁好食!🥺🔥雞軟骨棒 ($28): 🌕🌕🌕🌑🌑佢呢隻雞軟骨並唔係平時出去食串燒嗰隻，我會話佢似係雞肉棒多啲😂所以有啲out of my expectation…佢上面加咗啲沙律醬同埋蔥，組合上又冇乜特別，所以真心還好(｡･ω･｡)ﾉ🔥煎餃子($28): 🌕🌕🌕🌑🌑佢哋嘅餃子似係雪藏嗰隻，再攞返出嚟煎…..所以我會話一般般，因為感覺我都可以買黎整lmaooo XDD-

叉燒入口即融，火炙恰到好處！厚度適中唔會一食落口一口油！蛋更加唔洗講，流心蛋，味道正宗😆！湯底一流，我就食辛辣拉麵，唔會太鹹、鍾意食濃口嘅朋友可以食沾麵😀！疫情飛唔到都可以食到日本味道，jeng呀

A highly rated tsukemen place in mongkok, let’s see if takeout is also up to standard!Sakura ebi was packed separately, keeping its texture while adding flavor to the soup. The two big pieces of pork were a pleasant surprise, being so tender while having a bit of smoky taste to them🤤 Downside: the soup gets cold quickly and you’ll need to eat fast!!

其實我唔太鍾意食拉麵就算啲人口中極好味既我都覺得只有7分🙈🙈之前食過九龍灣間一生懸麵終於有拉麵令我覺得好味，好感動😭😭一直記住左呢間野今次就去試埋旺角店！ 舖頭偏細，唔係好多位再加上唔少人食平日夜晚七點幾要等半個鐘先有位啲枱放得幾密，坐得有啲迫🙈 白湯豚骨拉麵 🍜🍜8分湯底濃郁，但唔會太咸🤤我飲左大半碗湯！食完完全唔覺得口渴！麵質偏挺身，唔會太淋2片叉燒唔算好大片，但肥瘦適中，而且燒得好香！👍🏻👍🏻 魚介豚骨沾麵😋😋8分好香濃既魚湯味！呢隻麵身都易掛湯每一啖都充滿魚湯既味道☺️☺️ 遲啲天氣凍啲會更適合食暖笠笠既拉麵🥰🥰

長龍人氣特濃沾麵成日行過都見到呢間野好多人排，今日難得早收工，就過黎試試睇下佢有咩咁吸引。七點左右到，等左20分鐘左右另一半到左就入得，等緊既時候，佢會比你揀定食咩先，入到去既時候好快就有得食，今次同另一半一人叫左一個麵另加一個小食:-(1) 特濃豚骨沾麵 ($78)今次冇加其他配菜，同其他沾麵一樣，基本配菜有溏心蛋、叉燒同竹荀，湯底真係非常濃郁，重口味，不過塊叉燒嫌略太肥，有啲邪惡。(2) 辛辣沾麵 ($78)一開始驚佢會好辣，但食落又唔會，無想像中咁辣，似係特濃豚骨湯之上加辣，比特濃豚骨沾麵更惹味，好似我咁鐘意食辣又唔食得好辣既人就岩哂!(3) 章魚燒 ($28)章魚燒嫌略太細粒，$28/5粒，普普通通，冇乜特別，下次可以試下其他小食。食左半個鐘左右就食完走得，整體黎講，兩個湯都各有特色，份量唔太大岩岩好，雖然要排隊，但其實佢上菜快，啲人普遍食完都唔會坐好耐，所以都唔洗等好耐，下次有機會會再來~~~人均: $80 - $150抵食: 💰💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉

