一本食堂

营业中

休息中

尋日阿媽放假，就諗住同佢食餐好嘅～我哋嚟到觀塘，見到呢間日本餐廳好似幾正！就上嚟試吓～雜錦刺身成$228有26片刺身，包括三文魚刺身🍣海蝦，北寄背，鮮帶子，八爪魚🐙同埋油甘魚～一大個冰盤裝住刺身～食落覺得幾新鮮，幾鍾意三文魚，大大塊，而且肉質好滑好厚身～海蝦🦞幾有鮮味，八爪魚切簿片幾有咬口，帶子幾滑，油甘魚幾好味😋依家每人仲會送一杯雪糕🍦揀咗雲呢拿雪糕，幾香甜，仲有濃郁嘅雲呢拿味～餐廳職員嘅服務態度好好，好值得幫襯！

三文魚親子丼 $65-親子丼一黎到嘅時候 我已經有少少驚喜 😱三文魚嘅分量唔單止足夠 質素都唔錯冇諗過佢呢個價位可以比到比想像上高嘅質素😍三文魚色澤紋理都唔錯 佢俾左兩片普通三文魚同六片三文魚腩 🍣以刺身黎講普通三文魚切得夠厚 但三文魚腩就薄左d 不過所有三文魚都有油香幾好食 👍🏻而三文魚子味道都唔錯 冇苦味 有輕微嘅甘香 我個人喜好 如果可以再多少少三文子就更好 🤓但以而家嘅水準黎講已經好抵食 中意三文魚嘅人可以一試😋-題外話： 呢到啲飯都偏大碗 細食嘅人記得嗌小飯 唔好浪費食物呀👏🏻

🍴 肥牛野菜葛絲鍋 HKD92 (烏冬加HKD12)大大鍋🙈肥牛份量超多 好似食唔完咁😹湯底係甜豉油湯底 偏甜 味道都ok🤭不過野菜就唔算好入味 仲唔知點解有條菜心起底😹 🍴三文魚親子丼 HKD80呢個無乜特別啦 不過三文魚偏薄左少少🤭🍴珍寶帶子(原粒)+甜蝦(3隻)+北寄貝(3片) 刺身 HKD58三款刺身先58蚊 好新鮮就稱唔上嫁啦 不過呢個價錢 質素可以接受嘅😝🍴松葉蟹味噌甲羅燒 HKD48又係好抵食 而且味道唔錯 蟹膏蟹肉好多落曬6件麵包都悼悼有餘😚最好就襯熱食啦🙆🏻‍♀️🍴 海膽刺身(原版) HKD58🧜🏻‍♀️係中意挑戰嘅😹望落啲海膽細細粒 入口苦澀味都偏重 無乜鮮甜嘅感覺 點多啲豉油都食得曬嘅🤣58蚊就算啦🤣🤣-✾味道覺醒指數: 3.2/5 抵食指數: 3.8/5服務指數: 3.6/5.

🍄🍄鐘意食日本菜，所以經常會留意邊到有唔錯既日本料理店。睇過呢間既食評唔錯，加上地點係🍄🍄公司附近，所以放工就去試一試！一入到去，感覺原來地方咁大既！環境設計都好有日本特式！天花板掛左唔少日本款式既油紙傘，有櫻花樹下的餐枱、四周圍有大大的日式壁畫牆，打卡真是一流！不過儘管環境舒適優美，最重要係食物質素！🍄🍄因為唔係太肚餓，所以只點了刺身和火焰壽司。刺身有三文魚、牡丹蝦、帶子等，味道不過不失；本來想叫海膽試下，但店員話係本地海膽，就頓時失去興趣了！至於壽司，睇得出係設計上有些心思，但即製的話，飯無暖感、一夾就碎，亦沒有醋飯既味道；蟹柳那件最失望😑，有點難食！晚市價錢比較偏貴，相反🍄🍄見到午市餐牌，丼飯價錢比較實惠，外賣仲有折扣！有機會可以再試個午餐。值得一讚的是店員服務很好，很有禮貌！餐牌上的食物選擇也頗多。整體而言，還是有點失望！

