一本食堂

营业中

休息中

$48 雞扒udon雞排嫩嫩的 而且大份 udon還好 $48真的非常抵食!but you may have to queue up for lunch, it is quite crowded!

行番公司途中撞正佢地派傳單見到有好多特價午市定食有一日咁啱冇帶飯就打咗電話去囉但在外賣自取叫咗個照燒雞扒定食飯同雞扒份量都好大仲有麵豉湯真係大份夾抵仲有得儲印花用嚟換免費午餐會再去

好難得係觀塘揾到壽司食首先地方大，坐得舒服好重要刺身生蠔🦪性價比好高雖然呢間賣點係相僕壽司，但本人不吃飯試左鵝肝刺身都唔錯厨師發辦的刺身可以更好，可能因为没蝦同油甘魚有少少失望員工没乜training,不過都合理，始終不是大餐厅可以回頭

一本食堂係一間平民日本菜，野食雖然唔算特別出眾，但份量足價錢平，人均百零蚊已經食到飽，對於糧尾嘅朋友而唔想食得咁頹都係唔錯嘅選擇。雖然話係平民日本菜，但一本食堂嘅menu非常豐富，刺身、壽司、卷物、天婦羅、串燒、鍋物、拉麵、烏冬、定食......通通都有，伕７個類別仲勁多選擇，真係會有啲花多眼亂。水蜜桃($9)同冰糖雪梨($9)價錢唔貴，比自己出面買唔貴得幾多。水蜜桃個人覺得冇玉泉咁甜，反而冰糖雪梨味就就偏甜，怕甜嘅就唔建議點。汁燒原隻日本魷魚筒($66) - 魷魚筒好大隻，有成隻前臂咁長，肉厚但唔會太韌，加埋甜甜地嘅醬汁味道都唔錯。日本芝士年糕($32) - 芝士年糕煙煙韌韌，芝士仲係半融狀態，但食落又唔會好漏。三文魚軟殼蟹反卷($62) - 哩度以相撲壽司作賣點，即係壽司好似相撲手咁有份量，其實唔單止壽司，佢地嘅卷物同樣好有份量。大大舊反卷，就算係麻甩佬都要分兩啖先食得晒。反卷裡面有軟殼蟹同青瓜，食落幾爽脆，加埋上面嘅三文魚，飽肚之餘味道亦唔差。吉列豬扒烏冬($52) - 拉麵同烏冬有七種唔同湯底揀，我就揀左番茄，味道比較甜，烏冬量都可以。吉列豬扒都幾大塊，炸皮唔會太厚太硬，不過就

大件取勝一本食堂觀塘鴻圖道30號3樓要去觀塘駕駛中心學車, 食飽飽先有力集中到上課學習, 來到觀塘都係一個美食集中之地,記得朋友講過有間食日本壽司大大件,MEGA SIZE架壽司真係要見識一下。嘩, 比一般架足足大了2-3陪, 所以點時要留意返食量, 飯很大拿上手很重身, 要分開3-4口大大口才吃完一件,味道正常 ,佐口邊，希靈魚，大八爪魚全只是十來元一件。$58 有日本磯煮鮑魚，蝦4隻，油甘魚3片，超級抵食。 $35 明太子雞翼中間餡塞到漲卜卜，起左骨食落都係肉呀，有肉汁辣辣地。呢間超高性價比，下次學車會再幫襯佢

One of my colleagues asked me to join him for dinner tonight and since i have no appointment, I agreed to. Itsupon Syokudou was located at Hung To Road, several minutes walk from Ngau Tau Kok MTR. The restaurant is huge and spacious, able to seat several customers.  Their menu was very comprehensive, offering a wide range of Japanese cuisine such as sashimi, sushi, roll, ramen or udon, cooked items and drinks etc. Iced pear drink - It was very sweet and cooling, with strong pear taste.  Their su

