一本食堂

营业中

休息中

最近雖然有番晚市堂食，但都想揾啲冇咁多人地區用膳。咁啱今日三八美女節，點都要舒舒服服出街食番餐。係觀塘做完嘢，就直接係果頭揾野食。「一本食堂」位於觀塘創紀之城一期後兩條街，「鴻圖道」轉角位置三樓好易搵。餐廳地方佷大，坐位寬闊，有一排梳化坐椅，可以坐得十分舒服。裝飾以粉紅色調及日本櫻花佈置，好少女feel 。都適合影下相打下咭。食物種類及選擇好多，餐廳會提供點餐紙自己點選食物，十分方便。魚生可以一份或半分叫，啱曬我呢啲又想食多幾款但又怕食唔曬嘅客人。除了刺生、壽司之外，亦有拉麵、定食。仲有鍋物、串燒及小炒。真係唔怕揀唔到啱心水食物。「鹽燒牛舌串」真係要食，即叫即燒，大大片厚切，一啲都吾靭。「鮮海立魚鍋」大大鍋都只係$82，奶白嘅豬骨湯底加埋好多鮮魚片，再配埋蔬菜、豆腐同粉絲，味道十分鮮甜。所以最後整鍋連湯都比我哋清曬。其實餐廳仲有好多款清酒，可以供客人選擇。可惜我朋友唔飲酒，所以今次未有機會試佢。下次可以三幾個朋友來開支清酒，食住串燒飲番兩杯。整體來講，呢到食物質素不錯，價錢合理又平民化，今次冇選擇錯。我哋兩個人，吾飲酒，埋單都只係三百蚊，去邊度搵，真係經濟實惠

今晚過咗嚟觀塘食嘢，屋企人想食日本嘢，見到呢間一本食堂好似好正，於是入咗去食dinner 😆地獄海鮮烏冬 ($76)- 又鍾意食辣又係海鮮迷嘅嘅我毫不猶豫就揀咗個辣海鮮烏冬，叫咗中辣，辣度啱啱好，好惹味，有海鮮嘅加持底下，辣湯好爽口開胃，一啖接一啖，停唔到口😋- 海鮮種類都多樣，有青口、大蝦、蝦仁、蜆肉、魷魚，各式各樣，非常豐富😆三文魚親子丼 ($80)- 三文魚丼擺盤好靚，望落去已經好吸引，未食都望晒口水🤤- 三文魚肥美得嚟好有光澤，新鮮甜美；蟹籽大粒脹卜卜，好有咬口，仲有中華沙律、青瓜絲等等，成個口感配搭一流鹽燒挪威鯖魚 ($58)- 鯖魚非常大條厚身，皮脆肉多，肉質結實，魚嘅鮮味鎖晒入去，香港惹味，連埋檸檬汁更加係錦上添花💛餐廳設計得好雅致，有好多日式元素，地方都好闊落，最贊嘅係食物優質，食得好滿足👍🏻

觀塘返工咁耐，經過呢度好多次，一次都未試過！今日咁岩ot完就同同事試下！地方好大，周圍咁裝飾好有心思，似日式pop up store，餐牌選擇好多，價錢岀奇地平！質素到底掂唔掂呢？🍴雜錦魚生丼 $78$78一個魚生丼，本身都無乜期望，點知喜岀望外！首先賣相好靚好full, 有9款食物，魚生佔7款，一次過試到好多魚生，而飯量亦都好多，可能夠2-3個人食😱😱同朋友share一流。味道方面，甜蝦好甜同新鮮，赤貝同三文魚都唔錯，呢個價錢抵食！🍴海老天婦羅 $78有4隻炸蝦天婦羅同1件矮瓜丶青椒。蝦炸皮唔厚，夠酥脆，蝦都爽身，非常唔錯！

#觀塘美食 #小蓮星呑食觀塘🔻 一本食堂觀塘鴻圖道30號3樓///🧃重量級三文魚刺身 $148/磅$148有成24塊三文魚刺身😱😱仲係厚切嗰隻！就咁睇色水都唔錯！半肥半瘦，肥嗰啲食落更有三文魚味更香，整體唔錯，一定比200幾蚊放題好！/🧃炭燒雞肉 $19/串見到佢標榜自家製，即刻叫左，係甜甜地嘅日式照燒汁味，連埋雞皮嘅雞肉波燒到好香，肉質夠嫩夠juicy! 同一般冰鮮來貨嘢有分別！/🧃明太子雞翼 $35外皮一樣燒到好香燒，入面嘅明太子好足料！勁惹味😋/////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

