一本食堂

营业中

休息中

今日又喺觀塘做完運動，朋友介紹左一間佢經常會去食嘅日本壽司店，餐廳位置好多但枱同枱之間唔近，幾好呀👍🏻，夜晚8點多去食，當日都係得兩枱客，可能限聚令吧落單係畫紙嘅方式叫左幾個朋友推介嘅試下加拿大海膽朋友話佢之前成日黎都話冇貨今日好好彩有貨呀！！好鮮甜，每人一格啱啱好三文魚雪花腩呢個好好味呀肉質爽甜餐廳仲送左我地好大盤蟹子沙律味道同一般蟹子沙律差唔多，但餐廳真係好有心本身餐廳嘅壽司係好大舊架，但咁啱嗰日我地唔算好肚餓，所以叫左少飯，少飯即係平時正常壽司size,呢個質素絕對抵食加州卷拳頭咁大嘅加州卷

一開始見到咁多人俾好評 以為實冇死點知一去到見到環境都已經有啲失望 冇乜人 仲要個場有陣up味去到野食方面：生蠔：朋友話一食就覺得好唔新鮮軟殼蟹手卷：啲軟殼蟹又林又凍 中間加啲青瓜 超唔夾 青瓜係凍嘅 軟殼蟹應該要又熱又脆 加青瓜會整凍同整林晒啲軟殼蟹（不過佢林同凍絕對唔係因為咁 而係擺明啲軟殼蟹炸完放咗喺度好耐）壽司：得舊飯大大嚿 啲魚生好薄 仲要唔新鮮我都唔知自己食緊啲咩 呢間嘢都真係 一定唔會再黎 勁失望 諗住咁高分應該好好食 點知真係被騙

今日有時間就約朋友去咗觀塘一本食堂食日本嘢，呢度有超多唔同種類嘅日本嘢食，而且地方又大，約朋友聚餐最好。我哋今次order咗清酒煮蜆、帶子裙邊手捲、劍魚腩手捲、日式海鮮烏冬豬骨鍋、海虎蝦壽司、雜錦天婦羅、炭燒雞肉串、鹽燒牛舌串、照燒銀鱈魚。清酒煮蜆入面嘅清酒個質素好高，d蜆有大隻，鍾意食蜆嘅我就最鍾意。兩份手捲亦都包得好好，劍魚腩就係好厚身而且好新鮮，帶子裙邊就好有帶子嘅海鮮味而且好有咬口。日式海鮮烏冬豬骨鍋絕對值得推介，因為好抵食，包括海蝦、蠔、蜆肉、日式魚蛋、蟹柳、菇及蔬菜，而且個湯底係好濃沃嘅豬骨湯，令人再三回味。海蝦壽司同埋雜錦天婦羅就絕對係高水準，最緊要材料新鮮。雞肉串、牛舌串就睇得出廚師好有心機，燒得均勻同埋每一口都好入味。銀雪魚就係鍾意食魚嘅朋友一定會喜歡，魚油分佈多而且魚肉特別嫩滑，點買個特製醬汁食我最鍾意。

今日同舊同事敘舊，去完駱駝漆睇下野就搵下附近有咩食，見哩間餐廳都幾多款式，就決定試下哩間一本食堂。上到去環境都幾大，枱與枱之間都闊落。成張點餐紙密密麻麻，掙扎咗好耐最後決定叫哩幾款食物。首先叫左三款串燒，汁燒茄子串、炭燒雞腎串、鹽燒牛舌串。每一串都燒得恰到好處，唔會太韌，亦都能夠保持肉汁！另外，亦叫左一個魚生碎蟹子沙律，佢有得揀二人份量或者重量級，魚生碎配料非常多，有三文魚、鯛魚、吞拿魚，再加上海量青瓜絲同蟹籽，真係健康又飽肚！餐廳亦介紹左最新係日本運黎既赤穗蠔俾我同朋友，蠔既味道非常新鮮，帶有少少海水既鹹味。size 有手掌咁大，師傅開得非常乾淨，並冇任何蠔殼碎！最後梗係唔少得甜品，我地叫左一個伯爵茶芝士蛋糕，伯爵茶味比我想像中濃，芝士蛋糕並不硬身，反而有少少似Mousee，味道幾清新！餐廳不定時會做優惠，好似一板海膽都只係$148，清酒煮蜆都係$48！如果你喺社交平台打卡，仲送水玄餅添！希望下次有機會試下其他食物啦！