與好友瀏覽［觀塘裕民坊微縮藝術展］後，趁時間尚早，避免與上班人士迫在一起用餐，我們先用午膳，再往音樂噴泉欣賞。鴻圖樓前身是鴻圖酒樓，80年代全盛時期是地面連三樓營業。轉營後，三樓是素菜館，我幫趁過兩次，覺得收費合理，食物也不錯。今天重臨已經變身日式料理「一本食堂」。我們分享：韓式醬燒牛舌鍋飯、蒲燒鰻魚丼配麵豉湯，兩款餸與飯份量十分足夠。韓式醬燒牛舌鍋飯，韓式醬汁少辣，蠻美味，牛舌鬆軟，還有輕微的飯焦添！蒲燒鰻魚丼，蒲燒鰻魚味道是可以的，沒有幼骨絲，很讚！還伴有幾款蔬菜，不錯！麵豉湯熱檸水&凍薑蜜，我的凍薑蜜，適量的薑汁與微甜，加埋冰塊，十分可口。

今日收工好想食魚生就上網睇吓有咩和風食店係喺觀塘～就俾我睇到呢間一本食堂推介話價錢公道之餘食物質素仲要唔錯所以我就自己去食下先～食咗好食再介紹俾朋友樓下門面放咗好多易拉假有好多唔同選擇熟食啦魚生啦壽司啦火鍋啦應有盡有餐廳非常寬敞好開揚之餘仲有廣東歌聽 我最喜歡今日店主推介我食時令嘅白身魚個名對我嚟講非堂陌生望落仲好似好腥添喎哈哈但係既然嚟得 我就想食下啲新鮮 又好味嘅美食所以我最後都有嗌到！！果然冇介紹錯味道非常之清新 配上淡淡柚子香啱晒悶熱夏天食啊成功成為我近期嘅最愛魚生壽司更加唔使講啦魚生新鮮得嚟紫菜仲要非常之脆！完全係新鮮即製嘅標準如果壽司飯嘅醋味更香更濃我更喜歡仲有我最愛嘅生蠔啊～～兩隻都非常肥美最重要嘅係一啲苦味都冇厚肉就嚟又有奶香好想再食呀食埋餐廳嘅天婦羅就知道佢哋嘅功架去到邊度天婦羅衣非常薄脆唔會過於油膩

其實食日本野都唔一定好貴，觀塘就有間平民日式食堂，晚市定食選擇豐富之餘又抵食，包埋前菜同麵豉湯，性價比都幾高，值得一試三文魚親子丼($80)三文魚刺身都幾新鮮，油質豐富，三文魚籽爽脆鮮甜，冇海水腥味，壽司飯份量都幾多，細食嘅朋友記得要求少飯，唔好浪費食物呀滑蛋吉列豬扒鍋飯($55)豬扒鬆脆多汁，醬汁甜甜地都幾開胃，不過煎蛋有少少太熟唔夠蛋汁芝麻雞翼($33)脹卜卜，一咬熱辣辣，而且炸得啱啱好，外皮酥脆，雞肉嫩滑，非常推薦鹽燒車厘茄串($13)好甜好juicy，新鮮嘅車厘茄只需要用少少鹽嚟調味就好足夠

廚師發辦壽司(10件$218)全部魚生都好鮮甜，個人最愛拖羅😚松葉蟹味噌甲羅燒($48)蟹膏拌生雞蛋係炭火上烘，好快煮好放上烘好既麵包，入口幾香濃，要趁熱食！如果唔係會腥咖🥲薄切時令白身魚刺身(10片$98)店員推介係唔會錯，白身魚加特製既醬汁，令到刺身味道更加突出!焦糖鵝肝壽司($72)未試過既combination🤣食落係甜甜地既鵝肝，都幾夾🤭食物整體都好新鮮，性價比好高！選擇好多，不妨問下店員有咩推介，都好nice☺️