今晚同老公黎觀塘食好西～放假要食好野輕鬆下☺️廚師發板壽司🍣師傅採用日本季節海產同挑選時令食材，總共有10件，今次呢份廚師發板的拖羅、鮮帆立貝同珍寶蝦最正😋刺身新鮮無筋，壽司飯握得幾實，成件壽司唔會太大舊，一口份量剛剛好，擺盤都靚～ 幾乎全部比我食哂😁中拖羅係我至愛，每間餐廳都會order～一本食堂的魚生都新鮮生蠔超抵食$13/隻，我覺得可以叫一打黎食!服務都好好架，係間絕對會Encore的日式餐廳～

對我地黎講，食野最緊要性價比高，上網search過一本食堂的食物質素唔錯而且價錢貼地，一於今晚黎食返餐😋我地叫左啲刺身、壽司、串燒，甜品，咩都試下，又真係唔錯喎，可以推介比朋友！三文魚刺身食落鮮甜肥美，隻碟都好靚10件壽司擺得超靚，賣相都好緊要！我食左三文魚籽壽司同三文魚壽司🍣好食呢兩串串燒分別係燒帆立貝及鹽燒雞軟骨，帆立貝入味，雞軟骨香脆，估唔到呢到既串燒都咁正😚食完正餐當然要整個靚甜品😋

收工過黎呢間同事推介既一本食堂食嘢，黎到已經八點，仲好多人食緊嘢，說明餐廳人氣十足。餐廳裝修都唔錯，有日式建築特色，餐枱之間隔得好開，坐得好舒適，仲播埋日本音樂，感覺去左日本旅行。特級肥牛烏冬（地獄小辣） $58麵食有頗多湯底選擇，我揀左地獄小辣湯，烏冬份量都幾多，小辣對我黎講啱啱好，牛肉唔會太油，總體都OK。天婦羅蝦反卷（6件） $56不得不說呢度d卷物平得黎仲相當大件，配料係滿滿的飛魚子青瓜條天婦羅，食落好充實，一d都唔馬虎。鹽燒挪威鯖魚 $58呢條魚係食到最後先上既，已經差唔多食飽，原本呢條魚可能得半條左右應該都KO到，估唔到$58蚊有成條魚🤣，真係好抵，仲好好食，少骨，差唔多冇骨咁濟，落埋檸檬同醬汁食到好開胃。總結：餐廳裝修食物各方面都唔錯，價錢唔貴份量仲超級大，適合同事、朋友收工聚餐。

記得以前呢個舖位係一間素食店，都幾好食咖，今日再去已經執左，變左呢間日式餐廳🤔睇個lunch menu好似又幾多選擇咁，於是就入去試下啦～餐廳入面都幾闊落咖😊有啲和風裝飾咁～坐得幾舒服👍🏻🌟素壽司卷物拼盤配湯蕎麥麵 $56成個menu得兩個餐係素食，我揀左有素壽司嗰款，好似平時比較少見🤔落單時仲可以揀自己係全素/蛋素/非素食者👍🏻👍🏻食物賣相唔錯，食材又好清新😊未食都覺得好refreshing～素壽司件件都幾好食，係塊腐皮似雪得耐，比較乾😅😅蕎麥麵就比想像中大碗，麵質都ok唔錯🌟滑蛋雞肉丼 $48呢個男友就覺得唔係好得，我試過一啖，個雞冇調過味咁，好淡，個蛋係全熟蛋😂仲有飯唔係珍珠米，我本身食得比較淡口味都覺得食唔到🙈🙈口味比較濃嘅男友食左兩啖就放棄啦。。睇餐牌主食+$8有兩件壽司幾抵，我地就叫左鰻魚同甜蝦壽司😀甜蝦ok，但鰻魚冇咩鰻魚味同冇醬汁，一份錢一份貨黎講都可以接受嘅🤔🤔跟餐+$5有凍/熱飲，我地叫左好耐，啲野食黎齊哂都未黎😥黎到又上錯左另一個客嗰杯俾我地。。😐😐仲未完，望下個杯，明明叫少冰就大半杯都係冰，一飲就明點解咁多冰😅甜到好誇張，我諗睇個人口味啦，我自己就覺得太甜飲到喉

$48 雞扒udon雞排嫩嫩的 而且大份 udon還好 $48真的非常抵食!but you may have to queue up for lunch, it is quite crowded!