收工想食日本嘢，又喺operrice搵到呢間餐廳！網上啲評價話佢好多款式，我就嚟一試究竟！打開張點餐紙，真係嘩咗一聲，真係超多樣化，好彩分哂類，如果唔係真係有排揀～餐廳有刻意設計過，環境幾有日本風！而且地方非常闊落坐得相當舒適！主食叫左個蟹皇翅鍋，裏面超多配料，裏面超多配料，蟹柳絲、火腿絲、冬菇絲、蛋白、金菇、素翅等，湯底咸度適中，夠濃稠！卷物叫左脆炸蝦飯卷，首先要讚下呢度嘅卷物非常實淨，而且size相對地大件，配料同樣充足，米飯不鬆散。（挑戰一啖食晒失敗）另外見到從松蟹味噌甲羅燒做緊特價，所以亦都叫咗一份黎試吓。蟹膏分量超多，拌上生蛋在炭火上攪拌，再配上餐廳已經烘好嘅麵包，真係好好好好味！最想分享俾大家聽：餐廳做緊好多限時優惠。生蠔都只係$13一隻，雖然唔算好大隻，但絕對係好高嘅性價比。生蠔洗得非常乾淨，而且略有海水既咸味同時蘊藏住生蠔嘅鮮甜！而家近期好火熱嘅 赤穗蠔都有！18蚊一隻，蠔味較淡，唔需要加檸檬汁都冇乜腥味，而且相對大隻，口感更佳。另外光顧晚餐亦都送兩杯飲品！超級高性價比！

鴻圖道一家酒樓內，竟然隱藏著一家日本料理店，有隱世食堂的感覺。門外內都有櫻花的裝飾、和服女孩和富士山圖案，讓大家置身日本的感覺。它的店面很大，座位空間感十足，坐得舒適又不會跟其他食客接近。超大的日本酒櫃很有氣勢，十分吸睛。另一邊還有櫻花樹呢。這裡的刺身除了逐款點或大拼盤之外，還有最得我心的小拼盤：一個相宜的價錢，就能一次過吃到數款刺身。就如我這款，只需48元就可以吃到新鮮海膽、鮮味甜蝦、大片立魚及吞拿魚，和爽口清甜翡翠螺，簡直是平靚正！海膽尤其出色，滑溜的口感、鮮甜甘香的味道很讚。叫一板海膽可能太貴，但能這樣讓我享受一口已經非常滿足了。我們點了三文魚軟殼蟹反卷，記得落單時店員特別問我倆要不要少飯，因為他們的壽司全都很大件，所以我就同意了。但上菜時，我還是覺得反卷份量十足，無論是飯、三文魚和軟殼蟹都是很多，如我沒有選少飯的話豈不更誇張？！反卷大得不能一口全吃掉呢。軟殼蟹炸得酥脆，加上綿綿飯粒、密麻的蟹子、香軟的紫菜和清新的三文魚片，口感和味道都非常豐富。燒烤類都是即叫即做的，鹽燒牛舌用的是厚切牛舌，咬下去爽軟適中還有點肉汁，加上鹽的味道相襯，正啊。炭燒雞肉串用上自家製的微甜醬汁，肉質柔軟

見到咁多好評想試一試佢 嗌左2件左口魚壽司 1碟鰻魚炒飯 加啲串燒 個左口魚壽司既飯糧真係好抵食 約有半隻手掌既份量 上面啲薑蔥帶出左另一種好中式既風味 我自己食落覺得似白切雞既 我男朋友就comment話似白飯餸魚 另外個鰻魚炒飯就多左少少刺 雞軟骨就正常發揮啦

