一樂燒鵝

营业中

休息中

I remember when I first came back to HK 2 years ago, I went to Yung Kee to try their goose lai fun, and I ended up with a small bowl that was smaller than my hand and $100 buck out of my pocket. The portions were small and the goose was meatless. It was very disappointing. Fortunately, just one street over, I found this place that served excellent goose lai fun with very good value. It's better to come here earlier as they have sold our of goose leg at night one time. I highly recommend getting

本人第一寫評語,但真不吐不快,事源今日我吾想食燒味,所以咪叫漢堡扖米粉囉~~~點知!!!黑面王即刻黑面轉身吾理我,突然又轉個頭好惡咁同我講"而家吾做下午茶啦"跟住又走左去,我當時真係完全覺得自己好似乞食一樣,好侮辱~~~點解叫野食要受氣啊.無漢堡扖你可以禮貌D同我講,我絕對明白的!!!而且無呢樣野食你又點解會貼呢隻食物喺門口呢??喂!!!姐姐...我叫錯野食啫!!吾洗坐監卦??????????其實黑面王已經對我吾係第一次咁差啦.試過幾次啦~~我吾會再食囉.喂!!!米芝蓮又吾係得你一間,講真又吾係真係好食到非食不可.但佢地既b態度真係令我接受吾囉..而且佢D鵝好同以前水準差好多啦.好多D只係得層皮,D湯又油,其他食物就無咩特別,咁當然價錢吾算貴啦~~~不過我自人就認為名過於實多D囉.The serve is totally bad,never go back again!!!!!!

細細個聽外公外婆說一毫子條油炸鬼，細個又聽阿爸阿媽話五毫子條油炸鬼。今時今日，五毫子買到啲乜呢？我覺得金管局可以考慮廢除一毫子或兩毫子，始終時代不斷進步，八達通太流行，一、兩毫子的硬幣會令人甚困擾。今天想聊的是中環「一樂」燒鵝，我一向也喜歡吃它的出品，它也是2013米芝蓮推介美食之一。搬到新店，都是麻中帶甩格局。咁今時今日一碗燒鵝瀨要幾錢？鵝脾是$62，轉撈麵是$73大元。值唔值？大家自己衡量，總之我黄昏來到之時，所有鵝脾已賣哂！就如此點了碗「鵝瀨」，燒鵝每次吃都是暖暖的，肉質不鞋且多汁，鵝皮不能說很脆，帶焦燶，點上冰花梅醬卻又很對胃口，而且我喜歡它連鵝骨也很入味，帶股鹹勁及鵝羶香。瀨粉質素則不夠米香，有幾條又「撻成一塊」，尤其對我們不懂揸筷子的一羣，吃瀨粉一向是件苦差。世界太多紛爭，今朝睇新聞又見到巴西百萬人示威及放火。其實只要吃得開心，做人一樂也就很好了啦！:-)

這夜一個人走在士丹利街上，經過Holly Brown,陸羽後到達一樂門前，看到掛在門前窗櫥內一隻隻靚燒鵝，好吸引呢！反正還沒有決定晚餐吃什麼，一於是便進去吃碗燒鵝瀨。 店內一般茶餐廳格局，座位頗擠，地下亦有點滑。不過枱面都算乾淨企理。這裡點燒鵝可制定胸、髀或不指定部位的燒鵝（我看是由師傅'發板'吧）。不同部位的價錢亦有別，對我來說，每次幾乎都點鵝胸，因我愛啖啖肉。燒鵝胸瀨粉，$39，另外每日下午2點後可加$5點一杯。燒鵝胸瀨粉的鵝肉整齊排在瀨粉上，份量頗多和厚切。鵝肉吃起來肉香又多肉汁，新鮮味美。雖然是胸肉，但肉質一點也不'鞋'，很好吃！至於瀨粉，一向只會間中食燒味時才來個叉燒瀨或燒鵝瀨。這個瀨粉爽滑，連沒有很愛吃瀨粉的我都覺得不錯。沒想到這杯凍奶茶頗有茶香，好喝。相對我剛在隔離街的上市茶餐廳喝到那$20杯的凍奶茶，這杯燒臘店出品的$5凍奶茶竟更茶味，更出色！

2013年的米芝蓮推介米食之一現在香港能吃到燒鵝的地方好像變少了大部份店只有烤鴨提供好吃的更是難得一樂最有名的就是它的燒鵝但一般我吃燒味也是要雙併的今天也不例外除了燒鵝還點了個叉燒說實話 一樂的叉燒只能說不差而已離好吃還有點小距離但它又不是以叉燒聞名所以我亦沒有抱太大期望但燒鵝這個部份就太利害了皮烤得很香脆肉質也夠滑嫩最重要還有那薄薄的皮下脂肪不會太over整個加起來就是讚!四十多塊吃個燒味飯好像有點貴但現在去快餐店也要三十多加個十塊能吃到美味的也不錯又不是每天都在吃

