一生懸麵

营业中

休息中

一直知道日本有雪糕放落搵拉麵呢個食法今次終於可以喺香港試吓～估唔到熱潮過左咁耐我今日夜晚去食都仲係有條長隊～（香港人最鍾意活動😂)係證明本身一生懸麵都受歡迎啫🤣花生粒雲呢嗱雪糕拉麵雖然湯底比較辣～但雪糕雪到硬晒慢慢溶入湯底就會變得creamy~~ 個雪糕筒仲係脆+好好味！整體其實係個good try~推薦指數：💛💛💛💛💛柚子乳酪柚子豚骨拉麵呢個比較酸因為除左湯底有青檸仲有柚子乳酪雪糕都係酸😆😆一開始未溶入湯底都真係唔太夾後期撈返埋就會覺得都算fresh推薦指數：💛💛💛

Bookmark 咗一排，見到最近夏天出咗新款，就下定決心去試吓佢個雪糕拉麵🍜✨花生雪糕拉麵 ($98）花生醬雪糕味道好濃好正😍😍湯底係辛辣豚骨湯，對我嚟講係有啲辣嘅🥵不過係好食嘅辣嚟嘅，雪糕融咗之後湯底嘅辣度會稍為降低🤏🤏兩大塊豚肉入口即化都幾好味😋為食指數：3.5/5✨ 桔仔乳酪雪糕拉麵 ($98）桔仔乳酪雪糕味道好清新，可以解膩🥰柚子豚骨湯底都有食到微微嘅柚子味👍🏼兩個雪糕拉麵嘅味道各有千秋😋為食指數：3.5/5✨海老沾麵（$85）沾麵汁上有🈵️🈵️嘅櫻花蝦，好香～沾麵口感亦好彈牙（可以點餐時自己揀麵嘅硬度，好評👍🏼）為食指數：3.5/5整體而言，食物算唔錯，雪糕好驚喜，真心好食，多謝一生懸麵俾我認識到甜品店「想甜嚐甜」，會去買佢哋啲雪糕嚟食🥰🥰

雪糕溶咗會令到湯底增添花生香🥜微甜令辛辣湯底變得溫和而且味道層次豐富😌 係好食嘅！有啲似擔擔麵咁 雪糕筒略浸湯即食似腐皮麵條粗身有咬口👍🏻 唔想噴火🔥記得叫返小辣魚介豚骨湯沾麵 湯底濃郁富有魚介香味如果揀特濃豚骨湯 湯底有鮮甜豚骨味 會更濃更杰，但就會偏鹹啲叉燒煮得鬆化，火炙過有焦香👍🏻 麵條有咬口，重麥味櫻花蝦油豚骨湯沾麵 好多櫻花蝦 擠埋青檸汁平衡返油膩感hope you will enjoy the food 

有睇開既觀眾唔知記唔記得上次我話有間想試但唔夠時間～今日鬆動小小落去試下先～聽左好耐一直未行動🤣懶到呢🫢🫢聽閒好好食要去試試啦😅特濃豚骨沾麵+叉燒+紫菜豚骨湯底濃香～飲落唔會好油膩～麵質厚身爽滑～唔會煮得好淋👍叉燒肥瘦平均～好厚身咬落啖啖肉～濃濃焦香味亦唔會有太重肥油感😋小編認為整碗麵每樣野都好夾👍👍食得出用心製作～食完唔會好口渴 👏雞軟骨棒雞軟骨味道正常～小編特別想講講沙律醬加上蔥花個味好夾👏👏依款小食推介大家試👍—————————————————☻非專業食評·純個人口味☻—————————————————📍總結:無選擇錯～真係好好味👍誠意介紹俾大家～不過可能好多觀眾都快過我試左🤣依間的的確確唔錯😊一定會再返黎食😃