今天在觀塘看完電影便散步到一本食堂沒有吃日本料理很久了今天可以一解想念日本之愁餐廳位於工廠區大廈3樓室內地方寬敞，可以同時容納多人餐單上有超過一百款美食，一定有喜歡的東西我們選擇了雜錦刺身（26片）$218盤內一共有6款海鮮，全部都十分新鮮特別是三文魚很肥美，魚油很香帶子及甜蝦都很大一隻大大一盤刺身這個價錢真的十分便宜另外我們還點了和風炒軟殻蟹$48用上香而不辣的避風塘料頭處理，真是十分惹味餐廳的性價比真的是有夠讚！

再次和朋友來到觀塘的一本食堂今次特別要嘗試一下他們的一品料理及天婦羅朋友一坐下便給餐廳的一面清酒牆所吸引加上播放的日文歌他覺得自己真的是身處日本一樣我們點了一份雜錦天婦羅$48有2隻天婦羅蝦，2件蟹柳，2件蔬菜天婦羅蝦差不多有筷子這樣長但它們的炸衣不會很厚一口咬下去很脆口不會很油膩另外不得不讚他們的鹽燒三文魚水潑 2件 $35這個水潑真的好讚因為燒得剛剛好它的皮燒的很脆但裏面的肉還是很軟不會柴加上水潑的魚油很多所以餐廳也配搭了一個酸醋汁可以解一下油膩感真的好搭這個菜式真的是很高質很好吃最後還點了幾支串燒但味道有點偏淡有進步的空間整體來說餐廳都是不錯食的

一本食堂呢間餐廳住喺附近嘅朋友一定知，價錢優惠又可以食到高質嘅日本嘢，刺身、壽司、小食、鍋物、天婦羅、串燒、拉麵同炒飯等，款式包羅萬有，實有一款啱你心水！我哋7:30到餐廳，好彩早一步，因為我哋入咗之後嘅5分鐘，陸陸續續已經有好幾枱人入嚟，餐廳好快就坐滿👏🏻可見受歡迎嘅程度！我哋叫咗雞泡魚乾：濃濃網燒香味，佐酒一流🥰雞軟骨餃子：食落索索聲，口感豐富，好好味😍雜錦天婦羅：有齊炸蝦、蟹柳、茄子同青椒，外層炸衣非常薄，而且一啲都唔油膩，師傅炸功好勁呢😎關西牛肉鍋飯：呢個真係力推，有足料肥牛同勁多雜菜野菌，而且竟然食到少少嘅飯焦，堅無得頂👍🏻串燒：叫咗牛舌、鹽燒雞翼、雞軟骨同醬汁燒帶子，四串都不錯，特別係雞翼，外脆內嫰又Juicy 😋食到我舔舔脷！不得不提呢度嘅服務非常之好！雖然每位服務員都非常之忙，除咗處理堂食仲要處理埋外賣嘅單，但佢哋一啲都冇唔耐煩，好抵讚☺️

難得放假，就約咗朋友喺牛頭角食嘢，喺OpenRice搵咗一輪，就決定食呢一間日本嘢呢間餐廳喺3樓，原來間餐廳都幾大，每張枱都有一定距離，坐得幾舒服食物方面真係有超多款式，可以見到兩版紙寫滿密密麻麻嘅菜式，例如壽司、刺身、料理、貨物、定食、串燒、炸物、天婦羅；基本上你諗到嘅日本菜式都會有我同朋友就叫咗以下菜式：關西牛肉鍋飯：呢個鍋飯真係好正，用個鐵鍋上，上面首先鋪滿密密嘅牛肉同埋配菜，份量好多，飯係用珍珠米嚟整嘅粒粒分明雜錦天婦羅：天婦羅有蝦、蟹、青椒、茄子，天婦羅嘅咋份啱啱好，同埋佢一整好就上枱熱辣辣網燒雞泡魚干：雞泡魚干燒得好惹味，如果用嚟送酒一定好正仲叫咗幾串串燒：呢啲都係即刻燒嘅，新鮮滾熱辣，雞翼外皮夠脆，帆立貝個醬汁都好襯呢間餐廳真係抵食夾大件，走之前仲見到佢門口嘅午餐相當抵食，下次經過一定要再上嚟幫襯