一直想起在中環的買燒鵝都會去鏞記,早前有前輩提及在士丹利街又獲米子女蓮讚許的一樂燒鵝比鏞記更出色,於是買了半隻燒鵝及燒肉回家品嘗。因回家車程要半小時，預咗無’即斬即食’咁正，肉汁一定流失丶皮又會腍。 燒鵝肉身鏞記略略較薄，但肉貭好細嫩，味道唔錯，跟燒鵝的肉汁沒有鏞記咁濃。但燒肉便很失望，佢似燒腩仔，切得整齊細細件，賣相本應不錯，皮亦算鬆化酥脆 。老豆教我話好的燒肉一定要呈粉紅色，而佢哋的燒肉係偏白, 肉真係過廋又過乾。

行經這店，見倒有米芝蓮，以為唔會太差。自己一個食晏無所謂啦。入到裏面，地方污糟，鵝飯嘅鵝大部分只係皮同骨冇乜肉食, 實在食唔出有咩特別美味。走時同收錢嘅阿姐講，佢話係咁架啦! 一肚氣，原來米芝蓮係咁解。

晚餐時段行過一樂燒鵝，終於忍唔住誘惑叫佐一個馳名燒鵝胸飯。由於尚未到六點，店裡人唔多。等了大概五分鐘，飯就上來了。我是這裡的常客，三不五時就要來過下燒鵝癮。燒鵝肉一如既往，皮脆，汁多，肉嫩，香味濃郁，又不會過肥。配上白飯真是一流享受。燒鵝飯的分量不多，吃完既滿足又不會有飽滯的感覺。下次如果有親友想吃燒鵝，我一定會推薦這家。

    一樂燒鵝實在給我驚喜，讓我有一个好食的落脚點。試過第一次之後，我不單定期來吃，更介紹給我家人和朋友，他們試過都讚囗不絕！都是多得在附近做美容時，由美容師推介，才知道這个米芝蓮的星級燒鵝餐廳。一樂燒鵝的鵝，不單新鮮出爐，每次吃都暖暖的，我猜每位客人吃緊的那件鵝出爐不多於一小時。鵝的賣相已夠吸引，它的肉質嫩、多汁，鵝皮又脆、又好味，回味無窮。我是個節食的人，每每都計算所吃食品的卡路里，惟獨為了它「一樂燒鵝」，我也在所不計的：D令人垂延欲清的一樂燒鵝！

由於起報紙見過報導介紹"一樂"的米芝蓮的燒鵝, 上次買過又幾好食.所以同事想夾埋一齊買. 可惜當時只在OPENRICE 呢度搵到電話,又無外賣紙. 唯有打電話去.我11:50打電話去問係咪$100蚊會送外賣. 女人答我: 睇下送邊. 當我想再問幾錢一盒之前, 佢重覆又重覆話"夠$200先好打黎, 多謝" 跟住佢想收線, 我話佢知中環XXXX商業大廈, 佢又再話:"夠$200蚊先打黎啦, 多謝" 我問佢:咁一盒燒鵝飯幾錢. 佢又講:夠200蚊先打黎啦. 我根本無機會去知幾多錢盒.本來我地得3盒.唔知夠唔夠100蚊. 打到去又話要$200. 之後個女人就CUT左我線!!!! 我完全無諗過會咁樣收左線.咁簡單答一盒幾多錢都唔答. 因為唔係得我一個食, 幫人落晒ORDER.最尾我地夾左有7盒, 都唔敢再打去叫外賣. 所以唯有落去買.(記得好似$100 就送貨)見下圖. 呢張相係之後起舖頭攞的.我落去買係同想同個老細講話佢員工咁樣CUT線係唔得既. 答非所問. 落到去, 我地ORDER完俾埋錢,問外賣個阿姐邊個係老細, 佢重覆左兩次問我搵老細仲乜, 跟住我就知道企起收銀既女人就係老闆娘. 因為

老公話晚餐想食燒鵝，咁啱又晌中環行街，咁就去外買半隻燒鵝。我地下晝買，晩上加料做晚餐，一開，咁少嘅！我地之前買都唔係咁少架！咁我地打去問有冇搞錯咗俾咗第二盒，果個操半咸淡嘅老闆娘話下午買依家先食呀？又話無可能，影張相，得閒就攞嚟睇下先，如果係真先賠返俾你，就收線！老公話依家攞落去囉，當時係七點十五分左右，我再打問下幾時收工，老闆娘話我地依家想收架啦！要等到八點對唔住唔得，收線！再打，就無人聽！就算有人聽，都即刻收線！咁我地就搭的士去，去到七點半左右，佢地仲做緊生意囉！咁老公就同果個老闆娘講，佢用佢隻手逐件摸D燒鵝，話係半隻，又話我地搞事！老公話一係換過半隻，一係俾返錢我地！老闆娘話無得俾錢，又話佢地好多單，叫我地等下！無耐俾一盒我地，我問係唔係之前果盒老闆娘用手摸過！佢居然大大聲咁話咁你返去都叮架啦！我話咁開嚟睇下，佢話唔開，叫我地自己開！有男員工話佢地開得擂台預咗人嚟打！老闆娘仲用手機影我老公相，佢話一定要影！最後要勞煩警察叫老闆娘delete張相！在此提醒各位，以後買外賣，真係要check吓先！