等男朋友放工一齊去食晚餐，上OpenRice search觀塘區日韓嘢，揀左陣就決定嚟呢度，一本料理。位置都易搵，係街上已經見到餐廳名四隻大字喺窗口，盲嘅都睇到😂入到去靚女都會主動幫你量體溫，確認訂座等等，態度亦都好好。環境幾光亮，有啲假櫻花係餐廳中間，出菜嘅師傅切割工作枱都有點日式氣氛，枱同坐位都幾寬，小小問題係梳化位有啲矮，食嘢嗰陣覺得張枱太高😂相信係平日夜晚嘅關係，入座率都頗低。入坐時間太概8點，計埋我都係得3枱客，希望小店都可以撐過疫情！點餐紙上超多選擇，前後兩版紙，選擇困難症！見到推薦餐牌有生蠔，諗都唔諗就嗌左！生蠔有掌心大，食落肉質爽嫩，但冇乜海水味，甜味都較弱，但只係$13一隻，想過下蠔癮嘅人必嗌。牡丹蝦($9)肉質較腍，佢哋刺身普遍問題係，唔夠凍。之後嗌嘅刺身拼盤都有呢個問題。磯煮鮑魚食到有種熟悉嘅日式醬油味😂煮得過左少少，較實淨。呢度主打相撲手壽司，所以壽司飯『大舊飯』係佢嘅賣點。壽司嗌左好幾款，質素普通，冇乜記憶點。熟食就嗌左客避風塘雞軟骨同燒牛舌。望落去presentation唔錯，2樣嘢味道都唔差，不過係唔夠熱。牛舌調味較淡，我自己加在枱面有嘅七味粉。落完單之後

同一個好鍾意日本既朋友聚下舊當然要食日本菜啦,上網見到呢間日本食堂都幾愛歡迎而且價錢親民就約佢一齊試下.掛滿櫻既牆令人更掛住日本.皇帝蟹柳手卷 hkd$23蟹柳真係由細到大都對佢情有獨鍾,永遠去日本餐廳都一定會點蟹柳既餐點.手卷內既珍珠醋飯晶瑩飽滿,充滿彈性帶微黏口感.醋飯內既甜味同醋酸味都平衡得好好.紫菜夠脆身,配上粒粒蟹籽令口感更脆身.七味牛魔王反卷反卷內裏既牛餡經過洋蔥,七味粉,牛肉汁炒香,味道甘甜感覺好似食緊牛丼.洋蔥更令牛肉個既甜度達到更香更惹味.反卷上灑上芝麻粒為反卷增添重芝麻香.反卷略微有輕輕散開但整體仍然保持完整.鹽燒雞軟骨串燒得香脆又唔會過乾身,一邊傾計一邊食串燒係絕配.鹽燒雞中翼串雞翼開邊再燒令2邊可以燒得更脆,入口鹹鹹香香,同樣燒得唔會過乾身.日式雞肉鍋鍋既份量十分豐富,足2人份量有餘.日式鍋湯底既選擇都幾多,今次揀左味噌湯帶淡淡味噌既發酵豆香,配上味道較清既雞肉好夾.雞肉量好多,入口唔會好鞋而且都幾滑.內裏既日式粉絲煙韌彈牙,吸晒味噌同雞肉既香味.鍋底下佈滿蔬菜令味噌鍋既湯底帶更香甜既蔬菜香.

係觀塘返工的好處係午餐有好多選擇 同同事試左間叫一本食堂的餐廳 嗌左吉列豬排配拉麵 同 京葱吞拿魚丼 吉列豬排非常香脆 食落去無油膩感 個拉麵湯底都幾濃郁 d麵都幾煙韌 而個吞拿魚丼 我就好鐘意 食落去無腥味 感覺好新鮮 而且份量都算多 我諗佢會成為我飯堂

