一生懸麵

营业中

休息中

一大早滿懷希望黎排隊等開門，等咗一個鐘終於開門，開12點遲咗好似5分鐘左右先開門，不過唔緊要，重點係食物嘛！雪糕辣拉麵，$98，誤聽友人話雪糕溶咗個湯唔會好辣，點知辣到飛起，雪糕溶咗同未溶我都只係食到辣味，亦無其他人講話雪糕溶咗有種特別味道。雪糕未溶前咬咗啖，其實支雪糕幾好味，反而放咗落拉麵溶哂我覺得有啲可惜。另外本來以為雪糕係一支，點知係得半支😅 另外令我好困惑嘅係網上話呢支係花生味雪糕定湯底有花生味，我一啲花生味都冇食到 ，總之就係得個辣字。個麵質唔錯，叉燒亦都幾肥美，睇你鐘唔鐘意食肥，佢塊叉燒有一層都幾肥下，我個人黎講幾鐘意佢塊叉燒，燒得幾惹味。雞軟骨捧，$28，無咩特別，比較鐘意食一粒粒嘅雞軟骨。煎餃，$28，呢個煎餃反而煎得幾出色，入面嘅料就無咩特別，一般餃子，但煎得幾好。炸雞，$32，本身無叫，見其他人叫望落幾靚仔，又叫黎試下，因為費事下次試要再排隊🤣 食落有啲失望，炸雞粉好厚，炸皮偏硬，唔係脆口，雞肉唔算滑，不過32蚊可以試一次嘅，一次好了。總括黎講，唔洗排隊都可以再食，要排咁耐就不了，因為真係無咩特別。