我有個住喺觀塘嘅同學仔已經好久冇見面了，難得大家抽到時間可以敍一敍，她推薦一本食堂，她说這裏提供平民日本菜又抵食，坐得又舒服😌，令我好好奇，不防一试，店舖位於工廠區內，因假期所以附近都幾清靜，一入食堂見到室內空間幾寬躺，周圍放滿日本小燈籠🏮、櫻花樹擺設令我感到好relax🥰🥰$22 松葉蟹膏手卷松葉蟹絲及蟹膏鮮甜，加紫菜夠脆身，包住軟硬適中，粒粒分明嘅珍珠醋飯，食落好好味😋$56 壽司拼盤甜蝦、赤貝鮮甜，雜錦魚生大大粒、醋鯖魚、吞拿魚大大件👍👍$65 天婦羅定食青椒🫑爽脆、南瓜片甜、茄子🍆、鮮冬菇好大隻、蝦夠彈牙🦐、炸醬薄薄包住不同食材，炸得酥脆，不油膩😋😋$58 別府三文魚翅鍋（小辣、地獄湯底）三文魚翅又多肉又滑溜，加上粉絲、紹菜、滑豆腐、日本魚蛋鍋物，辣辣哋，食得好舒服😌##食店提供七種不同湯底（清湯、蕃茄、豬骨、醬油、麵豉、朝鮮、地獄）三種大、中、小辣度嘅選擇😘晚市時段送飲品😚😚

餐廳環境不俗，空間感十足，大玻璃窗感覺開揚，座位闊落舒適。雜錦魚生丼賣相精美，色彩豐富，有多款刺身包括三文魚、吞拿魚、北寄貝、帶子、大蝦、蟹棒、玉子等，魚生新鮮嫩滑，蝦肉非常彈牙爽滑，還有濃厚鮮味，好滋味。附送的麵豉湯濃得來咸度恰到好處，還有不少湯料。原條薄燒鰻魚好有水準，鰻魚大件厚肉，肉質很嫩滑，醬汁亦很入味。三文魚近腩刺身色澤靚又肥美，肉質嫩滑，充滿啖啖魚油，非常美味。最後喝罐冰凍汽水，很滿足的一餐！

餐廳佔地很大，環境裝潢美觀，有不少日本風情的佈置，座位舒適，整潔企理，比一般日式餐廳的環境更佳。三文魚近腩刺身賣相一流，新鮮肥美，每一口都很鮮甜，魚油滿滿，啖啖滋味。粒粒魚生丼份量十足，有多款刺身，色彩豐富，刺身肉質新鮮嫩滑。所有定食均附送前菜和味噌湯，味噌湯很足料，加入不少配菜熬製，湯質和味道皆很濃郁，不會過咸。三文魚軟殼蟹反卷件件大如拳頭，份量驚人，難怪相撲壽司是餐廳的賣點。反卷中夾有香脆又大件的軟殼蟹和爽脆多汁的青瓜絲，加上三文魚和大量蟹籽，口感相當豐富。還送每人一款汽水，解渴一流。

呢間算係觀塘區數一數二抵食嘅日本菜。佢哋其中一樣主打菜式係相撲壽司，份量永遠極大，啱晒大胃王。但我反而最鍾意佢哋嘅串燒🤪🍢。🍢串燒用料新鮮，而且燒嘅火候同埋時間啱啱好。🥢鹽燒冬菇（$12）好濃郁嘅菇菌鮮味，以些少鹽調味已足夠。🥢汁燒翠玉瓜 （$12）清甜多汁而且一啲青味都冇。🥢炭燒雞肉 $18自家製夠心思。以雞髀肉製成，多肉汁又唔嚡口。🐟刺身🥢牡丹蝦刺身 $28入口爽口彈牙仲鮮味十足。🥢珍寶帶子皇刺身 $40足足2cm有咁厚。入口鮮甜無比。之前喺度食過普通日本帶子，珍寶版甜好多☺️。🍣壽司🥢赤貝壽司 $12爽口彈牙無腥味。🥢京蔥拖羅茸壽司 $15超多拖羅茸，鮮甜得來仲要冇咩筋。反而京蔥落得少所以味到唔夠出。🥢加拿大海膽壽司 $28兩大瓣海膽甘香鮮美，底下有少量青瓜絲。