行番公司途中撞正佢地派傳單見到有好多特價午市定食有一日咁啱冇帶飯就打咗電話去囉但在外賣自取叫咗個照燒雞扒定食飯同雞扒份量都好大仲有麵豉湯真係大份夾抵仲有得儲印花用嚟換免費午餐會再去

好難得係觀塘揾到壽司食首先地方大，坐得舒服好重要刺身生蠔🦪性價比好高雖然呢間賣點係相僕壽司，但本人不吃飯試左鵝肝刺身都唔錯厨師發辦的刺身可以更好，可能因为没蝦同油甘魚有少少失望員工没乜training,不過都合理，始終不是大餐厅可以回頭

一本食堂係一間平民日本菜，野食雖然唔算特別出眾，但份量足價錢平，人均百零蚊已經食到飽，對於糧尾嘅朋友而唔想食得咁頹都係唔錯嘅選擇。雖然話係平民日本菜，但一本食堂嘅menu非常豐富，刺身、壽司、卷物、天婦羅、串燒、鍋物、拉麵、烏冬、定食......通通都有，伕７個類別仲勁多選擇，真係會有啲花多眼亂。水蜜桃($9)同冰糖雪梨($9)價錢唔貴，比自己出面買唔貴得幾多。水蜜桃個人覺得冇玉泉咁甜，反而冰糖雪梨味就就偏甜，怕甜嘅就唔建議點。汁燒原隻日本魷魚筒($66) - 魷魚筒好大隻，有成隻前臂咁長，肉厚但唔會太韌，加埋甜甜地嘅醬汁味道都唔錯。日本芝士年糕($32) - 芝士年糕煙煙韌韌，芝士仲係半融狀態，但食落又唔會好漏。三文魚軟殼蟹反卷($62) - 哩度以相撲壽司作賣點，即係壽司好似相撲手咁有份量，其實唔單止壽司，佢地嘅卷物同樣好有份量。大大舊反卷，就算係麻甩佬都要分兩啖先食得晒。反卷裡面有軟殼蟹同青瓜，食落幾爽脆，加埋上面嘅三文魚，飽肚之餘味道亦唔差。吉列豬扒烏冬($52) - 拉麵同烏冬有七種唔同湯底揀，我就揀左番茄，味道比較甜，烏冬量都可以。吉列豬扒都幾大塊，炸皮唔會太厚太硬，不過就

大件取勝一本食堂觀塘鴻圖道30號3樓要去觀塘駕駛中心學車, 食飽飽先有力集中到上課學習, 來到觀塘都係一個美食集中之地,記得朋友講過有間食日本壽司大大件,MEGA SIZE架壽司真係要見識一下。嘩, 比一般架足足大了2-3陪, 所以點時要留意返食量, 飯很大拿上手很重身, 要分開3-4口大大口才吃完一件,味道正常 ,佐口邊，希靈魚，大八爪魚全只是十來元一件。$58 有日本磯煮鮑魚，蝦4隻，油甘魚3片，超級抵食。 $35 明太子雞翼中間餡塞到漲卜卜，起左骨食落都係肉呀，有肉汁辣辣地。呢間超高性價比，下次學車會再幫襯佢

One of my colleagues asked me to join him for dinner tonight and since i have no appointment, I agreed to. Itsupon Syokudou was located at Hung To Road, several minutes walk from Ngau Tau Kok MTR. The restaurant is huge and spacious, able to seat several customers.  Their menu was very comprehensive, offering a wide range of Japanese cuisine such as sashimi, sushi, roll, ramen or udon, cooked items and drinks etc. Iced pear drink - It was very sweet and cooling, with strong pear taste.  Their su

等男朋友放工一齊去食晚餐，上OpenRice search觀塘區日韓嘢，揀左陣就決定嚟呢度，一本料理。位置都易搵，係街上已經見到餐廳名四隻大字喺窗口，盲嘅都睇到😂入到去靚女都會主動幫你量體溫，確認訂座等等，態度亦都好好。環境幾光亮，有啲假櫻花係餐廳中間，出菜嘅師傅切割工作枱都有點日式氣氛，枱同坐位都幾寬，小小問題係梳化位有啲矮，食嘢嗰陣覺得張枱太高😂相信係平日夜晚嘅關係，入座率都頗低。入坐時間太概8點，計埋我都係得3枱客，希望小店都可以撐過疫情！點餐紙上超多選擇，前後兩版紙，選擇困難症！見到推薦餐牌有生蠔，諗都唔諗就嗌左！生蠔有掌心大，食落肉質爽嫩，但冇乜海水味，甜味都較弱，但只係$13一隻，想過下蠔癮嘅人必嗌。牡丹蝦($9)肉質較腍，佢哋刺身普遍問題係，唔夠凍。之後嗌嘅刺身拼盤都有呢個問題。磯煮鮑魚食到有種熟悉嘅日式醬油味😂煮得過左少少，較實淨。呢度主打相撲手壽司，所以壽司飯『大舊飯』係佢嘅賣點。壽司嗌左好幾款，質素普通，冇乜記憶點。熟食就嗌左客避風塘雞軟骨同燒牛舌。望落去presentation唔錯，2樣嘢味道都唔差，不過係唔夠熱。牛舌調味較淡，我自己加在枱面有嘅七味粉。落完單之後