一生懸麵

营业中

休息中

之前見到🍦雪糕拉麵一直想過嚟試下，今日終於得閒過嚟食啦，依家有超吸引嘅期間限定🦪沾麵 (｡◕∀◕｡)🩷廣島牡蠣沾汁麵（熱麵）＄138(慢煮雞叉燒/ 慢煮豚叉燒/ 炙燒豚肉/炙燒廣島蠔/半熟蛋/燒洋蔥）沾麵賣相好吸引，用料豐富多元化，包含以上多種肉類海鮮，🦪廣島蠔肥大漲卜卜，只係表面微微煎香，中間仲保持新鮮嫩滑，可以帶出廣島蠔豐滿鮮甜的口感。三款肉各有特色：慢煮叉燒保持粉嫩嘅肉質，一入口充滿煙燻嘅味道，但係味道適中唔會過於濃烈。慢煮雞叉燒就以帶出雞肉原味為主。炙燒叉燒就燒出豚肉油香，呢度叉燒肥瘦適中。沾麵汁真係調配得好好，一入口充滿蠔味，可以提昇成個沾麵嘅層次，完全唔會腥同苦澀，仲加了豐富嘅洋蔥粒，估計使用招牌豚肉湯底再加上打碎金蠔製作，非常足料，質地偏向稠杰，所以留香在舌上久久不散。沾麵屬於比較粗身的麵條，咬入去有口感，配合醬汁可以掛麵，另外仲有青檸汁可以增添少少香氣，食多多都不怕油膩感。🍗唐場炸雞 $35包含四件大大炸雞，炸得好香脆，入面雞肉非常嫩滑，啖啖肉，如果炸漿再薄少少就會更好食。🍵SAGE白桃烏龍冷泡茶好香的白桃香氣，好喜歡冷泡茶清新的口感。推薦指數：⭐️⭐️⭐️⭐️⭐️超級欣賞限定蠔

他們的湯底濃郁，配料豐富多樣，服務也非常友善。無論是麵條的口感還是湯頭的風味，都讓人愛不釋手。它們以經過長時間熬煮的高湯為基礎，混合了多種香料和調味料，味道濃郁而鮮美。湯頭有多種口味可選，包括豚骨、魚介、醬油等，每一款都有獨特的風味，滿足了不同口味的人。配料非常豐富多樣。他們提供各種肉類選擇，如叉燒、燒肉片、牛肉片等，每一種肉都經過精心烹調，口感嫩滑。此外，還有豆芽、海苔、蔥花等配料，增添了食物的口感和風味。

呢間餐廳嘅老闆係由日本學藝後開創，走平民路線，主打各款湯拉麵同沾麵🍜💗海老沾麵（$88）海老沾湯落咗勁多櫻花蝦，非常濃郁，充滿蝦鮮味🦐粗麵條彈牙有嚼勁，超級掛汁🍜配有兩塊炙燒厚叉燒，肥瘦相間，有燒香嘅味道🍖配料仲有筍同糖心蛋🥚💗白湯豚骨拉麵（$72）豚骨湯底濃厚而且唔肥膩🦴配上順滑嘅幼身拉麵，選用薄切慢煮叉燒，肉質嫩滑🐖 配料同樣有筍同糖心蛋🥚💗燒餃子 （$29）煎餃子皮薄焦脆，入面係簡單嘅豬肉餡，蘸上餃子醋減低油膩感🥟💗唐揚雞 （$35）唐揚炸雞炸得金黃香脆，內𥚃肉嫩多汁🍗

終於俾我試到呢間啦！持續人氣極高 次次行過都大排長龍喺旺角女人街入邊 細細間 望落以為好普通～食落去原來每一款都係心意之作 比想像中更好食🥹😍➊ 白湯豚骨拉麵🍜 $72店長已經設定好係配幼面 飲起第一啖湯非常舒服豚骨味道唔會太濃太熱 淡淡嘅骨香係後面湧上嚟 選用瘦身叉燒 一整碗拉麵配搭一口接一口簡直係要清碗！➋ 🦪広島県の牡蠣沾汁麵 #旺角限定又一誠意之作 一碗麵有5種配餸：‣ 慢煮豚/雞叉燒、炙燒豚肉、廣島蠔、燒洋蔥、半熟蛋炙燒過嘅蠔十分香口 放上粗沾麵有淡淡的炙燒香氣豚骨沾麵每一口都有香濃嘅蠔味！麵汁食一半後再加上青檸🍋‍🟩超級可口 啖啖香🤤➌ 煎餃子絕對係咁多間日式店裏面嘅 TOP List!! 皮薄外脆 內裏肉餡有汁 肉料同外皮亦唔會太過分離 剛好的比例 🥟👍🏻怪唔之得長期都排隊 因為呢個Level 依個價錢完全超值！絕對係～ 會不斷返去食過又再食！！！😋😋😋‣ 建議唔想排長龍，大家提早六點前就去開飯啦～