Itsupon Syokudou一本食堂我要去日本我要去狂食我要去狂SHOPPING,不過國家仲未開返關呀, 在香港自我隔離到快悶死了, 幾時才可以返日本也是未知之數, 去食下日本菜慰寂一下心理上的不快。壽司刺身炸身天婦羅, 見到張剔剔紙咁多款真係乜都想試。串燒鍋物$82日式雞肉鍋, 有多個湯底任君選擇, 蕃茄/ 豚骨/ 辣湯/ 清湯/ 醬油/ 麵豉,仲可以加麵底。考慮左一陣, 決定試下蕃茄,貪酸酸甜甜顏色好香。雞肉條外仲有蔬菜,一大鍋夠2個人食架啦。蕃茄湯好好飲, 個盛載架鍋好大, 飲左幾碗。又係大大碟架? $42日式炒雜菜，椰茶清甜爽口，灑上七味粉呈現日本風味好似唔夠肉, $12 雞軟骨$12 雞腎，唔錯香口惹味。$42 鹽燒三文魚骨，鍾意啜骨位肉架我點了份過口癮，骨邊其實仲有好多肉附住，就咁灑鹽已經惹味。一人二百元有超豐富野食,真係飽到捧住個西瓜大肚走。

放工約左妹去觀塘outlet睇下野點知個outlet⋯算 食番餐好嘅補數😋——————————————————餐廳位於三樓好容易miss左好彩地下有大量宣傳先無錯過🤭餐廳面積超大坐得好舒服好啱三五知己一齊食住傾依家刺身仲做緊大優惠幾十蚊就有多款新鮮刺身選擇卷物同壽司種類繁多真係花多眼亂最後揀左兩款卷物試下脆脆卷入面有三文魚同天婦羅脆脆面頭嘅香芒醬同入面嘅青瓜絲帶到啲清新感覺口感特別 再加上木魚碎嘅香👍🏻另外仲有個吉列蠔反卷砂煲咁大舊反卷真係好少見綜觀全場無人可以一舊塞曬入口🤣壽司飯包得好實夾落去唔會好易散包住炸蠔 芝士同青瓜絲芝士令成件壽司唔會太單調味道突出食完個口仲保留住蠔既鮮味炒飯一上枱就聞到好香入面竟然有幾隻大大隻既蝦 爽而鮮珍珠米又做到粒粒分明配搭左蟹子去炒食落口感豐富有層次感店家仲好好人請我地飲汽水😂食左咁多飯呢餐真係飽到上心口最後送上香港美麗黃昏景做甜點❤️——————————————————◈ 櫻蝦蟹肉炒飯 $62◈ 芝士吉列蠔反卷 $56◈ 香芒芥末脆脆卷 $46◈ 刺身拼盤 $48（三文魚 帶子 油甘魚 北寄貝x2 北極翡翠螺x1 ）

今年因為疫情的關係，也少了外出晚餐，而最近就發現觀塘和牛頭角之間有一間日本餐廳水準幾高。這裡不論生熟食也選擇多，而較與眾不同的是，以相撲手壽司作賣點，價錢$8起，非常扺食。每舊壽司做出來較大，右邊就是相撲手壽司，如果怕飽肚又不想浪費的話，可事先選擇少飯呢。左邊就是少飯的壽司，兩者比較之下，很明顯一大一小，有對比。其中芝士蟹籽/$13，非常美味，橙紅色的蟹籽新鮮度不俗，全部也沾上芝士，味道而不膩。經典的吞拿魚壽司/$12及赤貝壽司/$12等也不錯，其中前者有一大拖尾，入口肥美。而赤貝就很鮮甜爽口。廚房發板刺身/$298，一共有6款18件，包括拖羅，深海池魚，真錭，金目錭，赤貝和油甘魚。其中不是常常吃到，屬時令刺身的金目錭，色澤橙嫩，而且屬厚切刺身，啖啖肉且味道鮮甜，肉質滑嫩。小妹亦非常喜歡這拖羅，以粒粒裝奉出，但每粒油份也豐潤，有入口即溶的感覺，非常Juicy，只可惜份量不多。大大塊的赤貝，肉質爽脆，口感極致彈潤，不槐被譽為「貝類中的女王」。另點了部份熟食串燒，如鹽燒冬菇/$12，炭燒雞腎$12及鹽燒雞中翼/$18，不過炭燒雞腎就燒過火，有點硬，比較失色。而鹽燒雞中翼燒過後，肉質也嫩，而