拉麵mood 出現，上 openrice睇食評揀左e間，平日夜晚經過都大量人流，今日早d去，即刻入得，舖頭唔大，不過位置唔逼，轉身位十足，裝修偏工業風，簡潔舒服食物，白湯豚肉拉麵，豬骨湯唔算濃郁，見到半隻蛋就以為係溏心蛋，錯，睇番menu只係半熟蛋，有dd失望，不過叉燒非常淋 + 入味，面嘅硬度可以自己揀，中等硬度岩岩好赤老拉麵，湯底一開頭飲落一樣，不過問左店員係唔同，櫻花蝦浸得耐就有蝦味，面揀左柔軟，感覺就冇咁彈牙餃子，正常日式餃子，冇特別雞軟骨棒，似魚蛋但係有軟骨咬，口感豐富整體ok，只係對拉麵希望太大。。。同埋收碗收得好快，明白出面多人等，但本身已經動作快手，影相冇take 2果種，所以會有種被趕feel

成日都諗住會好多人唔夠膽去排隊，今日同朋友約咗食一個早晚餐，530去到唔洗等位直入😍中意食沾麵多過拉麵嘅我好興奮🥰叫左辛辣湯底，唔會好辣啱啱好😋湯底好濃，麵底揀左熱，口感都好好👍🏻份量好足！完全冇諗過會有咁多麵～叉燒好香炭燒味 又唔會太肥😚溏心蛋正常發揮 但唔洗額外加錢就有溏心蛋已經好滿足～每張枱都有提供凍水，食完成碗沾麵都唔怕太重口味😋八十蚊有找有碗又有叉燒又有溏心蛋嘅沾麵🥺💛💛💛真係好抵食好好食 一定會再去！🤍🤍

格局係以日式店鋪為參考，天花既吊燈好靚。少少鋪位裝有24左右座位，不禁有少少壓逼感，可能因為開鋪地區關係，多客先維到本。濃香櫻蝦油拉麵：賣相一般般。不過尼間係食質素既，麵質彈牙冇鹼水味，係我好欣賞既，已經深得我心。3塊烤肉既豚肉，脂肪掌握係全塊肉既1/3左右，肥瘦比例剛好，好香，肉質亦都夠林。加左$12既半熟蛋，估唔到有尼個份量，即刻覺得好抵食😂絕對係可以再回頭既店舖，行過有位既話都可以算係快食之選！

一直想食依間嘅沾麵好耐，今次終於有機會！週末晚餐時段嚟到，喺街口已經隱約見到有條人龍，餐廳無得攞飛，要喺門口排隊等，同埋亦都要人齊先入得。 雖然餐牌有沾麵同拉麵揀，不過佢嘅沾麵一向出名，見大部分人都係食沾麵。 佢點餐紙上面有寫魚介豚骨沾麵($78)係屬於清湯底，因為我諗住食清啲唔好咁重口味，所以就試左依個麵。食落覺得個湯頭啱啱好，我直接飲佢嘅湯都唔會過鹹或者重口味，而且食得出魚嘅香味。麵質亦軟硬適中，掛湯力唔錯，分量亦正常，食完啱啱好夠飽。 碗麵有配埋兩塊叉燒同半隻糖心蛋，不得不提叉燒好好食！佢有返咁上下厚度，燒得好香，而且食落入口即溶，夠哂軟淋，不過係有少少肥，食完都覺得好邪惡 。糖心蛋都煮得啱啱好，正常發揮。依個價錢同質素真係唔錯，難怪成日都咁多人排隊食。另外去嘅時候見到餐廳做緊期間限定有鵝肝海膽沾汁麵，圖片望落非常吸引，可惜第一次嚟嗰日咁啱無供應，結果隔左兩個禮拜又再過嚟諗住專程食依個期間限定嘅沾麵。今次係閒日夜晚嚟食，依然係要排隊，不過好彩餐廳人流流動都算快，等左陣已經有得入。今次成功叫到鵝肝海膽沾汁麵($138)，佢一嚟到嘅賣相已經好吸引，兩塊鵝肝煎到色澤非常誘人，而且咬落表