.觀塘❣️性價比高日本菜觀塘出名多穩世高質，今日搵左間食日本菜既食堂，估唔到性價比都好高🤤📍時令白身魚刺身見到有時令白身魚刺身當然一定要試啦😍淋左秘製醬汁，更加突出白身魚既鮮味！話明係時令，大家快啲去試喇！📍焦糖鵝肝壽司原來.....鵝肝加上焦糖，可以令到成件事無咁罪惡，其實個原理同加蘋果醬一樣！原本係好夾嫁🤤📍廚師發板壽司10件好高質，全部都係時令既魚，性價比果然好高👍🏻📍松葉蟹味噌甲羅燒唔係好多地方有得食到，加埋烘過既麵包一齊食😌加熱後蟹味鮮味出哂黎👍🏻不過提提大家一定要襯熱食，如果唔係就會腥嫁喇！📍香蒜雞軟骨好香蒜味，因為太耐無食過，可以止下癮😆聽聞，下個月會做一周年感謝祭，清酒好似會有半價😱一定要留意住先！一本食堂觀塘鴻圖道30號3樓——————#觀塘 #日本菜 #食堂 #觀塘美食

觀塘好多各式各樣嘅樓上餐廳，今晚返工過嚟呢間食日本嘢嘅。樓上舖可能因為租金平啲，空間可以寬躺一啲，呢度樓底高，燈光較柔和， 感覺好舒適。【日本赤穗蠔】蠔係即開嘅，好大一隻，不算肥滿但好Creamy，點一隻都有跟冰盤及有齊配料， 值得Encore！【大大花之戀】真係好似佢個名咁大大件，要切開先放到入口， 哈哈！呢個價錢嚟講真係超抵食！【牡丹蝦+ 鮮帶子+ 三文魚剌身 】呢碟係特價餐牌嘅，唔係因為特價個份量就細咗喎，刺身都新鮮美味。【滑蛋吉列豬扒鍋飯】定食跟麵豉湯同前菜，晚市都只係50幾蚊，太抵食喇掛，而且都好味㗎喎！驚喜位係鐵鍋上有少少飯焦， 而且飯嘅份量好多，啱晒大食嘅我，哈哈！今餐令我最回味係個蠔，但要留意Menu係搵唔到㗎， 店員話會不定期轉時令新鮮蠔，但款式太多經常轉所以唔印落Menu，鍾意食蠔嘅朋友可以問店員介紹返！

相約同事下班後聚餐，提議在這個寛敞的餐廳地方吃日本料理及把酒談天。有清酒選擇，其他人點了汽水。點些網燒雞泡魚乾這些佐酒小碟，烤得很乾身香脆，每條都切得幼細，易吃。蘸點沙律醬，停不了口。之後來個鍋物，鮮海立魚鍋裡面的海立魚沒有骨，魚塊有多片，肉質彈牙白滑。湯底清甜，反而麵豉味道不濃，又不會過鹹。除了魚塊外，食材還有水晶粉絲、豆腐、金菇、蔬菜。呷著湯水，吃著魚塊，不知不覺也飽了。澎湃的壽司卷，火焰親子卷裡有玉子、青瓜絲及蟹柳，紫菜包裹材料的反飯卷，外層有經火炙過的三文魚及魚籽，每一個都大大卷。三文魚燒過後更添一份油香。其實不蘸豉油吃，飯卷上面淋上千島醬。整體味道和口感也蠻豐富。

