一本食堂

营业中

休息中

今日有時間就約朋友去咗觀塘一本食堂食日本嘢，呢度有超多唔同種類嘅日本嘢食，而且地方又大，約朋友聚餐最好。我哋今次order咗清酒煮蜆、帶子裙邊手捲、劍魚腩手捲、日式海鮮烏冬豬骨鍋、海虎蝦壽司、雜錦天婦羅、炭燒雞肉串、鹽燒牛舌串、照燒銀鱈魚。清酒煮蜆入面嘅清酒個質素好高，d蜆有大隻，鍾意食蜆嘅我就最鍾意。兩份手捲亦都包得好好，劍魚腩就係好厚身而且好新鮮，帶子裙邊就好有帶子嘅海鮮味而且好有咬口。日式海鮮烏冬豬骨鍋絕對值得推介，因為好抵食，包括海蝦、蠔、蜆肉、日式魚蛋、蟹柳、菇及蔬菜，而且個湯底係好濃沃嘅豬骨湯，令人再三回味。海蝦壽司同埋雜錦天婦羅就絕對係高水準，最緊要材料新鮮。雞肉串、牛舌串就睇得出廚師好有心機，燒得均勻同埋每一口都好入味。銀雪魚就係鍾意食魚嘅朋友一定會喜歡，魚油分佈多而且魚肉特別嫩滑，點買個特製醬汁食我最鍾意。