好耐無食拉麵啦，我同朋友都第一時間諗起呢間人氣拉麵店，所以二話不說就話想試下呢間。聽聞呢間拉麵店長期都排長龍。我們放工之後，立即去店舖看看等位狀況，果然店外排了約30人。等候期間，職員會間唔中到門外看看排隊情況， 並且會派落單的紙張給我們落定單，差唔多入得座時，職員就會收起紙仔。我們7:10pm已到店外排隊，等了50分鐘，才能進舖頭。要留意嘅係，由於我們進食嘅時間為繁忙時間，所以進餐時間只有45分鐘。1）魚介豚骨沾面-麵的硬度： 我選擇了硬！。個人喜歡食有咬口的，這款麵嘅硬度符合我要求。-沾汁：味道唔太濃，同埋唔較掛汁（稀左），所以要將麵沾了幾次才會食得出味道。下次應該叫特濃才對😀。2）章魚燒味道不錯的，但略嫌覺得章魚餡好細粒，不過其實以這個價錢來說已非常抵😀

想食呢間好耐，但聽朋友講呢間鋪長期排長龍，所以每次講完都放棄，但難得我今日放假，一於幫朋友排埋！我6點左右到，因為尚早，只需要等一張枱，但因為店舖細小，又限時，所以要等齊人先入得，黎排隊既朋友仔要留意返！見好多人推介魚介湯，所以我就點左呢款！1️⃣魚介豚骨沾麵（$78）佢寫住清湯底，開頭諗清湯點沾麵，但麵係叫黎睇下咩情況。其實湯底麵夠濃郁，可以掛麵！2️⃣辛辣沾麵（$78）試左啖，唔算太辣～3️⃣海老拉麵（$83）勁多海老好吸晴！總括黎講湯底同麵質麵抵讚！價錢又唔貴！唔錯～👍🏻

人數：2個（女）日期：9月中時間：1:20天氣：超熱話說落堂1點，朋友已經到左排緊第一個急急腳咁半跑過去，因為要人齊先入得好在到左都要等一陣先到我地但佢地好好，排隊個度有地風扇係門口吹住大家，如果唔係30度之下真係會躁底我地都係叫左同一樣：濃厚豚骨沾面👍🏻幾好食，面底夠多，同普遍一樣都有得揀硬度，湯有熱有凍，我地都食熱嘅～但個熱湯要改善下個保溫情況，好快就涼晒多少都有影響到之後食嘅味道同體驗整體評分：中上 🍜🍜🍜沾面：湯底濃而不咸，面質好掛湯，每一啖都會有濃湯嘅味道，都幾考功夫～可以一試呀～服務：正常無特別環境：簡約日系，有少迫，比較熱清潔：可以

旺角人氣拉麵店 高質沾麵🍜📍一生懸麵 (旺角) 旺角通菜街73號地下有日行過旺角好想食拉麵沾麵😮‍💨所以就揀咗呢間，見到評價幾唔錯，所以就入去試啦🤠舖頭細細間，座位同座位之間都比較迫😵‍💫而且枱都比較細，尤其是二人枱，如果嗌多少少野嘅話真係有啲唔方便，有啲擠擁～不過環境衛生呢啲都OK！魚介豚骨沾麵 $78呢款湯底濃郁，食落有鮮味，又唔會太咸，沾上麵條再配合青檸清新得來又好夾😍😍不過略嫌湯底比較稀☹️理論上掛湯比較困難，不過勝在麵條都厚實，有咬口🍜🥢好鍾意呢種麵嘅口感❤️但整體掛湯力都一般！特濃豚骨沾麵 $78呢款湯底比起頭先更加濃郁😍所以如果齋飲嘅話其實都好飲好多😋但相對來講口味就比較重。另外，值得一提係好欣賞佢兩款麵嘅叉燒，肥瘦適中，好食！😆唐揚炸雞 $32加咗炸雞做小食，$32有四大舊～熱辣辣食，好好味🤩而且，炸雞嘅炸粉都唔厚，都食到啖啖肉，炸雞都算香口，非常唔錯！🥳呢間沾麵店非常欣賞，食物質素好好，好滿意💕 我哋食嘅時候算係食早飯，都要等一陣先有得入～食完嘅時候出門口睇已經大排長龍😳所以，如果有心食嘅話都要預留啲時間去試啦，畢竟佢都係非常之紅嘅拉麵店😝