87
55
44
以上资料只供参考，请与餐厅确认详情
食记 (210)
人家話壽司平有平食、貴有貴食，一分錢一分貨不過一壽司店的壽司價錢是不平而且質量與味道麻麻！我今晚食了火炎三文魚$16、青檸燒三文魚$19、汁燒三文魚腩壽司$19和特色唐揚鯖魚$19。火炎三文魚 -- 外觀方面是比起板長的火炎三文魚美觀一點但味道與板長不相伯仲，但質量我嫌薄所以口感一般。青檸燒三文魚 -- 三種火炎三文魚壽司是最好食的因為夠爽口和吃了有點開胃感覺，但質量我都是嫌薄。汁燒三文魚腩壽司 -- 食落與火炎三文魚味道差不多，印象中汁燒的味道都是一般，質量應該可以再厚一點。特色唐揚鯖魚 -- 話明是特色小食的唐揚鯖魚，味道認真差因為最主要有魚腥味本人因為珍惜食物所以難食都要食完；我認為特色唐揚鯖魚應該改為鹽燒鯖魚好過了。服務方面 -- 比起板長好因為一直有加水，服務員有禮貌，唯獨食物的質量與味道要多進步。下次食放題好過！
继续阅读
因為工作關係, 所以成日都會係亞士厘道附近食飯,間中一次服務唔好, 都尚可接受 . 但係近半年,次次去親都侍應都係唔願做咁 .. 成日都見佢地圍埋唔做野... 叫極都唔應扮睇你唔到..... 唉 .... 咁樣仲叫人點幫襯落去呀?
继续阅读
好多朋友仔都話一寿司黑夜時段抵食，之前買左YAHOO!團購， $30當$60用, 但黑夜時段唔用得，就約左同事一齊去食LUNCH1點15分左右到，已經見到有5-6個人等緊位，不過KEEP住有人走，所以好快就入得。店內有個大魚缸，卡位比回轉壽司帶既位多，同平時既壽司舖唔同。LUNCH有3款選擇，$59-79，包一杯飲品。由於有圑購，即係每人可減30蚊，叫左最豐富既$79餐，選了胡麻鯛魚沙律,金芝麻鰻魚卷跟極上刺身丼。胡麻鯛魚沙律上面既胡麻醬好香好好味，鯛魚係厚切既，下面既沙律菜好新鮮金芝麻鰻魚卷好食，鰻魚肥美極上刺身丼，好大碗，有海膽、三文魚、甜蝦、八爪魚、帆立貝、鱆紅魚、北寄貝、蟹肉、玉子同埋蔥金槍魚腩。海膽雖然細細粒但好新鮮，其他刺身都新鮮好食。餐飲個杯好高身，同事話係咪我地生得矮所以飲得咁辛苦?!?! 成完成倨餐好飽好滿足
继续阅读
下課後與同學百無聊賴在尖東閒逛，等返工。路經DNA對面的一壽司，剛好看到2:30PM後午市套餐85折優惠，正好消磨一下時間。到達時3時正，客人零落地散佈在壽司枱和卡座。正中央是迴轉壽司枱，靠牆的是卡座。以黑色為主調，燈光幽暗柔和，走時尚優雅路線。衝著下午茶餐而來，不會散叫壽司，指明坐卡座。兩人位寬敞，夠放隨身物有餘，與其他客人前後相隔甚遠，空間感充足。下午茶時段(2:30-5:45PM)所有午餐85折。午市套餐分$59和$69兩款，都是包小食、主菜、卷物和飲品，$10差別在於主菜。點餐後，三文魚沙律很快送上。外觀不俗，玫瑰花狀的三文魚刺身在最上層，底下墊著生菜、車厘茄。三文魚鹹香有緻，混和了香口芝麻醬的蔬菜亦酸甜爽脆，不錯。友人的茶碗蒸過了一段時間才送上。打開蓋，只是微熱，單看樣子沒有特別。吃下也算嫩滑，配料只有冬菇、蔬菜，略嫌單調。主角隨後而來，外觀已教人失望。甜蝦一隻、三文魚只有寥寥數粒、配合少量青瓜粒和蛋粒，與參考圖片差別甚大。兩口已吃完刺身，三文魚少得吃不出味道。甜蝦帶微腥，口感過腍。飯底用了珍珠米，有咬口，只嫌醋味不足。份量少，吃完不覺飽肚。最後上枱的是卷物，每碟四件。芒果三文魚先來，被蟹籽包圍的飯卷外表正常，味道也正常。鮮甜的芒果加上鹹鮮三文魚產生化學作用，令整道菜清新起來。三文魚辣卷呈上時蟹籽已七零八落。辣汁辣度足，可惜一瞬即逝，比芒果卷遜色。餐飲沒有特別。整體而言，有點失望。一直聽朋友說一壽司黑夜市段有多抵、多好吃，吃完下午茶餐只覺誇大。可能因為下午茶時段所以用料剩餘不多，質素比其他連鎖壽司店略低。不過套餐內容豐富，85折後不算貴，下次會試$69套餐。
继续阅读
一間裝修令我好深刻印象既日本餐廳.一壽司d 壽司好多款式.特別想介紹係吞拿魚壽司.一入口即溶. 好好味呀! 呢度既蟹子沙律, 次次黎到都一定會order. 好好味. 夠多蟹子. 青瓜絲又好味.
继续阅读