一寿司 (已結業)

星期六同幾個friend去尖咀食lunch, 有個friend見到呢間壽司鋪就話去試下. 入到去, 裝修唔錯!個魚缸好大好靚! 除左裝修, d碟都好靚! 都幾多壽司款式選擇架!! 而且價錢都唔貴. 三文壽司都係$9, 比元氣元祿新鮮同大份. 食左軟殼蟹手卷+蟹子沙律手卷. 軟殼蟹都幾大件, 同新鮮(夠脆),不過不失. 仲有軟殼蟹壽司(serve得好得意架!),腐皮壽司等(唔記得咁多囉). 全部都good! d刺身都唔係好貴, 望見隔離枱果d都幾新鮮, 下次試下先.

環境：好大個魚缸，好靚。不過bar枱好迫，張椅好大好重，坐左上去完全郁唔到，好唔方便。味道：魚生好新鮮，但d飯唔係好得，推介：(1)藍鰭吞拿─雖然唔似toro咁肥美，但都好香魚味。(2)油甘魚─好肥美(3)帶子─唔係好大隻，但好鮮甜。(4)蟹棒─好大條，有蟹味。(5)海膽─好鮮甜，可惜有時d紫菜唔脆。(6)秘製汁燒玉子─有三大舊都係$9，好抵。(7)炸雞軟骨─好香脆，送酒一流。服務：ok啦！但壽司師傅太慢喇！其實係唔夠人手，得一個師傅整軍艦，一個整貝類，兩個整魚，仲要即叫即切，d order不停出，我見d單一出就十幾廿張，主要得兩個人整，太慢。

幾日前食過D好難食的壽司，今次要食番D好。睇過食評都唔錯，而且又新開，就試下新野。雖然坐bar台，但迴轉的壽司選擇不多，基本上都是order。炸軟殼蟹-炸得好透，又脆又熱，略嫌細隻。軟殼蟹壽司及火舞黑蜘蛛卷同樣都有軟殼蟹做饀，一樣又脆又熱。海膽壽司-夠新鮮，俾我想像中好。Toro壽司-唔太掂，好薄、唔肥美外還，反而同樣是toro碎的蔥金鎗倉腩壽司的味道還好。劍魚刺身-雖然不算太肥美，但味道好鮮。另外三文魚、黑椒三文魚壽司同阿拉斯加卷，只係9蚊同16蚊，以這個價錢已值回票價。麵包超人話D壽司飯唔太得，我認為不太差，一粒粒的飯身，但唔會過硬。雖然呢間不是最好，與元氣相比，價錢相差不遠，但講味道就勝一籌。

之前新開時太多人等位，因lunch時間緊迫，無食到，呢輪唔須要等位，於是立即試吓，我地座order枱，因四人傾計較方便，環境很舒適，不焗束，此店用料新鮮，飯不太大件，幾適中，各款壽司均新鮮，由奇以三文魚芒果壽司超正，必試，我覺得此店價錢與和花亭相若，但環境及食物款式，用料均較和花亭好，我必定會再幫趁

一入去女廁污糟到爆, 都唔見過開張無耐, 格局ok既餐廳, 個toilet可以衰過茶餐廳!! 壽司又細碟又唔好味, 價錢分得好散, $9, $12, $16, $18, $25, $35…多數都係$16, 貴過同類壽司店!! 店中間唯一一張雀籠枱好唔掂, 坐左入去真係變成一隻困喺雀籠既雀, 一d私人空間都無, 相反仲俾全餐\廳既人眼望望!!

十點幾在中環睇完show兩口子返尖沙咀搵食行行下去到亞士厘道得返呢間新壽司店係十二點鐘先收舖即管入去一試啦之前睇報紙見過介紹果d一生人一次menu睇落又唔多特別咋喎無咩興趣坐埋bar檯見到凍櫃入面既魚生都幾新鮮不過帶上既北寄貝就好唔得似乎放左好耐開始縮埋咁寫單叫左甜蝦、帶子、三文魚腩、尤魚鬚壽司等六碟另外加炸蝦天婦羅同辣味加洲卷上檯速度比較慢不過見到d師傅好似幾有心機慢慢整都可以接受既帶子同魚生都新鮮價錢亦唔算貴天婦羅亦好有蝦味亦唔算好油覺得甜蝦壽司幾好食後來再叫左一客刺身點知今次黎到d蝦未解凍咬落去仲有冰亦都無左之前既蝦味而且唔講由自可下面網友講既都好岩宜家諗返都覺得d飯比較硬的確有d古怪坐坐下隔離新入庭既食客猛咁對住我d壽司咳忍無可忍唯有提出轉位待應話要數左碟先轉檯我地都無問題點知其他待應聽到就面黑黑其實當時已經夜深轉檯亦都唔係大件事咁既態度就好無謂囉總括黎講價錢同裝修都符合亞士厘區既風格同水準不過d食物同服務都要改進下喇遲d會俾多次機會佢既