今日去接男朋友收工順便係出面食埋先返屋企啦😬口痕想食日本嘢❣️餐廳入面非常日本風😍有好多日本居酒屋元素😇包捨有櫻花🥰燈籠🏮油傘仲有壁畫🥰🥰🥰岩哂依家無得去旅行嘅我🤪望梅止渴🥲睇完景就開始叫嘢食啦🤤入正題❣️🔺雜錦魚生丼🔺男朋友最愛食魚生🤣有三文魚🍣吞拿魚❣️赤貝❣️小柱❣️大大隻甜蝦👍🏻刺身雖然唔算厚但勝在無乜腥味🙈仲送埋中華沙律🥗成個配搭好地道🤣不過味道都夾😬唔知係未因為無叫少飯所以有好多飯❣️岩哂中意食飯嘅朋友仔🤪🔺鰻魚定食🔺作為一個鰻魚迷去邊見到鰻魚都會叫嚟食😎最中意佢軟軟嘅質地加埋鰻魚汁撈飯真係一流👍🏻🔺辛辣三文魚碎壽司🍣個醬汁幾特別👍🏻有少少泡菜味⁉️意想不到嘅組合😂個人嚟講幾中意🤤店家sell相撲壽司🍣可以解作好多飯嘅意思🙈我地呢個就係相撲級😂唔講得笑都真係好大嚿下❣️擔心食唔到嘅朋友仔可以叫少飯架😬🔺三文魚飯卷🔺又係相撲級🥲除咗飯多啲料都多🙈點沙律醬好味👍🏻🔺蒜香三文魚背🔺整得好香口連骨都可以食👍🏻不過咸咗少少🤏可能我本身比較中意清淡嘅食物❣️

朋友介紹下今次去咗觀塘一本食堂食晚飯，其實呢度地方好寬敞環境開揚，內在裝修都充滿日本風，再睇埋餐牌，發現呢度有超多種類嘅日本食物，有刺身、壽司、沙律、珍味、卷物、定食、鍋物、小炒皇、拉麵烏冬、炸物天婦羅、串燒、冷食、小食、一品料理等等…… 最後我點咗日式海鮮烏冬豬骨鍋同埋雜錦天婦羅，日式海鮮烏冬真係好正，入面又有蝦、又有蜆、又有蠔、又有日式魚蛋等，而且烏冬又住得啱啱好，襯埋豬骨湯底食到舐舐脷。雜錦天婦羅有兩隻天婦羅蝦、南瓜、茄子、金菇，再點買特製嘅天婦羅醬油食真係好回味。

一本食堂再次回到同女朋友剛相識食飯嘅地方感覺又係回到初戀時，以日本為主題嘅裝修，去觀塘區絕對少有火炙壽司佢哋係火炙壽司都幾多選擇，應有盡有一個人食都絕對夠食咖喱雞扒烏冬絕對一是佢哋嘅咖喱雞烏冬，因為雞肉真係好入味，用上稻庭烏冬冇得彈清酒煮蜆清酒煮蜆，蜆嘅份量都幾多，超值之選仲做緊優惠#kaygor #foodie #hkblogger #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #blogging #newblogpost #instablogger #me #followme #comment💬 #like4me #smile #igers #hkig #follow4follow #like4like #look #instalike #igers #food #instafollow #followme #girl

位於牛頭角與觀塘之間的食肆大廈樓上，對著街道的窗口都貼上搶眼的粉紅色橫額，上面就是這間日式餐廳名，讓人更易找到及宣傳之用吧。裡面的燈都是柔和有格調的圓波燈。丼飯：雜錦刺身丼飯刺身多款，有帶子、吞拿魚、蝦、北寄貝、魷魚、玉子等等，全部鋪滿在壽司飯上，顏色鮮艷，令人垂涎欲滴，以這個價錢來說，又有各樣刺身，性價比高。刺身：劍魚腩劍魚腩是我其中一款最喜歡的刺身之一，貪其肉質爽彈，白澈。刺身：象拔蚌大大片切得薄片，每片煙靭，爽爽脆脆。甜品：日本水信玄餅餐廳宣傳之優惠，只要在社交平台上打卡及分享照片再發文，就可以享用一份甜品或三文魚刺身了。吃飽了，當然來個正宗又經典的日式甜品，水信玄餅本身無味，像啫喱般，全靠黑糖漿及黃豆粉加添味道。