一直都想試，但次次都排長隊，今日有時間終於可以排下，等左半個鐘左右先有位。揀左個 魚介豬骨沾麵 配可樂兩塊叉燒 半隻糖心蛋 少量筍 仲有一個青檸角沾湯 有啲醬汁係面 好淋嘅豬肉 蔥碎 好香魚介豬骨味突出，反而就咁特濃豬骨可能會易膩，咸味適中，唯獨係再熱啲就更好，Menu上寫住如果要飲湯可以叫店員加湯先飲，否則會咸，但我覺得岩岩好，啖口味人士可能要加湯。叉燒味濃 味道啱啱好 糖心蛋普通 推薦食法！！！1/3 原味食1/3 加少量七味粉 辣辣地好正1/3 加青檸汁係啲麵度 即刻再度開胃 明明已經好飽微酸 好似柚子醋咁 三種層次好好味P.S. 我仲攞多左個檸角😂如果唔洗等咁耐就好🙂下次再 Encore！！！

早前雪糕拉麵係日本爆紅💛係香港都有兩間良心店<一生懸麵>同<想甜嚐甜>合力研發出香港版本賣到成行成市，每日限量數十碗，旺角店開門唔使一個鐘就賣哂💯呢個期間限定做到6月底😻趁住尾水冇咁多人排隊就黎咗嚐一嚐鮮，到底呢個組合係咪咁正呢？假日中午1點幾黎到，已經見到有7,8人係門口等緊，用餐時間係45分鐘🎡所以排咗唔使半個鐘就可以入座。點餐紙就有沾麵同拉麵各4款📃加埋期間限定既雪糕拉麵同幾款小食就完，係門口排到差不多既時候店員就會派定紙點餐，加快流轉。🦐海老沾麵 | $85 | 7.5/10沾麵湯上放滿哂櫻花蝦，一開始食既時候仲有脆脆口感，湯頭唔算太濃郁，粗麵都掛到汁🍜正常沾麵水準。叉燒上檯前用火槍燒過有焦香味，厚度夠食得爽🥓🍦雪糕拉麵 | $98 | 7/10最期待既拉麵上檯啦，賣相真係幾靚仔☺️半枝花生醬雪糕連埋花生粉同花生碎都幾香，單食雪糕都好正，不過雪得比較硬身🤔湯底係辛辣魚介豚骨湯，香辣幾惹味😝慢慢將雪糕融入湯底，變得冇咁辣同creamy，但就冇哂花生味幾失望，可能擔擔麵湯底仲濃，份量就偏少，唔係好飽肚🥲

係朋友推薦下，第一次試一生懸麵我哋提早6點去到鋪頭，已經見到有條排隊嘅人龍，排左大概45分鐘終於入得！魚介豚骨沾麵 $79麵底硬度揀咗標準，食落岩岩好，唔會太冧或太硬！魚介豚骨沾麵湯底食落比較清甜，唔會太濃，適合口味冇咁重嘅朋友叉燒食落好冧好入味，建議可以加配多份叉燒！濃厚豚骨沾麵 $79呢個麵底硬度一樣揀左標準，濃厚豚骨水沾麵湯底食落有濃濃嘅豚骨鮮味！個人比較喜歡呢款，味道較重、濃郁，配上麵底食落好惹味 沾麵湯底入面仲有豚肉粒，最後可以食埋佢，好好味！總結：星期六日晚上比較多人，由於小店空間有限，建議提早一點去排隊會比較少人！

📌一生懸麵—————————🥄$98 期間限定雪糕拉麵拉麵配料好豐富，有竹筍 椰菜 叉燒 同糖心蛋，每樣都係水平之上。特別一講舊叉燒肥瘦好均勻，燒肉香味同油香都幾出。湯底有微微辣味(弱過譚仔十小辣)，成個層次唔算好豐富，就咁唔連雪糕食就係一個好普通嘅拉麵。雪糕融左落個湯底之後辣味再淡左，湯底都再濃左，的確有小小網上所講嘅擔擔麵味，但就唔重。麵身幾掛湯，但軟硬道控制得唔太好，我一碗叫左淋身，一碗叫左硬身，但係食出嚟竟然係差唔多。評分:3/5🥄$79 特濃豚骨沾麵沾麵湯偏杰身，食得出係豚骨味，麵身幾掛湯，但都係有控制軟硬度問題。評分:3/5🥄$28 章魚燒本身對拉麵店嘅小食期望都唔太大，但呢粒睇落真係唔太似章魚燒，外層係好似炸完嘅脆，入面係粉漿居多，食落味道唔差，只係唔似一粒章魚燒。評分:3/5———————————— 🍽總結同朋友食完之後第一反應係覺得好普通，味道唔錯但冇乜驚喜，同價位同地段未必會再食，但當試下新野都係個好選擇。————————————🔍評分:好味指數:3/5環境指數:3.5/5 (位置有小小迫，用餐時間限45分鐘)服務指數:3.5/5 (有漏單情況出現)推介指數:3/5