開飯時間: 6 點30分至9點-----朋友遲到, 所以食左兩個幾鐘, 侍應仲成日問你個friend到未.....食左咩野:A5和牛壽司- 我無食, 但係個friend話okay海膽壽司- 一般帆立貝壽司- 一般鱆紅魚壽司- 一般蟹柳壽司- 一般, "蜂壽司"好食好多甜蝦+三文魚-> 美人魚壽司- 都係一般火龍卷- 真係唔錯Brad Pitt卷- 幾特別,有d醃蘿蔔包住酸酸地好開胃油甘魚+三文魚卷- 一般三文魚刺身-無咩味既三文魚都係第一次食活赤貝刺身- 水準之作劍魚刺身- 全晚最精彩的一樣食物,新鮮肥美,$35超值有一樣真係要提下, d壽司飯比較酸同硬,真係需要改善下.....同埋杯綠茶好淡, 好似滾水....(或者可能真係滾水)....其實綠茶都唔係好貴啫.......

上星期六下午,我和友人去食lunch,我們一時多到達尚有很多座位,我們坐了bar台,約一時半後要等位,因新開張所以去試試,一開始就取了帶子壽司,真是十分之新鮮,在香港的迴轉壽司店未食過咁新鮮,很來叫了黑和牛壽司,但牛肉很薄,味道都可以,之後我們order了HK$12.00一碟蟹肉壽司,好食及底食,天付羅炸蝦及炸軟殼蟹壽司好味,直得一試,但order就等得耐一點.

又一間排隊食店﹐上禮拜特登早D六點半前去﹐最後都只有吧臺坐﹔都好﹐起碼唔洗排隊。巨型魚缸同雀籠幾搶眼﹐但我都係關心服務同食物質量多D...先來隨手在回轉帶上取了三幾款壽司﹐魚就OK﹐但D飯就認真麻麻﹐入口乾硬。之後就索性ORDER﹐亦從MENU點左D特色壽司﹐例如標榜"一生一次"的牛壽司﹐BRAD PITT卷等。發覺配料OK﹐說不上一生一定要試一次﹐但飯都係唔得。不過﹐有兩樣野我就最看不過眼﹐亦係激發我寫呢篇食評的原因:1.其中一個壽司師傅﹐他不停撥打手機﹐搞帽﹐唔帶手套唔洗手但又一邊切魚做壽司﹐覺得非常不衛生。2.條壽司軌會經過後面一塊大布(裝飾用)﹐但見塊布飄飄下﹐而D壽司雖然有蓋﹐但個蓋上都有洞。我懷疑有不少塵埃從布掉進壽司裡...坦白講﹐價錢﹐地點﹐食物﹐裝修都只係OK水平啦。不過﹐服務員都幾落力﹐加分。始終﹐有強烈港式經營感覺同質素﹐真係"一生一次"就夠啦。

上個星期五未夠6點，諗住唔想等位，所以同男朋友早D食dinner。入面裝修真係幾好，特別係個大魚缸，有好多熱帶魚，係賞心悅目既。不過裝修幾好都好，食物唔好食就真係無野可以補償。我倆食左都, 有14,15 碟，其中比較特別同深刻既就係燒玉子。呢碟玉子有3 大件，熱熱地，都只係$9!! 幾好食。其他如三文魚、帶子等等壽司相當普通，與峰壽司差得太遠啦﹗特別係壽司飯，未夾已經散晒，壽司亦無峰壽司咁大件夾抵食。所以如果只是想坐得舒舒服服去睇睇魚，都可以接受既﹗

今晚放工同老表,表姐夫,男友一行4人食飯,男友想試試呢間迴轉壽司店,男友7點多d已黎攞位,我地等左足足一個鐘先有位.環境方面正如以下食友講,比一般迴轉壽司店舒適.我地叫左20-30碟壽司,當中特色d既有燒海膽壽司X4($35),A5牛肉壽司$35X4,木魚壽司X2($25),火龍卷$2X,藍鯨呑拿壽司.除左海膽壽司$35,A5牛肉壽司$35件,味道特別出色之外,其他都系好一般!最差系D飯一夾即散.服務方面侍應似乎有點兒OVER左.埋單連加一$900.除開每人$225,試過就算!