冇得去日本，唯有食住日本嘢過吓癮先🤪今次就去咗觀塘嘅一本食堂係一間樓上鋪黎嘅，食物種類好多，真係花多眼亂，諗咗好耐先落到單食日本嘢又點少得壽司呢，我嗌左火焰雪花腩壽司、鮮帶子壽司、帆立貝壽司、皇帝蟹柳壽司。呢間日本嘢嘅壽司嘅Size比較大，要返兩啖先食得晒，可見餐廳落足料，保證客人一定可以食得飯。我最鍾意食火炙雪花腩壽司，雪花藍夠晒肥美，好滑，入口即溶，真係必食之選。..食完壽司，當然要飲番啖湯啦，我嗌左鹿兒島豚肉蜆肉鍋清湯，勁多蜆肉 ，同埋因為用清湯煮嘅關係，可以突出蜆肉嘅鮮味。..最後，一邊同朋友吹水，一邊食小食我嗌左海老天婦羅（4蝦+2瓜菜）、汁燒翠肉瓜申，鹽豚肉申，炭燒肉丰，汁燒帆立貝申，蒲燒鰻魚..總括而言，店舖面積好大，基本上唔使等位就入得，好方便。

聲明：此文純屬自費性質，並無廣告成份！所有照片及文章全屬本人(Monkey Hin)所有! 謝謝！一間日本菜可以又多款式選擇又美味，食物新鮮盡在位於觀塘嘅一本食堂。廚師發板 $298 （18片）廚師會選擇當日最靚最新鮮嘅飛機貨為刺身船嘅材料，燒拖羅，活赤貝，真魚，金目鯛，油甘魚，深海池魚王。 喜歡清淡一點的可選擇金目鯛和真魚，食落重魚味之餘仲十分爽口，池魚肉厚鮮嫩肥美，入口魚油甘香細膩。 最正嘅係燒拖羅，肥美之冠唔在講，加上被㕑師燒一燒，令油脂味更出， 帶出拖羅令人齒頰留香嘅油份。壽司有吞拿魚，三文魚，佐口魚裙邊，赤貝，京蔥三文魚，油甘魚，芝士蟹籽，可以有相撲size同normal size之分別。蕃茄特級肥牛烏冬 （$58）叫烏冬時師兄問我哋要咩湯底，原來係可以揀清湯，蕃茄，豬骨，醬油，麵豉，朝鮮，地獄，當堂覺得很專業，食碗麵都有咁多湯底揀， 但我哋異口同聲講要番茄湯～，果然冇揀錯蕃茄湯底味道十分香濃， 除咗有蕃茄膏，仲有用鮮蕃茄煮，味道鮮甜，朋友仲飲曬啲湯添。市嚟食飯仲送汽水同糖水，加上待應們嘅服務都好好,有禮貌，令大家覺得有賓至如歸嘅感覺。

最鐘意周圍搵野食，搵到好食的話好有滿足感，而今晚食的壽司性價比非常高！食飽飽仲可以去商場行下，過一個愉快的weekend🙂雜錦天婦羅🍤有蝦、蟹柳、冬菇～賣相唔錯㗎，價錢唔貴，正！今日我地叫左2個卷物，因為我地睇相時不約而同地都覺得呢到得卷物包得好靚，所以我地叫左以下呢兩款天婦羅蝦反卷$56平時唔食天婦羅的我都覺得呢到天婦羅幾好食！吉列豬扒反卷$56豬扒夠哂厚而炸皮不會過厚，所以呢個反卷好味😋Eat good west tonight!!😊