今次係本人第一次寫食評，真係唔明d人個腦生喺邊度，做生意做到這樣無道理，真係米芝蓮都無機會可以再去！事發當曰下午茶時間，不是好爆，照樣坐在迫到差d會打架既枱，都預左，係第一次食！ 之後order 兩碗燒瀨啦！佢waitress話“今日要雙拼，但價錢收你一樣“ ，跟住我問點解要雙拼？佢好無禮貌話“今日唔夠鵝賣呀！當時我望一望明明有成十隻掛喺度未賣，究竟知唔知自己講乜？我知道去之前兩曰有份生果曰報訪問完你地，都唔係咁樣做生意！呢個世界一向食野都係先到先得，你賣晒咪下次請早囉，況且你家下仲俾客見到有成十隻八隻未賣！當時好嬲！接住下一個阿姐又問食乜！是但叫住义鹅同雞鹅，其中一個要另上！阿姐話另上加2蚊！吓，我堂食喎，做乜要加2蚊？等左一陣食物到，我碟另上既燒鵝除左皮之外得骨，完全無肉既成份！！简直情係離譜，完全俾三個嬲，一定無下次！！！！！

「一樂」是2013米芝蓮推介美食之一，燒鵝是這店的名物，當然要試～門口掛了幾隻看似肥美的燒鵝，十分吸引店內小小，只有二十多個座位，難得這裡有自設工場，保證即日燒，但店內沒有任何裝潢，地方狹窄，客人要背貼背坐；地濕，不太整潔。食完就要走～Menu 都貼在牆上燒鵝瀨粉 $39 （加錢轉鵝胸肉）皮脆，但燒鵝太瘦不夠肥美，令肉質嚡；鵝味羶香不足，；味道一般，但不至於會有米芝蓮推介。老公點了燒鵝叉燒瀨粉 ，偷左少少叉燒食，覺得味道一般。單看呈粉紅色的叉燒的已不太吸引，理想中的叉燒應該是鮮深紅的表層，有些光澤及少少焦燶；這裡的叉燒燒得不夠焦燶，而且叉燒本身不夠肥美，沒有了叉燒表層應有的麥芽糖味。奶茶：茶香奶滑，可惜太多冰，好快令奶茶變淡味午餐燒鵝瀨粉加奶茶要$50.....小妹比較喜歡「太興」的燒味飯，坐得舒服，奶茶好味，但價錢略貴

從未寫過任何食評的我, 今天因為"一樂"燒鵝的極惡劣服務態度, 決定在這裡與大家分享今天的不快事!今天lunch時間與同事想幫襯"一樂"燒鵝, 因之前食過不是太差, 今天竟然有2位即入。 我們叫了一碗燒鵝米及一碗燒鵝瀨, 燒鵝味道有點"蘇", 有點兒像鴨味, 比以往難食了, ... 但都不是重點... 我們剛剛食畢, 只係剛拿了手機看下吧, 卻比那個粗大陸口音既收銀員趕走, 她對她的同事說: 佢地食完喇, 收走啦。然後她好不禮貌地對我們說: 食完, 你地走啦...之類的說話。 我心諗, 剛食完坐一兩分鐘都不準嗎? 她什麼態度? 畢竟我們都是客!!! 於是我投訴她的趕客態度, 我說以後都不會幫襯, 她竟說: 我都唔想見到你!! 聽罷我十分之憤怒... 我不知道她是否老板定係只係收銀員, 但作為香港地標食店仲要聲稱係米之蓮級數食材, 簡直比她敗筆!好後悔幫襯她...好後悔冇拍低她的惡劣態度!

很愛吃燒臘的我，早已知道有所很有名氣的燒臘店在中環開分店，唯每次到中環時都已吃過午餐，那只好期待下一次，剛巧今天到中環，遂計劃與太座到這裏開飯。燒鵝是這店的名物，在大埔很有名氣，最愛吃燒鵝的我卻如井底之蛙，聞所未聞，實在可惜。晚上七時許，小小的店子已擠滿了人，好不容易才找到兩個位，地方狹窄，想吃好東西，怎也要忍耐一下。點了一碟燒鵝飯和燒腩仔飯，一碟芥蘭，可惜燒腩仔已售光，轉而點叉燒油雞雙併飯。燒鵝飯用鵝蛋形碟上，份量比一般傳統燒臘店少，燒鵝醃得很入味，甘香、複雜的味道應是用了很多種材料作醃料，而肉質幼嫩，鵝肉味濃，雖然所給的部位非最佳位置，但味道仍可以嚐到是好的，難怪知音者眾。叉燒肉質鬆化，甜度不高，油雞不過不失，每碟都是賣 $39，在中環來說也算有良心。芥蘭夠腍，也很滿意。必定會重臨吃燒鵝髀，才夠痛快！