行過花園街看見這家櫻花蝦沾麵好像蠻澎拜的無論拉麵還是沾麵，價錢也非常抵玩，就來吃！✅櫻花蝦沾麵 $83視覺效果非常震撼！滿滿的一碗櫻花蝦豬骨濃湯底，配上的火炙厚切叉燒，是我在香港吃過最好吃之一。跟師傅談過，叉燒是用了好的五花腩肉。果然味道還是首先要靚料開始。可惜麵條沒有想像中的彈性，這裏有扣一點分。看看周圍其他顧客，每一桌基本上都有點這一份。✅辛辣拉麵 $78用的一樣是豬骨湯底，但加上辛辣的味道就更過癮了。而且叉燒和麵的份量很多，食完非常滿足。✅小食：唐揚雞$32 燒餃子$28炸雞溫度控制不錯，但本身沒有太多調味，要沾醬才好吃。餃子不過不失，個人覺得餃子皮可以烤得更脆一點。✅飲料: 波子汽水 $15兒時必點的回憶飲料。

【近排出新款雪糕拉麵🍦】食開沾麵嘅話相信對呢一間度唔會陌生😆呢一間真係成日都排長龍，除咗有沾麵之外🍜佢近排仲創新地出咗期間限定拉麵雪糕拉麵🍦所以大家應該都係IG成日見到佢嘅蹤影🤣但係我係之前食，當時仲未有雪糕拉麵😭.🍴魚介豚骨沾麵湯底真係有魚嘅鮮味😙幾濃郁，食落有少少偏鹹，沾麵嘅硬度啱啱好幾彈牙😝你可以選擇揀凍麵❄️或者熱麵🔥今次我叫咗凍麵🧊就算叫凍麵，配上熱湯，食落去都唔會好凍，啲麵仲好掛汁🥳叉燒厚切，屬半肥瘦，食落去好淋，有火炙味道🤤食完仲可以叫店員加清湯飲晒啲魚介湯🍲.🍴唐揚炸雞炸雞外皮好脆，即刻食真係會辣親個口仔💩雞肉炸得幾嫩滑又多汁🤤啱啱好👍推介❗️.🍴雞軟骨棒雞軟骨不過不失😉-🔖佢仲有其他款嘅沾麵、拉麵🍜.💡店舖比較細，通常都要排隊🙋‍♂️-💎推介指數: 💎💎💎💎💡性價比:✨✨✨✨🍴ENCORE指數: 💛💛💛（想試佢雪糕拉麵🍦)-

我真係好怕排隊..所以一直都無動力食一生懸麵😆今日的起心肝去，去到竟然唔洗等位😍拉麵平均7-80蚊一碗，價錢合理。重點係佢既叉燒都係用肥叉😍😍燒香左比起一般叉燒香口同軟淋☺️☺️.海老沾麵有好多櫻花蝦，湯底比想像中香濃；豚骨拉麵中等，食落有少少膩。最後.筍有少少味。不過都推薦❤️.海老沾麵 ⋆ $83

最近雪糕拉麵掀起左熱潮 🍦🍜嗰日就特登去咗試吓伏唔伏～個雪糕係花生醬味🥜甜甜地嘅雪糕溶咗之後 可以中和湯底嘅辛辣味🌶食落好有擔擔麵嘅感覺！味道出奇地夾！可以一試！