♡ 必食限定款沾麵 ｜一生懸麵 ♡-朋友仔話我知 最近一生懸麵出咗限定款 牡蠣沾汁麵😍 放咗工即刻約埋朋友一齊去試吓先✌️😋- ♡ 牡蠣沾汁麵 ♡ $138除咗有隻炙燒廣島蠔之外仲有慢煮豚叉燒、炙燒豚肉、燒洋蔥🧅同半熟蛋～ 沾麵汁有濃濃嘅蠔味 味道濃郁。-♡ 白湯豚骨拉麵 ♡ $87豚骨湯底味道同樣香濃值得一讚係佢嘅叉燒 表面有燒過 食落去有油脂嘅香味 不過我個人就鍾意沾麵多啲啦🥰-♡ 唐揚炸雞 ♡ $35小食就揀咗炸雞 🍗水準唔錯 炸雞外脆內嫩-❥#⇢店鋪資料：一生懸麵 (旺角)旺角通菜街73號地舖

之前都有聽聞呢一間拉麵店嘅拉麵十分出色，一直都想過嚟試一試，可惜之前一路向都有長長嘅人龍排隊，所以等到今天先來試吓。晚市7:30左右到，人龍未算好長，等大約5分鐘就可以入內。喺等候期間，見到外面嘅海報寫住推介一款旺角分店限定嘅沾麵。呢款沾麵有生蠔，叉燒及雞肉，仲包括埋糖心蛋。見到網上評價不錯，所以都點咗呢款沾麵。呢款沾麵果然冇令我失望，沾麵嘅湯汁10分鮮味，唔會過鹹，係咁多間知名舖頭喺香港識到嘅其中一款最好味嘅沾麵湯底。沾麵🍜上面嘅餸非常豐富，雖然麵嘅份量多，但食完呢碗拉麵都有滿滿嘅飽足感。如果你嚟到旺角嘅分店，一定一定要過嚟試一試呢一款拉麵。

復活長假冇錢去旅行, 留港消費, 支持小店, 換來職員不禮貌/求其對待. 食左海老沾麵, 雞白湯拉麵, 仲有炸雞. 上次黎食既炸雞係冇味道既, 今次就太鹽🙃d 單落得岩, 但d 野食就擺到錯哂枱🤪埋單$218, 現金交左比職員就慢慢行出去, 唔記得左有印花給, 喺舖頭門口(仲未行到出去), 就行返入去, 諗住搵返本身張印花卡, 點知搵唔到, 就問返剛剛收錢既職員係咪有印花卡, 佢零反應, 我話我岩岩比完錢, 佢先如夢初醒佢「岩岩見你冇反應以為唔要」我「下, 你冇比我喎」佢「唔緊要啦唔緊要啦」下????唔知佢講乜野唔緊要, 而家好似我同左佢講對唔住咁??! 我做錯野所以佢接受左我所以講唔緊要?? 全程冇眼神交流, 唔係望住人講野.要玩印花制度唔該好心提下人啦, 唔係日日食唔會記得嫁, 唔好睇到自己咁高啦, 要等人自己拎出黎, 唔拎出黎就等於唔要. 唔想講野唔好做服務行業啦, 唔係我逼你做嫁

旺角 | 一生懸面一向都好鐘意食拉麵嘅我終於食到一生懸面啦！每次經過旺角一生懸面外面都大排長龍，今日收工一早去就唔洗排隊~【期間限定】牡蠣沾面 $138朋友比較鐘意食沾面，更重要嘅係“期間限定”四個大字。碗面都幾大兜，配上熱辣辣又濃稠嘅沾面汁以及新鮮嘅牡蠣，非常美味白湯豚骨拉麵 $72我就試咗最basic and classic嘅豚骨拉麵，湯底同麵條不過不失，不過叉燒口味就比較清淡唐揚炸雞 $35全餐最好味我會話係呢個炸雞！真係必叫！我平時其實係唔鐘意order 唐洋炸雞呢樣小食，因為好多餐廳都會炸到皮又厚又硬，既乾又會咬到牙痛。但呢度嘅唐揚炸雞可以話係我食過最好食，皮薄、多汁、肉質嫩滑，配上mayo，令我欲罷不能！桂花烏龍冷泡茶 $20好多地方嘅冷泡茶都會好酸澀，不過呢度嘅桂花烏龍就無呢啲問題。不止解膩，更加有排毒祛濕嘅功效我地食完八點門口已經排咗十幾個人！所以大家記得要食就早d去啦~~

前幾日收工去左旺角食拉麵😋 見到旺角店推出左款此店限定嘅牡蠣沾汁麵🦪入面仲有好多料，慢煮豚叉燒、慢煮雞叉燒、炙燒廣島蠔、炙燒豚肉、半熟蛋🧡好豐富啊！同埋個汁系同其他沾麵吾同的，充滿好濃郁嘅蠔味，好鮮味！朋友就嗌左碗魚介豚骨沾麵，我之前都食過呢款沾麵，湯汁亦都非常濃郁，宜家中意食沾麵多過拉麵😍餐廳仲有其他小食，我地就多點左唐揚炸雞$35 價錢十分抵！飲品仲有得揀冷泡茶，我就揀左白桃烏龍口味，好清新🍑