早前行經此地,見到有間新開0既日本餐\廳,一望入去就比入面個超級L型大魚缸吸引住~亦日見到雜誌介紹,原來個大型魚缸過百萬~之後同我老公去試下,等位等左好耐.入到去坐bar枱,好寬敞,樓底好高,感覺好舒服,好明顯係裝修方面花左唔少心思!共食左15碟,價錢唔算貴,同元氣差唔多啦!不過佢\d料真係好新鮮,好有肉汁,又大件,好似白鳥貝,甜蝦等等,正;有一碟叫\"蟹棒\",仲以為會好正啦,大大舊肉,一食落去,車......只係一舊好大0既蟹柳,咁就$16,比佢\昆左tim;有個好似叫\"梅子螺片\",幾特別,唔錯唔錯,呢度比較多特別0既款式,不妨可以0黎試下.仲有個係\"金龍xx卷,類似係d天婦羅,再加一\"pat\"牛油果,ok0家!d蝦比我想像中好食;\"花之卷\"我覺得唔及元綠;\"火炙蘇格蘭三文魚腩\",因為我唔鍾意食魚腩,所以覺得有d腥,$16一舊,menu介紹係極品woo!鍾意食魚腩0既朋友可以試試!總括0黎講,呢間0野暫時係得0既,係d飯過硬,需要改善下,希望佢\0既質素唔好除住越來越多顧客而下降!後記:坐我地隔離有個鬼佬,個老細猛招呼佢\,老細話個鬼佬自稱係世界頭幾本最top0既

早前看報紙介紹，辣椒女話想去試試，今晚有空就去試了，一去到就見到很多人在等，心想要等多久呢(排第18)？之後等了差不多半小時，見有很多人走了，原來已經排第二了。再第多15分鐘，終於可以入去了。看看價錢，都唔算平；而看完餐牌後，我們叫了車海老天婦羅露荀、油甘魚壽司、立魚壽司、帆立貝壽司、鱆紅魚壽司、左口魚壽司、火炙極級藍鰭吞拿魚、瑞士Balik煙燻三文魚肉刺身和日本南瓜甜番薯天婦羅。車海老天婦羅露荀- 看落都幾好看，蝦天婦羅就炸得幾好，但唔知點解，d 飯係凍的，食落有點怪。油甘魚壽司- 油甘魚唔算新鮮，好普通。立魚壽司- 味道一般。帆立貝壽司- 帆立貝係好大隻，但沒有什麼鮮味。鱆紅魚壽司- 普通。左口魚壽司- 普通。火炙極級藍鰭吞拿魚- 好大件，但味道都係好普通。瑞士Balik煙燻三文魚肉刺身- 寫到好特別，比普通三文魚貴好多，但食落和普通煙燻三文魚差不多，只是比較濕身吧了。日本南瓜甜番薯天婦羅- 南瓜就炸得幾好，但番薯就太硬了，唔好食。食完這麼多都唔多飽，相信係因為這裏的壽司比正常的細。說到壽司，真係不可不提，這裏的壽司，我相信應該唔係用日本米，而且煮得比較硬，色又唔係禁白，看見都唔多

因為食得早,所以有位裝修方面,我向住大魚缸,真係幾靚反而對雀籠座位就無乜興趣,俾人望住哂咁食物方面,非常一般帶子俾峰壽司差,較薄身,無乜味一生一回壽司選了和牛,幾好味,入口溶化朋友選了toro,佢話有筋,味道一般三文魚一般(賣$9,算啦)海膽一般blue fin tuna看似好dry,但都唔錯海膽蟹棒-無海膽汁,唔好食蜘蛛卷-即是炸軟殼蟹,ok啦海膽炸雞軟骨-雞軟骨炸得幾好,但海膽汁唔似海膽,反而似芝士汁南瓜,芋頭tempura-幾好,好甜菠蘿雪芭-幾清新南瓜雪糕-幾有南瓜味服務好好,人手相當足夠加茶速度極密(密到我諗有d人覺得煩)

新鮮, 唔貴, 好味, 不過好多人等, 要俾d 耐性。另, 入面個魚缸好靚!!