呢間拉麵🍜店算係排隊長龍店，成日都見到好多人，特別係假期。店內細細，不過坐得都ok嘅。叫咗3樣嘢，總括而言，幾抵食但味道唔係特別好，唔係要特登嚟食果種😂。睇在咁抵食都可以一戰🍜算幾推介海老沾麵（$85）🍜，算幾推介呢款，主要因為佢個湯加咗好多櫻花蝦🦐🦐🦐，好香濃好有鮮味，差唔多食每啖都有蝦，好足料。麵條揀咗較硬，幾有彈性同掛到湯汁。但叉燒同溏心蛋🥚一般般，叉燒有啲乾。朋友叫咗雪糕拉麵（$98）🍦，試咗少少。淨係咁食個雪糕都幾好味，濃濃花生味🥜🥜🥜唔錯唔錯。本身嘅湯底叫咗少辣，辣辣哋，雪糕溶咗之後，個湯汁淨係得返甜甜嘅花生味。麵條溝花生味嘅湯汁都ok，不過唔算特別好味，朋友仲話食多幾啖已經有啲濟。仲有唐揚炸雞（$32）🍗，份量好多，完全超出預期，好抵食。新鮮熱辣，外皮香脆，入面嘅雞肉好嫩滑多汁，正👍🏻💁🏻‍♀️服務唔錯，唔係話特別有禮，但唔知點解感覺好親切。🌟如果經過見到呢間拉麵舖又唔係好多人排隊，都可以一試。。我都想再試吓其它湯底。

香港閑閑哋食個沾麵拉麵，人均都要過$100，但呢間黃店真係非常抵食，人均只需70幾蚊，仲要唔使加一😱！味道仲好高質，唔怪之得勁受歡迎，成日排長龍～▪️特濃豚骨沾麵 $78▪️湯係我哋最愛嘅魚介豚骨湯😽食咁多沾麵都係覺得魚介味最正！湯入面有幾粒瘦啲嘅豚肉粒，都係正宗沾麵做法～我哋食旺角店就冇爐加熱啲湯嘅，但見餐廳啲FB post好似其他分店有，可以keep住沾麵汁嘅熱力再正啲！沾麵同拉麵表面會見到有一粒粒咁，睇返佢哋之前啲訪問先知，呢種係「全粒粉」拉麵，用全麥粉製成，比較健康～但食落其實味道完全唔怪，啲麵仲好掛汁👏🏻！配料方面有叉燒、半熟蛋、竹筍等。叉燒係厚切、肥瘦相間，表面輕輕燒過好好食🤤 半熟蛋睇圖都見到，真係好流心！食晒沾麵記得叫店員加清湯落沾麵汁到，可以飲埋啲魚介湯😏▪️辛辣拉麵 $78▪️之前食過一啲沾麵好出名嘅店舖，佢哋嘅沾麵同拉麵水準可以好參差🤣 但係呢間一生懸麵就唔會，沾麵同拉麵同樣有水準！辛辣味嘅湯唔會過辣，恰到好處😍 配料叉燒、溏心蛋同埋麵條，其實同沾麵都係一樣，愛好拉麵嘅你都值得試吓💛▪️煎餃子 $28▪️呢個價錢有5隻餃子🥟真係幾抵！個皮煎到金黃色脆脆地，咬落有啲肉汁，cp值

一大早滿懷希望黎排隊等開門，等咗一個鐘終於開門，開12點遲咗好似5分鐘左右先開門，不過唔緊要，重點係食物嘛！雪糕辣拉麵，$98，誤聽友人話雪糕溶咗個湯唔會好辣，點知辣到飛起，雪糕溶咗同未溶我都只係食到辣味，亦無其他人講話雪糕溶咗有種特別味道。雪糕未溶前咬咗啖，其實支雪糕幾好味，反而放咗落拉麵溶哂我覺得有啲可惜。另外本來以為雪糕係一支，點知係得半支😅 另外令我好困惑嘅係網上話呢支係花生味雪糕定湯底有花生味，我一啲花生味都冇食到 ，總之就係得個辣字。個麵質唔錯，叉燒亦都幾肥美，睇你鐘唔鐘意食肥，佢塊叉燒有一層都幾肥下，我個人黎講幾鐘意佢塊叉燒，燒得幾惹味。雞軟骨捧，$28，無咩特別，比較鐘意食一粒粒嘅雞軟骨。煎餃，$28，呢個煎餃反而煎得幾出色，入面嘅料就無咩特別，一般餃子，但煎得幾好。炸雞，$32，本身無叫，見其他人叫望落幾靚仔，又叫黎試下，因為費事下次試要再排隊🤣 食落有啲失望，炸雞粉好厚，炸皮偏硬，唔係脆口，雞肉唔算滑，不過32蚊可以試一次嘅，一次好了。總括黎講，唔洗排隊都可以再食，要排咁耐就不了，因為真係無咩特別。