放工嚟到繁華嘅旺角鬧市，去左女人街旁嘅一生懸麵食碗拉麵🍜 差唔多7點都坐得full full 地，好彩我地去到剛好有二人枱😁✨牡蠣沾汁麵 - 用左廣島嘅牡蠣而製成，沾麵上嘅蠔炙燒過特別香口，而且好鮮嫩💯沾麵汁都超濃蠔味，呢個都幾考功夫，要鮮甜得嚟而唔腥，碗汁做到左😻麵身夠彈牙爽口，整體好有驚喜😋✨雞白湯拉麵 - 上枱熱辣辣，慢煮雞肉好粉嫩易咬，湯底濃稠入味，拉麵比沾麵幼身，軟硬度剛好，已經好掛湯，每啖都食到雞白湯嘅精華🤤✨唐揚炸雞 - 佢嘅炸粉比較特別，有粒粒脆粒喺面頭，食落更脆卜卜😺✨綠茶可樂 - 好鍾意佢個樽，好懷舊feel🤩✨SAGE冷泡茶 - 揀左桂花烏龍，清新解膩🍵

今日同個friend去咗試一間一直都想食嘅排隊拉麵，一生懸麵，好彩早去唔使排隊yeah我哋8:00出嚟嘅時候已經排咗10幾個人我就食咗原味嘅豚骨拉麵，非常之一般，特別係塊叉燒乾到爆炸不過要讚呢度嘅炸雞真係好好味，好Juice同埋出邊嘅炸皮唔會好似普通街外面食到咁嘅硬繃繃

想試好耐，但次次都勁多人排隊，見早排晏d唔算多人，即刻排隊試下。拉麵嘅面質我好鍾意，夠粗又彈牙，湯底夠濃，配埋真係好好味，係略嫌配面真係太少太少，我老公要叫兩碗先夠飽。同埋位與位之間太近，較逼夾。

呢個蠔沾麵真係超級好味初初以為只係普通沾麵加2隻蠔咁大把 但就賣貴幾十蚊 點知原來個沾麵汁係超重蠔味 應該落左好多隻蠔去煮 個汁好掛湯之餘唔會太鹹 掂 個蠔仲煮得岩岩好 仲好軟滑 好好味 仲有舊燒過嘅叉燒 燒得好香反而蝦拉麵就普普通通 不過不失 蝦味唔夠重

📍一生懸麵🐥旺角上次經過呢間舖頭都見到排晒長龍，先發現原來係拉麵店，今次唔想等位五點幾就嚟食，好彩冇乜人唔使排隊，但叫完已經越嚟越多人，好彩今次快咗一步黎，食完都好滿足😆牡蠣🦪沾麵($138)之前去其他分店都冇見到，原來呢個係旺角分店限定嘅拉麵，沾麵汁用咗蠔黎煮，啖啖蠔鮮味，而且湯非常掛麵，麵又夠爽口彈牙，兩隻廣島蠔得微微煎香，分別有一塊灼燒豚肉雞肉及叉燒，叫完先知原來係每日限量，想食真係要快早啲嚟😆雞白湯拉麵($95)拉麵最重要係夠熱，落單到上餐好快（注意用餐時間得45分鐘）。一碗熱辣辣既拉麵端上，湯底非常creamy，雞肉大舊扎實，加上叉燒口感豐富唔油膩，就算食哂全碗都唔覺得heavy，推薦👍🏻👍🏻👍🏻雞軟骨棒($29)雞軟骨外面酥脆，食落柔軟，啖啖肉，加埋沙律醬食夾白桃烏龍冷泡茶($20)淡淡桃香蜜桃紅茶有氣茶($22)有氣既蜜桃紅茶超有桃味,同汽水口感不同#旺角美食 #旺角 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrestaurant #hkiger

拉麵店環境較迫, 枱與枱之間嘅距離好接近, 非常有人氣。𓊈清湯底海老沾麵 $𝟾𝟾𓊉海老沾麵湯底味道好濃厚, 口味較重, 但唔會覺得太鹹, 配粗麵條一齊食, 非常掛汁, 豚肉炙燒過所以好香口, 肉質軟腍, 好好食!𓊈海老拉麵 $𝟾𝟾𓊉海老拉麵湯底味道較 creamy, 裡面有好多櫻花蝦, 配幼麵條一齊食, 口感順滑, 豚肉片肉質柔軟, 溏心蛋非常流心, 好好食!𓊈章魚燒 $𝟸𝟿𓊉章魚燒熱辣辣, 外脆內軟。𓊈煎餃子 $𝟸𝟿𓊉餃子煎到金黃色, 皮薄, 裡面嘅肉好鬆軟。𓊈桂花烏龍冷泡茶 $𝟸𝟶𓊉冷泡茶帶有強烈桂花味, 祛濕解渴。